This present boke shewyth the manere of hawkynge [and] huntynge and also of diuysynge of cote armours. It shewyth also a good matere belongynge to horses: wyth other co[m]mendable treatyses. And ferdermore of the blasynge of armys: as here after it maye appere.

¶Of losynges how & what manere of wyse they ben made.

ALso losyng{is} no manere of wyse ben made but in armys bendyd. Nor they may not be made by themself. & they ben made alway as thyse ben made bendid. And ye shal haue the mood very dyfference betwyx the forsa¦yd maculatyd armys & bended in the pictures of the forsayd armys. And ye must take this for a ge¦nerall enformacōn & instruccōn: that certenly lo∣syng{is} euermore stonde vpright: y^t is to saye / y^t the highest poynt or the heyght euer ascendeth to he¦uen or to a mannys heed. so y^e the hyghest poynt extendyth vtterly to the heed of the shelde. & of the ouerwharte corners one extendyth vtterly to the right syde. and y^e other cor¦ner extendyth to the lefte syde of the shelde. And y^e lowest parte extendyth to y^e lowest parte of the shelde dyametraliter: as it is open in y^e shelde nexte afore.

[illustration] blazon or coat of arms

And so without dowte we haue the dyfference of the forsayd signys: y^t is to wyte / of masculys & lo∣syngis. Nota ¶Also the forsayd fusyllis neuer ben foūde per∣foratyd nor losynges aforsayd ben neuer perforatyd.