Page 45
〈 in non-Latin alphabet 〉〈 in non-Latin alphabet 〉.
ENlux alma redit, quâ nobis Sextus, & Anglis
Primus, nunc aucto nomine, MAGNUS, adest.
Namque est bis novies Sextus de principe gentis
FERGUSIO; REX bis Sextus & a BRUSIO.
Nominis a primo Sextus. Sexto editus anno
Et sex ageno, Bimus & in solio
Marmoreo, regimen subiit bis- sexto: & ad annum
Terque & ter sextum sceptra Britanna adiit.
Sextus adhuc, populis nam a quinis ante fuerunt
Regnata: est noster Sextus ab indigenis.
Sextus item quater est Normanno a Principe, gentem
Qui victor tenuit quintus ab indigenis.
Rex & ab Henrico Sextus, qui civica clausit
Funera, felicis foedere Conjugii.
Id nostro inferior, stirpes tantum vniit ille,
Hic gentes: noster pace, sed ille acie.
Cumtoties Sextus, cur non Tibicongruat omen,
Semper sub Sextis perdita Roma fuit.
Huc te fata vocant, manet haecte laurea, Solo
Te digna: hinc, fausto nomine, Primus eris.
Non Anglis tantum Primus quod diceris, aut quod
Primo succubuit Insula totatibi.
Sed quod Romuleos regali indagine saltus
Cinxisti Primus, èque lupam latebris
Eduxti: Ecce stylo debent haec saecula vestro,
Quod lupa nunc prostet: Et dabis vt feriat
Alter quisquam? Absit: quin sistu Caesar vtrinque▪
Quamque prius calamo, cuspide fige lupam:
En alacres adstant praesto adtua jussa molossi:
Signumque expectant: Dic modo; Consicient.
Sin contra feriat, non est mora; sunt tibi Pardi
Horrendi, est acer indomitusque Leo:
Hos solue, hi cursu praestant & robore, brutam
Discerpent bruto fulmine posthabito.
Tunc tu MAGNVS eris, cui MAGNA BRITANNIA paret,
Cum ducete MAGNO, MAGNA ruet meretrix.
Quae DEUS vt faxit, geminantes vota precamur
Tot numeres annos, quotnumerantur avi.