Ta tōn Mousōn eisodia: = The Muses welcome to the high and mightie prince Iames by the grace of God King of Great Britaine France and Ireland, defender of the faith &c. At His Majesties happie returne to his olde and natiue kingdome of Scotland, after 14 yeeres absence, in anno 1617. Digested according to the order of his Majesties progresse, by I.A.

REGI SVO SCOTIAE GRATULATIO.

ERgo ades, ô!, tandem, remoras & dispulit omnes Expectatus amor patriae; nec vota precesque Incassum cecidere meae; nec, quae irrita prote Multa gemens, ternis duxi suspiria lustris: Ex quo trans Tamesin, Caledonis lentus ab oris Natus abes, matri dilectus, pignora supra Quot dederam, dum mater eram: TE flumina nostra, TE liquidi fontes, & tristimurmure sylvae, Et riguae lacrymis valles, nemorosa{que} montes Culmina, TE moestis suspirauere cavernis Tot lustra. At jam Tueda pater, jam flumine Fortha Excipit, & montes Lomundi, & regia celsis Regibus, & regnis felix Falklandia: mox jam Ocelli{que} juga & Sterlini ingentia fidi Moenia, reptatum{que} solum & vagitibus aether Pulsatus cunis{que} tuis. Stat turribus altas Ostentans pinnas, & collibus omnibus unum Eminet EDINUM; & celsi fastigia sceptri Vendicat, imperio locus aemulus. Vtreducemte Iam gaudent, vultum{que} & amatum, & amore verendum Festinant vidissetuum! Jam flumina nostra, Iam liquidi fontes, & laeto carmine sylvae, Etresonae cantu valles, nemorosa{que} montes Culmina jam laetos tollunt ad sydera plausus. Et REGEM salvere jubent, & grata benignum Ac memorem agnoscunt lati tantaaequora campi; Tam longum qui emensus iter se cernere tantus Venisti, & veras aluisti in pectore flammas.

O si magnorum prisco quos tempore vatum Te dignos enixafui, nunc afforetullus; Aptis aequaret numeris qui grandiarerum, Grandia qui dulci molliret carmina melle; Quas grates, quae vota tibi, quo carmine laudes Cantarent meritas! Nunc tecum in proxima regna

Quum tuleris Musas; facilis cape, non quod Apollo, Sed quod dictat amor, Patriae{que} Dei{que} Tuique Verus amor, primis cunarum coeptus in annis, Nunc quo{que} sub serae per dur ans tempora vitae, Non dente aeviullo, non terrae tractibus ullis, Invidiave ulla, vel detractoris iniqui Carpendus sermone, ullo aut rumore sinistro.

Ingens FERGUSII, primusqui SCOTICA sceptra Fundavit, soboles sexta & centesimaregnis Felix illucesce tuis, parilique vigore Fortuna{que} pari regnum fundato BRITANNUM, Atque parifato regnum firmato BRITANNUM: Et firmum in seros totidem transmitte nepotes, Quotmagnos numeras atavos, ni Machina mundi Praeveniens vasto vertat regna omnia lapsu.

Nate ingens BRUSII ingentis (qui SCOTICA sceptra Restituit{que} suis natalibus, in{que} nepotes Parva habita haud parvis olim fundamina rebus, Transtulit) huc ades, & patrios agnosce penates, FATALIS soboles, FATALI ab origine, NONA, Debita tot regnis SCOTO, ANGLO, FRANCO & HIBERNO, Qua{que} rigat TIBERIS, & qua JORDANIS inundat: Quanquam animos imples tanto molimine, quanquam Fata implens hominum spes & vota omnia vincas.

Ingens BANCHONIS soboles, nati{que} FLEANCHI, Unde STVARTA domus tot regni sceptra per annos Molitur; Prisco BRITONI genus & genus ANGLO, NORMANNO, & FRANCO, & DANO, HISPANO, at{que} ALE∣MANNO, Regibus, imperio & ducibus permista, nec ulli Extera, quot jactat proceres, ingentibus usquam Foeta viris EUROPA, & rerum admo vit habenis. Vna sed haec PATRIA est, NATUM haec susceperat, et nunc Suspicit; atque colit te unum PROLEMQUE PATREMQUE, Atque polum votis pro PROLE & PATRE fatigat.

Atqui haec inter tot diademata celsa, corollam Annumer are tuis titulis fas ducis & unam Privatam (verum magnis de regibus ortam, Regibus affinem magnis, regum{que} gerentem Saepe vicem, belli{que}, domi{que}, &, quod satis unumest, Gignentem celsum generoso semine regem,

REGEM, quo tellus majorem non videt, unus Qui TERNA imperii tractas sceptra alma Britanni) DUGLASIAM, ANGUSIAM{que} domum; virtute secundam Haud ulli, quos Prisca aut Roma, aut Graecia jactat; Seu numero Heroum, seu robore mentis & armis, Sive fide in patriam. Sceptrorum ut millia sceptris Accumules{que} tuis, numeres{que} in stemmate Reges, Latus quotcunque orbis habet. Non ultima laus est, Praeclaris etiam duxisse Heroibus ortum.

Atque haec majorum sunt nomina celsa tuorum: Sed quis privatuae libet praeconia laudis? Orbis opes & deliciae, REX maxime, Regum Miraclum; Regnis privata, & regia miscens Privatis decora, & Musas diademate adornans, Et Musis diadema, altum almis, aureum amoenis, Vtile jucundis; humanum divite vena Divini ingenii supra humana omnia longe Surgentis; quam nulla industria, non labor ullus Discentisve, aut monstrantis prudentia solers Contulerit. Datur haec artes divinitus inter Vna omnes: At nec divis datur omnibus, uni Regum sed donatatibi: quid lividaturba Invideas frustra quocun{que} aut nomine carpas?

Nec minus hoc privum est, rarum per secula cunctis Miraclum terris. Tu qui bello quatere orbem, Armis{que} animis{que} potens, terra{que} mari{que} Posses, vicinas{que} ciere in proeliagentes, Pacis amans, colis almam, & pacis dicier author Eligis, ac populos in bellacruent aruentes, Germanos, Gallos{que}, Italos, Batavos{que} & Iberos Compositis froenas odiis, gestisque beatus Sic dici, sic esse haud salsonomine gestis ARBITER Europae, per{que} Europam ARBITER orbis.

Nec minus hoc mirum est (mirari vt desinat auris Assueta at{que} oculi) quod tot Caledonis in oras Anglorum ducens turmas, pacemtamen vnà Ducis, & innocuas das foedere jnngere dextras.

Salvete, O vere FRATRES, quos Rhenus, & ipsi Agnoscunt Batavi; vos Tueda, & Fortha, Taüsque SCOTIA vos omnis cognata hac voce salutat.

Este boni, vultusque & amicas sumite mentes, Communem{que} Patrem communi adducite cura, Communem{que} DEVM, & communia foedera, & ipsam Communem matrem terram memorate BRITANNAM. Nullae hic insidiae, veracibus omnia aperta Sunt SCOTIS: fastus, absitque injuria verbis, Non mage securi Tamesis degatis ad vndas.

Crescit opus minuendo: solo defunctus in astra Perferor: O coeli soboles, gratissima coelo, Et coelo defensa, & adaucta, altoque locata Regnorum in solio; & coelestirore rigata Doctrinae, eloquiique; unde aurea vena liquente Melle fluit dulci, demulcens pectora; & vnde Fulmina TARPEIAS olim quassantiaturres; Telaque coelesti vibrata à robore torques; AEquatura folo quicquid coelo obstitit alto. Coeli cura; solo donec coelestia tractas Hospes adhuc: idem hospitio cum liber ab isto, (Carcere seumavis) patrium conscendis Olympum. Incolatum caeli caelo regna altera (tanto Te major, quanto terris caeli ardua) sume. Interea magno Coeli tua militet omnis Cura DEO, atque illi mentem{que} manum{que} dicato. Hoc decus omne tuum ducas, hoc gloriam ab vno Surgere fonte putes. Sic magnus, caetera calca Sub pedibus; Sceptra illa tua, ac diademata, & ipsos FERGUSIUM, BRUSIUM{que} et cum BANCHONE FLEANCHUM, At{que} STVARTORUM genus, & tot stemmata Regum, Et laudes quascunque tuas, seu sorte datas, seu Ingenio, geniove, animove, aut corpore dotes.

Hoc mihi caelesti nutritus nectare, quondam Haustatibi haec pietas cum lacte infixa medullis Insedit, sedeatque omnes mansura per annos. Hactuate GENITIX iterata voce saluto: Hacte NATA colo. Roseo mox nectar ab ore Stillans laeta legam; labris{que} (ò!) oscula labris Surripiam; & tenero circum-dabo brachia collo. Aut hoc si nimium est, imis dabo basia plantis Et longe retro venerans vestigia lambam.

Viue diu PROLESQUE PATERQUE mihi{que} DEO{que},

Atque orbi, prudensque piusque, & magnus, & ipso Temajor: coeli cum explêris munera, coelo Inserere; & vere REX cuncta in Saecula REGNA.