Page Cliiii
¶Here begynneth of youre Feastes
FOr asmoche as you¦re seruyce ys of oure gloryous Lady whyche ye departed in seuen storyes. after the seuen daies of the wyke as is before sayde▪ therfore ye haue not ma∣ny chaunges after the varyaūce of fea¦stes. and ofte tymes of the yere. as the comon seruyce of the churche vseth. But in diuerse festes. and tymes ye say some of the same seuen storyes dyuersely as is moste acordynge therto. ¶And thus in the feastes of the Cōcepcyon. and of the Natyuyte of oure lady. ye saye the story of the wednesday. For in that story ys made moste specyall mynde of the same feastes. The same story is also sayde on sainte Annes day. For the holy concepcion. and byrthe of oure lady. wherof ys made mynde in that story. ys greate worshyp & pray¦synge to her mother Anne. of whome she was concey¦ued and borne in so greate holynesse. and clennesse. ¶In the feaste of the Annunciacion of oure lady and in all crystmasse tyme. And in ye feaste of Candelmas And in the feaste of the Uysytacyon of oure lady▪ ye say the story of y• Thursday▪ by cause that story ma∣keth moste speciall menciō of the Incarnacion of our lorde Iesu cryste. whyche ys worshyped in holy chyr¦che. in tho feastes. ¶In the feaste of the assūpcion. ye