This boke is compyled by Dan Iohn Lydgate monke of Burye, at the excitacion [and] styrynge of the noble and victorious prynce, Kynge Henry the fyfthe, i[n] the honoure glorie [and] reuerence of the byrthe of our moste blessed Lady, mayde, wyfe, [and] mother of our lorde Iesu Christe, chapitred as foloweth by this table
About this Item
- Title
- This boke is compyled by Dan Iohn Lydgate monke of Burye, at the excitacion [and] styrynge of the noble and victorious prynce, Kynge Henry the fyfthe, i[n] the honoure glorie [and] reuerence of the byrthe of our moste blessed Lady, mayde, wyfe, [and] mother of our lorde Iesu Christe, chapitred as foloweth by this table
- Author
- Lydgate, John, 1370?-1451?
- Publication
- [Imprynted at London :: In the Fletestrete, by me Robert Redman, dwellynge in saynt Dunstones parysshe, next ye churche,
- In the yere of our lorde god. MCCCCC.XXXI. [1531] The fyrste daye of the moneth of Nouembre]
- Rights/Permissions
-
To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
- Subject terms
- Mary, -- Blessed Virgin, Saint.
- Link to this Item
-
http://name.umdl.umich.edu/A06560.0001.001
- Cite this Item
-
"This boke is compyled by Dan Iohn Lydgate monke of Burye, at the excitacion [and] styrynge of the noble and victorious prynce, Kynge Henry the fyfthe, i[n] the honoure glorie [and] reuerence of the byrthe of our moste blessed Lady, mayde, wyfe, [and] mother of our lorde Iesu Christe, chapitred as foloweth by this table." In the digital collection Early English Books Online. https://name.umdl.umich.edu/A06560.0001.001. University of Michigan Library Digital Collections. Accessed June 15, 2024.
Pages
Page [unnumbered]
O Blisfull lorde / that knowest the entente
Of euery herte / in thyne eternal sight
yeue me grace / the first cōmaundement
To fulfyll / as it is skylle and ryght
And graunt al••o / with herte will and myght
And all my soule / and all my knowynge
The fyrst to loue / aboue all other thynge.
¶ And giue me myght / playnly to fulfyll
The next biddinge / like to thy plesaunce
And for to loue / with herte and all my wyll
My neyghbour in dede and countenaunce
Right as my selfe / with euery circumstaunce
And here with all / for ioye and smerte
What thou louest / to loue with all myne herte▪
¶ Thy precepte / graunt eke that I may
Fulfyll also / bothe erly and late
In suche maner / as moste is to thy paye
Benygne lorde / and make me for to hate
Mankyndes so / for he made fyrst debate
In kynde of man / and made hym to trespace
Agaynst the / and to liese his grace.
¶ And lorde graunt me / for thy mercy digne
Aboue all thynge / for to haue mekenes
And make me humble / sufferaunt & benygne
With pacience / & inwarde myldenese
Of all vertues / gyue me eke largenese
To be acceptyd / the to queme and serue
To fynde onely thy grace I may deserue.
Page [unnumbered]
¶ And also lord / with quakyng herte & drede
Mekely I praye vnto thy deite
Me for to graunte / of thy godlyhede
The gracious houre / for to abyde and see
In whiche the holy chosen mayden free
In to this world / hereafter shall be bore
Lyke as Prophetes hath wrytten here before.
¶ How that she shall / by thyne eleccion
Be mayde and mother / to thy sone dere
Nowe good lorde / here myne oryson
To kepe myn eyen and my syght entyere
That I may se / her holy halowyd chere
Her sakerid beaute / & holy countynaunce
If thou grace list / me so moche auaunce.
¶ And kepe myne eres / that they may also
Here her speche / & her dally aunce
And with my tong speke / that mayden vnto
Paciently thorowe her sufferaunce
Of wordly Ioye / this were suffysaunce
And her to loue / like as I desyre
Benygne lorde / so set myn herte afyre.
¶ And lord also / on me saue thou vouche
Though I therto / haue no wordynesse
That holy mayde / to handyll and touche
Myn owne lady / and my maystresse
And that I may / with humble buxumnesse
Upon my fete / in al my best wyse
Go vnto her / for to do seruyce.
Page [unnumbered]
¶ And to that floure of vyrgynyte
Graunte also lorde / that I may haue space
Mekely to bowe & knele vpon me knee
Under supporte / onely of her grace
And to honour the goodly yong face
Other sone / as she dothe hym wrappe
In clothes softe lyggyng in her lappe.
¶ And loue hym best playnly to my laste
With all myn herte / & myn hole seruyce
Withouten chaunge / while my lyfe may laste
Right as thy selfe lorde caust best deuyse
So that I may in faythfull humble wyse
In all this worlde / nomore grace attayne
Than loue hym best with all my myght & payne
¶ And to thy grace also lorde I praye
To graunt me to fulfyll in dede
Hooly the statutes / and mekely to obeye
Within the temple / as I here hem rede
For but thou helpe / I may no thynge spede
As of my lyfe: & therfore vnto the
All I cōmytte as thou list it be.
¶ The obseruaunces / & the preceptes all
That to thy temple / o lorde ben partynent
So let thy grace by mercy on me falle
That I may do hem / with all myn hole entēts
And euery byddyng and cōmaundement
That thy mynystres assygnen vnto me
Make me fulfille / with al humylite.
Page [unnumbered]
¶ And thy temple / & thy holy house
Benygne lorde / kepe me from all damage
And make thy people / to be vertuouse
To thy pleasaunce of euery maner age
Therfore to serue / with herte & hoole corage
And where they erre / lorde on any syde
Or thou do right / let mercy be her guyde.
¶ And thus this mayde / alway day by day
In the temple makith her prayers
To please god / what she can or may
The chyef resorte / of all her desyres
Tyll she attayne / to fourtene yeres
With herte auowyd / bothe in thought & dede
For to contynue in her maydenhede.
¶ Of whose entent god / wote ful vnware
Wherin sūme of them / that in the temple abyde
Of whiche a bisshope / callyd Abyathar
Cast hym fully / for to sette a syde
Her purpose playnly / an so for to prouyde
That her auowe made of chastyte
Shulde not holde / but vtterly that she.
¶ Shold be wedded sothely yf he myght
Unto his sone / of hygh affection
For that she / in euery wyghtes sight
So passyng good of condicion
And to fulfyll / his entencion
Abyathar byhoteth golde and rente
To the bisshoppes / to make her to assente.
Page [unnumbered]
¶ To this purpose / & to her they gone
And what they may / they gan her excite
And to afferme / to her euerichone
With sugred tonges / of many wordes whyte
That god aboue / doth hym more delyte
In birthe of children / than in virgynite
Or any suche / auowyd chastite.
¶ And more in children / is honoured in certayn
And more in hem / hath he his pleasaunce
Than in suche / as ben not but barayn
Without fruyt / thorowe mysgouernaūce
And holy wrytte / makith remembraunce
That no man was sothely for to tell
Without seed / blessed in Israell.
¶ To whom anone / with loke downe cast & chere
Benygnely / & in full humble wyse
This holy mayde / sayd as ye shull here
Certes quod she / yfye will you auyse
Whiche in your selfe / so prudent ben and wyse
And well aduerte / in your discressioune
That Abell somtyme had a dowble croune.
¶ One for his faithfull trewe sacrifise
Offryng to god / of humble herte and free
And another / as I shall deuyse
For he his body / kept in chastite
And Ely eke / as ye may rede and see
For he in herte / was a mayden clene
He was rauysshed / aboue the sterres seuene.
Page [unnumbered]
¶ Body and all / in a chare of fyre
For he hym kepte / from all corrupcion
Therfore in vayne / is playnly your desyre
To speke with me / of this opynion
For god wel knoweth / myn entencyon
Howe I haue vowyd / as it to hym is couthe
To be a mayde / fro my tender y outhe.
¶ And all my lyfe / so forth to perseuere
For lyfe or deth / onely for his sake
From whiche purpose / shall I not disseuere
Thorowe his grace / whether I slepe or wake
To kepe and holde / I haue vndertake
My maydenhede / si••hen go full yore
Agaynst whiche ne spekith to me nomore.
¶ And whan they sawe / her herte not mutable
But euer stedfast / of one affeccion
And euer eli••he / as one centre stable
They haue made / a conuocacion
Of all the kynredes / in conclusion
The eyght day / for to come in fere
By one assent / to ••r••••e of this matere.
¶ This is to say / that of olde vsage
O•• custome kepe / for a memoriall
That euery mayde / of fourtene yere of age
Riche and poore / of the stocke ryall
In the temple / no lenger dwell shall
But be statute / shall be take and maryed
By the lawe / and no lenger taryed▪
Page [unnumbered]
¶ And whan they were assembled al in one
Isacar in opyn audyence
Gan to pronounce / afore hem euerichone
Ful prudently / the sūme of his sentence
And said si••es / with your pacience
So yt your eres offende not ne greue
Declare I shal / my meynyng with your leue.
¶ If ye remembre sithen Salamon the kynge
Of Israel ceptre bare and crowne
In this temple / so ryal in byldyng
Haue yong maydens by deuysion
Of custome had / her conuersacion
Bothe kynges doughters & prophytes ake
As ye may fynde / yf ye lyst to seke.
¶ But to the age of fourtene yere
Abyden here and no lenger of spake
As ye wel knowe / withouten any were
And than be remeuyd from her place
And in her stede other dyd pace
As custome was / & eche in her lynage
Delyuerd was vnto mariage
¶ And as a lawe it hath be kept full trewe
Unto this tyme / in hygh & lowe estate
But now Marie / hath fonde an ordre newe
To kepe her clene and inuyolate
Agaynst whiche / there help••th no debate
For of fre chose / and hertely volunte
She hath to god / auowed chastyte.
Page [unnumbered]
¶ Wherfore me semeth / it were well sittyng
To her purpose / by good discressyon
Fyrst that we myght fully haue knowyng
Of goddes wyll / in this opynion
For thant were a more perfeccion
Her clene entente / as semyth vnto me
And eke the stronger of auctorite.
¶ Fyrst / that we myght knowe veryly
To whose kepyng / she shall commytted be
And they assenten / herto veraly
Withouten more / of hygh or lowe degre
And of accorde / & of one vnyte
The prestes all begonnen to procede
To cast lotte downe by eche kynrede.
¶ The whiche lotte / on Iuda fyll anone
As I suppos / ethrogh goodes purueaunce
And Isacar amonge hem euerichone
Purposed hath a newe ordynaunce
That euery wyght / of that allyaunce
That wyfles were / withouten more delaye
Shulde brynge a yerde / agaynst the next daye.
¶ And to the bisshop / hyest of echone
Eueryche of hem dyd his yerde brynge
Amonge whiche / Ioseph had brought one
Though he were olde / & passed his likynge
And he alone / made his offerynge
To god aboue / and a sacrifyse
In the olde lawe / suche as was the guyse.
Page [unnumbered]
¶ And god to hym / than dyd appere
And with the ye••des / bad that he sholde gone
And put them euerichone in fere
Insancta sanctorum / liggyng one by one
And in the morowe / to come agayne echone
Eueriche his yerde / to receyue agayne
And vpon whiche yerde / onely were seyne.
¶ A downe appere / and vp to heuen flee
He shall haue / without more obstacle
Marie in kepyng / so fayre vpon to see
As it is right / for the hygh myracle
And whan they come / to the tabernacle
As ye haue herde / the besshop deuoutely
Eueriche his yerde delyuerd by and by.
¶ But vtterly vpon none them of alle
At thylke tyme / was theyre nothyng sayne
For godes heste / was noughte ye ytall••
Other desyre / to put hem in certeyne
Wherfore the bisshop / with newe fyre agayne
Entred is in to the senturye
And whyle that he a whyle there gantarye.
¶ Godes angell appered to hym newe
Downe fro heuen / by myracle lent
And tolde playnly / the heste of god was trewe
But howe hymselfe / was somwhat necligent
For to delyuer by cōmaundement
Euery man his yerde / as he oughte
And whan the bisshop aright hym bethoughte.
Page [unnumbered]
¶ He gan remembre / playnly in his mynde
That of disdayne / and wylfull necligence
The yerde of Ioseph was left behynde
Wherby he knewe / that he had done offence
And gan alone / to brynge hit in presence
And toke h•••• Ioseph deuoutely in his honde
Amonge hem all there they dyd stonde.
¶ All behynde disseueryd / from the pres
With humble chere / in the lowest place
And of this yerde / in maner recheles
Full stylle of porte / with a dreedfull face
And whan he did with his hande enbrace
His yerde agayne full debonayre of lok••
For Innocence of humble drede he quoke.
¶ And sodenly through grace / about deuyne
All openly in euery wyghtes sight
Upon the yerde of Ioseph full benygne
Was seen a dow••e / of fetheris lyly whight
That towarde heuen toke the flight
And with one voyce the people tho abrayde
And vnto Ioseph / all attones sayde.
¶ Blessed arte hou / & blessed is thy chaunce
Thy face blessed / & thyne aduenture
And blessed is thyne humble attendaunce
And thou are blessed so longe tendure
For to possede / so feare a creature
So good / so holy / nowe in thy passyng age
So clene a mayde / to haue in mariage.
Page [unnumbered]
¶ And she alone / by preestes of the lawe
A••signed was / vnto his gouernaunce
But sely Ioseph / gan hym to withdrawe
With humble chere / & shamefast countenaunce
And said certes / there is none accordaunce
Betwene her yougth / flor••sshyng in fayrnesse
And me / whome age with vnluste doth oppresse.
¶ For she is fayre & fresshe / as rose in maye
And well I wote / also a mayden clene
And I am olde / with whyte lock••s graye
Passed full fore / my tender yeres grene
Wherfore I praye you / to condsydre and sene
To accorde discordaunt / saith to me nomore
Bitwene her beaute / & my lock••s hore.
¶ And whan the bysshop sawe the humble entent
Of this Ioseph / and the Innocence
And howe that he to take her nolde assent
To hym he sayd / in opyn audience
Ioseph he sayde / take hede to my sentence
And be well ware / that thou the not excuse
Agaynst the wyll of god / for to refuse.
¶ This holy mayde / assigned vnto the
By open signe / whiche all the people saye
Thorugh godes grace / & myghty volunte
Agaynst whiche beware to dyssobeye
And thynke howe he somtyme made to deye
Ab••••on and Dathan / onely for the offence
Done to hym / of inobedyence.
Page [unnumbered]
¶ Quod Ioseph / that wyll I not in nothyng
To godes wyll ne biddyng contrayre
But her accepte / in to my kepyng
For whome god hath shewed signes fayre
Whiche is so good benygne / and debonayre
That I to her / wyll seruaunt be & guyde
Tyll for her / god list bet to prouyde.
¶ And as the custome of the lawe hem bonde
So made was the confirmacion
Be heste of wedloke / betwene hem hande in hande
And he her toke / to his possession
With herte clene / and meke affeccion
But whyle he went to Bethelem the cyte
Marie abyde stylle in Galilee.