Ta tōn Mousōn eisodia: = The Muses welcome to the high and mightie prince Iames by the grace of God King of Great Britaine France and Ireland, defender of the faith &c. At His Majesties happie returne to his olde and natiue kingdome of Scotland, after 14 yeeres absence, in anno 1617. Digested according to the order of his Majesties progresse, by I.A.

〈 in non-Latin alphabet 〉〈 in non-Latin alphabet 〉

QVae cura Gentis magna BRITANNICAE, Plenis honorum muneribus, tuas IACOBE virtutes in aevum Per titulos, memoresque fastos

AEternet? O quà Sol habitabiles Illustrat oras, maxime Principum, Reges coruscas qui inter omnes, Sol micat vt media inter astra.

Multi volantes vrbilus inferunt Ignes, & aequalem arcibus aggerem Tollunt, in altum advecta quaeque, Dejiciunt animo feroci.

Multis voluptas agmina ducere, Grauesque tergis acriter hostium Instare, & optatum peractis Imperiis decus arrogare.

Vicere Gentes indomita man•••• Multi: sed omnes insatiabilis Vrgebat ardor plura habendi, Ambitioque tumens agebat.

Injurioso non gladio domat Extraneos, sed dirigit aureo Sceptro suos, qui regna justa Et stabilita dabit nepoti.

Vis consilî expers mole ruit suâ; Vim temperatam Dî quo{que} pro u••hunt: Nec desinunt mulcere Reges Nil nisi justum animo moventes:

Dum Regis omnes gnaviter indolem, Statumque regni, dissidiis procul Cernunt remotis: ecce Regem Nunc Solomona vident Britannis

Praeesse: votum par animo fuit, Eventus idem. Namque animus tibi, Rerumque prudens, & secundis Temporibus dubiisque rectus.

Mentem scientem, qua populum tuum Iustè regas, non Nestoreos dies, Ditesque opes, magnes que honores, Hostibus •••••• i••rasve strage••••.

Orbis creator qu•• regit exitus, Regibenigno non modò provi•••••• Largi••us est mentem, sed v•••••••• Muneribus 〈…〉〈…〉.

Nomen Britannorum, atque Britanniae ••r••uêre vires, famaque & Imperî Porrecta Maiestas ad ortum Solis ab ••••••iduo c••••il••.

Regesrelictâ non malè patriâ Nnncregna vestrainvisere gestiunt. Regesque legant jam orbe toto, Vt sapiant, videantque mira.

Diuisa longo tempore nunc vident. Non Marte forti, sed Sapientiâ Vnita sceptra: nunc beatas Viuere & imperio sub uno

Gentes feroces. O ter & amplius Certe beati, quos regit ardua Mens regis, orbem qui patentem In placidâ regeret quiete!

Tu praeter omnes SCOTIA maximè Felix voceris: Te piè & vnicè Vt patriam ambit, qui est tuarum Grande decus, columenque rerum.

Rex ergo fausto consilio redis: Votis diu nunc icta fidelibus, Ducem{que} custodem{que} quaerit Patria nocte dieque Regem.

Regnante nostro Caesare, non furor Civilis, aut vis eximet otium Externa, quae procudit enses, Et miseras inimicat urbes.

Affulserit vultus populo vt tuus, Ibit dies & gratior, instar & Veris virescent cuncta; campis Et gelidae fugient pruinae.

Praesentiâ Tu namque Diespiter Ceu Phoebus ardens AEthere lucido, Claré relucebis, dabisque Perpetuam sine nocte lucem.