¶Another for the eyes.
¶Take a stone that is called Petra calaminaris & a stone that is called Thutie & thā loke that thou haue fyne Osey a quarte & put it in a pece of syluer or pew¦ter & do therto thre peny weyght of Camfera / & than take ye stones & lay thē on a newe tyle stone & brenne them in the fyre .ix. tymes / & euery tyme quenche thē in the wyne with the Camfere / & so shall ye Camfere be goten out into the wyne / & than loke thou haue a marble stone & a molour & grynde Petra calamina∣ris & Thutie theron small & put it into the Osay yt the same stone was quenched in / & se it be thynne / & after put that water into a glasse and kepe it & whan thou shall occupy it / shake the glasse tyll it be thycke & let the man or woman that is dyseased with perle or webbe or ony other dysease that is curable / let the pacyent ly vpryght & put in his eye one droppe & let hym ly for the space that one may go a myle / & kepe hym well fro quesy metes & drynkes & with the grace of god he shalbe hole. Take out the Camfere out of the Osey whan the stones haue ben quenched .ix. ty∣mes therin & kepe it / for it wyl serue for other salues.