Here begynneth a newe boke of medecynes intytulyd or callyd the Treasure of pore men whiche sheweth many dyuerse good medecines for dyuerse certayn dysseases as in the table of this present boke more playnly shall appere. The boke of medecines.

¶Here foloweth dyners good medy∣cynes for the Pestylence.

TAke a good handfull of Rodes other wyse cal¦led marygoldes / a hādfull of Scalyons as mo¦che of Maydenhere and Dytander••halfe a handfull of Pympernel of Synkefoyle and of Fetherfoy .ix. croppes of Tāseye / & therto take halfe a quartern of Bollehermonyake and a vnce of Brymstone and bre¦ke thē to small pouder then bruse a letyll thyne her∣bes and put them into a styllytory and menge y^e sayd pouder amonge the herbes all to gether in the stylly∣tory and or they begynne to stylle take halfe a quar∣ter of Treacle / & sprynge amonge them and so per∣forme this styllynge &c. Then take the water aboue sayde to a body hauynge bo••he and purpylles and it shall h••le hym.

¶Another for the same.

¶Take herba Benedi••••a / gracia Dei / and Scabyns and stylle thes .iii. and take the water of them & geue it to a body hauyuge the forsayde sekenes & it shall the blod congelyed to retorne a gayne to hys owne nature.

¶Another for the same.

¶Take Matfellon Beta••ne and the rotes of Tur∣mentyne and grynde them to powder & drynke thē

in ale / and the kynde of them were to be dryed in the sonne for thē they wolde grynde beste and thys wyll saue hys lyffe yf the spottes were brokē oute on hym

¶Another for the same.

¶Take .iii. sponefull of Ueneger and .vi. of fayre water and as moch Treacle as a damsyn or a plūme and put all the••e to gether & medyll them to gether & then put it ouer the fyre tyll it be warme and lett the pacyent that is desesed drynke it and then walke the space of a myle.

¶Another for the same.

¶Take Tanseye and Fetherfewe Colombyne and Sage of eche a handfull and stampe them and dryn¦ke the iuce with triacle and it wyll helpe hym.