Page 279
AT DRVMLANGRIG THE FIRST OF AUGUST.
DUGLASSIORUM OFFICIUM REGIAE MAIESTATI.
SCitè dulcis onos Maro poetas
(O rarum populi decus Britāni)
Cycnos grandiloquus vocavit olim.
Scrutanti trutinâ sed hanc severâ
Vocem, jure quidem queat videri
Mirum, vt conveniat sacro poetae
Cum Cycno rationis haud capace.
Scruteris trutinâ sed vt severà;
Ambo lacteolo colore, plumis
Alter candidulis, & entheatus
Alter pectore candet; atque juxta
Ripas expatiantur ambo opacas;
Ambo doctiloquûm choro sororum
N••cnon l••urifero Deo sacrati:
Ambo dulce melos petente morte
Cantant, albus olor, poeta et almus.
Naturae at genii negant Olores
Audiri; Zephyri, favoniique
Ni spirent placidi. Ergò quis stupes∣cat,
Si seclo hoc vario, canorus olim,
Vatum laurigerûm chorus silescat?
Quum tot terribiles Noti, at{que} tristes
Conspirent Boreae, necullus vsquam
Af••latus moveat Favoniorum.
At spirante tui sacrâ favoris
Aurâ nunc, placido favonioque;
Et vultus radiis modò sereni
Ictus, doctiloquûm chorus sororum
Cycnorum superat melos canendo,
Dum certat meritos tuos honores,
Et nomen celebre vs{que} ad astra ferre.
An tot nobilium virûm vndequa{que}
Certatim comitante te phalange,
Ingenti vndique gratulatione,
Applaudentibus omnibus vicissim
Musis, civibus, incolisque regni,
Duglassî generis corona sola
Misceri medio choro negabit?
Absit, qui toties fidem probarunt
Pro te, pro proavis manu potente
Pugnando, renuant obire pacis
Almae munia REGE pro benigno.
Quin fulgente Dei benignitate,
Applausuque tuo annuente nobis,
Duglassî generis corona tota,
Quos bellando Aquil. is probasse con∣stat,
Ad coelum quo{que} concinemus vs{que}
Laudes percelebres tuas Olorum
Instar; seculaque audient futura
Laudes percelebres tuas canentes:
Phoebeos tamen oda nostra olores
Hoc vincet, viridi quòd in juventâ,
AEtate & vegetâ canetur illâ,
Illi quam recinunt minante morte.
Hoc aequi intereà, bonique carmen,
REX dignissime, consulas precamur.
GEORGIUS DUGLASSIUS.