ALIUD.
NOn tibi dant, quamvis humentia fidera, Pisces
Oceani haec regnis subdita regna tuis.
Non tibi dat Taurus tantos telluris honores:
Exigua est animo terra, cinisque tuo.
At neque tam dulces Geminorum fidus amores,
Dulciaque è casto pignora chara toro.
Clara sed ardenti cùm subdit lumina Cancro,
Cum scandit summi culmina summa poli,
Te maria & terras supra, supra aethera, celsum
Extulit, & coeli Phoebus in arce locat:
Coelestemque dedit mentem, coelestia regna
Spirantem, & solo pectora plena polo:
Atque polo vera arma, sequentem ferre Leonem,
Magna quidem, & magni conscia signa Dei.
Quae Jehuda & Jehudae victrix victricia proles
Vendicat imperiis omina certa suis.
Nil tellus cernit, nil coelum augustius illo,
Nil illo totus dignius orbis habet.
Quid flores; quid adhuc animantia caetera spectes?
Cedite, nec magnum sollicitate animum.
Huic vnitua vis, REX maxime, militet: unus
Militiae auspicium det Leo & iste tuae.