Ta tōn Mousōn eisodia: = The Muses welcome to the high and mightie prince Iames by the grace of God King of Great Britaine France and Ireland, defender of the faith &c. At His Majesties happie returne to his olde and natiue kingdome of Scotland, after 14 yeeres absence, in anno 1617. Digested according to the order of his Majesties progresse, by I.A.

〈 in non-Latin alphabet 〉〈 in non-Latin alphabet 〉.

DVm, Rex Magne, tui fidissima pectora Scoti AEmula in adventu testari gaudia certant; Ille tuos vultus spiranti excudit in aere, Atque alius vivo ducit de marmore, & al∣ter In tabulâ fingit te animosâ, aurove loquaci: Hic rursum eloquio pollens, vel divite venâ Castalii fontis, calido cui sanguine Titan Corda animat, dotes animi quoque dicere versu Tent••t, & audacem tractus se praepete penna Librat in aerios, vt te sublime volantem Sectetur, superisque tuos componat honores.

Omnes solerti ingenio & mirà arte, sed omnes Ni temere, at vanis forsan conatibus audent Tantae molis opus: nam plurima lucis imago Divinae, & coeleste tuo quid splendet in ore. Est & inaccessae mentis vis ardua, nulli Pervia; tot laudum tituli; tot sunt monumenta Ingenii; tot virtutes, tua nomina, Regis; Omnia supra hominum captum, mentemque manumqu••.

Te quoque naturae, te nos virtutis, & artis Mirum opus, atque operum metam{que} apicem{que} supremum, (Quo Dii nil melius terris majusve dederunt) Dum canimus: fulgore tui vis languidam••ntis

De••icit insolito, metuensque ingentia laudis In spati••ire tuae, veluti libamina quaedam Has eluctatur foecundo è pectore voces.

Salve deliciae populi, decus orbis, amorque: Atque Erebi terror, Coeli charissima cura: Salve Heros invicte, hominum REX, maxime Regum: Imo omnes supra Heroas, Regesque, hominesque; Te major, REX ipse Tui; qui numine solùm Divino minor••es. Salve Dîs proxime Princeps.