Of the two prefectis / Penestes and a Aman••as
nExt in ordre Penestes dyd appere
Whilom prefect of greate Babilon
And with him cam amantas eke I fere
Another prefect as made is mencion
Which Batt••ye had in his suspection
A greate prouince youe him by iugement
Myd of Asia towarde the occident
These sayde tweyne for their worthynes
And for their manhode 〈◊〉〈◊〉 actys mar••iall
Assigned were by diligent besinesse
To write and kepe in especiall
Vpon the mageste in his estate roiall
Of alysaundre for trust as chamberleynes
Ageyne thassaute and drede of all foreyns
After whoos deth for singuler guerdon
Made prefecte both they were in dede
As ye haue herde that one in Babilon
That other in Battrye the story ye may rede
Yit in quiete they might him nat possede
For selenchus gan a werre agayne them make
That they were fayne their lordships to forsake