Quid tantos iuuat excitare motus Et propria fatū sollicitare manu Si mortem petitis. propinquat ipsa Sponte sua volucres nec remoratur equos Quos serpens. leo. tigris vrsus. aper etc
WHat deliteth you to exciten so greet meouynges of hatredes & hasten̄ & busien the fatall disposicion of youre deth with youre propre handes. that is to seyn̄ by ba∣tailles or contectes. For if ye axen the deth / hit hasteth him of his owne will / ne deth ne tarieth not his swifte horse. And the men that the serpentis and the lyon and the tigre and the bere & the bore seken to sleen with her t••th yet thilk same men̄ seken to sleen euerich of hem other with swerde. loo for these maners been diuerce and discordant they moeuen vnrightfull oostes and cruell batailles and wilnen to perisshe by enterchaūgyng dartes. but the reason of the cruelte is not ynough rightful. wil tow than yelden a couenable guerdon to the desertes of men. loue rightfully good men & haue pyte of shrewes