The .xij. rule.
Though thou be tempted dispayre the nothynge
Remembre the gloryous apostle saynt Poule
Whan he had seen god in his perfyte beynge
Lest suche reuelacyon sholde his herte extolle
His flesshe was suffred rebell agaynst the soule
This dyd almyghty god of his goodnes prouyde
To preserue his seruaunt fro y• daunger of pryde
And here take hede that he whom god dyd loue
And for his moost especiall vessell chose
Rauysshed in to the thyrde heuen aboue
Yet stode in peryll lest pryde myght hym depose
Well ought we then our hertes fence & close
Agaynst vaynglorye the mother of repryefe
The very crop and rote of all myschefe
Agaynst this pompe & wretched worldes glose
Consydre how crist the lorde souereyne powere
Humbled him selfe for vs vnto the crosse
And peraduēture deth with in one howre
Shal vs bereue: welth ryches and honowre
And bryng vs down ful low both smal & grete
To vyle caryon and wretched wormes mete