Page [unnumbered]
¶Of the Responce,
SUmme Trinitati, After lessons foloweth Responces. that are as moche to say as answers. for the sentence therof answereth accordyngly to the matter of the lessons. as ye may se in thys fyr∣ste responce. For the lesson redde befor. speketh of the blessed Trynyte. and of oure Lady. and so dothe this responce. wyth the verse. And the same is yt of other responces for the more parte. ¶The Responce wyth the Uerse betokeneth good wylles. and good dedes. whyche oughte to answere to oure knowynge and cunnynge. lyke as the responce answereth to the les∣son. That lyke as we ar taughte by herynge and re∣dynge▪ so we sette yt a worke in dede in oure leuyn∣ge. For he that knowyth hys lordes wylle and dothe yt not▪ he shall be beten wyth many woundes. as oure lorde Iesu cryste sayeth in hys gospell.* 1.1 ¶Thys fyrste responce ys songe in faythe and in praysynge of the blyssed Trynyte. and the verse ys prayer. ther∣fore ye saye. Summe Trinitata, To the souerayne Trynyte. one symple God. fader and sonne and holy gooste•• ys one god∣hedde. euen glory. one lyke endelesse maieste. whyche makyth all the worlde subiet to hys lawes. verse. Prestet, God that ys thre and one. to whome thow O Mary plesydest soueraynely from wythout begynnynge▪ mote graūte vs grace. Benedictio