¶Of the ii. maner of prayer that is in speche not certayn. but folowith the stiryng of deuocōn / Caplm xxix (Book 29)
THe ii. maner of prayer is by speche / but it is not of ony certayn special sayēg / And this is whā a man or a wo¦man felith grace of deuocōn by the yeft of god. & in his deuo∣cōn spekith to hym. as he were bodely in his presēce wyth su¦che wordes as acordeth moost to his stiryng for the time. & as comyth to his mynde after dyuers rewardes whiche he felith in his hert / eyther rehersyng his syn̄es & his wretchydnes. or ye malice & the sleyghtes of the enmye / or elles the mercy & y• go∣odnes of god / And wyth that he cryeth with desire of hert•• & wyth speche of mouth to our lord for socour & for helpe. as a man that were in peryll amōge his enmyes. or in siknes she∣wyng his sores to god as to a leche / sayēg as dauid sayd:* 1.1 ••ri¦pe me de inimicis meis de{us} me{us} / A lord delyuer me of myn en¦myes / Or elles th{us} / Sana aīam meā qr peccaui tibi / A lorde hele my soule.* 1.2 for I haue syn̄ed ayenst the / Or suche other as comith to mynde. And also him thinkith soo moche godenes & grace & mercy in god that hym likyth wyth grete affeccyon of ye hert for to loue hym & thāke hym by suche wordes & psal¦mes as acordeth to ye louyng & praysing of god. as dauid said Cōfitemini dn̄o qm̄ bon{us}. qm̄ in scl mīa ei{us}.* 1.3 Loue ye & pray¦se our lord. for he is good / & bi suche other as he is stired to say