Lenuoye
HAue mynde of saul which of estate riall
From lowe degre was callyd for makenesse
But presumpcion made him haue a fall
Of god abiect for his frowardnesse
Lost his crowne the bible berith witnesse
And cause was for his disobeysaunce
To goddys byddynge he yaue none attendaunce
God nat axeth nomore of man atall
But hole herte without doublenesse
For all the giftys which in especiall
He yaue to man of high goodnesse
But he chastiseth all vnkyndnesse
Such as been rebell for to do plesaunce
And to his byddynge yeue none atendaunce
Noble princes vertue moost principall
You to conserue in youre high noblesse
Is to emprente in your memoriall
Feith equyte all wronges to redresse
To susteyne trouth and rightwisnesse
And tofore god holde heuenly the balaunce
And his byddinge yeue hole youre attendaun••••