Terentius Christianus, sive Comœdiæ duæ, Terentiano stylo conscriptæ ad vsum scholarum seorsim excusæ. Tobaeus. Iuditha. His accessit pseudostratiotes, fabula iocosa ac ludicra. Authore Cornelio Schonaeo.

Actus IIII.

Scena VII.

SOSIA, MYRRHINA.

Trochaici senarij, & septenarij, partim catalectici, partim acatalecti.

TOtum hunc propemodum cursando ac ambu∣lando Contrivi diem: perreptavi vsque omne oppidum, Ad forum, ad macellum, & quò non? dum quae opus sunt Ad nuptias paro: vix arbitror decem* 1.1 Famulos tot suffecturos negotijs: nec Quicquam nunc magis metuo, quàm ne hinc denuo aliquò miser Extrudar: quod si fit, actum est perij. Postulem Nunc me defessum refocillari si liceret. At* 1.2 Opportune eccam Myrrhinam duobus cantharis Onustam, huc accedentem conspicor. Alloquar. Hem mea Myrrhima, quid fit, quid agitur? Myr. Rogas, Quid fiat? tota domus perstrepit rumoribus: Omnes nostrarum rerum satagimus: interim Tu quasi nihil sit quod intus agas, ante ostium Hic otiosus restitas? Sos. Quînam malùm Otiosus, qui me hodie sursum cursitando Ac deorsum, adeò defatigaverim, vt In cursu fere conciderim miser? atque illud hic Dum tu accedis, stomachor mecum. Myr. Vin' tibi Gratum faciam Sosia? Sos. Nihil malim, si quidem Posses. Myr. Possem maxime, si lubeat. Quid, tibi Hoc vini placet? Sos. Haud malū hercule: quid tum

postea? Myr▪ Hinc haustum tibi plenis propino faucibus: Sos. Oh, bearis, si hanc mihi praestes beneficientiam, Cedo Cantharum sodes: gratum me, sat scio, Dices, ac memorē. Myr. Quid ais? equidem iocabar Stulte. Sos. Garris? si viuo, mox referam gratiam. Myr. Agedum inepte, resiste, quò fugis? Sed parcius Mi Sosia, ne sentiat herus: nam scis quàm sit ad Has res perspicax: novi ego ingluviem tuam. Hem, perij, dimidium exhausisti vinose: mox Uapulabo misera. Sos. Abi stulta, nescis fallere Homines; quod factum est dispendij, vide Sarcias. Myr. Quo pacto? Sos. Vah, nescis? infusa aqua Myr. Dixti pulchrè, si verbera mihi velim Lucrifacere. Sed ostium concrepuit, protinus Intrô fugiamus, nequis fortè hîc nos opprimat Otiose garrientes: sequere me. Sos. ••equor.

Notes

• * 1.1

  Iamb.
• * 1.2

  Iamb 3