Howe Eraclius the Emperoure susteyned here∣sye / fyll in to dropsye / and sekenesse vncurable / and so dyed.
aFter Phoras with gret honour and glo••ye
Crowned emperour of rome the cite
In whos tyme as seith the storye
The Romayns stode in greate {per}plexite
By theym of perce that roos with Cosdr••ye
Which toke vpon him to be lorde and syre
As a tyraunte to trouble the empyre
Gate many prouynce and many famous reem
Thrugh all asye as the cronicle seith
Gan approch towarde Ierusaleem
Afore the towne proudly a syege he leithe
As a tyraunt frowarde to cristys feith
But eraclyus maugre all his might
Smet of his hede and slough him lyke a knight
And by grace which that is dyuyne
This famous prince this Eraclyus
In his begynnynge slough many proude sersyn••
Holde in tho dayes notable and glorious
And in his conquest passynge famous
Dyuers relykes of the crosse he sought
And from tho cuntrees many of them he brought