To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
¶The maner to ••yue well, ••e••••u••ly an•• salutarily ••ue••y day ••or all persones of me•• 〈◊〉〈◊〉 ••••••ate. Compyled by mayster Iohan qu∣u•• doctour at 〈◊〉〈◊〉 at Paris: trans••••ted ou•• of frenche in tho englysshe by Rober•• Copland prynter at London.
FOr to begyn the maner of saluta¦ry or helthfull lyuyng. And to come to per∣fection (how wel I haue more nede to be in¦struct than for to teche other) yet kepe these small doctrīes here folowyng to your powers. Fyrst ryse vp at .vi. of the clocke in the mornyng in all seasōs & in your rysyng do as foloweth. Thāke our lorde of the rest that he gaue you that nyght. Cōmende you to god / to our blyssed lady saynt mary & to that saynt whiche is feested that day / & to all the sayntes of heuen. Secōdly beseche god that he preserue the that day / from deedly synne / & at all other tymes. And pray hym that all the werkes that other dooth for you may be accept to the lawde of his name / of his glorious mother / & of all the cōpany of heuen.
Uvhan ye haue arayed you / say in your chābre or lodgyng: matyns pryme / & houres yf ye may. Than go to the chyrche or ye do ony worldly wer∣kes yf ye haue no nedefull besynesse. & abyde in the chyrche the space of a lowe masse whyle where ye shal thynke & thāke god of his bn̄fytes. Thynke a whyle on the goodnesse of god / on his dyuyne my¦ght & vertue. Thynke what gyft he hath gyuen to you to create you so nobly / as to his ymage & lyke¦nesse. Thynke also what grace he hath done to you in the sacramēt of baptysme / clensyng your soule from synne. Thynke how many tymes ye haue of¦fēded hym syth ye were cristened. Thynke how me¦kely he hath abyden your retournyng from synne. Thynke from how many daūgers he hath preser∣ued your body & soule. Thynke how yll ye haue be¦stowed the tyme that he hath gyuen you to do pena¦unce. Thynke how many tymes she hath forgyuen you in shryft / & how many tymes ye haue fallen to synne agayn. Thynke in what payne ye had bē now & euer yf god had takē you out of this worlde whan ye were ī deedly synne. Thynke how derely
he bought you from the daunger of the deuyll / suf¦fryng cōtynuall paynes in this worlde / about the space of .xxxij. yeres / goynge barefote in colde and heate / suffryng hōgre / & thyrst / & many shame full iniuryes & how derely he redemed you / gyuyng his pcious body / his blode / & his soule. & at this poynt consydre all the paynes of his wofull passyon / as god wyll gyue you grace. Thynke also what payne his dere & gloryous mother suffred all that whyle. Cōsydre his sharpe iugemēt at the houre of dethe. And touchyng this dethe thynke often theron / and that ye can not escape it / nor knoweth whan / nor how / ī what estate / nor what place / nor tyme day / nor houre. Thynke than wat shall become of the worldly goodes that ye haue gadred & spared with grete labour & how lothe ye shall be to leaue them and all your frendes & kynsfolke. And that more is whan your soule in grete payne shall leaue your body to rotte in the erthe. Cōsydre than what shall become of your strength / beaute / youthe helthe & other welthe of the body. Thynke what the poore soule shall do whan it gooth alone without cōpany where it was neuer. Thynke what it shall do whā it seeth the horryble enmyes that wolde drawe it to {per}dycion yf ye deye in deedly synne. Thynke how wofull a iourney it shall be whan ye must yelde a generall rekenyng of all your werkes / wordes / & thoughtes without excepcyō of ony thyng. Thyn¦ke how god shall gyue you grace. Thynke on the horryble paynes of hell / & on the cruell cōpany of deuylles: where without ende ye shall neuer / haue releas / yf ye deye in deedly synne. And thynke on the inestymable ioye of the sayntes in heuen / the whiche our lorde hath promised you of ye lyue out of deedly synne / & loue hym aboue all thyng. And haue ye a {per}fyte hope yf ye lyue well ye shall come to that glory. Amen. And 〈◊〉〈◊〉 ben ••he thoughte•• that I wyll that ye ha•••• ••n ••h•• ••hyrche••
And yf by ony other reasonable besynesse ye may not be so long in the chyrche / at it is sayd here afore. yelde thankes to god of his goodnesse. And thynke on the resydew in your hows ones in the day or in the nyght yf ye may.
Whan ye are come fro the chyrche take hede to your housholde or occupacyō tyll dyner tyme. And in so doyng thynke somtyme that the payne that ye suffre in this worlde is nothyng to the regarde of the īfynyte glory that ye shall haue yf ye take it me¦kely. Than take your refeccyon or mele reasona∣bly without excesse or ouer moche for beryng of your meate for there is as moche daunger in to lytell as in to moche. yf ye fast ones in a weke it is ynough / besyde vigilles & ymbre dayes out of len¦ten. And yf ye thynke the fastyng be not good nor prouffytable do by councell. Rest you after dyner an houre or half an houre as ye thynke best / pray∣eng goh that in that rest he wyll accept your hel∣the / to the ende that after it ye may serue hym the more deuoutly. The resydew of the day bestowe in your besynesse to the pleasure of god. As touchyng your seruyce say vnto tiers a fore dyner. and make an ende of all before souper. And whan ye may say dyryge and commendacyons for all chrysten sou∣les / at the leest way on the holy dayes and yf ye haue leaser say them on other dayes / at the leest with thre lessons. Shryue you euery weke to your curate except ye haue grete lette. And beware ye passe not a fourtenyght excepte veray grete lette. yf ye be of power refuse not your almesse to the fyrst poore body that axeth it of you that day. yf ye thynke it nedefull. Take payne to here & kepe the worde of god. Cōfesse you euery day to god witout fayle / of suche synnes as ye knowe that ye haue done that day. Cōsydre oftē eyther by day or nyght whan ye do awake what our lorde dyde at that hou¦re the day of his blyssed passyon / & where he was
at that houre. ¶ Seke a good & faythfull frende of good cōuersacion to whome ye may dyscouer your mynde secretes. Enquere and proue hym well or ye trust in hym. And whan ye haue well proued hym do all by his councell. Say lytell / and folowe vertuous company. Eschew the felaw shyppe of them that ye wolde not be lyke. After all werke pray se and tāke god / loue hym aboue all thynges / and serue hym and his gloryous moder diligently. do to noue other but that ye wolde were done to you. loue the welth of an other as your owne. And in goyng to your bedde haue some good thou∣ght eyther o•• the passyon of our lorde / or of your synnes / or of the paynes that ••oules haue in pur∣gatory•• or some other good spūall thoughtes. And th••n I hope your lyuyng shall be acceptable and pleasyng to god.