¶ Howe where and whan Simeon made Nunc dimittis 〈◊〉〈◊〉 ••uum d•••• secundum verbum tuum in pace. Capitulo. lxxix. (Book 79)
O Blisfull lorde of thy hygh grace
It that thou liste nowe / thou mayste me lete
Out of this lyfe in rest and peace to pace
And suffre me to dye in quyete
For nowe to me deth is wonder swete
Nowe haue I sene thy helthe and thy socoure
And of mankynde lorde and sauyoure.
¶ Whiche thou haste dyght afore the faces all
Of eche people to make hem glad and light
To lete thy grace / so to erthe fall
Thorowe all y• worlde / to shewe his bemes bright
That maye be called for comforte of his light
Unto all the gentyles the reuelacion
The glorie also / and the saluacion.
¶ Of Israel the people in speciall
To voyde hem out of all derkenes
And Marie full mekely listeneth all
And gan merueyle with greate aduisednes
Of the wordes that he gan expres
And Ioseph / eke gan to wonder also