Idem Lectori In Funera Pallauicinaea.
ASpice quot vates Pallauicinaea crearint
Funera, quos nunquam vates potuêre Magistri
Reddere; noctem vnam magnos fecisse Poetas
Fama est, extempso velut olim Perseus inter
Enituit summos vates, Helicone relicto.
Tu modo (si quis aues) fueris cona••ine tanto
Versifices inter▪ si non potes esse Poeta.
Eia age sis, delubra Deum, delubra Dearum
Sedulus implora, totum{que} Helicona duobus
Haustibus epotans, ingentem imitare furorem,
At{que} altum quiddam spira, dignum{que} cothurno:
Ad fingendum audax: sic nostri ex tempore facti
Grandiloqui vates, sic tu, plaudente popello,
(Si nihil est aliud) dic occubuisse Mineruae
Aonidum{que} decus, dic interijsse decorem
Pol Latij▪ et qui omnes paenè praedatus Honores
Dic obijsse diem, dic inuida Fata, colos{que}
Detestare nigras, nentes{que} ex ordine Parcas
Exagita diris, Musas{que} & Apollina, quoquo
Ʋersu itera, at{que} illas vitam attribuisse perennem
Defuncto exclama, mortem nos viuere▪ vitam
Illum perpetuam▪ vates{que} videbere tandem
(Dum nulla occurret melior, via trita terenda'st.)