Page [unnumbered]
Howe Darie kinge of Perce and mede was out∣rayed by alisaundre kinge of macedoyne
IN Alisaundre called Epirothes
Me list as nowe no lenger for to tarye
Slayne at mischeef for he was recheles
Double of corage for he caude chaunge and varye
For turne I wyll my penne to kinge da••ye
Which that whilom who so list take hede
Moost mighty regnyd in perce and mede
And amonge other notable werrours
Lyke as I d••me by heuynly influence
Only by title of his predecessours
And ••••••ough his prudent royall excellence
••o greate encres of his magnificence
He had all As••e as made is mencion
Vnder his lordship and dominacion
And as myn auctour bochas doth diffyne
He was descendyd from the im{per}iall blode
••f artaxe••ses and borne eke of that lyne
P••ssed all princis of tresour and of gode
In perce and meede his greate empire stode
An hundryd prouyncys teneres of puissaunce
And seuene and thretly he had in gouernaunce
Ouer all as••e towarde the orient
His lordship last bokys make mynde
And had towarde the occident
Ouer Egipt power as I finde
The rede see was nat left behinde
D••mynge him silf of all erthely tresoure
Was none but he lord and gouernoure
Towarde Septemptrion vnder the mydday spere
••is power raught and his regalye
Ouer ynde in cronicles ye may lere
And to the boundes of greate armenie
Lorde of the kingdom that called is Parthie
Worldly folke dempte him with god egall
Maister to fortune and she nat but his thrall
But in his highest exaltacion
Of worldly glorye he coude nat preuaile
For all his richesse and veyne ambicion
But fortune durst him well assayle
In his moost rich royall apparayle
Cast in hir chaungys to yeue him a sharpe shoure
By alisaundre of grece enherytoure
Vnto purpos I wyll my penne dresse
For to declare and make mencion
Howe proude darye in his moost noblesse
Was by fortune from his sete cast doun
For anone after the coronacion
Of alisaundre in macedoyne kinge
This was the processe anone of his werkinge
He nat delayed nor made no longe date
In purpos fully of yre to procede
Of perce and mede the scepters to translate
All their richessys to conquere and possede
Perpetually for to abyde in dede
Vnder Grekys mighty obeisaunce
In macedoyne to haue gouernaunce
And as myn auctour well reherce can
He set in grece the mighty stronge cite
Of Corynth the metropolitan
There to establissh his Imperiall se
In regalibus whan he lyst crowned be
As man whom god list of his might to marke
The world to conquere and be therof monarke
At the gynnynge of his conquest famous
Throughout Grece in euery region
First he chase oute of his faders hous
Knightys that were moost souereyne of renoun
Notable in armys and of condicion
Feithfull and true which had of hye prudence
Forsight in armys of marciall prouidence
To theym he dyd full notably assigne
As men expert in knightly apparailis
To make his stuffe with many rich signe
And forge of stele his plate and his mailis
Gaue theym the rule to gouerne in batailis
For prouidence of yore it hath be tolde
Full moch auaileth of knightys wys and olde
All this accomplisshed he lyst no lenger tarye
This worthy kinge but with his ordenaunce
Purposyd to begynne on kinge darye
And as it is put in remembraunce
In moost proude wise he gan him silf auaunce
First in his weye to brenne and bete doun
Of hasty yre Thebes the mighty toun