This tretyse is of loue and spekyth of iiij of the most specyall louys that ben in the worlde and shewyth veryly and perfitely bi gret resons and causis, how the meruelous [and] bounteuous loue that our lord Ihesu cryste had to mannys soule excedyth to ferre alle other loues ... Whiche tretyse was translatid out of frenshe into englyshe, the yere of our lord M cccc lxxxxiij, by a persone that is vnperfight insuche werke ...

The apostel seinte pou¦le seyth the fulfyl∣lyng of the lawe ys loue & Seynte gre∣gory seyth̄

¶Quicquid precipitur in sola caritate solidatur /

All thys that ys comaunded in y^e olde lawe and in the newe is / on̄¦ly in loue cōfermed for thys seyth seynt austyn ¶Habe caritatē et quicquid vis Haue ye charite and do what ye wyll so it Agree wyth charite and all shall turne to your wele / As seynt Ambrose seyth af¦ter that same effecte in contrary wordys ¶Qui non habet carita¦tem omne bonū quod habet amit∣tit / who that hath no charyte he le∣seth alle the weles / that he hath or ony thyng that man doth wythou¦te loue is not acceptable to god / & of thys seyth seynte poule ¶Si linguis hominn̄ loquar et angelo∣rum Itē si tradidero corpus meū ita vt ardeā et si distribuero ōnes facultates meas in cibos pauper{rum} caritatem autē nō habuero nichil michi prodest / Though that I cou¦de speke wyth tongue of angell & man And that I shuld do neuer so moche penaūce and yelde my bo∣dy to the fyre to be brente and gyf alle my good to fede poore folkes If I hadde not wyth thys loue in god and to alle folkes for god all thys shuld no thynge profyte / for as seyth the holi abbot moyses All the penaūce that we suffer and o∣ther good werkes that we do or cause to be doon / ne be but Instru∣mentis for to aredy the herte that loue may more sone growe ther in wyth holy deuocon̄ / and thys may ye see be ensample If a nedill sow¦yd

not nor sherid / clipped not who wold hold them in ther hādys mē loue not suche thyngis for them self but for the welys / that men do wyth hem / So is it of the wer∣kys / of penaūce they be not to be be loued for them self only / but for y^e holy loue that growyth in the herte of mā be their helpe and be their pro¦creacyon and that Ihū criste mo∣re sooner sendeth hys grace & ma∣keth the herte clene and of clere syght. whiche none may haue that be ocupyed and ouyr corians / abou¦te worldy vanyteys and carnall loue / for thys that the loue of the world derkyth y^e eyē of y^e thought that it may not knowe god / nor gyue no conforte in beholdyng hym specyally that is full of ioye clere loue of herte as saint / bernar¦de seyth Do seyth he ij thynges / oon is / thys all that ye do of wele do it specyally for the loue of god or for the loue of your neyghbour in god. In alle your dedys haue one of these ij entētes or bothe for the secunde cometh of the fyrste and who hath hys herte enclerde of thys specyall loue no well is doon in heuene nor in erthe but he is partner therof / as seyth saynt powle / ¶Omnia mūda mūdis quoinquinatis autē nihil mundū To folkes of clene harte belon∣geth all clennesse And tho folkes of fowle harte no clene thyng belō¦geth / For thys / ouyr alle other thynges be coryous. to kepe your harte clene in the loue of our lorde Ihū cryst and no thynge desyre in thys world / but only the loue of god and tho thynges that helpyth yow toward hym / loue no thynge for them self / thus as mete and drynke / man or woman or other thynges necessary y^t helpyth yow to your leuyng and to be sustyned in y^e seruyse of our lorde jhū cryste For thus spekyth saynt Austyn to our lorde sayng ¶Minus te amat q̄ aliquod p̄ter te amat quod propter te non amat. This is to sey ye loue god lesse thanne ony other thynge that ye loue wythou¦te hym yf ye loue it not for hym / lo¦ue shall be put in the balannce of saynt myghel and they that moste hath loued most shall be glorifyed in heuene / and not they that haue led hardeste lyf & lengeste penaun∣ce but tho that most haue loued. au¦gustinus. ¶Non diuturnitas temporū / nō vniu{er}ositas bonorum operū auget meritū Sed maior ca¦ritas maior{que} volūtas auget me¦ritum. This encreseth not chefly the meryte to be longe in good lyf & to do many good werkys / But grettest charyte and best wyll en∣creseth the meryte. loue is / the Ce∣nycyall of paradys for is grete

fredom for he wythholdyth no thyn¦ge but geueth all that he hath and hym self also / as saynt poule seyth ¶Caritas nō querit {que} sua sūt. Charyte desyreth not that is hys / owne / and ryght marueylously loueth the swete god charite. for he makith hytte hys chambyrleyn hys coūsellour hys / spouse fro whom he may hide no thinge that he wyll do of thought that he hath in hys herte. as he seyd to abraham in genysis. ¶Nūquit celare po∣tero abrahā que gesturus sum. Shuld I seyde our lord hyde from abraham ony thyng that j may do naye in no maner so dere is loue wyth hym that he makyth it hys felaw and yet wyll j sey more / y^e god makyth it hys mayster for thys / that he doth all that loue hym comaundyth Shall I mow preue thys. ye wythowte fayle be these wordys / For here spekyth he that was the man of the world / that most loued god in hys tyme in y^e booke of Nombrys / ¶Diuisi iuxta verbū tuū nō dicit preces / I had thought seyd our lorde to moyses to auenged me on thys / people But ye sey me that j shuld not / your worde be ther warant / / Men sey that loue byndeth / ye for trouth Loue bonde the allmyghty god so fermely that he myght no thyng do but as loue gaf hym leue now preue we thys / marueyle. ¶Comune nō est qui consurgat et teneat te. Lord seyd I saye wyll ye stryke A wee may sey alas / ther is non that holdeth yow as he ought For yf ony loued you ryh̄t he myght holde yow and lette yow that ye wold not do it ¶In gene si ad loth. Festiua non potui ibi quicquā facere donec egressus fue¦ris. This was whanne our lorde wolde cōfounde sodom and gomor loth hys louer was / ther to whom our lorde seyde haste you to go oute of sodom for befor that ye be gone may I do thē none harme / here ap∣pereth wherbi the louers / of the swete kyng of heuene bindith hym A lone loue how thow arte precy¦ous & wythoute pere Loue is lyke to a precyous stnoe that is of su∣che vertue that who that hath it shall haue what thynge y^t he tow∣che wyth the sayd stone the same vartue hath loue For yf ye loue y^e vartues / or bounteys y^e other fol∣kes haue in them their weles / ye make yours be the towchyng of your holy loue / as saynt gregory seyth / ¶Aliena bona si diligis tua facis. If ye loue the goodnes∣se of other ye make it yours wyth oute ony mor trauayle O loue how thow arte precyous and wyth out pere Nou ryght dere beloued in god take hede to thre thynge be whych

ye may lerne wherfor ye oughte to loue our lorde on thynge is y^e gre¦te welys and graces that he hath geuyn you / on other ys the grete loue that he hath shewed yow: The thyrde that he desyryth your loue so faruently Now remēbre yow wel that grete gyft most comon̄ly dra∣weth & encresyth loue. And what hath god geuyn yon All y^e world wyth the apporthenaunce and pa¦radyse wyth alle hys delytys And to adā our fader alle the thynge & creaturs vndyr heuene as byrdys bestis & fyshys alle were put vn∣dyr y^e foote of man & at our comād¦ment befor the synne of hym wher∣of dauid seyth. ¶Omnia subie∣cisti sub pedi{bus} eius oues et boues And yet for all that these thinges be ordeyned stylle for to sarue the good and susteyne them in the ser¦uyse of our lorde Another gyste hath he geuyn vs and euery day geuyth vs thys is h̄ym self for to kepe vs and helpe vs in alle our nedys. As seyt saynt Austyn. ¶De multis periculis liberauit me virtute sua Quādo errabā re∣duxit me. quādo ignorabā docuit. me / quādo contristabar consolatus est me / quādo peccabā corripuit me quando cecidi erexit me. quādo ste∣ti tenuit me / quando iui duxit me / hec et alia multa fecit michi domi∣nus meus / de quo erit michi dulce semper loqui / semper cogitare / sem∣per gracias agere / Of many pary lys hath deliuered me my sauioure whāne I walked he led me. whan I cowde nat he taught me / whāne I synned rep̄ued me / whanne I was heuy he conforted me. whāne I fell he areysed me. whāne I stode he sustyened me / whāne j zode he led me Thys grete bounteys. & many other hath doon to me mi lorde jhū cryste of whom it shall be alwey swete to speke and to thynke and alwey to yelde hym thankynge. For full euele shull befalle of vs if he tooke not good kepe of vs for our enemyes haue besette vs / all abooute to cōfounde vs. Thys ys to / knowe. our flesh / the fende: and the worlde. vnde versus. ¶Nos certant triplici certamine tres ini∣mici. Serpens antiquus caro lu¦brica mūdus iniquus / Thre ene∣myes greue vs / be thre maner of batayles as the olde serpente the fē¦de and the frele vnstabyll flesh & the deceynable worlde / as saynte Barnard seyth ¶O anima inno¦cens. o lilium candens O flos te¦ner delicate vide quomodo caute ā¦bules inter spinas habitas subu{er}∣sores tecū habes: intra te sūt extra te sunt / super te sunt / circa te sunt In carne tua sunt O ye Innosent sowle O ye flour of lely fayr and whyte O ye tendyr & delycyous

flour take kepe that ye go wysely amonge the thornys for ther in ha¦byte your dedely enemies that way¦te to ouerthrowe yow and wyth inne yow they be & wythoute you they be ouyr yow they be and roun¦de abowte you they be / now se how grete a gyfte this is of god for to defende yow be hys good wyll / as dauid seyth / ¶Scito bone volun¦tatis tue coronasti nos / Fayr lor∣de seyth dauid / gret thynge haue ye geuin vs / for ye haue crowned vs wyth the shylde of your good wyl But these gystys beforseyd be but lytyll in comparyson of on gyste that he hath geuyn vs / that is the gyste of hym self for so moche lo∣ued he vs that he hath geuyn hym self to vs wherof saynt poule seyth ¶Cristus dilexit eccleciā et dedit se ipsum pro eo. Ih̄ū cryste loued so moche hys loue y^t he wold gyf hym self for hyr so hye a gifte was neuyr geuyn to suche wretchys. ne for suche wretchys / Augustinus. ¶Miser ego quantū debeo dilige¦re deū meū cum me fecit non arbo¦rē nec auem nec aliquod de anima¦libus Sed hominē me voluit esse Seyth saynte Augustyn alas I wretche how I oughte to loue my lorde god that made me whāne I was no thinge and nother tre nor byrde nor non other beste but man wolde he that I ware and gaf me wherwyth to leue and to fele and knowe good & ylle I was perishte and juged to deth & he dyscēded to me mortall & mortalyte receyued suffyrd pascon̄ and veynquyshte deth and thus he me restablyshte wher j was parysht & sold in myn owne synnes / and he cam aftyr me to bye me ageyn. and so derely lo∣ued he me that the pryes of his pre¦cyous blood he gaf for me be suche condycon̄ that the remembraunce of hym shold alwey abyde in me /

In canticis cāticorū sponsus ad sponsam / ¶Pone me vt signaculum super cor tuum Et vt signaculū super brachium tuū / Fayr loue seyth our lorde and loue jhū cryste put me as a lytyll seale on your herte to the entente y^t ye may thynke on me oftyn / & put me as a seale vppon your arme so that ye enbrace me wyth holy deuo¦cyon. Ryght dere beloued frende in god now take hede ententyfly and wyth grete deuocyon to thys en∣sample that folowyth / and wherfor ye shuld loue thys swete jhū cryst therin shall ye fynde delicious ma¦tyr for thys hath doon jhū y^e kyng of glorie be your sowle that is hys loue as doth a kynge of farre con∣treys. that louyth a strange lady & sendeth his massēgers / before wyth hys lettyrs of loue: In the same maner dyde our lorde Ihū y^e sente

hys patryarkis & hys prophetis of the olde testamente wyth letters. These ware the swete prophecyes. of hys gracyous comynge in to er¦the & thāne at the laste he cam all preuyly and brought wyth hym y^e gospels as lettyrs opened & wre∣ted wyth his precyous blood. and wyth y^e same saued he hys loue to conquar hyr Now leth her a tale in syngnyfyaunce of the entyre loue of our swete lorde Ihū cryste Ther was a lady som tyme in gret war¦re wyth hyr dedely enemyes y^t had dystroyed the substaūce of all hyr londe and she all poore was bese∣ged in an olde castell wyth hym rounde abowte & thys castell was weyke and made of full febyll ma¦ter Neuertelesse ther was a ryche kynge and of grete power y^t mar∣ueylously loued her wyth suche far neuce that often he sente hys messē¦gers on to her & sente her mani fair Iowellys & good socours wher∣wyth she myghth be susteyned and good helpe of hys noble meny to defende hyr & hyr castell And she receyued alle these thynge as a vy¦leyne y^t vnuethys cowde yelde hym a gramercy for alle these grete we¦lys so rude & harde was hyr herte how be it had not the bounte and the pyte of thys noble kynge bene she had be vtterly loste & dystroy∣ed for he was so supprysed wyth hyr loue that at y^e laste he cam him self to the rofe of the tour and she∣wed hyr his fayre visage whiche was most fayr of alle other to be∣holde and spake to h̄yr soo swete wordys / & delycious y^t they myght haue quikned a body half dede: Ther dyd he mani marueyles / and shewed grete mastryes / and befor hyr eyen preued parte of hys po∣wer. and tolde of hys rych̄esse and offrid to make hir quene of all y^t he hade & to gif hir all his reme with thys that she wolde gyf hym hyr loue wythoute more But thys was in veyne for hyr lone wolde she not promyse hym A was not thys a grete abusion of thys bestly wretche that was not worthy to serue vndyr his fete / yte of hys de∣bonarite pyte hadde so veynquysht him be fors of loue y^t at y^e laste he se¦ide A madam I se well ie be gretly greued wyth your enemyes that be soo ner you and so fers & stron∣ge that ye may in no wyse escape ther handis / but they wyll put you to euele and sorowfull deth but ye haue helpe / wherfor I wyl for your loue entyrprise this bataile vppon them to dyscon̄fyte your enemyes how be it I knowe well y^t I shall receyue amonge them full harde & dedely woūdys but wyth my good wyll I shall take them tho wyn∣ne your herte And now I pray

you full petonsly wepyng for the grete loue that I shall shewe you that at the leste ye wyll loue me aftyr my peynfull deth syth in my lyf ye wyll not loue me thanne in thys maner entyrd thys kynge in to this batayle and dystounfyted alle hyr enemyes / & delyuered hyr from them that purposed hyr deth and was hym self wounded so so∣re and greuously that he dyed but by miracle roos / he frodeth to lyue was not thys lady ouyr vnnatur¦ell and moche to be blamed if she lo¦ued not hym ouyr all other Thys same kynge is the swete Ihūs y^t in thys maner hath loue to our sowles. that fendes hadde beseged and he as a noblē sauyour sente hyr many massengers & many gre¦te bounteys doone to her. and fy∣nalle cam hym self for to preue hys loue and shewed well be che∣ualrye that he was / worthi to be be loued / wherof seyth saynte barnar∣de / ¶Nonne dei filius cum esset 〈◊〉〈◊〉 sinu patris a regalibus sedi∣bus pro anima tua descendit vt eā liber••ret a potestate dyaboli quam cū audisset peccatorū finibus irre∣tica iam{que} demonibus tratēdam vt morte perpetua dāpnaretur fle∣uit super illa qui se flere nesciebat nec solum fleuit sed ecia occidi per∣tulit / vnde versus Aspice morta∣lis per te datur hostia talis / Ne se you not ryght dere freendes seyth saynte Barnarde that Ihū cryste the sone of god how that he beynge in the bosom of hys father descen¦ded fro that ryall sete in the heue∣nly empyre for the loue he hadde to your sowle to delyuer hyr fro y^e power of the fende whanne he har¦de how she was beseged and wyth the bondys of synne enbrased and wythoute taryenge sholde haue be deliuered to the fende to the preson of helle and was condempned to pardurable deth / And he be grete pyte and compassyoun wepte full tenderly for her in asmoche as she nother cowde wepe nor helpe hyr self and yete he wepe not only but offryd hym self to dye for hyr rele∣fe Beholde now mortall wretchys who suffrid deth for your lyf / thys dyd the swete Ihesus the kynge of heuene to wynne your loue as knyghte were wone to do som ty¦me he cam to the tourney and for the loue of his loue whiche is iour sowle bar his shyld on alle partys of the bathayle as A valyaunte knyght and A hardy Hys shylde that couered the godhede was hys blessed body that was spred vppon the harde crosse ther appered he as A shylde in hys armys wyth hys handys streyned and persed and hys feete nayled

down as summe men sey the tone vppon the tother And wher thys shylde had no syde syngnyfyeth y^t hys dyscyplys that sholde haue be shilde to his sydis / fledde alle / from hym as he seyth in the gospell· ¶Relicto eo omnes fugerunt. They be alle fledde & lefte hym all for fere of deth Thys shylde is ge∣uyn vs for our dyffense ayenste alle euelis and alle temptacon̄. as saynte Ierome seyth / ¶Dabit stictū cordis in laborem tuū. Lord jhesu cryste thanked be ye / ye haue geuyn vs a shylde for our hertes whiche is y^e thoughte of your peyn¦full / trauayle wherof seyth saynte Barnard. / ¶Quid tā efficax ad curandū vulnera nec nō ad pur∣gandū mentis quā cristi vulne¦rū sedula meditacio / what thynge is so spedfull to hele and purge y^e spyrytuall woundys. as ententyf medytacon̄ of y^e sorowfull woun¦dys of our swete lorde jhū cryste / & dauid seyth wyth thys shylde be ēuyron̄ed alle they that louē hym And serue hym nyght and day. Scito circūdabit te veritas eius non timebis a timore nocturno. Ne drede we nat y^e fere of y^e nyght for thys is the trowth the sone of god / enuyroundyth vs wyth hys. shylde where sum euyr we be. and it more be his good wyll with hys shylde he hath crowned vs. as da¦uid seyth for wyth hys good wyll suffyrd he all thys. as Isaee seyth. ¶Oblatus est quia ipse voluit / Now wyll ye sey parauēture wher¦for suffyrd he these marueylous grete peynes myght he nolightlyer redeme vs fro helle A yis / yis my∣ght he wyth moche les yf it had pleased hym / but he wolde not so wherfor but to shewe vs how mo∣che he loued vs and to gyf vs en∣sample to loue hym: for suche as men loue lytyll they lette it lyghtli go and if they haue it not they as∣ke not theraftyr / & also the more peyne and harme that a man suf∣fryth for hys frende the more hys he to be beloued / wherof saynte ber¦narde seyth / ¶Amplius michi vilis esse non debeo quia tantum deo placuit anima mea. vt mori pro me eligeret ne me perderet. In asmoche as the swete jhesus was more vyle in erthe for me in so moche ys he to me more dere in swete loue for I coude not thynke that he had loued me so moche / A swete Ihū fro hensforth ought I not to sette lyttyll be my sowle syn it was so pleysaunte to hym that he chaas rather to suffyr deth thā¦ne lese it Itē Barnardus ¶Nisi amasset me dulciter nō me in car∣cere Requisisset illa maiestas. If y^e swete jhesu had not loued me the more feruenhly he had

not come from hys hygh ryall ma¦ieste for me that was so lowe in helle In thys shylde be thre thynges y^e ton is / the wode. y^e thother is the skyn. and the thyrde is the colour Thys it is of the shylde that Ihū cryste hath lefte yow The wode of the crosse the lethir of the peynfull passyō of our lorde. And colour of hys red blood / Thāne the skyn of hys precyous body was all to ren¦te and broken and colowred wyth hys precyous blood and the crosse also The thyrde reson of thys shyl¦de is that aftyr the deth of a valy¦aunte knyghte men shulde shewe hys shylde in the remembrance of hym Thys shylde is the crucyfyxe that is / sette in y^e chyrche wher mē may se and thinke of the cheualrye that our lorde jhū cryste dyd on hye vppon the crosse / on the mounte of caluarye befor theym of hys bles¦sed dere sorowfull mother / Thys shylde is hāgyd vppe in euery chyr¦che y^t hys loue whyche is our sow¦le may beholde how dere he hath bou¦ght her / he lette not to bere hys shyl¦de & to opyn hys syde to shewe hys herte & shewed all openli how entyr¦ly he loued hyr and how she oughte often to thynke of the tokenys of loue that in thys shylde is: syngny¦fyed / wherof seyth saynte Bernar¦de ¶O felix anima aspice inclina¦cionē capitis ad osculū / extencio¦nem brachiorū ad ampbexum. O ye blessed and happy spowse of jhū cryste beholde on the crucyfyx the shylde of jhesu cryste your spowse And se the inclinacyon of hys hed to kysse yow / se the spredyng of hys armys to clyppe yow beholde the openynge of hys syde and the crucyfyenge of hys fayr body and wyth greet affeccyoun of your ho¦ly loue turne it and returne it from syde to syde / fro the hede to the fete and ye shall fynde that ther was neuer sorou nor peyne lyke to that payne our lorde Ihesu cryste endu¦reed for your loue & seyth he hath geuyn so myche for your loue and yet may not haue it / It is gre mar¦ueyle I may seyth he gyf now no more wherfor ye wyll loue me and that forthymketh me but whanne I may no forther I shall sey suche thynge wherof ye shall haue pyte yf ye wyll at the leste be charyte of gret gyftys. wherof speketh saynte Barnarde. ¶Uere compaciendū est ei qui dedtt nobis clauos in salsam carnem in cibum / sangui∣nem in potum / aquam ex latere / in balneum sudorem sanguinis in medicinā: & propriam animam in redempcionem. Trewly is the swete Ihesu cryste A herttely lo∣uer and A compassyonate that hath gnuyn vs / so many grete spe¦cyalteys Beholde

how he hath geuyn vs / hys nay∣les in sauce. hys swete fleshe in mete / hys precyous blood in dryn∣ke watyr of hys precyous syde in Baynes hys blody swete in mede¦cyne / hys propyr blessed sowle in our redēpcyon A what may wee more axe that he shuld gyf for vs Alas / alas / full harde is that her∣te and full vnnaturell that wyll not loue hym that hath geuyn so moche for their loue-here is a gret specialt wherfor we shold loue god The secunde cause wherfor god is to be beloued more thāne ony other thynge is for the mar∣ueylous. gret loue that he hath she∣wed vs. ouyr alle other louys. Ther be four special louys: in this worlde y^e one is. betwene ij good felawes The tother betwene mo∣ther and chylde / The thyrde betwe∣ne body and sowle And the fourth betwene mā and wyf But the de∣re loue that Ihū cryste louyth vs and also that we shulde loue hym. passeth & surmounteth alle other louys Men myght say that thys / were a right good felaw that wol¦de laye hys plegge in place for to aquite hys / felaw owte of dette & of vsurye / but the swete Ihū put hym self in place and leyd hys ten¦dyr body to aquyte hys loue why∣che is our sowle owte of the pry∣son of helle and of alle vsuryes wherof dauid seyth ¶Et pro vsu¦ris et iniquitate redimit animas eorū. From alle vsuries and yny¦quiteys / he hath redemeth our sow∣lys Take hede now who brought thys pereaunte to the place. wete ye well it was the blessyd mayden our lady saynte mary that bare the swete Ihū. the sone of god in hyr vyrgynall wombe in the tyme of wynter. & in the cyte of Beth∣lē for to put hym in plegge to ma∣ke our pees. in the place wher the aungels / sunge gloryously befor hys▪ fader in heuene: ¶Gloria in excelsis deo / et in terra pax. Glo∣rye be yeldyn on hye to god and in erth pees to mē of good wyll But loo how malycyous were these cru¦ell Iewes. that they deyned to log¦ge this lady that bare thys blessed plegge and in so colde atyme as it was thenne in wyntyr / parauen∣tur it was frost and the pure vyr∣gyne mary grete wyth chylde / and wente to seke sum place wher she myght reste hyr she was so wery of the gret trauayle that she hath in walkynge moche of that day tell it was. nye nyght and wyst not whether to goo sauf at the en∣de of the town was ij hye walles of rokkes▪ and thys pytons wery vyrgyne entryd ther and founde an oxe. and an asse teyed ther and so streyght was the

place. that vnnethe myght she and Iosoppe hyr spowse haue ony rome to sytte in wyth ese. but ther were they fayne to reste tyll it was my¦dnyght / that the sone of god was borne / and so poore was the bedde of thys lady and so streyght that h̄yr chylde might not lye by hyr as seyth the gospell. ¶Peperit filiū suū primogenitū & pannis eū in voluit et reclinauit eū in precepio quia nō erat ei locus in diu{er}sario. Mary bare a sone & wrappyd hym in poor clothis / and leyd h̄ym in y^e rakke before bestys▪ for thys. that she had not in all the worlde so moche place that hys lytyll swete body myght lye in: for yf she had put hym behynde the bestys yt was / so streyght there wher folkis vsed to go and cum that they shul¦de haue hurte hym wyth their feete the way was so nere there Now I pray yow ryght dere sustyr remem¦byr yow stedfastly whāne ye lyein your large softe bed wel arayed wyth ryche clothys and warme co¦uerynge and hote furrys / so well at ese and your Ientylwoman so redy to serue yow. thāne thynke ye often wyth gret pyte how she that was / the quene of angellys / and Empresse of all y^e worlde how hyr bed was / streyght and harde and arayed wyth pore clothys. & was so colde a tyme of the yeer and at y^e oure in the nyght And how thys poore and petous lady had grete desyre to serue him & in likewise ha¦ue in your mynde how hyr swete sone our lord jhesu cryste lay full hard in the rakke weymentynge and tendyrly wepyng as for colde and dyssese. as chyldyrne do werof a holy man speketh▪ ¶Vagit in∣fans inter arta conditus / presepio The lytyll chyld waymentyng & wepyng full petously where he lay betwene the bestys / in the streyght manger hys. swete tendyr body wrapte in poore clothys / suche as that blessed vyrgyn hys moder had¦de bounden hys handes hys feete & hys theyes / wyth a streyght bende And thēne If ony had come to jhū cryst and seyde to hym A ye swete babe that be so yonge and so lytyll wherfor make ye suche sorow and wepe so petously he myght haue an¦swerd. yf it had pleased hym and be of age to speke. what marueyle is It though j make sorow for I kno¦we well y^t I am comyn in to thys▪ place owte of my celestyall glorye for to aquite suche folkys. that wyll not loue me. nor I shall ne∣uyr haue on̄ good day nor on̄ goo¦de hour and I am now among so felon people that wyll put them in deuour day and nyght to sey & do me all y^e harme & peyne y^t they may thynke or deuyse Neuerthelesse I

shall enforce me now so that my frendis for whom I am come he∣ther wyll loue me / but thys. is / a gret sorow that they for whome I am come shall con me so lytyll thā¦ke for all y^e loue that I shewe thē in my comynge. and for all the pey¦ne and turment that I shall go to My dere frende in god trewly if ye thynke on all these thyngis I beleue veryly that in the nyght ye wyll lye in suche thoughetis and haue befo•••• your bed an Image of our lady and salew the crowned quene of the celestyall trone and hyr sone Ihesus the hye kyng of heuene that lay in the vile sta∣bil thus poorely / I pray yow thyn¦ke thēne on mi synfull sowle that It may haue parte of your deuo∣cyon and I trust we shall fynde thys that seynte poule promyseth vs where he seyth yf we haue com¦pacōn to gadyr in erthe wyth Ihe¦sus and wyth hys blessed moder we shall reyne togeder in he∣uene wyth our lorde and hys swe¦te moder thys ys a full good con∣uenaunce Now remēbyr yow wel that the lenger the plegge lyeth in a place the more vsurye rennyth vppon It / vppon thys precyous Iewell that lay more thāne xxxij yeer in plegge and the lenger that he leuyd the more gret & greuous was hys peynes and sorowys a•• he seyth be the prophete dauid Super dolorē vulnerum meo{rum} ad d••••••rūt. The•• encreced alwey mo∣re and more vppō the sorowes of my woūdys. ye trewly for in all hys lyf suffyrd he the grettest po∣uerte and the gretteste vylene and peyne that euyr yette ony man my¦ght suffyr / wherof hym self seyth by dauid ¶Pauper ego sum et in laboribus a iuuētute mea exal∣tatus / & humiliatus et cōturbatus Alwey syth my yongthe / syth I was / a lytyll chylde I haue be full poore and yn gret trauayle and in full gret and hard peynes exal¦ted and humbled & full anguish∣ly troubled Alas / what pyte was thys of the swete Ihū criste that was in suche pouerte on palme sonday whāne he had preched the worde of hys fader before None & bode all the aftyrnone fastynge tyll euenynge and behelde full pe∣tously abowte hym to se yf ony wold haue pyte of hys / dyscyplys that were hungry / but none ther was / y^t deyned to gyf hym or them mete nor wolde logge hym in all the cyte of Ierusalem. wherfor it be¦houed hem to go that euenynge to grete leges thens / to the castell of Bethanye at the hou•••• of martha and mary magdel••yn And as the gospell 〈◊〉〈◊〉 hys dyscypl••s had at that 〈…〉〈…〉 gret hungyr y^e

as they wente thrughe the feldes they wente in to the whete & gade¦red of y^e eris and rubbyd theym in theyr handes and blewe away the chaff and ete the greines. and yet were they full egerli repreued and blamed of the felon Iewes. and so grete haste at somtyme had hys poure diciples there that thei toke no kepe to washe theyr handes or they set theim doun to y^e borde and of him selfe it is writen. ¶Ihes{us} fatigatus exitinere sedebat super fontem &c̄ Ihū was one dai weri of grete walkyng that he hade / and sate doune for to rest him bi a wel¦le syde. & cam a woman of sama∣rye to fetche water at y^e welle. and the swete Ihesu that was so wery for trauyle prayd hyr to gyue hym drynke / And she wolde not but be∣gan̄ to chyde wyth hym / wherof he myght say by the prophete dauyd ¶Defeccio tenuit me pro pecca toribus derelīquentibus legē tuā Full greet defaute holdeth me fayr suete fader for synners / that refu∣se your commaūdemēte / this nyg∣hte y^e swete Ihesu cryst said to his fader / him self pleineth him of this defaute ¶Vulpes foueas habent et volucres celi nidos. filius autē homūs nō habet vb•• capud suum reclinet My dere swete fa•••••• mercy I am pouer in erthe for: fo••is ha∣ue holes where they may lie birdes of y^e wode haue nestes where they may reste And Ihesu crist the sone of mary hath not so moche of pla∣ce as he may leen hys hede to / alas what pouerte is thys / a god merci Saynt gregory /

¶Magna abusio et nimis mag¦na quod velis vermiculus vult diues esse pro quo ita pauper fuit deus sabaoth et dn̄s magestatis / Grete abusyon is it / and ouer gre¦te skorne that suche vyle wormes in erthe as we sholde desyre to be so ryche sythe he that was / the kynge of glorye & lorde of all power suf∣fred suche pouerte here for vs / Item bernardus / ¶Summu•• magister elegit paupertatē esurie sitire mori sicut ista sunt simplici¦ter eligenda qui tibi aliud / dicit. sit tibi 〈◊〉〈◊〉 ethineus et puplica∣nus / Ihū cryst the grete kynge & mayster chose pouerte and suffred hungre & thurst wherby yet shew∣eth well that thyse are thynges specially to be chosen and who that wyll say otherwyse holde them as a myscreaunte / Se what vsurye of egre pouerte ran vpon thys ple¦dge in the place where he was put∣te for vs. Now haue we sayd sō∣what of hys pouerte / but what vi∣lany suffred y^e swete Ihesu cryst in this lyfe in the place where he laye soo long for vs / For the gospel sa¦yth that whan he prechid to the pe¦pyll

for the sauacyon of theyr sow¦lys & opened to them the ryght wa¦ye towarde heuen & whanne he hade ended hys ryght swete sermon for all his seruise y^e felon Iewis ster¦te on hym and wolde haue stoned hym to deth & thēne seyd he full pe¦tously alas fayre folkis wherefore wyll ye now sle me. ¶Multa bo¦na o{per}a ostendi vobis a patre meo {pro}pter quod opus me vultis lapi∣dare / Many good werkys haue I shewede yow fro my fader for y^e wh¦yche ye wolde sle me / Ryght as he hade sayde to them / I haue geuen mete to yower poer folkes / I ha∣ue made your seke folkys hole I ha¦ue done all y^t ye haue desyrede me I haue thaught yow the scrypture of my fader & now wolde ye sle me ¶Non ex operi{bus} bonis lapida¦mus te sed de blasphemia et nūc sci¦mus quia demoniū habes / They answerede. for thy good werkys we wolde not sle the but for thy blaspheminge & that we knowe fu¦ll well thow haste a deuill wythi¦ne they body. ¶Et Ihesus abscon¦dit se et exiuitde tēplo / And Ih̄s hi¦de him & wente oute of y^e tēple whā he sawe y^t they wolde haue put hym to this shamfull deth he made a so¦roufull cōpleinte by y^e {pro}phete dauid ¶Ego sū vermis et nō homo ob¦{pro}briū hoīm & abieccio plebis / Right swete fader mercy what shall I do I am holden so vyle in erthe for syn¦ners that these folkis take me not as a man but as I were a worme / I am in reproche of men & of all caytyffys I am in abyeccyon / A what meruaile was this yf he ma¦de suche compleynte to hys fader y^t sente hym hedyr / where alwey he re¦ceuide euyll for his gode dedis / and harme & hate for hys swete loue / & grete shame for hys honour as hym self seyde· ¶Retribuebant michi mala pro bonis et odiū pro∣dilecione me a / They yelde me euy¦le for wele & hate for loue / Alas what vylete was thys that Ihes•• cryst suffred amonge this malicio¦us folkys / that alwey in hys bles¦sid wordes were cruell & ayen sey∣ers and in hys holi dedys they we¦re preuy aspyers and in hys angu¦yshous peynes / they were sorufull & in hys preyrs he hade poor con¦forters / & in hys gracious dedys ful few thankers wherefore he pley¦neth hym in osee the proohete. ¶Consolacio abscōdita est ab o∣culis meis / Euery conforte in th¦ys worlde is hyde before my sorow¦full eien as y^e {pro}phete dauyd seyth. ¶Heu michi quia īcolat{us} me{us} {pro}¦lōgat{us} ē And ī y^e gospel of marke Ogeneracō incredula {quam} diu apud vosero {quam} diu vos paciar / Alas I sorowfull for this y^t I am so moche {pro}lōged here wyth these myscreaūt

folke where I haue so longe aby∣den in pledge And of thys spekyth saynt austyn to prowde folkes. ¶Ecce humilitatis exemplum superbis superbie medicamentum quid ergo intime sis homo. O pel∣lis morticina / quo tēdis insanies fedida quid in flaris princeps tu{us} humilis ē & tu superbus capud tuū humile et tu membrum superbi dia¦boli et comes membrorū suorum ¶we haue ensamples of mekenes medecyn ayenst pryde wherfore / wretched men dyscharge yow ther¦of / O ye mortall careyne wher∣fore goo ye in suche height o ye styn¦kyng fylthe wherfor be ye swollen wyth rotyn pryde was not your / prince & hede hūble & ye that be hys subiect{is} & membryrs be pryde ma∣keth yow felawes to the fende and hys membrys ¶Item Erubesce homo esse suber{bus} qr factus est de∣us humilis ¶Haue shame wret∣chyd man to be prowde yn asmoche as god y^t made yow ys humble ¶Discite a me qr mitis sum et humilis corde ¶Lerne ye of me y^t am debonair & hūble of herte sayth our lorde / Ihū cryste yn the grete payne that he suffyrd yn thys pla∣ce of owr mortalyte / Thys ys the thyrd parte of vsurye y^t ran vppon thys pledge was the swete body of our lorde Ih̄u cryst wherof hym self sayth he Ierom the {pro}phete. ¶O vos omnis qui trāsitis per viam attendite & videte si est dolor sicut dolor meus ¶O ye alle fol∣kys that passe be the waye of thys synfull world beholde & se yf ony so¦row or peyne be so grete or lyke vn¦to myn Trewly neuyr man borne of moder led so sorowfulk lyf nor y^e suffyrd so peynfull deth as / The swete. Ih̄u cryste ther as he lay yn pledge for hys loue / For tendyrly wepynge cam he yn to thys world wherof he pleneth hym be y^e {pro}phete. ¶Caligauerunt oculi met a fle•• tu meo & alibi languerunt occuli mei pre inopia.

¶My fayr eyen be com all derke so moche wepe / I for my loue that wyll not loue me & all the clernesse of myn eyen be anysshe for peyne & dyssese / And what merueyle for he wente poorely & petously yn erthe all barfote yn colde yn hete in harde yn soste fro town to towne from coūtre to coūtre whyche was full of frost / and snow a•• seyth seynte barnard·

¶Exiuit a patre deposito diade∣mate aspersit caput cinere nudo pede eiulans et flens venit querens il∣lum qui perierat

¶He cam from hys fader & put of hys crowne of the reyngne celes••tyall & strewid his hed with ashys all barfote syghyng / & wepyng & full petously lamentyng cam heder

to seke his loue that same pore cay¦tyf y^t was perysht / A god mercy how he was in gret heuynesse & ma¦ny syght{is} and desyrys to hys Ioye fro whens he cam Trewly he was not to ••lame for he cam from hys gret honour that ys to sey whāne he was wyth hys Angels & archā¦gels whyche were redy for to ser∣ue hym to his pleasur & now was the swete Ihū in preson in thys valey of mysery wher so many vn¦happy pepyll were to shame hym & mokke hym to sey & do euylle vn¦to hym wythoute pyte as hym self seyth. ¶Multiplicati sunt su{per} capillos capitis mei qui oderunt me gratis.

May enemyes be multyplyed mo∣re thanne the herys of myn hed y^t hateth me dedeli Beholde now him y^t was in so gret ioye & eses he y^t was kyng of heuene y^t had nede of nothyng y^t was in erthe deyned to com in so gret defawte as for to suffyr so sorowfull peynys and so gret labour as to be in colde in hun¦gyr in thurste & in hardnesse / & we∣rynesse yn heuynesse & shortly to sey alle y^e euelys & peynys y^t we haue deserued fyll vppon hys gloryous hed wherof sayth ysaye.

¶Vere langores nostros ipse tu lit & dolores nostros ipse portauit et nos putauim{us} eum quasi lepro∣sum percussum a deo & humiliatum Trewly Ihū the swete kyng of he¦uene suffyrd langour & bare the so¦rowys & peynys of our deserte vp∣pon hym self & for the gret anguis¦shis & shamis that he suffird folke wende that he had ben a mesell A god how humble ware ye to suffyr them so cruelly / & vengably to stry¦ke yow & for such anguysh he pley¦ned hym to his father in y^e gospell ¶Nunc aīa mea turbata est et quid dicam pater saluifica me ex hac hora sed propter hoc veni in ho∣ram hanc ¶Now ys my sowle gretly troblede. A what may I sey fayr dere fader saue me nethelesse her fore I cam in erthe to suffyr so hard peynis to aquyte my frendes & of all thys made he no force yf he myght haue wonne the loue / our sowle for the whyche he suffyrd so gret sorowys & greuous peyne yn y^e place wher he was put for our lo¦ue / wherfor ye may well thinke for trouthe that yt behoueth vs to suf∣fyr sum penānce for hym & for our sauacon̄ / how beyt he hath no nede of vs of our good dedys wherof dauid sayth ¶Bonorū meo{rum} non indiges dn̄e ¶Fayr lord seyth he ye haue no no nede of my good dedys / but for all that good wyll not saue a man yf he helpe not therto hym self as seynte Aus¦tyn seyth. ¶Qui fecit te si∣ne te non iustificabit te sine te.

that same that made yow wythou¦te yowr helpe he will not saue yow wythoute your helpe / and the glose vppon seynt powle. ¶Deus pro omī{bus} sāguinē suū fudit illis solis prodest sanguis xp̄i qui vo∣luptates deseruūt & se ip̄os affligūt God shed hys blood for alle but to them only shall hys blood profyte in redempcon̄ / y^t leue the delyte of ther flesh & chastyse their bodies in penaunce / for yt shulde be no reson that he shulde suffyr all the peyne / & we shulde haue all y^e ioye here / & el lys wher / For trewly yf / we suffir not som penaūce. The father wyll no more spare vs hys ylle chyl∣dyrn: thāne he dyd the swete Ihū cryst hys good chylde wherof seynt Bernard sayth ¶Qui non pe¦percit filio suo nunquā fimento nunquā parcet seruo nequ••m How shuld he spare vs vyle styn∣kynge fylthys. y^t spareth not hys swete sone Ihū cryst. how shuld he thāne spare hys fowle and euele fe¦lons / Now I pray yow sith yowr sowle ys the loue of Ihū cryste the hygh kynge of heuene that yf ye may no more do for his swete loue yette at y^e leeste y^t ye haue often yn remēbraunce these thre maner of anguyshys that he suffryd / so lon∣ge in the place wher he lay for your aquytayle / Whāne ye beholde your ryche clothis & other fayr Iewellis your gret horses / & fayr harneys thāne bethynke yow of the poor clothyng that your lorde & loue ihe¦su cryst & hys dyscyplys hadde & how they wente abowte barfote yn wyntyr & in somyr / & what dyssese they suffryd / & also often whāne ye sytte at y^e tabyll so rychely arayd & serued & goodly Ientylmē abowte yow so well araid & well seruinge y^t serue yow so no••ely wyth cup∣pys of gold & syluyr vessell wyth so many & dyuerse / & good metys wyth delycyous sawses & pleysa∣ūt wynes / Thāne remēbyr yow wyth gret compascon̄ how poorely the ryche kyng of heneue was ser∣ued your spowse the swete Ihūs whāne he was so wery for gret tra¦uayle & hungyr y^t yt behoued hym to go owte of y^e cite of samerie in y^e mene tyme that hys dyscyplys wē¦te in to y^e cyte to fetche bred & in the mene whylys cam a womā to fet∣che watyr at a welle wherby he sat∣te / & he preyde the woman to gyue hym of hyr water to drynke / but she wold not but rather repreuyd hym full egyrly / & he spake ageyn so benyngly to that woman that she was conuerted & than cam hys discyplis. And brought mete and set them all down wythowte ta∣byll and wythoute cloth / & {per}auen∣tur toke one of ther poore mantel∣lys & set theron ther bred & sayde▪

Rabi māduca & dixit eis. Ego ci∣bū habeo māducare quē vos nesci∣t{is} me{us} cib{us} ē vt faciā volūtatē ei{us} qui misit me vt {per}ficiā op{us} ei{us}. His disciplis seide mastir ete now & he an¦swerd I haue mete to ete wherof ye knowe no thinge a good lord mer¦cy yette for all y^e gret desir he had to ete he abode til yt was nere hygh no¦ne y^t he veinquisht dis desire & wo¦ld soner ete / O y^t thys ys a gret en¦sample to vs whān we haue ony tyme gret desyr to ony delicyous mete or drynke or ony other sore temptacon̄ we shuld fyght ••••••nst our owne wyll▪ But what seyde he aftyr my mete ys that I muste do y^e wyll of my fader y^t ys to suf∣fyr hungre & thurste & gret anguis¦shys & greuous peynes / & bethynke yow also how y^e poor dyscyplys e∣te y^e erys of wh••te in y^e seldis whan they wente wyth ther swete mas∣tyr Ihū cryst / & of hym self yt ys wretyn that he cam one day in the mornynge & hadde gret hungyr as he that had watched in prayeer / & in trauayle & in sermonys / & saw a fygge tre full of leuys wythowte ony frute & whan he cam nere yt he seyde to the fyggetre / ye shall neuyr bere frute wythoute ende and forth wyth the fygtre becam all drye be∣holde now fayr frende how many dissesis your swete spowse suffird for to redeme yow / Wherfor hyt ys good for yow to thynke well & of¦ten on all thys wahn ye be in the dysportys of this worlde or whan ye see other cōforted in foule vany¦teys / Remenbyr yow thēne wyth preuy syghynge how petowsly the swete Ihūs the sone of god wepte whan he cam rydynge all barfote vpon A poore asse Vidēs Ihūs ci¦uitatē fleuit su{per} illā dicens qr cog¦nouissis & tu ciuitatē id ecclesiam As he cam & knew al thys y^t was to come aswell to thēe y^t were pre∣sent as to al vs y^t shuld come after & wepte petously for compascon̄ of vs & seyde yf ye knew asmoche as I knowe ie shuld wepe as tendirly as I do / right as he hade seide to thē I wepe for thys that ye do in foly & in vanyte / & y^t ye thynke not how streyght the waye ys that goth to∣ward heuene / wherof hym self seyde ¶Arta est via que ducit ad celū & pauci inueniūt illā et iterū. Nō ne oportuit xp̄m pati et ita intrare in gloriam suā Full streyte ys the weye that ledyth to perdurable lyfe & fewe folkes fynde hyt / Ne see ye not well that Ihū cryst suf∣fyrd full sharpe trauayle or euyr he entrede in to hys glorye / & for thys wepte he that we so lyghtly forgete our self & take no hede how wretche¦dly we be engendyrde nor how so∣rowfully we be borne nor how per¦lously we lyue in synne & in vany¦te nor how hedously we shall deye nor knowe not whan nor how so∣ne

nor of what deth we shall deye Circumdabunt te inimici tui val¦lo & coangustabunt te vndi{que}. ¶your enymies y^t fendys shall be abowte yow and enuyrounde yow wyth anguysh̄ & turmente of alle partyes a how parlous ys the as∣tate & sorowfull for y^e wh̄yche god hym self wepte so tendyrly wherof seyth seynte barnard: Compati¦tur dei fili{us} & plorat patitur homo & Ridet. The sone of god hath compascon̄ for man & wepyth / & man shall suffyr all the perell that laugheth & mackth but a Iape / al¦so whan men preyse yow in ony thynge wherby ye fele veynglory sprynge in your harte: be thynke ye thēne / and full ententyf oo the humylyteys of swete Ihūs yur an¦myable spowse y^t seyth· Non veni ministrarised ministrare. He cam not in erthe to be serude but to serue / hyt ys wretyn how sey¦nte clemente axed one time of saīt petyr how our lorde Ihū delte amon¦ge hys dyscyplys in erthe / & seynt petyr began to wepe full tendyrly Now fayr maystyr sayd saynt cle¦mente wherefore wepe ye so petou¦sly / trewly sayd saīt petyr I can not kepe me fro wepynge whan I here speke of hym / or verily thynke on hym & of his gracious dedys / We were onday gretly greued wyth hū¦gyr & colde & at nyght was lodged in an olde howse that was broken on the ton parte therof where the colde entyrd gretly whyche anoyed vs for our swete maystyr / Ihesu cryst put hym self betwene the colde & vs & I perceyued hym that same nyght fiue tymes wyth hys owne clothys couyr our fete / A good lord mercy & so humbly serued he vs as to washe our fete how grete a pyte was this / In lyke wise then¦ke how sorowful. & heny he was ayenst hys peynful passcōn y^t was so ryght anguyshous / Thynke how he langourd ·xv dayes before hys deth for in signyficacion the∣rof men synge & rede of hys pasciō xv dayes befor hys resurrexion / ¶For than was he in sygh̄in∣gys & heuynesse & praiours / & so ful of troubill that he had lityll wil to ete or drynke nor of no conforte & yette for all thys he seyde to hys / dysciplys ¶Desiderio desidera ui hoc pasca manducare vobiscum antequam paciar I haue gret desyre to ete with yow a soper befor I shall suffyr deth / And hys apos¦tels apoynted thēne where they shold ete their souper & ete y••t And whan they hadde supped he tooke of hys ouyr garnement and gyrd hym wyth a toell and towke fayr

watyr in a basyn & wesh̄ e fethte of hys dyscyplys & yette the fete of the felon Iudas wherof seyth seynte gregory ¶Quis tumorē cordis nō repellat si secū cōferat quod qui sedet ī throno su{per} cherubyn lauit pe¦des sui proditoris What swel∣lynge or rancour of harte ys so gret that shuld not aswage yf he well remembryd hym of hym y^t sytte so hie aboune angellis in heuene that wishe y^e feete of his owne traitour Iudas / & aftyr he tooke brede in his fayr handys & blessed yt & thanked hys father of all y^e harme & peyne y^t he had suffryd in erthe or shuld suffyr / & gaf hyt to hys apostlys wyth hys owne handys to ete / & seid Ete ye this for hit ys in fleshe & than tooke he wyn & blessed hyt & gaf hem to drinke / & sayde Drynke thys for thys ys my blood drynke & ete now wyth good wyll. For neuyr fro henfforth shall I drinke wyth yow befor I haue suffryd y^e moste marueylous & peynfull deth that euyr man suffyrd in erthe. A¦las what sorowfull tydynges my¦ght hys dyscyplys here than. A how they were sorowfull & dyscoū¦fortted / Alas how they wepte pe∣tously & no marueyle though they made wōdyrfull sorow for he was all ther helpe / & all ther comforte & now harde they verily y^t they shuld lese hym that same nyght / Alas wath sorow & lamentable pleynte ther was whan y^e swete Ihū had be soo longe in place for y^e loue of hys loue & so many vsuries of gre¦uous peynys & anguyshous ran vppon him & he wold not go owte of y^e sayde place to the tyme he had all acounted & payed / & whan they cam for to rekne he was led vpon y^e hygh mounte of caluarys where he was condempned of the cruell & felon Iewys & made hym to mo¦unte all on hyr on the harde crosse right faste teyed wyth gret naylis