Page [unnumbered]
¶Here foloweth thre epistles of y• sayd Picus of which thre: two be wryten vnto Iohan Fraunsces his neuew / the thyrde vnto one Andrewe Corneus a noble man of Italy.
¶The argument & mater of the fyrst epystle of Pi∣cus vnto his neuew Iohan Fraunsces.
HIt apereth by this epistle y• Iohan Fraunsces the neuew of Pic{us} had broken his mynde vn∣to Picus and had made hym of counceyll in some se∣crete godly purpose whiche he entended to take vpon hym / but what this purpose sholde be: vpon this let¦tre can we not fully perceyue. Nowe after y• he thus entended / there fell vnto hym many impedunentes & diuers occasyons whiche withs••ode his entent and in maner letted hym & pulled hym bak / wherfore Pic{us} cōforteth hym in this epystle and exorteth hym to per¦seueraūce / by suche meanes as are in the epystle euy∣dent and playne ynough. Notwithstondynge in y• be¦gynnyng of this lettre where he sayth that the fleshe shall (but yf we take good hede) make vs dronke in the cuppes of Cerces and mysshappe vs in to the ly∣kenes a fygure of bruyte beestes: those wordes yf ye perceyue theym not: be in this wyse vnderstonden. There was somtyme in a woman called Circes whi¦che by enchauntemente as vyrgyll maketh mencyon vsed with a drynke to turne as many men: as recey∣ued hit in to dyuers likenes a fygures of sondrye bee∣stes / some in to lyones / some in to beeres / some in to swyne / some in to wolfes / which afterwarde walked euer tame aboute her house and wayted vpon her in