Thomæ Bradwardini Archiepiscopi olim Cantuariensis, De causa Dei, contra Pelagium, et De virtute causarum, ad suos Mertonenses, libri tres: iussu reverendiss. Georgii Abbot Cantuariensis Archiepiscopi; opera et studio Dr. Henrici Savilii, Colegij Mertonensis in Academia Oxoniensi custodis, ex scriptis codicibus nunc primum editi

CAP. XLIII. Tractat aliam responsionem.

POrrò sunt alij tantum horrorem vitare volentes, qui dicunt quòd nunc [unspec E] est possibile Christum nunquam credidisse in proprio genere, Paulum fuisse saluandum. Sed ista responsio incidit in Scyllam volens vitare Charybdin. Si namque quod Christus credidit in proprio genere po∣test nullatenus credidisse, potest & quod similiter voluit nullatenus voluisse, quare & quod fecit exterius non fecisse; potest ergo non orasse, non locutus fuisse, non ambulasse, non passus fuisse, nec ho∣mines redemisse; potest & nunquam instituisse Eccle siastica Sacra∣menta, nec iustificasse quempiam aut saluasse, sicut series rationum 33. & 35. huius pleniùs manifestat; quae omnia planè interimunt hypothesin principalem. Rursum tunc actus cre∣dendi seu volendi Christi creatus in proprio genere praesens vel praeteritus potest nunc non esse, nec vnquam fuisse, contra hypothesin manifestè. Praeterea si Christus secundum homi∣nem

ita potest, potest & alius purus homo vt Paulus, maximè dum sint eiusdem naturae, sal∣tem [unspec A] per omnipotentiam magni Dei, & eius cooperationem, seu assistentiam specialem; po∣test ergo Paulus viator, qui credidit quicquam & voluit atque fecit, meruit, vel peccauit, ni∣hil horum fecisse, nec operationes huiusmodi habuisse, contra hypothesin principalem. Am∣plius si sit ita, possibile est Christum mentiri, peiurare, atque peccare. Asserat namque nunc Christus cum iuramento firmissimo, sine aliqua condittione expressa vel tacita, quantum potest simpliciter absolutè quòd Paulus viator portabit nomen suum coram hominibus, seu liberè faciet hoc vel illud, vel quòd hoc futurum, vel illud eueniet contingenter: adhuc se∣cundum hypothesin possibile est illud nullatenus euenire, quare & est consequenter possibile Christum illud nec nescire nec credere, cùm per praeostensa capitulo proximo non possit de∣cipi vel errare; imò cùm semper omnia vera sciat, possibile est ipsum nunc scire distinctè op∣positum eius quod nunc iuratoriè asserit; est ergo possibile quòd Christus homo nunc iura∣toriè asserat contra mentem, sicque esset in potestate libera viatoris reddere Dominum Deum [unspec B] suum mendacem, periurum, miserum & infamem, quod licèt per se sit satis absonum & absur∣dum, est etiam per prius ostensa 30. secundi vetaciter reprobatum.