Page [unnumbered]
¶Wherof the ymage of Ihesu is made. and wherof the ymage of synne / and how we ben passyng forthe in the yma¦ge of synne / Caplm lxxxvi. (Book 86)
THis is not the ymage of Ihesu but it is liker an ymage of the deuyll / For the ymage of Ihesu is made of vertu¦es wyth mekenes & perfyte loue & charyte / but this is of false flesshly loue to thyself wyth al thyse membres festuyd therto This ymage berest thou & euery man what that he be vntyll by grace of Ihesu it be somdele destroyed & broken downe / Thus it semyth that dauyd sayth in the sawter boke / Verūp tamen in ymagine pertransit homo.* 1.1 sed et frustra conturbat This is for to saye / Though it be soo that a man were ma∣de in the begyn̄yng to the ymage of god stable & stedfast / neue¦rthelesse by cause of syn̄e he forthpassith liuyng in this worl∣de in this ymage of synne· bi the whiche he is vnstable & trow¦bled in vayne / Also saynt poul spekyth of this ymage thus Sicut portauim{us} ymaginē terreni hominis sic portem{us} yma¦ginē celestis / That is to saye / If we wol come to the loue of god / as we haue here before borne ye ymage of the erthly mā. fyrst adam that is the ymage of syn̄e. Right soo now lete vs bere the ymage of the heuenly man Ihesu whiche is the yma¦ge of vertues /