Page 51
〈 in non-Latin alphabet 〉〈 in non-Latin alphabet 〉.
PRIME BRITANNORVM (PRIMO HAVD SINE NVMINE) Regum,
Concilias sceptro qui tria regna tuo;
Unio Prima trium; magni Prime Unio mundi;
Prime salutiferae duxque, comesque viae;
DEFENSOR PRIMAE toto spectabilis orbe;
Terror Prime Erebi, Primaque cura poli;
Iustitiae & Pacis Princeps, qui PRIMVS ab oris
Primus abes patriis; nunc quoque Primus ades;
Qui numeros retrahis labentes Primus in orbe
Nostro, iterum PRIMVS, qui modò SEXTVS eras;
De quo fatidici tot Primo oracula vates
Fudere, eventis jam rata facta suis:
Quis tibi prima canet quoque carmina? dignaque tanto
Principe quis? PRIMVM non nisi PRIMA decent.
Parcito, lineolas si ego tantùm duxero primas:
Nobilis ad vivum ducere Apellis erit.
Primus vt es Regum, qui tot feliciter annos
Missa per illustres sceptra tueris avos:
Centum sic proavi cum septem invicta dederunt;
Bisque capis fastis saecula dena tuis.
Te duce distractas vt plurima saecula gentes
Cernimus hostiles jam posuisseminas;
Cernimus & tumidos tot retrò secla gigantas
Attonitos justo subdere colla jugo.
Te PRImum geminis, clarâ cum Principe, natis
Iunxerat vnadies, junxerat alma dies.
Quae tibi natalis, natisque illuxerat ipsa;
Mensis & a decimâ lux ea nona fuit.
Quattuor vna dies mensis (non vnius vna)
Quattuor in lucem protulit vna dies.
Admiranda dies! Primo hanc dignare lapillo,
Inter & illustres digere, Musa, dies:
Prima sit haec Epoche; retrò hinc, citròque putemus
Tempora, cum PRIMIS, PRIME IACOBE, tuis.
Sed quò PRIMA trahunt? Vtinam mihi PRIMA sequenti
Suggereret Primos Calliopea sonos.