Here begynneth a newe boke of medecynes intytulyd or callyd the Treasure of pore men whiche sheweth many dyuerse good medecines for dyuerse certayn dysseases as in the table of this present boke more playnly shall appere. The boke of medecines.
¶Sall gemme.
¶The water of Sall gemme is good to clense the Fylthe of a mannes eyes. And it is good for ye Mor∣fewe & for saucy •ewme. And it is good for stynk∣ynge gombes & for the stynke of the arme pyttes of a man. Also take a poūde of Sall gemme & wynde it in Coll leues & do it in the hote asshes & let it there sethe in it owne kynde tyll it be turned to whytnes. After that lay it on a marble stone a day & a nyght and that that gothe ouer therof wyll be as syluer co¦lour. Than take that and kepe it in a glasse / & whan nede is do a droppe in that eye that is sore.
