Here begynneth a newe boke of medecynes intytulyd or callyd the Treasure of pore men whiche sheweth many dyuerse good medecines for dyuerse certayn dysseases as in the table of this present boke more playnly shall appere. The boke of medecines.

¶Here foloweth diuers good medicynes for Scabbede legges or any other place of mannes body and fyrste of a mannes body.

SEthe horehounde Celendyne worme¦wode Sorel Hayes Elenacompana in fayre runnynge water of eche lyke moche and sethe thē tyll half•• be was¦ted and ther with wasshe the seke ••el warme euery daye tyll he be hole

¶To do awaye scabbes.

¶Take the redde Docke rotes and pympernell and Scabions Sorell of boyse & Celondyn and stampe them & temper them with maye Butter thā frye thē well to gether and strayne them into a clene vessell & caste therto a good quantite of brymstone pouder & thā stere it well tyll it be colde and ther withe a noyn¦te the seke tyll he be hole.

¶For scabbyd legges y^t akethe & brenne.

¶Take Marygoldes pety Morel or plantayne of eche lyke moche and stampe thē small & strayne out the iuce therof clene & playster the sore with the iuce & lynen clothe & vse it tyll thou be hole.

¶For all ma••er of scabbes or yechynge.

¶Take Onyounce and mynce them & sethe them in water or ven••ger and ther with wasshe the greuaun¦ce & it shall do a waye the scabbe on the hede and all other m••m••••rs.

¶For a drye scabbe.

¶Take the iuce of Morell with oyle of Roses or of Uyolettes & a noynte the scabbes therwith.

¶For pusshes byles and yechynge.

¶Take the rote of the scharpe leuyd Docke or of the roūde Docke stampe it in a morter and tēper it with scharpe veneger & make an oyntmente therof and a noynte the greuaunce ther with.

¶For legges that be broken out.

¶Take whyte Malowes and brenne them & take the asshes that come therof & bores grece to gether and stampe them and than anoynte therwith wel thy leg¦ges and also take of the same asshes & make thereof lye and wasshe they legges therein or that thou a∣noynte the.

¶Another for the same

¶Take the redd Docke rote and the rote of syladyn and the rote of wormewode and the leues of the Lo¦rere and maye Butter & stampe them and seth them with the butter and wrynge it thorough a clothe and do it in a boxe & smere the scabbes therwith.

¶A nother for the same.

¶Take the rotes of helena campana and wasshe thē clene in fayre water & sethe them as ye sethe Parse∣neppes and then make them clene and cut them in pe¦cys & knocke them small with gaultes grece & ••mere the sore ther with.

¶A nother for the same.

¶Take Brymstone and quycsyluer whyte Ledde y^e ioyce of Silodyn Aruemente fresshe grece and the ioyse of herbe benet & smere the sore ther with.