〈 in non-Latin alphabet 〉〈 in non-Latin alphabet 〉
PRoles magna Tonantis, alme Phoebe,
Musarum decus, eminensque splendor:
Expectate diu, venis decorus
Clarum multiplici caput corona:
Exoptate diu, venis potitus
Palma, curriculo vehens decoro.
Te vnum poscimus, alme Phoebe, munus;
Phoebe delitiae, decusque, amorque,
Phoebe pars animae, vigorque nostrae,
Te vnum poscimus, alme Phoebe, si sors
Mortalis superis fit vt senescant,
Seram, vt magnanimum tenens Leonem,
Sera in secula transigas senectam.
Ver longum vt tribuas & expetitum,
Ver brumae, ah nimis, ah nimis, nimisque
Longae & intolerabili, coaequum.
Verum quò celerem jam ages curulem?
Mutatam o faciem poli solique!
Moxne curriculum rotis citatis
Velox in rigidam feres Capellam?
Ah brevi nimis, ah nimis; nimisque