Caplm .xi.
PAuer. Euermore thou shalt vn¦derstonde that ther be two ma¦ner of lyues by y• whiche man may be saued. The fyrst is contempla¦tyfe / the seconde actyfe. The fyrst ston¦deth pryncypally in besynesse to knowe god & goddes lawes / and to loue hym aboue all thynge. The seconde ston∣deth pryncypally in good dedes & good rule & helpe of our euen crysten. The thre fyrste cōmaūdementis of the fyrst table belongeth to all / but pryncypally to them that ben in contemplatyf lyfe that haue forsaken the worlde & worl∣dely besynesse for the loue of god. The seuen cōmaundementes of the seconde table also longen to al. but pryncypally to theym yt ben in actyfe lyfe & in besy∣nesse of the worlde. The contemplatyf lyf is in ease & rest of herte. The actyf lyfe is in doyng & traueyll & besynesse of body & soule. And of this lyfe spake yt yonge riche man whan he sayd. Lord what shal I do / how shal I lyue to ha∣ue the lyfe withouten ende. And Cryste taught hȳ what good dedes he sholde do / what mysdedes he sholde flee / yf he wolde kepe well the actyfe lyfe. Also yu shalt vnderstonde for this speche of crys¦te & many suche other / yt cryste in y• gos∣pell & holy wryte by example of y• lesse preueth & sheweth y• more. As whan he sayth yt men sholde be saued at ye daye of dome for they gaaf mete to the hun¦grye / drynke to the thrustye / moche more than sholde they be saued that ga¦ue all that they hadde or myght haue for the loue of god / & hem selfe to ser∣ue god nyght and daye bodye & soule / and put them to the deth for his loue. And they also that fede mannes soule with brede of goddes worde. And syth they shalbe dampned that wyll not gy¦ue to the poore folke mete & drynke for goddes sake / mochemore sholde they be¦dāpned y• robbe men of theyr lyfe & ly∣uelode / & they y• done lecherye / auoutry manslaughter / robbery / and other hor∣ryble