Iohan Picus erle of Mirandula to Iohan Fraunsces his neuew by his brother helth in hym that is very helth.
THat thou hast had many euyll occasyons af∣ter thy departynge which trouble the & stonde agaynst the vertuouse purpose that thou hast taken there is no cause my sone why yu sholdest eyther mer∣uayle therof / be sory therfore / or drede hit / but rather how grete a wondre were this yf onely to y• amonge mortall men y• way laye open to heuen with out swet as thought y• now at erst / the disceytfull worlde & the cursed deuyll fayled / & as thoughe thou were not yet in y• flesshe: which coueyteth agaynst the spyrite: and which false flessh (but yf we watche & loke wel to our¦self) shal make vs dronke in ye cuppes of circes & so de∣forme vs in to monstrous shappes of brutyssh & vn¦reasonable beestes. Remembre also that of this euyll occasyons the holy apostle saynt Iames sayth yu hast cause to be glad writynge in this wyse. •• aude••e fra∣tres qm̄ in temptationes varias in cideritis. Be glad sayth he my brethren whan ye fall in dyuers tempta¦cions / and not causeles for what hope is there of glo∣rye yf there be none hope of victorye: or what place is there for victory where there is no batayl: he is called to the crowne & triūphe whiche is {pro}uoked to the con¦flycte & namely to that conflyct: in which no man may be ouercom against his will / & in which we nede none other strength to vaynquyssh but y• we lyst our selfe to vaynquissh. Uery happy is a christen mā syth y• y• vi∣ctory