¶How a man shal be shapen to the ymage of Ihesu and Ihesu shapen in hym / Caplm lxxxxii. (Book 92)
WHo so weneth for to come to the werching & to the full vse of contemplacōn and not by this waye / that is for to saye not by full hede of vertues he comyth not by the doore and therfore as a theyf he shall be caste oute / I saye not but yt a man maye by the yefte of god haue by tymes a taastyng & a glemeryng of lyfe contemplatyf / Some man in the begyn∣nyng / But the sadde felyng of it shall he not haue / for cryst is the doore and he is porter / and wythouten his leue & his lyue∣reye maye there noo man come in as he sayth hymselfe / * 1.1 Ne∣mo venit ad patrē nisi per me / Noo man comyth to the fader but by me / That is for to saye / Noo man maye come to the contemplacyon of the godhede but he be fyrste refourmed by fulnesse of mekenesse and charyte to the kycknesse of Ihesu in his manhede /