Page [unnumbered]
THE PASSAGE OF THE PILGREMER, DE∣VIDIT INTO TVVA PAIRTS.
AS I went throw ane wood sauage,
As did AENEAS to Carthage,
Compast with clouds about,
I wanderd, and I wist not quhair,
As ane mad man, into dispair:
astonisht to wyn out.
The wode wes gret, and wondrous lang,
Of lenth and largitude,
The treis thairof, war stark and strang,
And full of fortitude:
Amasing, and gasing,
Thir treis for to behald,
So schenlie, and menelie,
Thair tops thay did dounfald.
I saw the Ashtre and the Aik,
That AEOLVS gart yeild and zaik,
By his maist bitter blast,
Thocht thay were strang, he gart thame stoup
And all the trees into that troup,
That war affixit fast:
The storme so bitterlie brake out,
as wonder wes to se,
The boriall blasts, with mony schout,
In that forrest did fle:
Not caldly, bot baldlie,
Thay thudit throw the treis,
With rairding, and fairding,