Here begynneth a newe boke of medecynes intytulyd or callyd the Treasure of pore men whiche sheweth many dyuerse good medecines for dyuerse certayn dysseases as in the table of this present boke more playnly shall appere. The boke of medecines.

¶Here foloweth medycynes for ache in the tethe / al so how thou shall make tethe for to fall by theyr owne acorde / & to make tethe whyte / and fyrste for y^e tothe ache.

MOost it is vsed and best to take Alume & Brymston•• and brenne them on a fayr•• tyle stone & than make powder therof and put to powder of Peper / than stampe a cloue of Garlyk•• small & medle all togyder & put it in a small ly∣nen bagge and lay it on the same syde of the mouthe within & it wyll do away the ache anone.

¶Another for the same.

¶Take Hony & sethe it ouer the fyre and scomme it and put therto powder of Peper & sethe it tyll it be blacke / & than take halfe a Sage lefe & lay the Hony theron & lay it to the tothe.

¶For the tothe ache t••at cometh of wormes.

¶Take Henbane sed•• / Le•••• sede / & powder of En∣s••nce & Rychelesse / of yche lyke moc••e and lay it on a

hote tyle stone gloynge hote & make a pype of latyn the nether ende so wyde that it may couer the seedes & powder & than holde ouer thy mouthe open ouer y^e other ende that they ayre may go into the sore tothe

¶Another for the same.

¶Take the shauynge of the Hertes horne & sethe it longe in water and lay it to the sore tothe.

¶For the tothe ache.

¶Take vyneger & Mustarde powder of Peper & of Pellytory of Spayne & the carnell of the Nutgall & boyle them all togyder. And the tethe be holowe put th••rof into the tethe orels aboute the gummes hote & thou shalbe hole.

¶For the tothe ache or for wormes in y^e tethe.

¶Take Peper & stampe it and tempre it with good wyne & suppe therof warme & holde it in thy mouthe tyll it be colde & than spytte it out & do thus ofte and thou shalbe delyuered of all anguysshe.

¶Another to make tethe faste.

¶Take H••rtes horne & brenne it & put y^e asshes that come therof in a lynen clothe & laye it to thy rotten rethe & it shall make them fast.

¶To make wormes to come out of the tethe.

¶Take Henbane & the reed Prymroll of the hethe & vyrgyn wer & make a candell therof and holde thy mouthe ouer the candell brenynge y^t the smoke may go vp into thy tethe and do so ofte & thou shall se y^e wormes fall out before the & than anoynte t••ye c••eke with horse grece & it shall do the good.

¶Another to slee wormes in the tethe.

Take the rote of Henbane & kerue it in shyuers and lay it to the tothe thre nyghtes & it shall delyuer the ache therof and slee the wormes.

¶Another for the same.

¶Take the roote of Peleter of Spayne & wasshe it clene & stāpe ••t & make therof thre small balles in thy hande / euery ball of the greatnesse of a plombe / & lay the fyrst ball bytwene the cheke & the tothe y^t aketh by the space that one may go a myle / and euer as the wa¦ter gadereth spyt it out / & whā thou thynkes it hathe ben ther so longe put it out & put in another / & do so tyll thou haue spende all thre / & than lay y^t vpon thy bedde & couer the well & warme / and whan thou hase slepte thou shalbe hole / for his medycyne hase ben proued many tymes.

¶For the tothe ache & the gomes do swell.

¶Take the ioyce of the reed Netell & the whyte of an Egge & Fr••rekyls & where mele & make a playster & laye it to the sore where that euer it be / and it shall swage & hele.

¶Another medycyne for the same.

¶Take a quantyte of powder of Gynger & of pow¦der of Peper / euen porcyon / & sethe them in a poket of lynen clothe / & wete the poket in a lytell aqua vite & lay it vnto thy tethe there as the a••he is and it shall drawe out all the malyce of the ache.

¶Another medycyne for the same.

¶Take Bursa pastoris & stampe it / & the ache be on the ryght syde bynde it vnder the lefte fote & y^e ache be on the lefte syde bynde it vnder thy ryght fote.

¶For to fasten tethe that be lose.

¶Take the barke of the tree that bereth the Pome∣grayne & Mastyke & of oyle Libanū & Reckles / of all euen porcyon / & make powder & tēpre it with Acrose & put it in a smal lynen clothe & lay it on the gumbes without.

¶To make tethe to fall by themselfe.

¶Take a water frogge & a verte frogge & sethe thē togyder & gader the grece & smere therwith thy go∣mes aboute the tothe.

¶Another for the same.

¶Take y^e talow of a Tuppe & Planteyne & stampe them togyder & anoynt thy to the therwith & it shall fall out by it owne acorde.

¶For stynkynge tethe.

¶Take two handes full of Comyn & stāpe it small & sethe it in wyne & gyue them to drynke .xv. dayes & that shall make them hole.

¶For to make tethe whyte.

¶Take Hony Salte & Rye mele & medle them to∣gyder & frete thy tethe therwith & they shalbe whyte.