Ta tōn Mousōn eisodia: = The Muses welcome to the high and mightie prince Iames by the grace of God King of Great Britaine France and Ireland, defender of the faith &c. At His Majesties happie returne to his olde and natiue kingdome of Scotland, after 14 yeeres absence, in anno 1617. Digested according to the order of his Majesties progresse, by I.A.

IN SERENISSIMI REGIS JACOBI Sexto-primi ingressum in SCOTIAM, Sole ingrediente in Signum Geminorum.

NOster vbiradios Phoebus patefecit ab Austro Moesta suae exhilarans ora Caledoniae ••idimus attonitos fremere & trepidare Gemellos, Quod Leo praeteriens praeriperet Boream. Quos propior Titan castigans, parcite, dixit, Aut tremere, aut fremere, parcite hîc Tyndaridae: Iste Cleonaeus non est Leo, funditur isti Innocuus nunquam dente vel vngue cruor. HIC Leo pacificus, pacisque serenus alumnus, Marte quidem valet, at pacem alit vnde alitur. En placidam frontem, & sponsores pacis ocellos! En arma, en comites: omnia pacis habet. Cernitis vt blandè submittit cornua Taurus, Et duplici levior pondere gestit ovans; Cervicesque superbus agit, meritòque triumphat Nunc magè quàm portans per freta furta Jovis: Tunc solum imperii nomen, leve pondus habebat, Nunc triplex Sceptrum, certius omen, habet. Hîc Rex Phoenicum, hîc verus gestatur Agenor, Veraque terrarum Iam insula habet spolia.

Vos ergo alternis morientia lumina, fasces Hos metuisse aequum est, & coluisse faces. Sique lubet, jam jure, licet, contendite, palmam Auferet; vt qui sitter meritis potior: Inter enim Oceani celeberrima numina, longè Ante dioscuros Hic numerandus erit. Vos quandoque datis timidis solatia nautis, ••t fragili facitis spem superesse rati! At licet armatas pelagus tumidum induat iras, Perstrepat & tellus, vndique militibus; Extemplo Istius praelustri tacta tridente, AEquora strata jacent, arvaque tuta tacent. Caesum Amycum, jactet Pollux frustra, insidiantem! Iste Amycos▪ Perthi, & mille trophaea dabit: Mille trophaea dabit sine Marte parata, sed arte Non sine divinâ, & Marte duos Amycos. Nec jactate Helenam raptore absente reductam, Hic Raptas Marti Helenas eripit, & sociat, Illustres Helenas, quas saepius ambiit orbis Romanus domitor, nec tamen obtinuit. Has sibi in aeternum junctas desponsat & aufert, Quicquid eas posthac separet vnanimes. Exiguum hunc ergo vos ne indignemimi honorem O Gemini, Hic namque est, cedite, Tergeminus: Cui non invideat laudemter maximus Hermes, Munere nam minor est, & sophia, & solio. Sed quo haec? nonne brevi regis cum regia summi Caelestesque animae, & nobilior patria, Cognatam allicient animam, rapientque per astra Nos supra, in summi tecta suprema poli, Cùm, velut invictis hodie stipatur ab Anglis, Invicti cingent Angeli vtrumque latus, Vestra suis ridens calcabit sider a plantis, Nostrosque unâ ignes, lumine splendidior. Lumine, quo vestire solet pia pectora Numen, Lumine, quod limen nesciet occiduum. Cùmque ita fulgebit, cùm infrà me vosque videbit Scire libet, Geminis tunc locus ecquis erit? Haec ubi dicta, mecum at{que} iras posuere Gemelli, et Phoebum vtrumque vlnis, cinxit vterque suis.