Ta tōn Mousōn eisodia: = The Muses welcome to the high and mightie prince Iames by the grace of God King of Great Britaine France and Ireland, defender of the faith &c. At His Majesties happie returne to his olde and natiue kingdome of Scotland, after 14 yeeres absence, in anno 1617. Digested according to the order of his Majesties progresse, by I.A.

〈 in non-Latin alphabet 〉〈 in non-Latin alphabet 〉.

ADventu, REX magne, tuo jam machina mun∣di Insolito applausu tota triumphat ovans. Nam quae moesta cavis latuêre sepulta caver∣nis Nunc tollunt cristas germina laetasuas Mollia purpureum pingunt violaria campum, Gemmea frondenti gramine prata virent. Nunc micat herbacomis, nunc omnis perturit arbos, Exultantque suis arbor & herba comis. Vndique turgescunt foecundi floribus horti, Floreque plaudentes versicolore nitent.

Flos quoque fragrantem per inane refundit odorem, Et Syrio nares mulcet odore sacras. Nunc jucunda Ceres spicis onerata ferendis Vernali tenerum pingit honore solum. Et quae muta fuit glacialis frigore Brumae, Dulce sonat tenui gutture carmen avis. Regius expansum pennarum Pavo flabellum Frigit, & pennas ad sua tergarotat. Floribus instrepitans apis alto laeta susurro Nunc mirâ flavos construit artefavos. Luxuriant agni pratis, hoedique petulci, Et gestit laetas dux gregis inter oues. Omne genus pecudum, gaudet genus omne ferarum, Squamigerumque salit, te redeunte, pecus. Ipsaque Phoebaeos dum lympha reverberat ignes, Fulget, & applausu laeta tremente salit. Atque aetas multis quos ferrea presserat annis, Aurea nunc nobis, te redeunte, redit. Nec tantùm quae Terra tenet, quae Pontus, & Aêr, Gaudia seposito plena dolore novant; Ipsa sed exultat stellantis machina Coeli, Spirant que influxus sidera clara no vos, Cynthia, Mercurius, Cythereïa, Cynthius, & Mars, Juppiter, & gelidi plumbea stella Senis. Nam simul ac Patriae tetigisti limina terrae, Cynthia laetitiam lumine plena probat. Teque salutatum descendit ab abside summâ Orbis, & in Cyclo fit perigea suo. Vnde tuae dulcis fluxit facundia linguae, Mercurius superâ laetus ab auge venit.* 1.1 Auspiciis que tuis adspirans deserit Austrum, Et tenet Arctoi signa benignapoli. Vtque alacris laeto testetur gaudia plausu, Ecce Venus radio splendidiore micat.* 1.2 Phoebus ut optatam, REX, te comitetur ad Arcton,* 1.3 Verticis ad punctum, te redeunte, redit. At Mars, pacifici quia non fert lumina Regis,* 1.4 Directo fugiens tramite signa subit. Dumque petit rapidi tecum SOL sidera Cancri, Horribili subiit Virginis astrae metu.

Vt petat occiduas cum Principe Jupiter oras,* 1.5 Retrogrado repetit signa priora gradu. Et ne quis vitreo splendescat in orbe Planeta, Poplite qui flexo non tibi dicat Aue; Saturnus fugiens Australem laetior axem,* 1.6 En meat in Boream, te remeante, plagam. Et DEVS, immensum nutu qui temperat orbem, En jubet auspiciis cuncta fauere tuis. Ergo renascentis testatur gloria Mundi, Aurea cum PATRIAE saecla redire PATRE.

ANDREAS JUNIUS.

Notes

• * 1.1

  ☿
• * 1.2

  ♀
• * 1.3

  ☉
• * 1.4

  ♂
• * 1.5

  ♃
• * 1.6

  ♄