Thus he departyd lordshippes of that londe
There he thought was moost expedient
Sūme he reserued in his owne honde
Ageyn to bretayne retourned of entente
Sent out writtes helde a greate {per}lement
After which he made a feest anone
In the cuntre called glowmorgon
At a great cite called carlion
As is remembryd by writynges
Cam many a prince and many a fressh baron
In noumbre I fynde that there were x kynges
Redy to obey arthur in al thynges
Present also as was wele sene
There of erles rekened full thrittene
All the knightes of the round table
Feste of pentecoste as fest principall
Many estates famous and honorable
Of princes barons born of the blode royall
Were present there and in especiall
All that were by othe and promyse bounde
To brotherhede of the table rounde
And i•• fell so while that kinge arthure
As apperteyned sat in his estate
There cam xii sent doun by great loboure
Of olde men chosen of the Senat
Sad of their port demure and tem••••••••••
R••••hely 〈◊〉〈◊〉 of ••oke and of visage
Gray heryd sempt of right great age
First cūnyngly as they ought it due
Cause of their comynge and pleynly what it ment
First of assente the kynge they dyd salue
Next after that they tolde who them sent
And their lettres mekely they present
Concludinge thus to speke in breef langage
Howe the romayns axe of him truage
Customed of olde sith goon many a day
Whan that Cesar conqueryd first breteyn
The kinge requeringe to make theym no delay
Arthur abode list no thynge to seyn
But all the court gan at them disdeyn
The proude bretons of cruell hasty blode
Wold haue theym slayn euene there they stode
Nay quod arthur to all his offycers
Within oure courte they shall haue no damage
They entryd been and come as massengers
And men also greatly fall in age
Lete make there with a glad visage
Toke his counsayle with such as were moste wyse
With this answere sayde in curteys wyse
¶Youre lettres red and playnly vnderstonde
The tenure hole remembryd in this place
Touchynge the charge that ye haue take on honde
To yeue answere reherced in short space
By worde and writinge ye greatly me manace
Howe ye purpose with many stronge batayle
Passe the mountaynes me felly for to assayle
It nedith nat such conquest to alledge
Ageyn Brytons of none olde truage
Of youre cūmynge doun youre way I shal abrydge
With goddes grace short your passage
Make you no delay but with my baronage
Passe the se without longe taryinge
To mete romaynes at their doun comynge
This was the answere youe to the messangers
At their departynge bare with theym greate riches
He bad also vnto his officers
Ageyn to rome anon they gan them dres
Playnly reportynge the plenteous larges
Of worthy arthure considred all thinges
Of cristendom he passyd all other kinges
Arth•• 〈…〉〈…〉
Of marciall prowes to lucius they tolde
And howe that he all other dyd excelle
In chiualrye with whom they were witholde
The chosy•• knightes both yonge and olde
In all europe who can consydre aright
Of all nobles the torches be there light
He cast him nat to paye no truage
Sayd of the romayns he helde no londe
Which •••• diffende he wyll make his passage
Of youre cleymes to breke atwo the bonde
And knightly preue with his honde
Ye haue no tytle ye nor youre cite
Ageyn the breton•• which euer haue stonde fre
With 〈◊〉〈◊〉 the kingdoms subget to rome toun
Kynges princes abo••e the hye mountayns
With lucyus they be d••scendyd doun
To mete bretons vpon the large playnes
Arthures comynge greatly he disdeynes
Bycause he had playnly to discryue
In multytude of peple such fyue