Here begynneth a newe boke of medecynes intytulyd or callyd the Treasure of pore men whiche sheweth many dyuerse good medecines for dyuerse certayn dysseases as in the table of this present boke more playnly shall appere. The boke of medecines.
¶To stoppe a great flyx.
¶Take halfe a pounde of Almondes and blaunche them & powne them in a morter small / than take .xii. yolkes of egges rosted harde & put them into a mor∣ter & bray all togyder / & than take a pynte of stronge reed Uyneger for it is best & put it into ye same stuffe & myngle them well togyder and than put all into a fayre pot of erthe & stoppe it well / & take therof .v. or. vi. spones full at ones warmed in a pyce & drynke it iii. or .iiii. tymes vpon a day yf it be nede.
