Here begynneth a newe boke of medecynes intytulyd or callyd the Treasure of pore men whiche sheweth many dyuerse good medecines for dyuerse certayn dysseases as in the table of this present boke more playnly shall appere. The boke of medecines.

¶Here foloweth good medycy∣nes for for the colde & the coughe.

TAke ysop Rosemary Planten and the roote of Radysshe / of yche a quā¦tyte / & seth thē in wyne fro a potell to a quarte / & than take them downe & powre out the lycour into the her∣bes in a morter & medle them wel to¦gyder / & strayne them into the lycour agayne into y^e potte / & than take a pynte of lyfe Hony & boyle it & scomme it and put therto a quartrō of May butter that is claryfyed / & than let it sethe by the space that one may say the psalme of Miserere mei deus / than take the vessell downe & strayne it throughe a lynen clothe / & take that lycour & put it into a fayre vessell of glasse / & let the pacyent vse therof fyrst and laste / at euery tyme .vi. spones full of stale ale warme tyll he be hole / for this is a proued medycyne.

¶For the colde.

¶Take the sede of the Netell & sethe it in oyle and anoynt thy fete therwith & thy handes / & it wyll do away the colde.

¶For the Coughe.

¶Take Sage Rewe & Peper & sethe them with Ho¦ny / & ete therof a spone full fyrste & laste tyll thou be delyuered of the sayde dysease.

¶Another medycyne for the same.

¶Take Rewe Sothernwode & Rosemary of yche an hāde ful / & a quarte of clarified Hony / & a quarte of wyne / & sethe them all togyder / & than stampe the herbes & put them into the lycour agayne & sethe thē a lytell & than strayne them / & put the lycour into the glasse / & vse therof .vi. spones full at ones / with .vi. spones ful of stale ale / at euē hote & at morow colde.

¶For a man or woman that hathe great seke∣nesse in the sydes & maye not well drawe theyr wynde nor coughe for peyne.

¶Take Pulyoll of the mountayne / otherwyse na∣med Hylworte / Alysāder Persly Louage smalage reed Fenell Burnet Gromell / of yche lyke moche / & sethe thē in whyte wyne tyll halfe be wasted / & than strayne them & let y^e pacyent drynke therof hote / fyrst and laste.

For the Coughe.

¶Take Sage Rewe reed Fenell ysop Comyn and the powder of Peper / of yche lyke moche by weyght & sethe them togyder in Hony & make therof a lectu¦ary / & vse therof a spone full at euen / and another in the mornynge.

¶For the dry Coughe.

¶Take halfe a pounde of Lycoryce & scrape awaye the barke & stampe it in a morter / & put therto a galō of good worte in a newe erthen pot / & an vnce of su∣ger roset well powdered / & a quarter of an ••nce of

powder of Gynger / & a quartron of an vnce of clary¦fyed Hony / & sethe them tyll halfe be wasted / & than strayne it throughe a clothe / & put it in a clene vessell & let the pacyent vse therof fyrste & laste / at euē hote / and in the mornynge colde.

¶For the Coughe a good medycyne.

¶Take an hāde full of Rewe / another of Sothern wode / another of Rosemary / a quartron of claryfy∣ed Hony / & a quarte of wyne / & s••the them well togy¦der / & than powre out the lycour & stampe the herbes than put them into the lycour agayne & sethe thē to∣gyder a lytell / than strayne them and put thy lycoure into a glasse / & let the pacyent drynke it fyrste & laste.

¶A good medycyne for the dry Coughe.

¶Take a poūde of Lycoryce & scrape away y^e barke clene / & than stampe it in a morter & put it into an er∣then pot / & put therto thre quartes of the beste worte that thou can get / & an vnce of suger / & a quarter of an vnce of powder of Gynger / & a pynte of claryfy∣ed Hony / & thā sethe all togyder tyll halfe be wasted & than strayne it through a clene clothe into a fayre vessell / & than let the pacyent vse therof fyrste & laste / at euen hote & in the mornynge colde / tyll he be hole.

¶Another medycyne for the same.

¶ Take Annes seed Smalage sede & Uyolet sede / of yche lyke moche / & bete them all togyder in pow∣der / & temper them with wyne as the quantyte gy∣ueth / & sethe them well togyder tyll it ••axe thycke / & put it into a box / & let y^e pacyent vse to ete therof tyll he ••e hole.

¶For y^e perylleous Coughe a good medycyne.

¶Take the ioyce of Sage & the ioyce of Rewe / of yche lyke moche / & a quantyte of Comyn & asmoche of the powder of Peper / & sethe them al in clarifyed Hony / & so make a lectuary therof / & let the pacyent vse therof .iii. spones full at euen and .iii. in the mor¦nynge tyll he be hole.

¶Another for the same.

¶Take Sage Rewe reed Fenell ysop Comyn and the powder of Peper / of euery one lyke moche by weyght / & sethe theym togyder in Hony / & make of them a lectuary / & vse therof a spone full at euen / & another in the mornynge.