Terentius Christianus, sive Comœdiæ duæ, Terentiano stylo conscriptæ ad vsum scholarum seorsim excusæ. Tobaeus. Iuditha. His accessit pseudostratiotes, fabula iocosa ac ludicra. Authore Cornelio Schonaeo.

Scena I.

HOLOFERNES, AMMONIDES.

Eiusdem generis v••rsus

PVlchre pol etiam nunc, quod à me est institutum* 1.1 Procedit opus, at{que} adeo opportunè admodū haec Mulier se nobis obtulit: quae quomedo In ciuitate sese habeantres, mihi narrauit omnia. Sed qualem ego nunc illam dicam esse foeminam? Qua hercule venustiorem nullam vs quam arbitror Reperirier. Quare nimis ego illam aspicio lubens. O faciē pulchrā! deleo omnes dehinc ex animo muli∣eres: Taedet harum quotidianarum formarum,* 1.2 Sed eccum Ammonidem exeuntem conspicor. Am. Quamquam in subigendis hisce Israelitis magnus hactenus Nobis susceptus est labor: patienter tamen eum Ferendum tolerandumque esse existimo, vel ob Eam solùm causam, quod tam formosae, at{que} optime Moratae, apud illos reperiantur foeminae. At Eccū imperatorē, haud praeviderā. H. Hê Ammoni∣de

Quid ais? itane & huius mulieris Hebreae tibi Forma placuit? A. Perplacuit pol dux illustrissime. Hol. Eia, minime te hallucinatū esse arbitror: Nam & ego quo pacto satis illius pulchritudinem, Elegantiam, ac festiuitatem praedicem, Plane nescio Ammonide: & nosti, vt opinor, quā Oculatus formarū spectator siem.* 1.3 Am. Ne cōparanda pol quidē haec est ad eas, quae in regionibus Reperiuntur nostris. Hol. Nova figura oris, color Verus, corpus solidum, ac succi plenū. Porro mores Tam excellenti formae per omniae congruunt. Praeterea, quod in nostratibus rarissimum est huic* 1.4 Mulieribus, facundiam admirabilem, Prudentiam que in illa deprehendisse videor mihi. Itaque quod se recepit facturam, de eo quidem Haud dubium est mihi. Sed intro nunc eamus, & Incastra ad nostros reuertamur. Am. Agedum, vt* 1.5 lubet, sequor.

Notes

• * 1.1

  Catal.
• * 1.2

  Troch.
• * 1.3

  Troc. 2
• * 1.4

  Troch.
• * 1.5

  Troch.