Ane dialog betuix Experience and ane courteour off the miserabyll estait of the warld. Compylit be Schir Dauid Lyndesay of ye Mont Knycht alias, Lyone Kyng of Armes. And is deuidit in foure partis. As efter followis. .&c.

And Begynnis the Fourt, Makand Mentioun of the Deith. And of the Antichrist. And Generall Iugemēt. And of Certane Plesouris of Glorifier Bodyis. And quhow euery Creature desyris to se the last Day. With ane Exhortatioun be Experience to the Courtiour. &c.

☞(✚)☞

PRVDENT Father Experience* 1.1 Sen ʒe of ʒour beneuolence Hes causit me for to consydder Quhow warldlye Pompe, and glore bene slydder By diuers Storyis, Miserabyll Quhilk{is} to reheirs, bene Lamentaby••l Ʒitt or we passe, furth of this vaill I pray ʒow geue me ʒour counsaill Quhat I sall do in tyme cumyng To wyn the glore, Euirlestyng ¶My Sonne (said he) sett thy intent To keip the Lordis Commandiment* 1.2 And preis the nocht to clym ouer hie To no warldly Auctoritie Quho in the warld doith moste reiose Ar farrest aye frome thare purpose Wald thow leue warldlye vaniteis And thynk on foure extremeteis

Quhilk{is} ar to cum, and that schortlye Thow wald neuer syn wylfullye Prent thir four in thy memorye The Deith, the Hell, and heuinnis glorye And extreme Iugement Generall Quhare thow man rander compt of all Thow sall nocht fail, to be content Off quyet lyfe, and sobir rent Considdryng no man can be sure In erth one hour, for tyll indure So all warldly prosperitie Is myxit with gret miseritie ¶ Wer thow Empriour of Asia Kyng of Europe, and Affrica Gret Dominator of the sey And thocht the Heuinnis did the obey All Fyschis, sowmyng in the strand All Beist, and Fowle, at thy command Concludyng thow wer kyng of all Vnder the heuin Imperiall In that moste heych auctoritie Thow suld fynd leist tranquilitie * 1.3Exempyll of kyng Salamone More prosperous lyfe, had neuir none * 1.4Sic ryches, with so gret plesoure Had neuer kyng nor Emprioure With moste profunde Intelligence And superexcelland Sapience His plesand Habitationis

Precellit all vtheris Nationis Gardyngis, and Parkis, for Hartis and Hynd••••. Stankis with fysche of diuers kyndis Moste profunde Maister{is} of Musike That in the warld, wes none thame like Sic treasour of Gold, and pretious stonis In erth, had neuir no kyng att onis He had sewin hundreth lustye Quenis* 1.5 And thre hundreth fair Concubenis In erth, thare wes no thyng plesand Contrarious tyll his command Ʒitt all this gret prosperitie He thoucht it vaine, and vanitie And mycht neuir fynd repose compleit Without afflixioun of the spreit ¶Father (quod I) it maruellis me* 1.6 He haueand sic prosperite With so gret ryches by mesoure Nor he had infynite plesoure ¶My Sonne the suth gyf thow wald knaw* 1.7 The veritie I sall the schaw Thare is no warldly thyng at all May satyfie ane mannis Saull For it is so Insaciabyll That Heuin, and Erth, may nocht be abyll One Saull allone to mak content Tyll it se God Omnipotent

Wes neuer none, nor neuer salbe Saciate that sycht, tyll that he se Quharefor my Sonne sett nocht thy cure * 1.8In erth, quhare no thyng may be sure * 1.9Except the deith, allanerlye Quhilk followis man continuallye Tharefor my Sonne, remember the Within schorte tyme, that thow mon de Nocht knawing quhen, quhow, in quhat place Bot as plesit the Kyng of Grace.

FINIS.

❧ Off the Deith.

OF Misarie moste Miserable Is Deith, and most abhominable That dreidfurl Dragone with his dartis Aye reddy for to peirs the hartis Off euerilk Creature on lyue Contrar quhose strenth may no man stryue ¶Off dolent Deith, this sore sentence Wes gyffin throw Inobedience Off our Parentis, allace tharefore As I haue done declare affore Quhow thay, and thare Posteritie Wer all condampnit for to dee Quhowbeit the flesche to deith be thrall God hes the Saull maid Immortall

And so of his benignytie Hes myxit his Iustice, with mercie Tharefor call to remenbrance Off this fals warld, the variance Quhow we lyke Pylgram{is} ewin and morrow Ay trauellyng throw this vaill of sorrow Sum tyme in vaine prosperitie Sum tyme in gret Misaritie Sum tyme in blys, sum tyme in baill Sum tyme rycht seik, and sum tyme haill Sum tyme full ryche, and sum tyme pure Quharefor my Sonne, tak lytill cure Nother of gret prosperitie Nor ʒitt of gret misaritie Bot plesand lyfe, and hard myschance Ponder thame boith in one ballance Considdryng none auctoritie Ryches, wysedome, nor dignitie Empyre of Realmes, bewtie, nor strenth May nocht one day our lyuis lenth Sen we ar sure, that we moste de Fairweill all vaine felyscitie. ¶Gretlye it doith perturbe my mynde Off dolent Deith, the diuers kynd Thoucht Deith tyll euery man resortis Ʒitt strykith he in syndrie sortis Sum be hait Feuer{is} violence Sum be contagious Pestilence

Sum be Iustice executioun Bene put to deith without Remissioun Sum hangit, sum doith lose thare heidis Sum brynt, sum soddin in to leiddis And sum for thare vnleifsum actis Ar rent and rewin apone the ractis Sum ar dissoluit by poysoun Sum on the nycht ar murdreist doun Sum fallis in to frynasie Sum deis in Idropesie And vtheris strange Infirmeteis Quharein mony ane thousand deis Quhilk humane Nature dois abhor As in the Gutt, grauell and gor Sum in the flux, and feuir quartane Bot ay the houre of deith vncertane Sum ar dissoluit suddantlye Be Cattarue or be Poplesye Sum doith distroy thame self also As Hanniball, and wyse Cato Be thounder, deith sum doith consume As he did the thrid kyng of Rome Callit Tullius Hostulius As wryttis gret Valerius For he and his houshald attonis Wer brynt be thounder, flesche and bonis Sum deith be extreme excesse Off Ioy, as Valeri doith expresse Sum be extreme Malancolye

Wyll de but vther Maladye In Cronicles thow may weill ken Quhow mony hundreth thousand men Ar slane sen first the warld began In battell, and quhow mony one man Apone the see, doith lose thare lyuis Quhen schyppis apone roches ryuis Thocht sum de Naturally throuch aige Fer mo deis raiffand in one raige Happy is he, the quhilk hes space Att his last hour, to cry for grace Quhowbeit deith be abhominabyll I thynk it suld be confortabyll Tyll all thame of the faithfull nummer For thay depart frome cair and cummer Frome trubyll trauell, sturt, and stryfe Tyll Ioy and euirlestand lyfe ¶Polidorus Virgilius To that effect, he wryttis thus In Trace, quhen ony chylde be borne Thare kyn, and freindis, cumis thame beforne With dolent Lamentatioun For the gret trybulatioun Calamitye cummer and cure That thay in erth, ar to indure Bot at thare deith and burying Thay mak gret Ioy and Bankettyng That thay haue past frome misarie To rest and grett felycitie. ¶Sen deith bene fynall conclusioun

Quhat valis warldly prouisioun Quham wysedome may nocht contramand Nor strenth that stoure may nocht ganestand Ten thousand Mylʒeone of treasoure May nocht prolong thy lyfe one houre Efter quhose dolent departyng Thy spreit sall passe but tarying Straucht way tyll Ioye Inestimabyll Or to strang pane Intollerabyll Thy vyle corruptit carioun Sall turne in Putrefactioun And so remane in pulder small On to the Iugement Generall.

FINIS

Ane schort discriptiōn Of the Antechriste.

* 1.10QVOD I) Father I heir men say. That thare sall ryse affore y^e day Quhilk ʒe call generall Iugemēt One wyckit mā from sathan sent And contrar to the law of Christ Callit the creuell Antechrist And sum sayis that myscheuous man Discende sall of the Trybe of Dan And suld be borne in Babilone The quhilk dissaue sall mony one

Infydelis sall of euery art With that fals Propheit tak one part And quhow that Enoch, and Elias Sall preche contrar that fals Messias Bot fynally his fals Doctryne And he sall be put to rewyne Bot nother be the fyre nor swourd Bot be the vertew of Christis wourd And gyf this be of veryte The suith I pray ʒow schaw to me ¶ My Sonne (said he) as wryttis Iohne* 1.11 Thare sall nocht be one man allone Hauyng that name in speciall Bot Antechristis in generall Hes bene, and now ar mony one And rycht so in the tyme of Iohne* 1.12 Wer Antechristis as hym self sayis And presentlye now in thir dayis Ar rycht mony withouttin dout Wer thare fals lawis weill souchtout. ¶ Quha wes one greter Antechrist And more contraryous to Christ Nor the fals Propheit Machomeit Quhilk his curste Lawis, maid so sweit In Turkye, ʒit thay ar obseruit Quhare throuch the hell, he hes deseruit All Turkis, Sarazenis, and Iowis That in the Sonne of God nocht trowis Ar Antechristis, I the declare* 1.13 Because to Christ thay ar contrare.

* 1.14☞Daniell sayis in his propheseis That efter the gret Monarcheis Sall ryse ane maruellous potent Kyng Quhilk with ane schameles face sall ryng Mychtie and wyse in dirk speikyngis And prospir in all plesand thyngis Throuch his falsheid and craftynes He sall flow in to welthynes The Godlye pepyll he sall noye By creuell deith, and thame distroye The kyng of Kyngis, he sall ganestand Syne be distroyit withouttin hand. * 1.15¶Paull sayis affore the Lordis cumyng That thare salbe one departyng And that man of Iniquitye Tyll all men he sall opened be Quhilk sall sitt in the holy sait Contrary God, to mak debait Bot that Sonne of Perditioun Salbe put to confusioun Be power of the haly Spreit Quhen he his tyme hes done compleit ☞Beleue nocht that in tyme cumyng One gretar Antechriste to ryng Nor thare hes bene, and presentlye Ar now, as Clerkis can espye Tharefor my wyll is that thow knaw Quhat euer thay be, that makis one law Thocht thay be callit Christin men By naturall reassoun thow may ken

Be thay neuer of so gret valour Pape, Cardinall, Kyng, or Empriour Extolland thare Traditionis Abufe Christis Institutionis Makand Lawis contrar to Christe He is ane verray Antechriste And quho doith fortifye or defend Sic Law, I mak it to the kend Be it Pape, Empriour, Kyng or Quene Gret sorrow, sall be on thame Sene Att Christis extreme Iugement Without that thay in tyme repent

FINIS.

Heir follouis a schort Remenbrance of the moste Terrabyll Day of the extreme Iugement.

❧FATHER said I) with ʒour Lycence Sen ʒe haith sic Experience* 1.16 Ʒitt one thyng at ʒow wald I speir Quhen sall that dreidfull day appeir Quhilk ʒe call Iugement Generall Quhat thyngis affore that day sall fall Quhare sall appeir that Dreidfull Iuge? Or quhow may Faltour{is} gett refuge (Quod he) as to thy first questioun I can mak no solutioun* 1.17 Quharefor perturbe nocht thyne intent

To knaw day, hour, nor moment To God allone, the day bene knawin Quhilk neuer was to none Angell schawin Howbeit be diuers coniectour{is} And principall Expositour{is} Off Daniell, and his Prophicie And be the sentence of Elie Quhilk{is} hes declarit as thay can How lang it is sen the warld began And for to schaw, hes done thare cure How lang thay traist it sall indure And als how mony ages bene As in thare warkis may be sene ¶Bot tyll declare thir questionis Thare bene diuers opinionis Sum wryttar{is} hes the warld deuidit In sex ageis, (as bene desidit Into Fasciculus Temporum And Cronica Cronicarum) Bot be the sentence of Elie The warld deuydit is in thre As cunnyng Maister Carioun Hes maid plane expositioun How Elie sayis withouttin weir The warld sall stand sax thousand ʒeir Off quhome I follow the sentence And lattis the vther Buk{is} go hence Frome the Creatioun of Adam Two thousand ʒeir tyll Abraham

Frome Abraham, be this narratioun To Christis Incarnatioun Rychtso hes bene two thousand ʒeris And be thir Prophiceis apperis Frome Christ, as thay mak tyll ws kend Two thousand tyll the warldlis end Off quhilk{is} ar by gone sickirlye Fyue thousand, fyue hundreth, thre & fyftye And so remanis to cum but weir Four hundreth, with sewin and fourtye ʒeir And than the Lorde Omnipotent Suld cum tyll his gret Iugement Christ sayis the tyme salbe maid schort* 1.18 As Mathew planelye doith report That for the warldlis Iniquite The letter tyme, sall schortnit be For plesour of the chosin nummer That thay may passe, frome care and cummer So be this compt it may be kend The warld is drawand neir ane end For legionis ar cum but doute Off Antechrist{is}, wer thay soucht out And mony toknis dois appeir As efter schortlye thow sall heir Quhow that Sanct Iherome doith indyte That he hes red, in Hebrew wryte Off fyftene signis in speciall Affore that Iugement Generall Off sum of thame, I tak no cure

Quhilk I fynd nocht in the scripture One part of thame thocht I declare First wyll I to the Scripture fare * 1.19¶Christe sayis, affore that day be done * 1.20Thare salbe signis, in Sonne and Mone The Sonne sall hyde his beymes brycht So that the Mone, sall gyf no lycht Sterris be mennis Iugement Sall fall furth of the Firmament ¶Off this signis, or we forther gone Sum morall sence, we wyll expone As cunnyng Clerkis hes declarit And hes the Sonne, and Mone comparit The Sonne to the stait spirituall The Mone, to Princis temporall Rychtso the sterris, thay do compare To the lawd common populare The Mone and sterris hes no lycht Bot the reflex of Phebus brycht So quhen the Sonne of lycht is dyrk The Mone and sterris, man be myrk Rychtso quhen Pastouris spirituallis Popis, Byschopis, and Cardinallis In thare beginnyng schew gret lycht The Temporall stait, wes rewlit rycht ¶Bot now allace, it is nocht so Those schynand Lampis bene ago Thare Radious beymes, ar turnit in reik For now in erth, no thyng thay seik

Except ryches, and Dignitie Followyng thare sensualitie Mony prelatis, ar now ryngand The quhilk{is} no more dois vnderstand Quhat doith pertene to thare offyce Nor thow can kendyll fyre with yce Wo to Papis, I say for me Quhilk sufferis sic Enormite That Ignorant warldly creaturis Suld in the kirk, haif ony curis No maruell thocht the peple slyde Quhen thay haue blynd men to thare gyde For ane Prelat, that can nocht preche Nor Goddis law, to the peple teche Esaye, comparith hym in his wark* 1.21 Tyll ane dum Dog, that can nocht bark And Christ hym callis in his greif Moste lyke ane murdrer, or ane theif* 1.22 The cunnyng Doctour Augustyne Wolfis and Deuyllis, doith thame defyne The Canon Law, doith hym defame That of ane Prelat beris the name And wyll nocht preche the Diuyne Lawis As the Decreis planelye schawis Bot those that hes Auctorite To prouyde spirituall Dignyte Mycht geue thay plesit to tak pane Gar thame lycht all thare Lampis agane Bot euer allace, that is nocht done

So dirknit bene boith Sonne and Mone ☞War Kyngis lyuis weill declarit The quhilk{is} ar to the Mone comparit Men mycht consydder thare estate Frome Charitie degenerate I thynk, thay sulde thynk mekle schame Off Christ for to tak thare Surname Syne leif nocht lyke to Christianis Bot more lyke Turkis, and to Paganis Turke contrar Turke, makis lytill weir Bot Christiane Princis, takis no feir Quhilk{is} suld aggre as brother to brother Bot now ilk ane dyngis doun ane vther I knaw no ressonabyll cause quharefore Except Pryde, Couatyce, and vaine glore The Empriour mouis his Ordinance Contrar the potent Kyng of France And France rychtso, with gret regour Contrar his freinde the Empriour And rycht swa France agane Ingland Ingland alsso aganis Scotland And als the Scott{is}, with all thare mycht Doith feycht for tyll defend thare rycht Betuix thir Realmes of Albione Quhare Battellis hes bene mony one Can be maid none Affinitie Nor ʒit no Consanguinitie Nor be no waye, thay can consydder That thay may haue lang Peace to gydder

I dreid that weir mak{is} none endyng Tyll thay be boith onder ane kyng Thocht Christ, the Souerane kyng of grace Left in his Testment lufe and peace Our Kyng{is} frome weir wyll nocht refrane Tyll thare be mony ane thousand slane Gret heirschipis maid be see and land As all the warld may vnderstand ¶Father I thynk that temporall kyngis May fecht for tyll defend thare ryngis* 1.23 For I haif sene the spirituall stait Mak weir thare rychtis tyll debait I saw Pape Iulius manfullye Passe to the feild tryumphantlye With ane rycht aufull ordinance Contrar Lues, the kyng of France And for to do hym more dispyte He did his Regioun interdyte ¶My Sonne (said he) as I suppose* 1.24 That langith weill tyll our purpose How Soune and Mone, ar boith denude Off lycht, as Clerkis dois conclude Comparyng thame, as ʒe hard tell To Spirituall stait, and Temporell And commoun peple half disparit Quhilk to the sterris, bene comparit Lawd peple followis ay thare heidis And speciallye in to thare deidis The moste part of Religioun

Bene 〈…〉〈…〉 Quhat d••is auaill religious wedis Quhen thay ar contrar in thare dedis Quhat holynes is thare within Ane wolf, cled in ane Wodder{is} skin So be thir to••nis dois appeir The day of Iugement drawis neir Now latt ws leif this morall sens Proceidyng tyll our purpose hens And of this mater speik no more Begynning quhare we left affore * 1.25☞The Scripture sayis, efter thir signis Salbe sene mony maruellous thyngis * 1.26Than sall ryse trybulationis * 1.27In erth, and gret mutationis Als weill heir vnder as aboue Quhen vertewis of the heuin sall moue Sir creuell weir salbe or than Wes neuer sene sen the warld began The quhilk sall cause gret Indigence As darth, hunger, and pestilence The horribyll soundis of the sey The peple sall perturbe and fley Ierome sayis, it sall ryse on heycht Aboue montanis to mennis sycht Bot it sall nocht spred ouir the land Bot lyke ane wall ewin straycht vpstand Syne sattell doun agane so law That no man sall the walter knaw

Gret Quhalis sall ••umi••••is 〈◊〉〈◊〉 and rair Quhose sound redound, sall in the air All fysche and Monstouris 〈◊〉〈◊〉 Sall cry with soundis odious That men sall wydder on the erd And wepyng wary sall thare weird With lowde allace, and weiaway That euer thay baid to se that day And speciallye those that dwelland be Apone the costis of the see Rycht so as Sanct Ierome concludis Sall be sene ferleis in the fludis The sey with mouyng maruellous Sall byrn with flammis furious Rychtso sall byrn fontane and flude All herb and tre, sall sweit lyk blude Fowlis sall fall furth of the air Wylde beistis to the plane repair And in thare maner mak gret mone Gowland with mony gryslye grone The bodeis of dede creaturis* 1.28 Appeir sall on thare Sepulturis Than sall boith men, wemen and bairnis Cum crepand furth, of howe Cauernis Quhare thay for dreid, wer hyd affore With seych and sob, and hartis sore Wandryng about, as thay war wode Affamysit, for falt of fude Non may mak vtheris confortyng

Bot dule for dule, and Lamentyng Quhat may thay do, bot weip and wounder Quhen thay se roches schaik in schounder Throw trimlyng of the erth and quakyng Off sorrow than salbe no slakyng Quho that bene leuand in those dayis May tell of terrabyll affrayis Thare ryches, rentis, nor tressour That tyme sall do thame small plesour Bot quhen sic wonderis dois appeir Men may be sure, the day drawis neir * 1.29That Iuste men pas sall to the glore Iniuste to pane for euer more. * 1.30¶Father (said I) we daylie reid One Artekle in to our creid Sayand that Christe Omnipotent In to that generall Iugement Sall Iuge boith dede and quik also Quharefore declare me or ʒe go Geue thare sall ony man or wyue That day be funding vpon lyue. * 1.31(Quod he) as to that questione I sall mak sone solutione * 1.32The Scripture planelye doith expone Quhen all tokynnis, bene cum and gone Ʒitt mony one hundreth thousand That samyn day, salbe leuand Quhowbeit thare sall no Creature Nother of day, nor hour be sure

For Christ sall cum so suddantlye That no man sall the tyme espye As it wes in the tyme of Noye Quhen God did all the warld distroye Sum on the feild salbe lauborand Sum in the templis Mariand Sum afore Iugis makand pley And sum men saland on the sey Those that bene on the feild going Sall nocht returne, to thare luging Quho bene apone his hous aboue Sall haif no laser to remoue Two salbe in the Myll grindyng Quhilk{is} salbe taking but warnyng The one tyll euerlestyng glore The vther loste for euer more Two salbe lying in one bed The one to plesour salbe led The vther salbe left allone Gretand with mony gryslie grone And so my Sonne, thow may weill trow The warld salbe as it is now The peple vsyng thare besynes As holy Scripture doith expres Sen no man knawis the hour nor day The Scripture biddis ws walk and pray And for our Syn be penitent As Christ wald cum Incontinent.

FINIS.

❧the maner quhow Christ sall cum to his Iugement.

* 1.33QVHEN al takīnnis bene brocht till end Thā sal y^e sone of god discēd * 1.34As fyreflaucht haistely glansyng Discend sall y^e most heuinly kyng As Phebus in the Orient Lychtnis in haist the Occident So plesandlye, he sall appeir * 1.35Amang the heuinlye cluddis cleir With gret power, and Maiestie Aboue the cuntrie of Iudee As Clerkis doith concludyng haill Direct aboue the lustye vaill * 1.36Off Iosaphat, and Mont Olyueit All Prophesie, thare salbe compleit * 1.37The Angell{is} of the Ordoris Nyne Inueron sall, that throne Diuyne With heuinlye consolatioun Makand hym Ministratioun In his presens, thare salbe borne The signis of Cros, and Croun of thorne Pillar, Nalis, Scurgis, and Speir With euerilk thyng that did hym deir The tyme of his grym Passioun And for our consolatioun Appeir sall in his handis and feit

And in his syde, the prent compleit Off his fyue Woundis Precious Schynand lyke Rubeis Radious Tyll Reprobatt confusioun And for fynall conclusioun He Sittand in his Trybunall With gret power Imperiall Thare sall ane Angell blawe a blast* 1.38 Quhilk sall mak all the warld agast With hydous voce, and vehement Ryse dede folk, cum to Iugement With that, all Reasonabyll Creature That euer wes formit be Nature Sall suddantlye start vp attonis Coniunit with Saull, Flesche, Blude, & Bonis That terribyll Trumpat, I heir tell Beis hard in Heuin, in erth, and hell Those that wer drownit in the sey* 1.39 That boustious blast thay sall obey Quhare euer the body buryet wase All salbe fundyng in that plase Angellis sall passe, in the four airtis Off erth, and bryng thame frome all partis* 1.40 And with one instant diligence Present thame to his excellence ☞Sanct Ierome, thoucht continuallye On this Iugement so ardentlye He said, quhidder I eit or drynk Or walk, or sleip, forsuth me thynk

That terrabyll Trumpat lyke ane bell So quiklye in my eir doith knell As Instantlye it wer present Ryse dede folk, cum to Iugement Geue Sanct Ierome tuke sic ane fray Allace quhat sall we Synnar{is} say ¶All those, quhilk funding bene on lyue Salbe Immortall maid belyue * 1.41And in the twynkling of one Ee * 1.42With fyre thay sall translatit be And neuer for to dee agane As Diuine scripture schawis plane Als reddy boith for pane and glore As thay, quhilk deit lang tyme affore ¶The scripture sayis, thay sall appeir In aige of thre and thretty ʒeir Quhidder thay deit ʒoung or auld Quhose gret mummer may nocht be tauld That day sall nocht be myst one man Quhilk borne wes, sen the warld began * 1.43The Angellis sall thame separate As Hird the Scheip doith frome the Gate And those quhilk bene of Baliallis band Trymling apone the erth sall stand On the left hand, of that gret Iuge But espirance to gett refuge. * 1.44¶Bot those quhilk bene Predestinate Sall frome the erth be Eleuate And that moste happy cumpanye

Sall ordourit be tryumphantlye Att the rycht hand of Christe our kyng Heych in the air, with loude louyng ¶Full Gloriouslye, thare sall compeir More brycht than Phebus in his speir The Virgene Marie, Quene of Quenis With mony ane thousand brycht Virgenis The Fatheris of the auld Testament Quhilk wer to God obedient Father Adam, sall thame conuoye With Abell, Seith, Enoch, and Noye Abraham with his faithfull warkis With all the prudent Patriarkis Iohne the Baptiste, thare sall compeir The Principall, and last Messyngeir Quhilk come bot half ane ʒeir affore The cumyng of that kyng of glore Moyses, Esayas, honorabyll With all trew Prophetis Venerabyll Dauid, with all the faithfull kyngis Quhilk verteouslye did rewle thare ryngis The nobyll Cheiftane Iosue With gentyll Iudas Machabe With mony one nobyll Campioun Quhilk in thare tyme with gret renoun Manfullye tyll thare lyuis ende The Law of God, thay did defende ☞With Eue, that day salbe present The Ladyis of the Auld Testament.

Delbora, Adamis Douchter deir With the four lusty Ladyis cleir Quhilk kepit wer, in the Ark with Noye Sara, and Cithara with Ioye The quhilk{is} to Abraham wyffis bene With gude Rebecka, thare salbe sene The prudent Wyffis of Israell Gude Lya, and the fair Rachell With Iudeth, Hestar, and Susanna And the rycht sapient Quene Saba ¶Thare sall compeir, Peter and Paull With Christis trew Disciplis all Lawrence and Stewin, with thare blyst band Off Martyris mo, than ten thousand Gregor, Ambrose, and Augustyne With Confessoris, ane tryumphand tryne With sanct Francois, and Dominic Sanct Bernard, and sanct Benedic With small nummer, of Monkis and Freris Off Carmeletis, and Cordeleris That for the lufe of Christ onlye Renuncit the warld vnfenatlye. ¶With Elezabeth and Anna All gude wyffis sall compeir that da The blyst and holy Magdelane That day affore hir Souerane Rycht plesandlye sche sall present All Synnaris, that wer penitent

Quhilk of thare gylt, heir askit grace In Heuin with hir, sall haue ane place ¶Bot wo beis to that bailfull band Quhilk sall stand Lawe, at his left hand Woo than to Kyngis, and Empriouris Quhilkis wer vnrychteus Conquerouris For thare glore, and perticular gude Gart sched so mekle saikles blude But Ceptour, Crown, and Robe Royall That day thay sall mak compt of all And for thare creuell tyrrannye Sall punyste be, perpetuallye ¶Ʒe Lordis, and Barronis, more and les That ʒour pure Tennantis dois oppres Be gret Gyrsome, and dowbyll maill More than ʒour landis bene auaill With sore exhorbitant cariage With merchetis of thare mariage Tormentit boith in peace and weir With birdyngis more than thay may beir Be thay haif payit to ʒow thare maill And to the Preist, thare teindis haill And quhen the land agane is sawin Quhat restis behynd, I wald wee knawin I traist thay, and thare pure houshauld May tell of hunger, and of cauld Without ʒe haif of thame piete I dreid ʒe sall gett no Mercie That day, quhen Christ Omnipotent

Cumis tyll his generall Iugement. ¶ Wo beis to publict Oppressouris To tyrrannis, and to transgressouris To Murdarar{is}, and commoun theifis Quhilk neuer did mend, thare gret mischeifis Fornicatoris, and Ockararis Commoun publict Adulteraris All pertinat wylfull Arratykis All fals dissaitfull Sysmatykis All salbe present in that place With mony Lamentabyll allace ¶The cursit Cayn, that neuer wes gude With all scheddaris of saikles blude Nemrod, fundar of Babilone With fals Ydolatris mony one Nynus, the kyng of Asseriay With gret dule sall compeir that day Quhilk first Inuentit Ymagery Quharethrouch come gret Ydolatry For makyng of the Image Bell That day his hyir salbe in hell ¶The gret Oppressour, kyng Pharo The tyrrane Empriour Nero Sall with thame cursit kyng Herode bryng With mony vther cairfull Kyng The creuell kyng Antiochus With the moste furious Olofernus Gret Oppressouris, of Israell That day, thare hyre salbe in hell

¶ With Iudas sall compeir one clan Off fals Tratouris, to God and man Thare sall compeir of euerilk land With Ponce Pylat, one bailfull band Off temporall and of spirituall statis Fals Iugis, with thare Aduocatis Thare sall our Senʒeouris of the cessioun Off all thare faltis, mak cleir confessioun Thare salbe sene, the fraudfull failʒeis Off Schireffis, Prouestis, and of Bailʒeis Officiallis, with thare Constry Clerkis Sall mak compt, of thare wrangus werkis Thay and thare peruerst Procuratouris Oppressouris boith of ryche and puris Throw Delaturis, full of dissait Quhilk mony one gart beg thare mait Gret dule that day to Iugis bene That cumis nocht, with thare conscience clene That day sall pas be Peremptoris Without cawteill or Dilatoris No Duplycandum, nor Tryplicandum Bot schortlye pas to Sentenciandum Without Contineuationis Or ony Appellationis That sentence, sall nocht be retratit Nor with no man of Law debatit ¶Ʒe Lauboraris, be sey and landis Perfyte Craftismen, and ryche Merchandis Leif ʒour dissait, and crafty wylis

Quhilk syllie simpyll folk begylis Mak recompence heir, as ʒe may Remembryng on this dreidfull day ¶With Machomeit, sall compeir but doute Off Antechristis one hydduous route Byschope Annas, and Cayphas With hym in cumpany sall pas With Scrybis, and fals Pharisianis Quhilk wrocht on Christ gret violensis With mony one Turk, and Sariscene With gret sorrow thare salbe sene Papis for thare traditionis Contrar Christis Institutionis With mony one cowle, and clyppit crown Quhilk Christis Lawis strampit down And wald nocht suffer for to preche The veritie, nor the peple teche Bot Lawitmen, pat to gret torment Quhilk vsit Christis Testament All Kyngis and Quenis, thare salbe kend The quhilk sic Lawis did defend In that court sall cum mony one Off the blak byik of Babilone The Innocent blude that day sall crye One loude vengeance, full petuouslye On those creuell bludy bowchouris Martyrer{is} of Prophetis and Prechouris Sum with the fyre, sum with the sworde Quhilk planely precheit Goddis worde

That day thay sall rewardit be Conforme to thare Iniquitie ¶The Sodometis, and Gomoriance On quhome God wrocht so gret vengeance With Choro, Dathan, and Abyrone With thare assistance mony one The holy Scripture, wyll the tell Quhow thay sank all doun to the hell With Symon Magus, sall resort Off proude Preistis, ane schamefull sort ¶That samyn day, thare salbe sene Mony one creuell cairfull Quene Quene Semeram, kyng Nynus wyfe Ane Tygir full of sturt and stryfe To gydder with Quene Iezabell Quhilk wes boith couetous and creuell The fals desaitfull Dalyda The creuell Quene Clitamistra The quhilk did murdres on the nyche Agamenon, boith wyse and wycht The quhilk wes hir awin souerane Lorde As Grekis storyis dois recorde With creuell Quenis, mony one Quhilk langsum wer, for tyll expone. ¶Ʒe wantoun Ladyis, and burgis wyuis That now for sydest talis stryuis Flappand the fylth, amang ʒour feit Rasyng the duste, in to the streit That day for all ʒour pomp and pryde

Ʒour talis sall nocht ʒour hyppis hyde Thir vaniteis, ʒe sall repent Without that ʒe be penitent ¶With Phitonissa, I heir tell Quhilk rasit the Spreit of Samuell That day with hir thare sall resorte Off rank Wycheis, one sorrowfull sorte Brocht frome all partis mony one myle Frome Sauoy, Athell, and Argyle And frome the ryndes of Galloway With mony wofull Wallaway. ¶Ʒe Brether of Religioun In tyme leif ʒour abusioun With quhilk ʒe haif the warld abusit Or ʒe that day salbe refusit I speik to ʒow all generallye Nocht tyll one Ordoure speciallye That day all Creature sall ken Geue ʒe war Sanctis or warldly men Or gyf ʒe tuk the Skapellarye That ʒe mycht leif more plesandlye And gett ane gude grosse Portioun Or for Godlye Deuotioun That day ʒour f••ynit Sanctytudis Sall nocht be knawin be ʒour Hudis Ʒour Superstitious Ceremoneis Participand tyll Ydolatreis Corde, cuttit schone, nor clippit hede That daye, sall stande ʒow in no stede

For cowlis blak, gray, nor begaird Ʒe sall that day get no rewaird Ʒour polit payntit flatterye Ʒour dissimulat Ypocrasye That day, thay sall be cleirlye knawin Quhen ʒe sall scheir, as ʒe haue sawin Tharefore in tyme, be penitent Or ellis that day, ʒe wylbe schent ¶I pray ʒow hartlie as I may Remember on that dreidfull day Ʒe Abbot, Pryor, and Pryores Consydder quhat ʒe did profes And quhow that ʒour promotioun Wes no thyng for deuotioun Bot tyll obtene the Abbasye Ʒe maid ʒour wow of Chaistitye Off powertie, and obedience Tharefor remord ʒour conscience Quhow thir thre wowis bene obseruit And quhat rewarde, ʒe haue deseruit Quharefore repent, quhill ʒe haue space Sen God is lyberall of his grace, ¶Father (quod I) declare to me* 1.45 Quhare sall our Prelatis ordorit be Quhilk now bene in the warld leuand With quhome sall cum that Spirituall band? (Quod he) as sanct Barnard discryuis * 1.46 Without that thay amend thare lyuis And leif thare wantoun vitious warkis

Nocht with Prophetis nor Patriarkis Nocht with Martyris, nor Confessouris The quhilk{is} to Christ, wer trew prechouris Thare Predecessouris, Peter, and Paull That day wyll thame mysken at all So sall thay nocht, I say for me With the Apostlis, ordourit be I traist thay sall dwell on the bordour Off Hell, quhare thare salbe non ordour Endlang the Flude of Flagitone Or on the brais of Acherone Cryand on Caron, I conclude To ferre thame ouer, that furious flude Tyll eternall confusioun Without thay leif thare abusioun I traist those Prelat{is}, more and les Sall mak cleir compt of thare ryches That dreidfull day, with hartis sore And quhat seruice, thay did tharefore The Princely pomp, nor apparell Off Pope, Byschope, nor Cardinall Thare Royall Rentis, nor Dignite That day sall nocht regardit be Thare sall no talis, as I heir say Off Byschoppis, be borne vp that day Cum thay nocht with thare conscience clene On thame gret sorrow salbe sene Without that thay thare lyfe amend In tyme, and so I mak ane end.

FINIS.

❧ Heir followis the Maner quhov Christ sall geue his Sentence.

QVHEN all thir Congregationis.* 1.47 Beis brocht furth frōe al natiōis Quhilk wilbe w^tout lang proces Thocht I haif maid sum lang de∣gres For ī y^e twinkling of one E All mankynd, sall presentit be Affore that Kyngis Excellence Than schortlye sall he geue sentence* 1.48 First sayand to that blysfull band Quhilk beis ordourit, at his rycht hand Cum with my Fatheris Bennysoun And ressaue ʒour possessioun Quhilk bene for ʒow preordinat Affore the warld wes first creat Quhen I wes hungry, ʒe me fed Quhen I wes naikit, ʒe me cled Oftymes ʒe gaue me Herberye And gaif me drynk quhen I wes Drye And vesyit me, with myndis meik Quhen I wes presonar and seik In all sic trybulatioun Ʒe gaif me consolatioun ¶Than sall thay say, O Potent Kyng Quhen saw we the, desyre sic thyng

We neuer saw thyne excellence Subdewit to sic Indigence Ʒis (sall he say) I ʒow assure Quhen euer ʒe did ressaue the pure And for my saik, maid thame supple That gyft but doute, ʒe gaif to me Tharefor sall now begyn ʒour glore Quhilk sall indure for euer more ¶Than sall he luke on his left hand And say onto that bailfull band Pas with my Maledictioun Tyll Eternall Afflixtioun In cumpany with feindis fell In euerlestyng fyre of Hell Quhen I stude naikit att ʒour ʒett Houngry, thristy, cauld, and wett Rycht febyll, seik, and lyke to de I neuer gat of ʒow supple And quhen I lay in presoun strang For ʒow, I mycht haif lying full lang Without ʒour cosolatioun Or ony supportatioun. ¶Trymling for dreid, than sall thay say With mony hydous harmesay Allace gude Lorde, quhen saw we the Subiect to sic necessitie Quhen saw we the, cum to our dure Houngry, thristy, naikit, pure Quhen saw we the in presoun ly

Or the refusit herbery. ¶Than sall that most precelland Kyng Tyll those wrachis mak answeryng That tyme, quhen ʒe refusit the puris Quhilkis neidfull cryit at ʒour duris And of ʒour superfluitie For my saik maid thame no supplie Refusand thame, ʒe me refusit With wrecheitnes, so ʒe wer abusit Tharefor ʒe sall haue to ʒour hyre The euerlestyng byrning fyre But grace, but peace, or confortyng Than sall thay cry, full sore weipyng That we wer maid, allace gude Lorde Allace, is thare non Misericorde But thus withouttin hope of grace Tyne presens of thy plesand face Allace for ws, it had bene gude We had bene smorit in our cude. ¶ Than with one rair, the erth, sall ryue And swolly thame boith man and wyue Than sall those Creaturis forlorne Warie the hour, that thay wer borne With mony ʒamer, ʒewt and ʒell Frome tyme thay feill, the flammis fell Apone thare tender bodeis byte Quhose torment salbe Infinyte The erth sall close, and frome thare sycht Sall taking be, all kynde of lycht

Thare salbe gowlyng, and gretyng But hope of ony confortyng In that Inestimabyll pane Eternallye thay sall remane Byrnand in furious flammys rede Euer deand, bot neuir be dede That the small Minuth of one hour To thame salbe so gret dolour Thay sall thynk thay haif done remane Ane thousand ʒeir, in to that pane Allace I trimyll tyll heir tell The terribyll Turmentyng of hell That panefull pytt, quho can deplore Quhilk mon indure, for euer more ¶Than sall those glorifyit Creaturis With myrth and infinyte plesouris Conuoyit with Ioy Angelicall Passe to the Heuin Imperiall With Christ Iesu, our Souerane Kyng In glore, Eternallye to ryng Off man, quhilk passis the Ingyne The thousand part, for tyll defyne Allanerlie of the leist plesoure Preordinat for one Creature. * 1.49¶Than sall one Fyre, as Clerkis sane Mak all the hyllis and valais plane Frome erth, vp to the Heuin Impyre All beis renewit, by that fyre Purgeyng all thyng materiall

Vnder the heuin Imperiall Boith erth, and walter, fyre, and air, Salbe more perfyte maid and fair The quhilk{is} affore had myxit bene Sall than be purifyit and maid clene The erth lyke Christall salbe cleir And euerilk Planeit, in his speir Sall rest withouttin more moueyng Boith sterny heuin, and Christellyng The first and hiest heuin monabyll Sall stand but turnyng firme and stabyll The Sonne in to the Orient Sall stand, and in the Occident Rest sall the Mone, and be more cleir Nor now bene Phebus, in his speir And als that Lantern, of the Heuin Sall gyf more lycht, be greis sewin Nor it gaue sen the warld began The Heuin renewit salbe than Rychtso the erth, with sic deuyse Compair tyll heuinlye Paradyse, ☞So heuin and erth salbe allone* 1.50 As menith the Apostill Iohne The gret sey sall no more appeir Bot lyke the Christall pure and cleir Passyng Imaginatioun* 1.51 Off Man, to mak narratioun Off glore, quhilk God, haith done prepair Tyll euery one that cumis thare

The quhilk with eris, nor with eine Off man may nocht be hard nor sene With hart it is vnthynkabyll And with toungis Inpronunciabyll Quhose plesouris, salbe so perfyte Haueyng in God, so gret delyte * 1.52The space now of one thousand ʒeir That tyme sall nocht, one hour appeir Quhilk can nocht comprehendit be Tyll we that plesand sycht sall se. * 1.53¶Quhen Paull wes reuyst in the spreit Tyll the thrid Heuin, of glore repleit He sayith, the Secretis quhilk he saw Thay wer nocht leifsum for to schaw To no man on the erth leueand Quharefor preis nocht tyll vnderstand Quhowbeit thare to thow haif desyre The Secretis of the heuin Impyre The more men lukis on Phebus brycht The more febyll, salbe thare sycht Rychtso latt no man sett thare cure To Sers, the heych Diuyne Nature The more men studye, I suppose Salbe the more frome thare purpose To knaw, quhareto sulde men Intend Quhilk Angellis can nocht comprehend Bot efter this gret Iugement All thyng tyll ws salbe patent Latt ws with Paull, our mynde addres

He beand full of Heuinlynes Full humilye, he techeit ws Nocht for to be to curious Quhowbeit men be of gret Ingyne To seik the heych Secretis Diuyne Quhose Iugement{is} ar vncersiabyll* 1.54 And strange wayis Inuestigabyll (That is to say) past out fynding Off quhome no man may fynd endyng It sufficith ws for tyll Implore Gret God, to bryng ws to that glore.

FINIS.

Off certane plesouris of the glorifeit bodeis.

SEn thare is non in erth, may comprehend The Heuinlye glore, & plesouris Infinyte Quhairfor my Sone, I pray y^t not pretend* 1.55 Ouer far to seik, that maner of delyte Quhilk passit Naturall reasoun to Indyte That God affore that he the warld creatt Preparit to thame, quhilk ar predestinat.

All Mortall men, salbe maid Immortall (That is to say) neuer to de agane Impassabyll, and so Celestiall That fyre, nor swerd, may do to thame no pane

Nor hete, nor cald, nor frost, nor wynd, nor rane Thocht sic thyng wer, may do to thame no deir Those Creaturis, rycht so salbe als cleir

As flammand Phebus in his Mantioun Considder than, gyf thare salbe gret lycht Quhen euery one, in to that Regioun Sall schyne lyke to the Sonne, and be als brycht Lat ws with Paull, desyre to se that sycht To be dissoluit, Paull had A gret desyre With Christ, to be in tyll the heuin Impyre.

And more attour, as Clerkis can discryue. Thare maruellous myrthis, beis incomparabyll Amang the rest, in all thare wyttis fyue Thay sall haue sensuall plesouris delectabyll The heuinlye sound, quhilk salbe Innarrabyll In thare eris, continuallye sall ryng And als the sycht of Christ Iesus our Kyng.

In his tryumphant throne Imperiall With his Mother, ye Virgene Quene of quenis Thare salbe sene, the Court Celestiall Apostolis, Martyris, Confessoris, and Virgenis Brychtar than Phebus, in his speir that, schynis The Patriarkis, and Prophetis, Venerabyll Thare salbe sene, with glore Inestimabyll.

¶And with thare Spirituall Eis salbe sene. That sycht, quhilk bene most Superexcelland

God as he is, and euermore hes bene Continuallye, that sycht contempland Augustyne sayis, he had leuer tak on hand To be in Hell, he seyng the assence Off God, nor be in Heuin, but his presence.

¶Quho seis God, in his Diuynitie. He seis in hym, all vther plesand thyngis The quhilk with toung, can nocht pronuncit be Quhat plesour bene, to se that kyng of Kyngis, The gretest pane, y^t dampnit folk dounthryngis And to the Deuyllis, the most punytioun It is of god, to want fruitioun.

And mairattour, thay sall feill sic ane smell. Surmountyng far, the fleure of erthly flowris And in thare mouth, ane taist as I heir tell Off sweit, and Supernaturall Sapowris As thay sall se the heuinlye brycht colowris Schenyng amang those Creaturis Diuyne Quhilk tyll discryue, trāscendith mānis Ingyne

¶And als thay sall haif sic agilitie. In one Instant to passe for thare plesour Ten thousand mylis in twynkling of one E So thare Ioyis salbe without missour Thay sall Reioyis, to se the gret dolour Off dampnit folk in hell, and thare torment Because of God it is the Iuste Iugement.

Subtellyte thay sall haue maruellouslye Subponyng that thare wer ane wall of bras One glorifeit body, may rycht haistellye Out throw that wall, without Impediment pas Siclyke as doith the Sone baime throw y^e glas As Christ tyll his Disciplis did appeir All entres clos, and non of thame did steir.

* 1.56¶Quhowbeit in heuin, thocht euerilk Creature Haue nocht alyke filicitie nor glore Ʒitt euerilk one sall haif so gret plesure And so content, thay sall desyre no more To haue more Ioye, thay sall no way Implore Bot thay salbe all satyfeit and content Lyke to this rude exempyll subsequent,

Tak ane crowat, one pynte stope, and one quart One galloun pitschair, one puntioun & one twn Of wyne, or balme, gyf euerilk one thare part And fyll thame full, tyll that thay be ouir rwn The lytill crouat, in comparisoun Salbe so full, that it may hald no more Off sic missouris, thocht thare be twenty score.

¶In to the Twn, or in the Pontioun, So all those vesschellis, in one qualitie May hald no more, without thay be ouir rwn Ʒitt haif thay nocht, alyke in quantitie

So be this rude exempyll thow may se Thocht euerilk one, be nocht alyke in glore Ar satyfeit, so that thay desyre no more

Thocht presentlye be Goddis prouiance. Beistis fowlis, and fyschis, in the seis Ar necessar now, for mannis sustenance With cornis, herbis, flowris, and fructfull treis Than sall thare be non sic commoditeis The erth sall beir no plant, nor beist brutall Bot as the Heuinnis brycht lyke buriall

Suppone sum be on erth, walkand heir doun, Or heycht abone, quhare euer thay pleis to go Off God, thay haue ay cleir fruitioun Boith est, or west, vp doun, or to, or fro Clerkis declaris plesouris mony mo Quhilk dois transcend al mortal mānis Ingyne The thousand part, of those plesouris deffyne.

¶In to the Heuin, thay sall perfytlie knaw. Thare tender freindis, yare father & yare mother Thare Predecessouris, quhilk{is} thay neuer saw Thair spousis, bairnis, syster, & thare brother And euerilk one, sall haue sic lufe tyll vther Off vtheris glore, and Ioy, thay sall reioyse As of thare awin, as Clerkis doith suppose

¶Than salbe sene, that brycht Ierusalem.* 1.57 Quhilk Ihone saw, in his Reuelatione

* 1.58We mortall men, allace ar far to blame That wyll nocht haif consideratione And one continuall contemplatione With hote desyre, to cum on to that glore Quhilk plesour sall indure for euer more.

* 1.59O Lorde our God, and Kyng Omnipotent. Quhilk knew, or thow the heuin, and erth, creati Quho wald to the, be inobedient And so disarue, for to be Reprobatt Thow knew the nomer, of predestinat Quhome thow did call, and hes thame Iustifeis And sall in Heuin with the be Glorifeit.

Grant ws to be Lorde, of that chosin sort Quhame of thy mercy superexcellent Did puriffy, as scripture doith report With the blude of that holy Innocent Iesu, quhilk maid hym self Obedient On to the deth, and steruit on the Rude Lat ws O Lorde, be purgit with that blude.

* 1.60¶All Creature, that euer God Creat As wryttis Paull, thay wys to se that day Quhen the Childryng of God predestinat Sall do appeir, in thare new fresche array * 1.61Quhen Corruptioun, beis clengit clene away And cheangit beis, thare Mortall Qualitie In the gret glore, of Immortalitie.

¶And moreattour all dede thyngis corporall. Onder the Concaue, of the Heuin Impyre That now to laubour subiect ar and thrall Sone, Mone, & Sterris, Erth, walter, air, & Fyre In one maneir, thay haue ane hote desyre Wissing that day, that thay may be at rest As Erasmus, Exponith Manifest.

¶We se the gret Gloube, of the Firmament Continuallie, in moueyng maruellous The Sewin Planetis, contrary thare intent Ar reft about, with coursse contrarious The wynd, and See, with stormys furious The trublit Air, with Frostis, Snaw and Rane, On to that day, thay trauell euer in pane.

☞And all the Angellis, of the Ordouris Nyne. Haueand compatioun of our Misareis Thay wys efter that day, and to that Fyne To se ws fred, frome our Infirmiteis And clengit frome thir gret Calamiteis And trublus lyfe, quhilk neuer sall haue end On to that day I mak it to the kend.

FINIS

❧ Ane Exhortatioun Gyffin be Father Experience▪ vnto his Sone The Curteour.

* 1.62MY Sone now mark weil ī thy memory Of yis fals warld, y^e trublus trāsitory Quhose dreidfull dayis drawis neir a Tharfor cal god to be yi adiutory (end And euery day my Sonne, Memento Mori And watt not quhen, nor quhare y^t thow sal wend Heir to remane, I pray the nocht pretend And sen thow knawis the tyme is verray schort In Christis Blude, sett all thy hole confort.

* 1.63Be nocht to myche solyst in temporall thyngis. Sen yow persauis, Pape, Empriour nor Kyngis In to the erth, haith no place parmanent Thow seis y^e deith, yame dulefully doun thringis And rauis yame frome yare rent, ryches & ringis Tharefor, on Christ confirme thyne hole intent And of thy callyng, be rycht weill content Than God that fedis the fowlis of the air All neidfull thyng for the he sall prepair,

* 1.64Consydder in thy contemplatioun Ay sen the warldlis, first Creatioun Mankynd hes tholit this misary mortall Ay tormentit with trybulatioun With dolour, dreid, and desolatioun Gentiles, and Chosin peple of Israell To this vnhap, all subiect ar and thrall Quhilk Misary but doute sall euer indure Tyll the last day, my Sonne thareof be sure.

That day, as I haue maid narratioun Salbe the day of consolatioun Tyll all the Childryng, of the chosin noumer Thare endit beis, thare desolatioun And als I mak the supplycatioun In erthlye materis, tak the no more cummer Dreid nocht to dee, for deith is bot ane slūmer Leue ane Iuste lyfe, & w^t wane Ioyus hart And of thy guddis, tak plesandlye thy part.

Off our talkeing, now latt ws mak ane end. Behald quhow Phebus, dounwart dois discend Towart his palyce, in the Occident Dame Synthea I se, scho dois pretend In tyll hir wattry Regioun tyll ascend With vissage paill, vp frome the Orient The dew now dounkis, the rossis redolent The Mareguldis that all day wer reiosit Off Phebus heit, now cratftelly ar closit

The blysfull byrdis, bownis to the treis And ceissis of thare heuinlye armoneis The Cornecraik in the croft, I heir hir cry The bak, the Howlat, febyll of thare eis For thare pastyme, now in the ewinnyng fleis The Nychtyngaill, with myrthfull melody Hir naturall notis, persith throw the sky Tyll Synthea, makand hir obseruance Quhilk on the nycht, dois tak hir dalyance.

I se Polartike, in the North appeir And Venus ryssing with hir bemes cleir Quharefor my Sonne, I hald it tyme to go Wald God (said I) ʒe did remane all ʒeir That I mycht of ʒour heuinlye Lessonis leir Off ʒour departyng, I am wounder wo Tak pacience (said he) it mone be so Perchance I sall returne, with deligence Thus I departit, frome Experience.

And sped me home, with hert sychyng full sore And enterit in my quyet Oritore I tuke paper, and thare began to wryt This Miserie, as ʒe haue hard afore All gentyll Redaris, hertlye I Implore For tyll excuse, my rurall rude Indyte Thoucht Phareseis, wyll haue at me dispyte Quhilkis wald not yat, thare craftynes wer kend Latt God be Iuge, and so I mak ane end.

*FINIS.✚

Quod Lyndesay, .1552.

Notes

• * 1.1

  Cour.
• * 1.2

  Expe.
• * 1.3

  ii. Par. ix
• * 1.4

  Eccle. ii.
• * 1.5

  iii. Re▪ xi
• * 1.6

  Cour.
• * 1.7

  Expe,
• * 1.8

  Math. vi
• * 1.9

  Luc. xii.
• * 1.10

  Cour.
• * 1.11

  Expe.
• * 1.12

  i. Iohn .ii
• * 1.13

  ii. Iohn .i
• * 1.14

  Dan. viii
• * 1.15

  Tessa. ii
• * 1.16

  Cour.
• * 1.17

  Expe.
• * 1.18

  Mathow .xxiiii.
• * 1.19

  Mar. xiii
• * 1.20

  Mathew .xiiii.
• * 1.21

  Esay .lvi.
• * 1.22

  Iohn .x.
• * 1.23

  〈◊〉〈◊〉
• * 1.24

  Expe.
• * 1.25

  Mathew xxiiii.
• * 1.26

  Mar. xiii
• * 1.27

  Luc xxi.
• * 1.28

  ••zechiel xx.vii.
• * 1.29

  Dan. xiii
• * 1.30

  Cour.
• * 1.31

  Expe.
• * 1.32

  Mat xxiiii
• * 1.33

  Expe.
• * 1.34

  Hebre. xii
• * 1.35

  Luc. xxi.
• * 1.36

  Actis .i.
• * 1.37

  Mat. xxv
• * 1.38

  〈…〉〈…〉xiiii.
• * 1.39

  〈…〉〈…〉
• * 1.40

  Mar. xiii
• * 1.41

  i Pe. iiii.
• * 1.42

  Cori. xv.
• * 1.43

  Mathew xxvi.
• * 1.44

  i Tess. iiii.
• * 1.45

  Cour.
• * 1.46

  Expe.
• * 1.47

  Expe.
• * 1.48

  Mat. xxv
• * 1.49

  ii Pet. iii.
• * 1.50

  Apo. xxi.
• * 1.51

  i. Cor. ii
• * 1.52

  ii Pet. iii.
• * 1.53

  ii. Cor. xii
• * 1.54

  Rom. xi.
• * 1.55

  Expe.
• * 1.56

  i. Cor. xv
• * 1.57

  Apoc. xxi
• * 1.58

  Esa. lxvi
• * 1.59

  Ro. viii.
• * 1.60

  〈◊〉〈◊〉 viii.
• * 1.61

  i. Cor. xv
• * 1.62

  Expe.
• * 1.63

  Math. vi
• * 1.64

  Iob. xiiii