Terentius Christianus, sive Comœdiæ duæ, Terentiano stylo conscriptæ ad vsum scholarum seorsim excusæ. Tobaeus. Iuditha. His accessit pseudostratiotes, fabula iocosa ac ludicra. Authore Cornelio Schonaeo.

Scena V.

PHORMIO, DORIO, LESBIA.

Eiusdem generis.

QVid nunc agendum nobis censes Dorio. Audiebimusne foris egredi? Dor. Circumspice Etiam sedes, anne alicubi hîc haereant Phormio. Phor. Perij, vt etiam nunc timeo miser.* 1.1

Dor. Circumspicito inquam ne rursus ex insidijs* 1.2 Nos adoriantur harpyiae obscoenissimae. Me miserum, differor doloribus, membra Luxata sunt omnia, genua{que} labant mihi. Phor. Mea quo{que} caput totum mihi tuber reddidit Venefica. Les. O viros fortes, ac strenuos! Eho, quo pacto vobis hoc sapit tentaculum? Phor. Etiam rides pessima? Les. Pol iam defessa sum* 1.3 Vos ridendo. Dor. Pergis inepta? Les. Eia, pugnatum est fortiter, Quid restat, nisi vt triūphū agatis? Dor. mitte sodes ••ocari Lesbia: satis nos discruciat infortunium Nostrum, etiamsi tu istud tuis dicterijs,* 1.4 Atque iocis non conduplices, Les. Pro Iupiter!* 1.5 Quàm velim me non vidisse tantum dedecus. Viros vos caedi ab vxoribus vt pueros? ô inauditam Infamiam, atque turpitudinem! at satis Iam verborum est: nam me cum talibus viris Loqui pudet. Agite, numerate pro ientaculo. Phor. Eho, quid numerabimus miseri, quibus Adempta sunt marsupia? Les. Quid isthuc mea? Numerate inquā. Dor. Id quidem nihil habentibus Difficillimum Les. Isthaec verba sunt, quibus* 1.6 Nihil moueor. Scio quid agam. Hem Syra, caca∣bum Hunc, at{que} lebetem intrò aufer. Phor. Hem, siccine agis Lesbia? Les. Quid ni? vbi persolueritis quod debetis, redden∣tur protinus. Valete. Phor. Quid nunc agimus Dorio? Dor. Ne∣scio

berculè, Nam cum crum••nam adimebat vxor, consiliū etiam Omne ••ripiebat ••••hi. Pho. Tame•• inueniendum est remedium huic malo: Et damnum hoc ratione aliqua sarciendū existimo. Dor. Nihil malim, siquidem quid tale posset in••e∣••irier. Sed ne frustra quaer as, nimis metuo miser. Phor. Ad vxores redeamus, culpam{que} fateamur supplices. Dor. Rides? egon▪ isti supplicabo sacrilegae?* 1.7 Nunquam faciam. Phor. Durum ••••lum necessitas. Dor Suadere noli: nam pol inedia mori malim, Quàm dominam tam difficilem, & tam imperiosam perpeti. Phor. Age, ausculta: inueni aliud, quod magis probes. Dor. Quid? Phor. Dicam, nosti opinor quàm multi,* 1.8 hoc praesertim tempore, Passim per pagos, vicosque vagentur milites, Nihil non impu••e perpetrantes. Dor. Illorum her∣culè I am ingens vbique est copi••. At quorsum isthac? Phor. Milites* 1.9 Quoque nos esse assimulabimus: Atque miseros hoc pr••textu spoliabimus Rusti••os. Dor▪ Dici probe, si pro ••epulchro* 1.10 Crucem status velimus nobis. Phor. Vah, nihil Periculi est. Quasi non multo gra••iora vbique* 1.11 Tolerentur se••l••ra, & flagitia: inter arm••

Silent leges. Dor. Pol vera praedicas. sed vnde nobis Arma? quibus & ab alijs dignoscuntur, & agricolis Terrori esse solent milites. Pho. Si mutuo nūc poss••∣mus, Sumemus alicunde foenore. Dor. Hem placet Consilium: itaque & hic, & alibi tibi lubens Obtemperavero. Phor. Benigne dicis. sequere me.

Notes

• * 1.1

  Troc. 3.
• * 1.2

  Seaz.
• * 1.3

  Troc. 2.
• * 1.4

  Troch.
• * 1.5

  Scaz.
• * 1.6

  Troch.
• * 1.7

  Scaz.
• * 1.8

  Troch.
• * 1.9

  Dimet.
• * 1.10

  Troch.
• * 1.11

  Catal. 3