¶That a soule shold not begge without forth but with in of Ihesu that it nedeth / Caplm lxxx. (Book 80)
ANd therfore tourne home ayen in thyself and holde the wythin / and begge noo more wythouten namely swy¦nes mete / For yf thou woll algates be a begger aske and cra¦ue within of thy lorde Ihesu / for he is ryche ynough / and gla¦dlyer woll yeue the than thou wolt aske / And renne noo mo¦re oute as a best of the flocke / that is a worldly man or wo∣man that hath noo more delite but in his bodily wyttes. And yf thou doo thus thy lorde Ihesu woll yeue the all that the ne¦deth / For he maye lede the in to his wyne seler / and make the for to assaye of his wynes whiche the lyketh best for he hath many tonnes / Thus a chosen soule Ioyenge in holy wrytte sayth of our lorde / Introduxit me rex in cellam vinariam / * 1.1 A kynge ladde me in to a wyne celer / And that is for to say•• / •• In as moche as I forsake the dronkennes of flesshely lustes and worldely lykynges / whiche arne bytter as wormode / f••r thy the kynge of blysse lorde Ihesu ledde me in / That is to saye / Fyrste in to my selfe for to beholde and knowe