Prolicionycion [sic]

¶ Liber secundus. (Book 2)

¶Ca^o. p^io. /

AFter that places and countrees be rekened and descryued of the world wyde. the ordre of the tale of the storye axeth that beryng & dedes of the world be also descriued· But eue¦ry thyng is for somwhat. and that is more· Treuisa / Here this auctoryte of the philoso∣phre is to mene. that al thyng that is resona¦ble and kyndly ordeyned for another thyng / as a mene for to co¦me therto and for to saue / It is ordeynyng for better thyng and more noble than is that thyng that is so ordeynyng. therfor / ee∣ryng· and sowyng and dongyng of land· is ordeyned for to ha∣ue good corne / And good corne is better than al the other deel Also medycyne is ordeyned for heel / and hele is better than the medycyne / Also mete and drynk and other thynges be ordeyned for the lyf / And the lyf is better and more noble than the mete and drynk. and al other thynges that be so ordeyned for the lyf ¶ R Than syth that the more world is made for the lasse as holy wryte seyth / The more shal serue the lasse· and now the mo∣re world is descryued in our foresawes in the first book. than is it skylful somdele to descryue the lasse world also. from the be∣gynnyng of his forne dedes· that it myght be knowe what ma¦ner thynge it is. and how grete / that is so lytel / and doth so greete dedes. in the more world that is soo grete & so huge / And also the worcher and the maker of al thynges that hath with hym shaply resons of al maner thynges. whan he had made the more world than he made the lasse / And thaugh he made hym lord of the grete world. yet he prynted on hym the lykenesse of the gre∣te world for a man and the world be lyke in thre thynges / In length and brede in kyndly disposicion and vertues worchyng

¶ And firste though the lengthe of a mannes bodye that is from the soole of the foote to the toppe of the heede· be suche six as the brede that is from the one side of the ribbes to the other side and ten so moch as the depnesse that is from the rigge to the wombe ¶Netheles Plenius libro / vij / ca / 18 / seith that as moch space as is bitwene cinct. that is the poynt that is in the firma∣ment euen ayenste hym in the other side of the erthe so moche is oute of the eest in to the west and soo it is in the body of a man that as moche as is from the soole of the foote to the toppe of the heed / so moche is bytwene his twey longest fyngres endes and he stretche oute his armes and handes a brood Also Plenius

the right cap^o 17. Seyth that the stature & the mesure of a child whan he is thre yere old is euen half his mesure and his stature that he shal haue whan he is of age. yf he lyue so lo••g / the second as we see in the world so we see in a man / that 〈◊〉〈◊〉 membres & the partyes helpeth and standeth eueryche other in ste••e and bynē¦meth his woo· For the ouer lymmes gouerneth a••d yeueth. the neyther lymmes bereth and serueth / the myddle receyueth and de¦leth about the other lymmes / And in the eyther world yf a lim¦me is out of his owne place and entrede to another place / than in his owne / anone is grete distourbaunce made as whan the ayer is enclosed within the erthe / than therth quaketh / & whan within the cloudes than is greet thondryng Also in the body of a man whan the lymmes be writhed out of her owne places / or yf the humours be apayrede. than is ache sekenesse and sorow ¶Also whan the lymmes be wel arayed and as they shulde be in shappe coloure and hewe maner quantite gretenesse and smalnesse me∣uyng and place than hath the man good pees and quyete and is in good hele and reste ¶ The contrary falleth and the lymmes be euyl and not ryghtly arayed / Therfor Plato yafe his dome & sayde suche ordenaunces & disposicion and shap as a man hath in his kyndly membres and lymmes· suche kyndly maners & dedes he foloweth· also as it is in the partyes of the grete world that they be so ordeyned. and y sette that the highest of the ney∣ther kynde touche the lowest of the high kynde· As oystres and shelfysshe that be as it were lowest in beestes kynde passeth / but litil the perfection of lyf of trees and herbes. ¶ For they may not meeue hem but as c••lpes of the See waggeth with the water els they cleuen to the erthe / and may neyther see ne here / taste ne smelle but only feele / whan they be towched ¶ And the laste of the erthe touchethe lowest of the water· And the ouer most of the water toucheth the lowest of the eyer and so vpward by degrees anone to the ouermost heuen Also the hyghest in bo∣dyly kynde that may be cleped skylfully mannes body kyndly & parfytly disposed arecheth to the lowest of the nexte ouerkynde that is mannes soule that holdeth the lowest degree of spyrytes and of goostes that haue knowlege and vnderstandyng· And therfor it is cleped Oryson as it were the next narche in kynde be¦twene bodyly and goostly thynges· By the soule me gooth vp from the lowest kynde by degrees of knowleche and of connyng anone to the ouermost knowleche and vnderstandyng ¶And

whan the soule is all cleene without erthly lykynge it recheth otherwhyle to holy spirites that be nothing bodily also man hath somwhat comyn with thynges that be partyes of the gret world ffor gregory in an Omely saith that a man hath being with sto¦nes lyuyng with trees / & herbes / felyng with beestes knowlege & vnderstandyng with angelis. Also in mēnes body semeth erth in flesshe & boones / water in blood & in other humours / eyer in the longes: fyre in the hert: & is called homo in latin & antropos in grue. & is as it were a tre torned vpso doū & hath an heed with here as it were a roote & hath armes & thyes as it were bowes Touchyng the thyrd lykenesse that is vertuous worchynge we see as gregory sayth in an Omelye of the aduent that the world was atte begynnyng thryuyng & strong for to bryng forth chil¦der as it were in youth / & was ful of heele & so fressh & grene & by grete ryches it was fatt / but now it is abated with eld & as it were dryuen toward the deth with ofte & many diseases: So in a mannes youthe the bodye is thryuyng the breste is stronge the nolle is bolde / the armes be ful / But in his elde the stature boweth & croketh & stonpeth a downe / the bold nolle abateth the brest is dryuen oft with many sighes & soore· the breth shorteth & in al the body myght and strength abateth And though there were none other sekenesse in old men for the more dele ••••le is se∣kenesse Also as we see that in the more world be two contrarye moeuynges / One is kyndely· by the whiche the planettes and nether welkens meoue oute of the west in to the est. That other is violēt by the which they be y rauesshed ayeinwarde with the moeuynge of the ouermooste welken or firmamente oute of the Eeste in to the weste ¶ So it fareth in a man that the flesshe coueyteth ayenste the spyryte •• and the spyryte ayenst the flesshe

¶ For the nether knowleches and wyttes fighte ayenste the reason ¶ And yet a man hath comyn worchyng and suffryng like to many other partyes of the more world For he is slowe and heuy as the erthe / and fleteth awaye as the water and withdraweth sodenly as the eyer / and heteth as the ffyre▪ chaun¦geth as the mone / Fyghteth and sleeth as mars / coueteth as Marcurius: goth oute of kynde as Iupiter / And is cruel as Saturnus ¶ Also plenius libro septimo· capitulo tricio Se∣yth that as the vtter partyes of the greet world wellith and spryngeth ful of myracles wonders & meruaylles as in Inde / Ethiopia blew men lond and in Affryca ¶So in mankynd

kynde hath slyly & craftely made wōderful werkes & myrth / for firste in a mānes face ther ben t••n lym̄es other fewe moo. ther is so gret diursyte that among many thousand men vnnethe is one founde in face lyke to another. In affryca be many that haue wi••¦chyng tonges so that thynges that they preyse they shende & slee with her praisynges / so that trees that they preysen waxen drie & childer deye So in triuallis & in Iliricis be men that slee with her sight what they behold and loke on longe namely and they be greued / and wroth whyle they loke so and bihold· and these haue in eyther eye twey blackes ¶Also amonge vs varro saith kynde hath y gendred & brought forth venym in somme mennes eyen so that none euyl is founde. that ther nys somwhat lyche y founde in mankynde. So somme partyes of a mannes bodye be forbyson and bodyng of wondres so pirrus kyng of Epyrothes had a grete too in his right foot / the touchyng of that too was a good medecyne ayenst venym / ¶ And that too myght not be brente with the other bodye· whan the other partyes of his bodye was brente So Auctours telle also Pli{us} li 7 ca••e 7 seyth that somme men be geten and born with gendryng stones clenyng to gyders as it were al one / Somme be borne with one bone al hool in stede of teth and that boon is harder and sharper than ony man¦nes toth / ¶ So prusi kynge of Bithimia had a sonne that had a∣bo••n in his mouth in stede of his other teth / one boon al hool and that boon was so harde / that whan the other dele of the bodye was brent that boon myght not brenne also Ibid ca. 18. Sōme men lyue and eueryche of hem hath the boones of his bodye cle∣uyng to gyders as it were all one bone all hoole & without ma¦ry: thes men be neuer a thirst also they swete neuer more· Treui∣sa Sōme men telle som man in irland hath one boon al hoole in oo side in stede of al his ribbes: & Tom hayward of barkley hath in the moold of his hede polle & forheed but one boone al hool therfor he may wel suffre gret strokes aboue on his heed without hurt: Also pli{us} l: 7: c: 21 seith that som men had in al the body senewes euen strayght thwert ouer & crosse wyse & ••assing won¦derful in strength: som may dure to renne without werinesse som be passyng clere of fighte: as a knyghte that highte Strabo sto¦de in a waytes place & sawe the nauyes & shippes of puny that were from him an honderd fyue and thirtty myles: Also pli{us} li. 11: capitulo: 44: seyth That tiberius Cezar sawe more clerely in derknesse than in lighte so that whan he waked in the nyght he

myght see al thyng clerly about / Also pli{us} li 7 c 27· Somme we¦re wonder myghty of mynde as cyrus kyng of perse that to alle the knyghtes of his hoost yaf certayn names ¶R And seneca / p. li / declamacionum seyth of hym self that he was so myghty of mynde that he rehersed two thousand names arewe by hert in the same ordre as they were sayd. and that he rehersed moo than two honderd versus / that other men had yeuen and began atte / last / & rehersed anon to the first withouten ony faylle / Also he sayth that Cineas pirrus messager kyng of Epirotes. this Cineas the second day that he cam to Rome he salewed and grette the Sena¦tours and spake to eueryche of the peple aboute hym by his own name· Another sayth that Cineas had made a grete makyng of poesye. For he rehersed it atte firste heryng more swiftly than he that had made it. Also pli{us} / li 7 / c. 27. Seith that som̄e were noble & wyse of wytte as Iulius cezar that was wonte to rede & wry¦te what men seyde with a good auisement al attones / Also he v¦sed to wryte quaires & endite lettres & wryte pistles al attones

Also pli{us} li bro 7 c 18 / seith that somme men haue more streng¦the in the right side and somme haue more in the lyft side· and som be like stronge in eyther side· Also men be heuyer than women & dede mennes bodyes be heuyer than quyck & slepynge than wa¦kyng heuier also· Of the careynes of dede men renneth foule mois¦ture & humours & they ligge vpright / and of the careynes of dede women / yf they legge neuelyng & dounright as thaugh kynde spared shame ¶Also li. 7. ca 17 we rede that oo man lough that day that he was born and put away a mānes hande that groped & handled him also c. 20 / Me speketh / of som mē that neu{er} lough of som that wepe neu{er}. of som that spytte neu{er} of som that bok bal¦ked neu{er} / Treuisa Rogger bagge was a ful old mā at wottō vn¦der egge in gloucestreshire he spytte neu{er} he coughed neu{er} Also se¦neca vbi pⁱ{us} c 4 ¶ And as· it is amonge other beestes so it is in mankynde that somtyme one of mankynde is both man & womā & suche is cleped hermofrodyta & was somtime cleped androgin{us} & in englyssh is called a scrette & accompted among meruaylles & wondres but now amōg vs it is deynte / for it is selde seen Al∣so we haue y seen & herd that somme chaūge wonderly her shape / For we sawe in affryca a mayde the same day that she shold haue ben wedded transformed & torned in to a man & anon forthwith berded & membred & lymmed as a man & wedded a wyf with in a short tyme after Also seynt austin{us} de c / d / libro tercio / c / / 29

toucheth that agellus / li· atticar••co noccm̄ Seyth that women be somtyme tourned in to men it is no magel tale but it is soth as the lettres be wryten / therfor agellus seyth that in a Cyte called Smyrna He sawe a mayde tourned in to a man / the same daye that she shold haue ben wedded / Also suche one was brought to Rome to the Senatours in tyme of lasciuius crassus and cassius longinus consuls of Rome and by heste of dyuynours that tok•• hede of weder and of chittryng of birdes it was born into a wild yland. Also titus lyuius speketh of hennes that were torned in to cokkes / And auicenna libro / 8 / de animalibus speketh of an henne that had ouercome a cok in fightyng / & after the fightyng & the victorye she rered vp the tayle as a cok· & had anon a spore growyng on the legge and a crest on the hede as it were a cok / Also capitulo ·5· Trogus seith that in egypte be ·vij· children born at one birthen / & thies dayes yf two twynnes be borne it is selde that the moder & the first child lyue longe after the byrthe & na∣mely yf the one be a knauechild & that other a mayde· Also· ca^o.· 12. And somtyme a woman conceyueth twey children & is but a lytil tyme bitwene and so the childer be afterward borne one af¦ter another and be parfihte ynowgh / as it was of hercules & his broder hispycle / And so it ferde or happend of that woman that bare two childer· one lyke to her husbonde / & that other to the cō∣pyner / & of that woman that in the vij / moneth after her birth in the second moneth aft{er} she bare twey Childre / somme women bere alway. mayde childrē & som alway knaue childrē & som alway chaūgen and beren somtyme a mayde child & somtyme a mā child som be barayne / & conceyue of no mā & som cōceyue of sōme mē & of som mē cōceyueth not. Also / ca / 13 / Sōme bere childre lyke to hem self· & som lyke to the fader & somme lyke to no mā. somme bere doughters like to the faders and somme lyke to hem self· Somme bere childer lyke to her forfaders Ensample is Nyceus the noble peyntour at by sancm̄ that was borne of a fayr moder and went out of kynde & had one hand as a blew man Hugo capitulo malo· ¶ Me sayth that womans kynde is suche / that she conceyueth children lyke to thynges that they see peynted & shape for the worchyng of the soule whyle the body is in geetyng of a child sēdeth inward likenes & shape that she seeth without & ra∣uess••th the ymages therof as it were to his disposicion / & so they vsen in spayne for to brynge fayre horses & gentel & holde hem before the mares and in her sight whyle they conceyue / & they vse

also to peynt fayre culuers or downes in places ther culuers were wont to dwell / And quintilianus defendeth and excuseth a woman that was accused of spousebreche for she had born ablue man· And he leyed for her that suche an ymage was peynted in her bedchambre whan she conceyued that child. and ypocras wrot of a woman that shold be dampned to the deth for she had borne a fayr child that was not like to her self / ne to the fader / but ypo¦cras made men assaye / And it was founde that suche an ymage was peynted in the fader & moder hedchābre / whyle that child was conceyued / and so the moder was saued. Pli{us}· li 7 / c / 13. Ther for in a man be many diuersitees for swyftnesse of thought and chaungyng of wytte in the concepcion emprynteth in many dyuers lykenesse and shappes· In other beestes wytte is as it were not chaungeable therfore amonge hem al the brode is lyke to the same kynde Augustinus de ci. de / li· 16 / ca / 7

¶ Capitulum. secundum

OF brodes that be wōderly shapen me axeth if they come of adam and Noe / Sōme of hem hete. ciclopes & haue. but on eye in the forheede / Somme haue both the shap of man & woman & gēdreth to gider & geteth & cōceyue & beren childer as the cours cometh aboute / For ones he shal gete child. & he shal eftsones cō∣ceyue & goo with child in his tyme as it goth aboute / Sōme wo¦men conceyue at / v. yere old· & lyue not ouer eyght yere. som haue thies without hammes & be wonderly swifte and hete ciopodes for they lye neuelyng & doun right in the somer tyme & deffenden hem self with the shadowe of her feete from the hete of 〈◊〉〈◊〉 sonne wherto we answere and saye that it nedeth not to trowe that ther be so many maner mishappen men as men speken of· Netheles re∣son as is y yeuen of wondre shappe children that be amonge vs suche reson men may yeuen of dyuers manere people that be won¦derly shapen / For god knoweth where and when it nedeth to ma∣ke eny manere thynge / he knoweth the fayrenesse of al creatures and with what likenesse and vnlykenesse of partyes they be me¦dled to gyders ¶ Certaynly in our tyme was a man borne in the Este that had two bodyes vnto the myddel of the wombe & bynethe but one ¶ But yet for al that we shal trowe that be come of Adam / Therfor suche as be wonderly shape owther they be nought· owther they be no men / owther yf they be men withoute doute they come of Adams kynde ¶ Touchyng

antipodes that men speketh of & syngeth that they be men in the o∣ther side of the erthe and her feet toward oures and her heed yond¦ward and treden hiderward / that may be trowed by no reson / ther is no story that maketh vs haue knowlege / but only by gessyng of mankynde such a tale is founde / Though the erthe be round al about and somdele hangyng within the holownesse of heuen / na∣theles the erthe is not bare in that side / For it is biclypped and closed within the water / and though it were bare and not so clo¦sed· yet foloweth not that men shuld dwell there / R / But he wold meene as marcianus seyth in his astrologye that the signe capri¦cornus the grete maketh somer to the antypodes and the cancer the signe maketh to them wynter / And that is acompted. beyonde the side of ethyopia blewe mennes lande / ther men tornen wel nygh her fete toward mennes feet that dwelle about the ylond tile. vn¦der the north sterre Treuisa. Here take hede that the cercle that the sonne holdeth his cours in by the yere is deled in twelue par¦tyes and euery partye therof is cleped a signe and euery signe hath a propre name / These be the names of the signes. The weder the bole the twynnes / the crab the lyon / the mayde the balance. the▪ scorpion the archer / the goot the stewe / the fysshe / also twelue monethes be in the yere and euerych moneth entred in to a signe as it falleth for the moneth / and so in marche it entreth in to the weder in aprile in to the boole / In may in to the twinnes in Iu¦ne in to the crabbes and so forth arewe by monethes & signes So that in december the sonne is in the Goote / than marcianus wol mene whan he seeth that the goot maketh somer to the antipodes that whan the sonne is in the goote than it is somer with hem But in december it is midwinter moneth· & whan he seeth that the crabbe maketh hem winter he meeneth that whan the sonne is in the crabbe than it is wynter with hem. that is Iune that is midso¦mer moneth & thus it is declared what is to mene the goote ma¦keth hem somer & the crab winter / ysid eth ·l / 11· Sōtyme birthes be borne wōdelrly shapen for to be boodyng & to kennyng of wō∣ders that shal befalle. but than they liue not long· as in excerses tyme. kyng of perse a mare foled a Foxe & boded that the kyng∣dom shold be vndo / & in the greet kyng alisāder in his tyme was brought forth a beest wōderly shapē. for the ouer partyes of him were shapē as the {per}ties of a man but they were dede / & the nether partyes were shapē as the partyes of dius maner beestes & were alyue & beto••ened sodayn sleing of the kyng / for the wers {per}ties

lyued lenger than the better Treuisa Wiliam wayte of ber¦kley sawe a child with twey hedes and twey nekkes borne and cristened at mese in Loreyn the yere of our lord thousand thre honderd .lvj / that yere the kynge of Fraunce was taken atte ba∣tayle of peyters / this child had twey armes and twey legges as other childer haue / and he had the thyrdde legge growynge out aboue the buttokkis behynde and the thyrdde arme bytwe∣ne the twey shulders / ¶ Item Isid / li. 11 / capitulo tercio Somtyme is grisly and wonderfully chaungyng of shappes of men in to beestes & is doo by wordes other by wyccecrafte. sōme hath and receyueth such chaungyng by the same kynde. somme by corrupcion passith and chaungeth in to other kynd and so of cal¦ues roted cometh bees and of hors roted cometh thauers· therfor ouide sayth yf thou craft haue take armes holowe for the crabbe / Scorpio bryngeth haile to stynge with kroked· tayle. Au / li / 18· c sexto. In the matier of wonderful tornyng changyng and sha∣pyng of men & women it is to holde that fendes and euyl men mow make no kynde neyther chaung that is made· Neuertheles Almyghty god suffreth lykenesse of thinges dyuersly for to se∣me / so that the fantasie of a man that gedreth likenesse of dyuers thynges in thought and in dreamyng or sweuenyng whan the wyttes be lette and take none hede maketh to seme likenes∣se of bodyes that is not present also of ymages and of dyuerse lykenesse and shappes of thynges that neuer were made· and so men wakyng semeth that they see lykenesse and shap of diuers thynges & of beestes. as men seme slepyng and metyng wonder¦ful sweuenes / & seme somtyme that they bere meny heuy birthōs but and they be birthons fendes bere hem / and so god that demeth rightfully suffreth mankinde be ofte so begyled R Of this matier loke within more playnly after the batayl of Troye

¶ Capitulum tercium

THough man as it is sayde be lyke & acorde to the world in two thynges that be conteyned therin· Netheles in many poyntes of mannes condicion of his prerogaty∣ue and his worthynesse he is dyuerse and vnlyke to the world

¶For though mannes bodye were made firste of erthe / yet it was so couenablie and so acordyng to the soule that in mannes bodye was euenesse of complexion acordynge to lymmes right¦fulnesse

of stature / fayrenesse of shap / & so shuld the body be af¦terward buxome to the soule withouten ony rebellion and bryn¦ge forth childre without ony synne and lyue without ony defau¦te of strengthe and be translated and chaunged in to blysse of heuen withouten deyng and deth. also he shold gete and conceyue childre without shame and a woman shold bere childre withoute sorowe and woo / and haue mete and drynk without swete and trauayl steryng and moeuyng in lymmes withouten ony mys∣fare / and to all this paradyse was yeuen mankynde for to· dwel in / and woman for to be mannes felawe / paradyse to wonyng place / the tre of lyf for mete and al creatures for solace and a••¦te laste god hym self for to be mannes mede / But allas that so noble a banyour fell•• so soone. that was erly brought forth / & put in worship he knewe not that he shold be like to beestes whan he dyd that was forbode Fro that day forth the body that is cor¦rupt by synne greueth the soule ¶ The flesshe coueyteth ayenste the soule and mannes wyttes torne and assente lightly to euyl A mannes oune meynal wyttes / be his owne enemyes / so that al mannes lyf is in temptacion whyle he lyueth here in erthe. & the disposipon of the soule ruleth meynteneth / helpeth and con∣forteth the bodye / But ayeinward the wretched disposicion of the bodye distourbeth the soule· Also man is euer fayllyng and wayward he may not stydfastly abyde / he falleth lightly but he ma•• not lyghtly aryse / Profyt of byrth is sorow and care in lyuyng and man must nedes deye Plenius libro septimo deci∣mo capitulo tercio decimo· ¶ And thaugh oll other that be made haue shelles ryndes skynnes. wolle heer / bristels feders wynges owther skals / Man is born withoute ony helyng or keueryng nakede and bare / anone at his birth. he gynneth for to wepe atte begynnyng lyke a beest but his lymmes fayllen hym and maye not helpe hym self· but he is febler than ony other beeste / he can noon helpe / he may nought doo of hym self but wepe with al his myght No beest hath lyf more brutyl and vnseker / None hath se¦kenesse more greuous no••n more lykyng to do otherwyse than he shuld. none is more cruel ¶ Also other beestes lone eueryche other of the same kynde and dwell to gyder and be not cruel / but to beestes of other kynde that be contrary to hem / ¶ But man torneth that maner doyng vp so downe / and is contrary to hym self and cruel to other men / and yf he may not reche for to greue other / thenne he becometh angry and cruel to hym self ¶R

And yet to al thees man hath twey myshappes and that right¦fully. one is of him self within / so that he that threwe away peas and reste warred within hym / in his lyuyng he hath neyther peas ne rest but warre & strif within Another myshap man hath withoute forth. So that he that wold nought be subget to god that is aboue hym now he feeleth his vnderlinges rebell to hym· so that the creatures that were yeuē man to solace of brutelnes to susteynyng of comfort to bere vp feblenesse to seruyce and subiec¦tion to myron•• and shewyng of wonders / Nowe for the mooste dele they flee mannes sighte and his felawship fro his compa∣ny and hateth his handlyng & wil nought of his lordship. and dredeth for to lyue and dwelle with hym

¶ Capitulum / 4

ADam was made of erthe in the feld of damask the sixthe day of the world and brought in to paradyce and synned the same day and was put out after mydday / and so he fille out of the state of Innocence. and of welth in to the valey of wret∣chednesse and of woo· Man in his begynnyng myght take wele swete mete in goddes own hows But he desired that he shold not and assayed that was forbode. And fylle out of hye in to lo∣we out of light in to derknesse and slyme· out of his owne lād and contrey in to outlawyng / out of his hous in to waylynge / and trouble / Oute of fruyts in to w••pyng and woo Oute of praysinge in to dole and sorow· out of myrthe in to stryf / oute of loue in to hate. out of ioye and welth in to peyne and ••••ene / oute of helth and grace in to gilt and synne / out of pees in to peyn out of homlynesse in to offence and wrath ¶ Methos This Adam the xv· yere of his lyf bigate cayn that is co••unely callyd caym and his sister Calmana Than / xv. yere aftir that whan adam was· xxx / yere old he gate Abel and his syster delbora / but Abel was slayne and his fader & moder made dole and sorowe for hym an honderd yere· ¶R· ¶As hebrewes seyth / Adam begate seeth the yere of his age an honderd and thryttye. And lyued afterward .viij·C / yere / And so Adam lyued in al nyne honderd yere and thyrtty Treuisa There were thre score and ten· that torned holy wrytte oute of hebrew in to grewe· And they be cle¦ped the thre score and ten· ¶R ¶Adam deyed & was buryed in Ebron that is cleped also / Caryatharbe that is to meane the

Cyte of four that be patriarches that be buryed there that be a∣dam abraham· ysac and Iacob ¶Seeth gate enos whan he was an honderd yere old and fxue and lyued after / viij C / yere / but the thre score and ten seyen that seth was two honderd yere and fyue whan he begate enos and lyued afterward seuen honderd ye¦re and fyftene· But the thre score and ten seyen that Enos was nyne score yere & ten whan he gate caynan and lyued afterward seuen honderd yere and fyftene. Me seyth specially that Enos cle¦ped firste goddes name. For vpon caas he fonde firste. wordes of prayeng· Other as hebrewes tellen. he first fonde ymages to wor¦ship of god for to wake the slouthe of mannes mynde in to god almyghty. Caynan thre score yere old and ten gate malaleel & lyued afterward / viij / C yere and fourtye· But the thre score & ten putteth an honderd yere to fore the seuentye / & withdraweth an honderd afterward Malaleel fyue and sixty yere old ga¦te Iareth and lyued afetrward eyght honderd yere and thrytty but the seuentye setteth an honderd to fore v. & sixtye and with¦draweth an honderd afterward. Iareth an honderd yere old & lxij / gate enoche· and lyued afterward eyght honderd yere / ¶ In this the seuentye acordeth with other: Enoch fyue and sixty yere old bigate matusale and lyued afterward thre hon / derd yere and helde god almyghtyes way and was transla∣lated and brought in to paradyse / But the seuentye setteth an honderd yere bifore the fyue and sixtye / this enoch was fynder of lettres and wrote somme bookes so seyth Iudas the Apostel in his epistle / Me troweth that· Adam deyed in enokes▪ tyme / And as in caymes childer lameth the seuenth was werste· 〈◊〉〈◊〉 in sethes children enoch the seuenth from Adam was beste

Matussale an honderd yere old four score and seuen gate lameth / and lyue••d afterward seuen honderd yere and tweyne that was vnto noes flode / lameth an honderd yere old four score and tweyn gate no•• / and lyued afterward fyue honderd yere four score & ten

¶ Capitulum 5

CAym Adams first sonne begate enoch / he gate Irad he ga¦te manayel· he gate matusale he gate lameth. This lameth toke ••wey wyues ada Ada and sella and gatte twey sonnes on Ada Iabel that was fader of hem that woned in tentes and in pauilons And tubal that was fader of organistres & of harpers

And lameth gate on Sella tubulcam that was a smyth wor∣chyng with hamer and his sister Noema she fonde first weuyng crafte Ioseph{us} Caym gadred ryches violently by strengthe / & made men be lechours and theues and torned sympel lyuynge of men to fyndyng of mesures and weyghtes / he ordeyned mar∣kes and boundes of feldes and of landes. and bylde a cyte and walled it / For he ful soore drad them that he had greued Ysi libro quinto decimo capitulo secundo ¶Men were first naked and vnarmed not syker ayenst beestes· nowther ayenste men to defen∣de and kepe hem fro cold and fro heete / than by besynesse of kyn∣de witte / they bethought theim of buyldyng· therfor they buyl∣de theim smale cootes and cabans and keuerd hem with smale twiggis and with reede. that her lyf myght be the more sauf

¶Petrus capitulo visesimo septimo / ¶ Lameth the seuen from Adam and mooste shrewe was the firste that brought in By∣gamye and so spousebreche ayenst the lawe of god and of kynde and ayenst goddes owne dome. ¶Iosephus Iabel ordeyned first flokkes of beestes and markes to knowe one from another And departed kyddes from lambes and yong from the olde ¶Petrus Tubalcam founde first smytthes crafte / Tuba had grete likyng to here the hamers sowne· And he fonde proporcion̄ and acorde of melodye by weyght of the hamers· And / so he v∣sed hem muche in thaccorde ef melodye· but be was not fynder of the instrumentes of musik For they were fonde longe afterward ¶ R Here wysemen tellen that thaugh tubal vsed first musike for his plesir whyle he was an herde and kept beestes for al that was not he that fonde firstt the resōne of acord in musik by wigh¦tes but Pyctagoras fonde that. therof loke within in the thyrdde book of pytagoras ¶Petrus visesimo septimo capitulo Lameth an Archer but somdele blynd had a yonglyng that ledde hem whyle he hunted for play and lykyng owther for one of beestes skynnes For men ete no flessh before noes flood. And it happed that he slough caym that loyterd amonge the busshes and wende that he had ben a wyld beest / And for his leder warned hym not He slowe hym also / And therfore syth that caymes synne was punysshed seuenfold that is in the seuenth generacion. For La∣meth was the seuenth from adam in that lyne / Lamethes synne was punysshed seuen and seuentye fold for seuen and seuentye childer that come of hym were deed in noes flode / outher for ma¦ny generacions were btywene Lameth and Criste that payed

raunsome / ¶Iosephus ¶No man shal trowe that it is fals / that is redde of so longe lyuynge of men that were somtyme / for they lyued fayr lyf and had couenable and clene mete and drin¦ke Also for blysful vertues that they vsed and made hem be¦sye aboute astrologye & Geometrye that they myght neuer lerne· but yf they lyued six honderd yere atte leste in· For in so long ty¦me is the / grete yere of the sterres fulfylled ¶Petrus Sethes childer were good men vnto the seuenth generacion / But after∣ward men mysused men / and women mysused· women ¶Thenne Goddes sonnes take mennis doughters: That is to. saye. Sethes sonnes toke caymes douhters and begate geantes ¶ Petrus. 29 And it myght be that Incubi suche feudes that lye / by women in likenesse of men made geantes be y geten. in the whiche Geantes gretenesse of herte answereth and acordeth to the hugenesse of body But after noes flood were other geantes born in ebron and after were other in than a cyte of egypt· and thylke gean∣tes were cleped Tythanes of hem come enachym His children woned in ebron / Of hem come Golyas ¶Iosephus That tyme men wyste as Adam had sayd / that they shuld be destroyed by fyre or ellys by water ¶Ther for· bookes that they had made by greet trauayl and studye he closed hem in two grete pilers made of marble and of brente Tile / ¶ In a pyler of marbel for water and in a pyler of tyle for fyre· ¶For it shold be saued by that maner to helpe of mankynde· ¶ Me seyth that the piler of stone escaped the flode and yet is in Siria Gen̄. Than whan noe was fyue honderd yere old he begate Sem Cham. and Iapheth that is to seyne whan he was so old he hadde thes thre sones geten / and he made the ship an honderd yere afterward of tymbre planed wel smoth and was glewed within and with out / The Ship was thre honderd cubyte long and fyfty cubyte brode / and thrytty cubyte high from the kele to the hatches vnder the c••bans and housing ¶Noe made a wyndowe in his ship & a dore on the side dounward And housing and cabans with dy / uers floryng ¶ The wyndowe was a cubyte high Treuisa Here men maye wondre how the wyndow was made bynethe in the side of the ship for comyng in of water ¶Doctor de lira moe¦ueth this doubte and sayth that there we haue Fenestra that is a fenestre and a wyndow the lettre of hebrew hath lucerna that is a lanterne & sommen sayen that that Lanterne was a carbun¦cle or som other precious stone that shone and gaf lighte clere

ynowgh there it was sette / But somme other sey that that wyn∣dow was al hool of Cristal stone by whiche light entred & hield out water. Many other wyndowes were in the ship / and soo neded for the ship was ful grete and huge and had in ful ma∣ny beestes Petrus 30 This ship was made somdele to the ly¦kenesse of mannes body in the which the lengthe from the soole of the foote to the toppe of the heed is suche six as the brede that is from the myddel of the side ribbes in that one side to the middel of the side ribbes in that other side / Also the lengthe is suche ten as the depnesse. that stretcheth from the rigge to the wombe ¶ Trenisa If the man be of ful shappe as he shuld be nouther to gret ne to smal Hugo de Ar This ship· myght not resseyue so many beestes and other thynges and so greet / but the cubyttes were cubyttes of geometrye For the comune cubite that me v¦seth conteyneth but a f••ote / and an half that is six spannes ¶ A span stretcheth from the end of the thombe to thende of the myddel fyngre / whan the hande is straught· But a cubyte of geometrye conetyneth sex commune cubittis that wol be nyne fote longe ¶Gen ¶ Than whan the ship was made Noe in the yere of his lyf six honderd entred and yede in to that ship· the first day of the second moneth that is of man / & in eyght dayes he brought in to the shippe al that he was warned to brynge in er our lord sende rayne here vpon the erthe / And so the flood was made and occupyed the erthe wel nyghe al a yere / The water of the flood passed .xv / cubyttes aboue the highest hilles for the werke of mā kynde defouled the eyer so highe as me troweth by worshypyng of fyre that smoked and sprynkeld vp so highe This yere en∣ded. the firste age of the world from Adam to noes flode vnder ten generacions that we spake of rather ¶ And Iosephus libro primo capitulo quarto ¶And also the hebrews sey that this first age of the worlde conteyneth two thousand yere seuen honderd six and fyftye B••t the seuenty turneers and ysidorus libro 5 seyth two thousand yere seuen honderd and two and fourtye But Ierome seyth not fully two thousand / And meotodus seith two thousand / For here he leueth the odde yeres that be ouer the thousandes ¶ For he calcleth and acompteth the ages of the world by thousandes and lette the other dele abyde

¶ Capitulum sextum

ATte laste whan the water of the flode withdrewe noe wen¦te out of the ship the / xxvij· day of the secōd moneth that is man· Than our lord behete and promysed noe / that noo suche flo∣de shuld be after that· And in token of that couenaunt· he sette his bowe in the cloudes that is the rayne bowe ¶ Petrus 329 The rayne bowe is token oute of twey domes / Of the dome that was don by water ¶ For me shuld not drede it. and of the do¦me that shal be by fuyre for me shuld drede it Therfore the bowe hath twey colours / the vtter is wattry for the dome of watir that is a passed the ynner is fyry for the dome of fyre shal be And holy sayntes tellen that the rayne bowe shal not be seyn .xl. yere be¦for the day of dome / Also they sey that it neuer appered fro adam to noes flode ¶Also no rayne bowe was seen al that tyme now ther flesshe ne fyssh eten ne wyn dronken / For that tyme was as were springyng tyme / and tho was inow and plente of all helth¦ful thynges that was afterward chaunged thurgh synne / But after the flode mankynde had leue to ete flesshe and fyssh. that ra¦ther ete herbes and rotes Noe lyued after the flood thre honderd yere and fyftye / And he lyued in al nyne honderd yere and fyf¦tye / and so deyed and lefte thre sonnes a lyue Sem Cham and Iapheth of the whiche thre cam al maner of mankynde Gen Than two yere after the flode Sem was an honderd yere old & gate Arphaxath̄ and lyued afterward fyue honderd yere Arphaxath was fader of caldeis and gate· Sale / whan he was an honderd yere old and / xxxv· as Ierom sayth· ¶ But ysido¦rus libro sexto· and hebrewes seyn· xxxv. yere & lyued afterward thre honderd yere and thre: / But the seuentee and luc also folo∣weth hem Arphaxath whan he was an honderd yere and fyue and thryfty he gate caynan / and lyued after thre honderd yere & thrytty Caynan an honderd yere old and thrytty gate Sale of him come the old Samarytanes and the Iudes and lyued after¦ward four honderd and eyght yeres and thryttye soo the seuen∣tye tellen Hebrewes sayth that Sale whan he was thyrtty yere old gate Eber ¶ Of this Eber they were called hebrewes / And Sale lyued after that he gate eber four honderd yere / But the se¦uentye and ys••dorus accōpte the honderd yere bifor the thyrtty & thre honderd yere after the xxx / Of Heher Hebrewes haue the na¦me / the hebrewes saye that heber four and thyrtty yere old gate phaleth And lyued afterward four honderd / thyrtty yere but the seuentye putteth an honderd bifore the four and thrytty

Hebrewes saiye that phaleth thrytty yere old gate Ren that heet Ragan also & lyued afterward two honderd yere and nyne but the seuenty and ysidorus putten the honderd bifore the thyrtty· & afterward two honderd and nyne / This heet phaleth rightfully for phaleth is to saye departyng For langage was departed in his tyme that rather was al one in the buyldyng of the tour of Babel ¶And so men were departed in to dyuers londes. Ragan xxxij yere old gate Sarug and lyued afterward two honderd yere and seuen so s••iye hebrewes. but the seuenty and ysidorus set ten an honderd bifore two and thrytty and afterward two hon¦derdseuē He brewes saye that sarug thrytty yere old gate na∣chor and lyued afterward two honderd yere and tweyne / But the seuenty and ysidorus put an honderd yere bifore the thrytty & two honderd afterward Hebrewes sayye that nachor xxix ye∣re old gate thare and liued afterward one honderd yere and nyne but the seuenty put an honderd yere bifore nyne and twenty

¶ And ysidre seyth that nachor was seuenty yere and nyne whan he gate thare The hebrewes and ysidorus seyn that thare seuentye yere old gate abraham / Nachor and aran and lyued af∣terward an honderd yere and thyrty but the seuenty put the hon¦derd yere bifore the seuentye yere: ¶Petrus 38 ¶And soo the se¦cond age of the world is ended fro noes flode to abraham̄s birth and conteyneth ten generacions & two honderd yere four score & twelue / so sey hebrewes Ioseph{us} and Ierom. But the seuenty and seynt ans••yn acounten a thousand yere and two andseuen∣ty and enleuen generacions But ysidorus acounteth nyne hon∣derd yere and two and fourty and meotodus a thousand ¶The caas of this dyuersite is / for the seuenty / and seynt Augustyn al¦so putten to euerych faders age from arphaxath to nachor an hon¦derd yere Beda As noe was the tenth from Adam so Abra¦ham was the tenth from noe ¶ Netheles luc in his genologye· whan he sayth Qui fuit Sale that is to meene that was Sales sone. and so forth that was caynans sone that was Arphaxath sone / ¶Ther luc foloweth the seuentye· that putten one generaci¦on moo than the hebrewes put / ¶ Augustinus de ciuitate dei li¦bro 15 / capitulo 13 Whan in many translacions is dy••••ite foū¦de that maye not stande than the first langage that the tornyng & the translacion is made of shal be moost be bileued Beda The tornyng and translacion of the seuenty was first not fully torned redily owther it was afterward appayred by misbileuid

men Eusebius ¶Fro adam to abraham is no story founde in grewe nowther in straunge langage Methodius ¶ Noe had a sonne borne two thousand yere & an honderd after the begyn∣nyng of the world. That sone was called Ionytus ¶Noe yaue him lordship anone to the see elyochora to him god almyghtye yafe witte and wysedom that he shold fynde scyences of astrono∣mye and that he coude telle bifore· what shuld befalle and come afterward and specially of the begynnyng and endyng of the foure chyef kyngdoms / and so he knewe that first of cam the as¦siriens shulde regne of cham come belus· afterward of Sem the Medes the perses and the gre••s / Thenne of Iapheth the Romay¦nes / Ionytus shewed al this to his disciple Nemproth / therfor Nemproth had grete desire to regne & regned in babylon among Chames childeren. they gate and hield Assiria in egypte for to Nynus regned in assiria vpon the assires Iosephus libro pri∣mo capitulo quinto ¶After that noe was dede in phalathes ty∣me· than al the men of the world had one langage and tonge Noes childer by techyng and ledyng of nemproth trowed and bileued that good happes & good spede is not of god almyghty but by mannes owne vertues & dedes / Also they wende that god almyghty wolde departe hem by enuye· that he myght the more lightly make hem subget Also they dradde that another flood shold come and buylded a wel high tour of brent tyle and glue in stede of morter in the felde that heete Sennaar / ther babylone was afterward buyld / but god almyghty departed hem For they shold not make dessencion and stryfe among hem self This nemproth was chus sonne. chus was cams sonne· And Cham was noes sonne / That place is cleped babel that is to say shedyng / For there at god almyghtyes heest / the langage and the tonges of the buylders were shadde and skaterd / Heber was holden gyltles of conspiracion in the buyldyng of the tour and therfor he was spared as gyltles in the shedyng of tonges Petrus 35. Than nemproth a stronge hunter of men that is a ti¦rant vpon men / he putte assur oute of that lond & began to regne among chams childer in the cyte of babylon that he buyld. Ne¦th••l•••• semyramys the quene afterward made this cyte wel more Afterward nemproth wente to the men of perse and taught hem to worship the fuyre & founded there the cyte nynyue / afterwad nynus and semyramys made that Cyte more / Augustinus de ci∣uitate dei / libro octodecimo ca^o. primo

¶ Capitulum / 7

WHan men were departed and to shufte or skatred in to dy∣uerse londes and eueryche folowed his owne lykyng and wille while that it semed that what that was desired was ynow to no man. Mankynde was departed ayēst hym self and the strē¦ger partye bare doun that other / and told more pryce of Fredō than of sauacion and of heele / So that it was greete wonder of hem that had leuer be loste and spylt than be vnderlynges & seruauntes / And yet by loor of kynde better is be vnderlyng and seruaunt than be put out of lyf. Therfore by goodes ordenannce it is doo that somme men be kynges and lordes / and somme sub∣gettis and seruauntis. Isidorus libro 8 ca / 3 / Than men that cam of Seem / Noes first sonne had the south lande from the rysynge of the sonne anone to the Fenyces men that so heete These men that come of Sem occupyed four honderd cuntreys and six vnder seuen and twenty langages ¶ They that come of cham held the londe by the southe Occean vnto the se•• Gadytan thre honderd countreyes four score and fourten vnder thrytty lan∣gages & tonges / Au. li / 6. They that come of Iapheth held the lō∣de from the hille that heete mons Taurus in Salicia. Northwar¦de toward the north Occean to half dele of asia and al Europia vnto the brytyssh Occean that is the englysshe see· thre honderd contrees vnder fyften langages and tonges· and lefte eche londe and peple his name of the whiche many be now chaunged other of kynges of landes other of the same londes / other of maners of men of londes ¶ Other thynges stande as they were· Soo that yet it is seen of whome that they come ¶ As the Ass••res come of Assur and the Hebrewes of H••ber Of somme is no reason knowen / as that that me sayth that Egypcians perteyne to mes••aym and Ethyopens to chus ¶Iosiphus libro· pri¦mo capitulo quinto ¶ Of Chus vnto now the Ethyopens be cleped Chusey and the Egypcians mysrey ¶ And so when men were to scatred in to dyuerse londes· Somme chaunged Names as hem lyked as the grees / o wther for feyrenesse of wrytynge / Owther for lykynge of Reders outher for to make her owne self the nobley of her forfaders. ¶ Hugo Capitulo Frisia ¶ Ofte names be sette for manere of doynge· As whan we wylle meene that the Troyans be ferful we clepe hem Frigios ¶ And yf we will•• meene that they be gen∣tel and Noble we calle hem Dardano / ¶ Yf we wille meene that they be stronge we calle hem Troyans ¶Yf hardy

we clepe hem hectours. ¶ Isidorus li 14· ca 2 ¶Men of the eest sownen her wordes in the throte as Hebrewes and Syres men of myddel londes in the roof of the mouth as Grees and Asiās ¶Men of the west breketh her wordes bitwene the teth as spay¦nols and Romayns ¶ Augustinus de ciuitate dei libro sex∣to decimo capitulo octodecimo ¶ But syth that men were firste skatred in to dyuerse londes though the kyngdoms of Assyry∣ens in the eeste of egypcians in the south and of Shites in the north that is in grece begynne as it were attones Augustinus libro octodecimo capitulo primo Netheles the kyngdoms of as∣siriens of medes that is of perses of grece of Romaynes folowed eueryche after other And were pryncipally amonge other / Nethe¦les the first and the last were more noble and dured lenger· Other kyngdoms and kynges longed to thes kyngdoms Also berynge and dedes of men of Athenes be gretter in loos & fame than they be in dede / so seyth Salusti{us} & varro also And that is for that wryters and philosophres of Athenes were solempne of wytte and preysed the dedes hugely and ouer mesure / ¶ R And for the tretice is. ful and general of the four chyef forsayde kyngdomes from the begynnyng of the kyngedome of Assiryes to the ende of the kyngdom of Romaynes axeth long wrytynge and processe· therfore of the firste kyngdomes as it were of the same age with the kyngdom of Assiries first we shal wryte

¶ Regnum Shitarum ¶ Capitulum Octauum /

THe kyngdom of Shytes in the North by cause af age and of tyme axeth the second place in ordre / And is sette after the kyngdom of Assiries And began in Saruges tyme vnder thanaus the first kyng that was there / Sarug was Abrahams fader grauntsyre ¶ It semeth that the Ryuer Thanays hath the name of this kynge thanaus the whiche Ryuer in the north side of the world departeth bitwene Asia and Europa· ¶ This kyngdom was neuer ouercome but thryes it conquerd asia and ouercome Darius kyng of Perses and slowe Cyrus the kyng and did awaye Zephiron that was the greet Alysanders leder ¶ Petrus capitulo 60 ¶ Also another kyngdom was in the west & was the kyngdom of Scicions that is of archadia a par∣tie of grees in europa and dured vnder Agilaus first / ix·C yere

thre score and enleuen· Agilaus is a lord as it were a kynge outher an Emperour Afterward this kyngdom endured vn∣der one and thrytty kyngis from the xxiiij yere of Nachor abra¦hams grantsir vnto Zensippus tyme that regned the yere of he∣ly the preest seuentene Therfor one kyngdom in Archadia heete somtyme Agealea ¶ Netheles it. hete afterward palapo¦nensis there was one of the kyngdoms of grece ¶ R Nethe∣les Denys seyth that the kyngdom of Scicions began the yere of thare fyfty that was twenty yere er abraham was born Tha¦re was abrahams fader / In this kyngdom the firste kyng was Cicrops and regned fyue and fyfty yere Another kyngdom as it were of the same age with these forsayd kyngdoms was the kyngdom of Egypt in the south and began in nachors tyme Abrahams grauntsire ¶ Regnum Egipciorum

¶ This kyngdom had fyftene grete lordshippes and cleped hem dynastias from the first myneus other sonnes to abrahams tyme ¶ Afterward thebey men of thebes helde sexten greete lorshippes and cleped hem dynastias ¶Than Diapolitani that were cleped pharaones that were kynges of Egypt held echten greet lordshippes and cleped hem dinastias dinastia is greet lord¦ship and power duryng in a prouynce that chose kynge outher emperour And soo this kyngdom of Egypt dured vnto the ty∣me of cambis that was Cirus sonne Cirus was kynge of Perse and yaf whyle he lyued the kyngdom of Assiria that was tho torned to the medes to his sonne cambis and cleped hym Nabu∣godonosor also and his prynce Olofernes and subdued egypt And Egypt was vnder seuen kynges of Perse and after went from the Perses and had ten kynges of her owne for to Othus that heet. Artharexerses / Also the twellue kynges of Perses put oute Nactanabo the laste kynge of Egypt vnto Ethyopia and wan the kyngdom of egypt ¶ Afterward that kyngdom du∣red vnder thre kynges vnto the seuent yere of the greet Alexan¦der after that the kyngdoms of Egypte and of Perse were vn∣der the grekes thre honderd yere vnder thretten kinges that were cleped lagydes and tholomeus vnto Iulius cezar tyme outher as somme men mene vnder the fyften yere of august{us} Cesar that ouercome Clopatram Denys doughter / Denys was ptholome{us} & the last laged ¶Egypt from that tyme fel to the romaynes· and so al the kynges of Egypt from the first begynnyng vnto Alisander were four score & enleuen The kynges of egypt were

firste cleped diascenes and than pharaones and ate last lagydes and ptholomees. Ioseph libro octauo / ca· The kynges of Egypt had in her chrldhode other names / But whan they were made kynges they were cleped pharaones / For a kyng is cleped pha∣rao in the langage of Egypt ¶ The kynges of allexandrya were cleped ptholomeis whan they were made kynges and the kynges of Romaynes were cleped cezares Salamon wedded a kynges doughter of Egypt I rede of no kyng of Egypt after hym that was cleped Pharao Regnum assiriorum Augus∣tinus li 16 ca· 18· The fourth kyngdom but eldest of tyme is the kyngdom of assiryes and began in the est vnder belus nemproth the xxv yere of Sarug that was abrahams fader grauntsire This kyngdom had lordship of al asia out take Inde Petrus 60 And it dured a thousand yere / iij.C & tweyn vnder seuen & thrit∣ty kynges vnto the last Sardanapallus the kyng that deyed the vij yere of Ozias kyng of Iuda / Than arbaces that heet arbac∣tus also the kyngys stieward and his traytre· for he slough him and tourned the kyngdom of Assyryes to the medes that is to vnderstande in hope and not in dede R ¶For after Sardana∣pallus from the seuenth yere of· Osias kyng of Iuda to manas¦ses kyng of Iuda aboute an honderd yere and twelue ¶ The Assyryes hadde seuen myghty kynges though they had not the kyngdome al hoole of whiche thes be the names / Arbaces Phil¦le / Teglafalasar / Salmanasar: Senacherib / Assaradon Sargon ¶ Netheles somme wil mene that after Sardanapallus deth from the seuenth yere of Ozias the kyng to the yere of the trans¦migracion of the Iewes one & thyrtty the hoole kyngdom of the Eeste. stode with the medes two honderd yere· and sixty vnder eghte kynges f••om the firste Arbaces vnto Astrages that was Darius vncle and Sirus grantsyre ¶ Cyrus ouertorned this Astrages and tourned the kyngdom of medes to the hoole kyngdom of Perses and lefte the kyngdom of Hirca••s to As¦trages ¶ Regnum Babilon ¶Netheles in Sanache∣rib kyng of Assyries tyme and in Ezechias tyme Kyng of Iuda come vp the grete kyngedome of the Babilons and cal∣d••is and dured vnder seuen kynges whos names were Me••edac that heete Baladac also. Nabugodonosor / Emlmerodoc. Re∣gusar / Labofardac Baltasar that heete Nabar also. ¶ Hym slough Cyrūs y socyed to his vncle Darius ¶ And tour∣ned his Kyngdome to the Kyngedome of Perse and of

Medes the yere of transmygracion of the Iewes one and thrytty & so passed ij / C yere & .lx from the vij yere of ezechias kyng of Iuda / in the whiche yere began to faylle the hoole kyngdom of Assiryes vnto the yere of transmygracion one & thyrtty tho be∣gan the hool kyngdom of perse Regnum Persarum ¶ Than the hole kyngdom of Perse from the yere of transmygracion one & thrytty vnto the / vij· yere of the grete Al••xāder that was from the first cyrus of the last darius arsanius sone dured .ij / C: yere / & v & thrytty vnder threttene kynge that was cyrus the first· Cam bises the second his fader Cirus yaf hym another name and cle¦ped hym Nabugodonosor and yaue hym nynyue with the kyng¦dom of assiryes whyle he was / him self a lyue· vnder hym befel the storye of Iudith the third Ermendes magus / the iiij darius tapsis sōe· the v / exerses the .vj / arcarexerses y^t hete longiman{us} also vnder him were esdras & neemyas. the / v. excerses· the .viij / Fo¦godia: the / ix / dari{us} nothus. nothus is a bastard outher he that is geten of a worthy fader / & born of an vnworthy moder· the .x ar∣tharexerses that heet assuerus also vnder hym was hester. the / xj othus: the / xij / arsanius / the / xiij darius Arsanius sone / the greete alysander ou{er}come hym & torned the kyngdom of perses to the ho∣le kingdom of macedons at grece ¶ Regnū macedoin Netheles this kyngdom of macedones begā rather vnder the first cranans the fourteth yere of Ozias kyng of Iuda / & so dured vj C yere. & xxxvj vnto the laste perseus the romaynes slough hym the ix yere of onyas the bisshop that heet menelaus also: nethles there were other kyngdoms in grece eueryche / after other ordey∣ned Of the whiche the first was in archadia atte Scicions· that peple And was y torned thens to the peloponenses as it is saide bifore: ¶Another kyngdom of grece was among the argyues And was y torned thens to mecens ¶ Another was at A¦thenes that Cyte ¶ Another amonge the Lacedemons / these were the spartans Another at Epyrus that is Tracia / Another at Macedonia / ¶Regnum Romanum ¶ The kyng of Rome swolewed vp al these kyngdomes as it did other kyngdoms of landes and made hem al longe and be obeissaūt to the kyngdome of Rome / In this maner the kyngdom of ro∣me began vnder Ianus the first kyng of ytalye and dured vnto the vij yere of darius arsani{us} sone kyng of perse•• him slough the grete alexander & so the kyngdom of Rome dured at that cours viij·C. yere & four score vnder / xxvij / kynges of the which xxvij

kynges six the first. were latyns. The fourtene that came after∣ward were albanes. the other seuen that came after that the cyte was buyld wer•• romaynes of the which romulus was the first & tarquinus the proude was the last Afterward kynges were put out of the cyte and were from yere to yere twey consuls cho¦sin / After consuls trybunes plebes & doctours ruled the comō••e vnto Iulius cezars tyme / iiij / C / yere thre score & four. afterward they left of the name of kynges & cleped her chyef lordes cezares emperours and augustes of the which Iulius cezar was the first of a consul & dytatour made an emperour his successour & Ne∣uew was Octauianus augustus & brought al the kyngdomes of the world in to one kyngdō al hole: Then̄e philip the / xxviij emperour was the first emperour that was cristened / Than the grete constantine made constantynople the chyef cite of thempy¦re & lefte rome for to be chyef See of the pope to saynt petres suc¦cessours· whan thempyre was translated & torned to the greet charles kynge of Fraunce Pipinus the kynges sonne / than the name of themperour lefte allone at constantinople Augustin{us} de cimitate dei libro / 18

¶ Capitulum nonum:

IN sarugges tyme belus neinprothis sone kynge of babilon went in to assiria & wan it aftward within a short tyme & whan he had regned· lxv yere: than he deyed / & his sone nynus regned aftir hym & began to regne the yere of thare abrahās fa∣der euen thrytty & was kyng wel nygh of all asia oute take In∣de / liij. yere. In the yere of his kyngdom .xliij· abraham was born bifore the buyldyng of the cyte of rome nygh a thousand yere & thre· C / : Oro{us} li. 1 The yere bifore the buyldyng of the cyte of rome a thousand and thre hondred nynus kyng of assiriens for couetise to make his lordship grete bare oute armure and lyued cruel lyf fyfty yere in all asia in warre and in batayll / & aroos out of the south and from the reed see & destroyed in the northe vpon the see that heete eusinū that stretcheth fro the riuer thanay to the endes of hiberia and armenia / ¶ And soo this kyng Nynus ouercome men of Scicia barbaryca that were yet no wer¦rours but stille men and pesible & made hem knowe strengthe & taught hem to lyue by mannee b••ode that liued bifore hād with mylke of beestes / And atte laste he slough Zoroastes kynge of battryans that was synder of wytche craft but atte laste deyde

whyle he besegied a cyte that was torned from hym he was hitte with an arowe and soo he was slayne petrus 36 / ¶Nynus belus sonne whan his fader was deede had assiria and the Cyte Nynyue and named it after his name And made that Cyte Nyniue chyef of his kyngdom and enlarged the cyte gretely by thre iourneyes· For nemproth had biforehand founded that cy∣te and slowe also cham that heete zoroastes also kyng of battri∣a that wrote the seuen sciences in fourten pilers in seuen of bras¦se and seuen of brand tyle for to saue hem both ayenste fyre and water / but Nynus brent his bookes Ysidorus libro 8 Aristo¦tle of Zoroastes he wrote that he made twenty honderd thousand verses of wytccherafte and democritus made that c••aft more af∣terward in ypocras tyme Petrus 36 Of this nynus maw∣metrye began in this maner ¶Whan belus was dede his sonne nynus for to haue somme comfort of his sorow made an ymage of his fader and he dide that ymage so gret worship and reueren¦ce that he spared al euyl doers that fled to that ymage by ensā¦ple of this doyng many men made ymages to her lyef frendes. And so by ensample of belus mawmett come forth other maw∣mettis also of bel{us} name come forth the comune names of maw∣mettes in dyuerse langages and tonges For somme men calle her mawmett beel. somme Baal and som baalym. and somme gafe her mawmete a surname and cleped her name Belphegor and somme belesebub ¶Alexander in mytiloḡ ¶ Idola¦tria mametrye ¶Of the bryngyng forth of mametrye come wele nyghe the feynyng of Poetrye For whan Syrophanes of Egypte had an ymage of his sonne that was deede That y∣mage he cleped ydolum that is lykenesse and shappe for lyke∣nesse of sorowe whan he had made that ymage in mynde of his sonne that ymage was gretely worshipped of his seruauntes / It was refute and socoure to mysdoers as he had y ordeygned

¶And while he sought helpe and remedye of sorowe / he foun∣de seede and spryngyng of wel more sorowe / for the olde erroure in worship of mawmettes gan to sprede ¶Netheles the same maner doynge was. not ordeyned and comfermed of al men· Fo•• Phylosophers worshipped oo god and yaue hym many names for many manere doynges and worchynges / that he worcheth and lyueth for he yeueth lyf / felith for he yeueth felynge Iu∣piter that is helper For he helpeth / ¶ Also Plato in the booke callyd Philosophus sayth: that Poetes by cause

of wynnyng and of fauour peynted reasons science and myght that were graunted to the vse of lyuyng in many maner shap¦pes: and yaf to eueryche a propre name And so connyng of til¦lyng of feldes he cleped cereres: Connyng of tyllyng of vynes he called bachus: and acoūted foule dedes of men amonge goddes ¶Ysidorus eth̄ libro octauo They that paynyms cleped goddes they were men: And as they bare hem in her lyf better or wers: so they were worshipped after her deth / But by fals loore of fen¦des men that come afterwarde worshipped hem for goddes· that were first worshipped only for mynde / And than for to make it more solempne come feynynges of poetes ¶R Augustinus de ciuitate dei libro secundo capitulo vndecimo The poete with his lyppe speketh of thre maner of goddes: ¶For somme they clepe goddes as mars and Iupiter / Somme half goddes as hercules and Romulus: And somme vertuous men that men trowed that had somwhat of godhed as hector and achilles Of mame∣trye come many maner of euyl doyng ¶Suche is that / that Ie¦rom speketh vpon ysaye / 18: And seyth that the egypcians and wel nygh al men of the eeste landes worshipped fortune· that is god of happes / as they mene the ymage of fortune is y sette in a place that is wel knowen / and hath in his right hand an horne ful of mede al that sitteth aboute foundeth to taste of that horne the last day of nouembre / And yf they fynde than the horne ful it bodeth a good corne yere. And yf they fyndr it voyd or empty / than they make sorow ¶Crogus libro primo ¶ Whan nynus was deed his wyf Semyramys with her sonne nynus that heet nynyan also regned in this maner· ¶ The woman durst not be∣take the kyngdom to the yong child nowther she durst her self reg¦ne openly. Therfor she disguised her self in the childes lyche the moder for the sonne a woman in stede of the childe· For eyther had a smale voyce and mene of stature ¶Therfore they hidde her armes and her thyes with dyuerse helynges and hir heede with a cap· And for me shuld not say that she had ony thyng with newe maner clothynge· she hight that her peple shulde go clothed in the sam̄e araye. and yet the peple vse the same maner clothing Than this woman did many grete dedes and whan she had ouer come the enemye of al enemyes· than she knowleched what she was & how she had don than that doyng torned her to right greete worship for she ouercome ethiopia blew men lande & Inde also And atte last she desired her own sone and bade hym for to ligge

by hir / And he slowe her. whan he had regned two and fou•••••• yere But her sonne nynus helde him appayed with the trauai•• of his fader and moder· and was afterward seld y seye amonge men and lyued and wexe old among women ¶And his succes∣sours kynges that come aftir hym folowed the ensample of him and yaf answer to the peple by messagiers that shuld goo by∣twene R¶That maner doyng was vsed vnto kyng Sarda∣napalis tyme

¶Genesis ¶ Capitulum 10

THare whan he was thre score yere old and ten than he ga∣te Aram nachor & abraham / & abraham was borne the yere of nynus kyng of assiria thre and fourty / two honderd yere four score and twelue after noes flode so seyth Iosephus ¶ R The nombre· and the somme of this second age loke bifore in this book ¶Ben Than Aram gate lo••h Sarray and melcham / Aram deyed bifore his fader thare in vr caldeorum a place in cald••a· •• so nynus deyed the yere of abrahams age enleuen ¶Petrus 60 Semiramys nynus wyf for she wold regne after her husbonde / Ninus she wedded her owne sone that she had by her husbond ny¦nus. And had by her sone a child that echyd and enlarged ba¦bilonia and made it more Gen ¶Than thare myght not suffre the wronge that him was y doo of worshippyng of fyre in cal∣dea / there they had y slayne his oldest sonne Aram ¶He wente out of that coūtrey with abraham and nachor· and arams mey∣ne vnto charram in mesopotania and deyed there after two hon∣derd yere and fyue ¶Abraham whan his fader thare was dede he wēt doun out of charra in to Sychem & thens in to pentapo••••s ¶Afterward he pyght his pauyllon bytwene bethel and haye And honger was strong he went doun in to Egypt and told there that Sarray was his sister ¶Iosephus libro primo· capi∣tulo septimo Abraham lerned in caldea and wente doun in to Egypte and was the firste that taught the Egypcians Arsme∣trike / and astrologye that was vnknowen to hem bifore ¶Abra¦ham was ful ryche and wente oute of egypt to the place of the forsaid pauylon and for stryfe of herodes he departed from Loth and wente fro hym vnto the vale of mambre besides Ebrom

¶Petrus .42 Ebron that hete Chebron also is a cyte and hete also caryatharbe of caryath that is a Cyte in arabe: that is foure

for four the grettest patriarches were buryed there Adam abra¦ham Isac and Iacob ¶R But Ioseph is buryed in Sychem besides mount Effraym as it is seyd aboue & in the book of Io¦sue in the laste chapyter ¶Genesis Whan abraham come ayen from the batayl of four kynges / he ••afe tythynge of al that he had goten to melchisedech kynge of Salem And melchysedech offred breed and wyne ¶Decime Melchisedech ¶ Ieroni∣mus in epistola ad ewangelium. et petrus 43 ¶Me redeth that Abraham yaf fyrst tethynges but abel yaf rather the first that god / sente hym of al maner kynd The hebrewes telle that this melchisedech was sem noes sone and telleth that he lyued vnto Isac / They telle also that from noe vnto Aaron al the eldest son¦nes were preestes· and blessed the peple in offrynges and festes and receyued & had the first birth of beestes And me seith that suche were the firste birthes that Esau sold to his brother Iacob Also som men menyth that annus Iubilens that is the yere of grace toke the begynnyng of the vyctorye for the delyueraunce of prysoners / Iobel is foryeuenesse outher the begynnyng therof come Iobile{us} outher Iubile{us} the yer of grace & is ordeined the / L yere· For ••oth was tho fyfty yere old For abraham that was connyng in the craft of knowleche of the planettes and sterres knewe that the temprure that cometh of highnesse and lownesse of planettes and sterres cometh ayene to temprure atte fyfty ye¦re. And so Abraham: ordeyned som lykenesse here in erth that he sawe in the sterres and planettes ¶Petrus 53 ¶Abraham had a sonne Ismael borne of his seruaunt Agar the which Ismael was circumcided whan he was threttene yere old ¶The Ara∣bes vsen yet that maner of doyng Ismael was her ductour / ¶Genesis This Ismael was afterward an Archer and ga∣te ••n his wyf that was of egypt twelue dukes leders of peple that cleped hem self Sarasins As thaugh they were y come of Sarra: but they be veryly agarenes for they come of agar Isma¦els moder· Also they be called Ismaelytes for they come of Isma¦el and be madianytes also R ¶Our lord yaf Abraham & his children the circumsicion f••r to make and departe his peple from other nacions Petrus / 47 ¶For abrahams name was chaū¦ged whan he was circumcided. therfor ••ebrewes yeuē her childer names the ·viij / day whan they be circūcided: In the old testamēt me redeth that men were warned of four mennes names bifore the birth of ysmael Isaac / sampson and Iosias In the newe

testament only of Iohan babtyste and criste R ¶And whan that was y doo it bodeth and bitokened grete grace and merite & vertu. So me redeth in Remygyus lyf Genesis / This yere so∣doma was destroyed and loth delyuerd and wente in to Segor a lytil cyte there heside an hille / And was wyn dronke and in his sleep he gate Moab on his oldest doughter and Amon on his other doughter Of moab come the moabytes / And of Amon the amonytes ¶ R ¶Of the place of Sodoma that is called nowe the dede see loke aboue in the first book in the prouynce of Asia in the chapytre Iudea that is the Iurye:

¶ Isaac Capitulum vndecimum

ISaac was born of his Moder Sarra whan she was foure score yrre olde and ten / Petrus 539 Isaac was wened wha•• he was thre yere old and tho was made a gret feeste ¶ For tho he went first to his fader borde ¶ Crees began to regne in Creta / of hym that ylond creta hath that name c••eta ¶ Somme men say that Crees was one of the gou••rnours that norysshed and hidde Iupiter Sarra dyed whan she was six score yere old and seuen and was buryed in eb••on And sone therafter ele¦zeer abrahams seruaunt was sente f••r 〈◊〉〈◊〉 fette a wy•• for Isaac and brought rebecka. Also Abraham wedded ce••hura and big••¦te on her six childeren and departed hem all from his sone I••aac ¶ Petrus 59. Hebrewes seyn that Ce••hura is a com••n•• na∣me and is to vnderstandyng y coupled / And seyth that this ce∣th••ra was aga•• and of le••man was made a wi•• after / the deth of Sarra lest pe••auenter the old man shold haue be holden and reputed for a lechour yf he had wedded ony other than he had leye by bifore ¶ I••aac was fourty yere old whan he wed∣ded Rebecca that bare no child / xx yere after ¶ Augustinus libro octodecimo. Atte last / 54 Tryconydes was seyn a womā that ••eete trycona the grees calle hir minerua and heete pallas Also of pallas the Ilond of Tracia there was she nourysshed outher of pallas the geant that he slough R Here take ••ede that this geant pallas was another g••ant than the geant pal∣las that turnus euanders slough in ••n••as tyme Augustin{us} vbi supra This maide pallas that he••te minerua found vp ma¦ny craftes and specially wolle craft / and was lightyer trowed

a goddesse: For me wist wele lytil whens she cam· Isaac had twey twynnes born of rebecca Esau and Iacob ¶Augustinus vbi supra / The kyngdom of Argyues began in Grecia vnder I¦nachus Isis fader Isis heete Io also & Inachus regned fyfty yere And that kyngdom dured fyue honderd yere and foure and fourty vnder xiiij kynges vnto the last acrisius hym slowe per∣sius. though it were not by his wylle the twelfth yere of delbo∣ra Iugge of Israel· And therfore persius drad ful soore and lefte the Argus and torned the kyngdom to the mycenes Abraham an honderd yere old thre score and fyftene deyed and was buryed in Ebron Petrus 66 The langage of Hebrew and the vsage of old latyn is for to accompte the lasse nombre before to the more countray to the maner that latyn vseth nowe For now we seyn in latyn Abraham lyued an honderd yere .iij score and fyftene· But the hebrewes seyn in this maner: Abra∣ham lyued fyftene thre score and an honderd yere ¶ Augusti∣nus de ciuitate dei libro octodecimo Feroneus Inachus sonne was the second kyng of the argyues and regned sixty yere / This Feroneus Argolycus yafe firste lawes in grees and ordeyned that causes shold he pleted to fore Iugges ¶ Therfor he cleped the place of domes forum after his owne name / his broders na∣me was Fogons and the fogons coude moche Astrologye / and ordeyned temples to worship fals goddes: therfor he was repu∣ted and taken for a God amonge them that worshipped suche fals goddes His sister was called ysis / and Io also. she sayl∣led into Egypt and taught men there lettres and tyllynge of feldes: Therfore after her deth she was honoured as a goddesse a∣mong theym Isidorus libro tercio ¶Isis ordeyned first trom¦pes. therfor the amasones cleped hir oft to batayll ward with trompes ¶ R ¶ That me redeth that Iupiter rauesshed Io and on hit begate epaphus It is but a fable and feynyng of Poetes / For noble fame of eyther persone ¶ For Poetes feyne many noble persones geten of Iupiter For the kyn shold be hol¦de for the more gentil and noble ¶ But Io was in the tyme of Isaac and Iupiter was after in the tyme / of Iosue: Thessal¦lus grecus sonne regned in thessalia. Iacob after that he hadde bought the first birthes and slyly geten his faders blessyng by his moders counsayle he went doun in to mesopotania Petrus 64 ¶The first birthes were speciall profytes and worship that the oldest sonne had in her kynrede vnto Aaron: For they were

clothed in special clothynge in offrynge of sacrifice and had her fader blessynge and double porcion in feestes and in delyng of herytage and they shuld blesse her lasse Iacob begate his first sonne ruben on his wyf lya ¶This yere was a lytil flode in a∣chaia that heet attica· that lond was vnder ogiges the kyng that renued the cyte Atthen and bilde Elensis ¶ This yere Iacob four score yere old and enleuen begate Ioseph on rathel / Petrus 74: Whan the fourten yere were doo in the whiche Iacob serued for his wyues. Laban made couenaunt with hym that alle the spekeld lammes and kyddes that shuld be ewed duryng his co∣uenaunt shuld be Iacobs mede· and all that were of oo coloure whyte / or blac shuld be labans owne therfore Iacob toke gren•• yerdes of poplers of almond trees and of Platans and pylled of the rynde in somme place of the yerdes / and in somme place pylled hem not· And soo he made the yerdes spekeld and made hem in the wattryng place bifore the shepes eyen when they shold conceyue for theyshold conceyue lambes like to the shadowes that they sawe of Rāmes in the myrroure of the water in the con∣ceyuyng / And for they shold not alle be specled leste the gyle were knowen / therfor in the first conceyuyng tyme he leyde so ye••¦des but not in the later conceyuyng tyme And so Iacob foun¦de a newr maner tornyng of kynde with kyndely craft to fighte ayenst kynd R Loke more of this matier aboue libro eius capi∣tulo primo ¶ Whan Iacob was come ayene with his wyues & children er he cam to his fader twellue yere bifore the deth of I∣saac Ioseph sexten yere old was sold in to egypte to one that he••¦te putephar that was ennuchus and maister of pharoes knygh¦tes ¶Treuisa Ennuchus is he that is gelded and suche were somtyme made wardens of ladyes in egypt ¶Augustinus super Genesim ¶This putephar was not soo ennuchus as they that were gelded in her childhode for he had wyf and childer and Io∣seph had wedded his doughter / but this putephar sawe that Io¦seph was fayr and boughte him for to mysuse hym. therfore god made this putephar so cold· that he myghte neuer after haue to doo flesshely with his owne wyf no moore than thaugh he were ennuch{us} y gelded / & therfore as he that was most worshipful he was made bisshop of god heliopoles. Apis the third kyng of ar¦giues was Feroneus sonne and regned two and twenty yere Isaac an honderd yere old and four score dyed and was bury∣ed in the double graue in ebron ¶ That yere pharao sawe the

sweuen of the seuen corn eres and of the seuen kyne

¶ Iacob· ¶Capitulum duodecimum

THis yere that was the seconde yere of Fanus Iacob an honderd yere old and thrytty wente with his childer doū in to Egypte ¶ Augustinus libro octodecimo This yere apis the kyng argolicus sailled in to Egypte & dyed & was y cleped Serapis Varro tellith why he was cleped serapis and saith that the chiste that he was put in was cleped Seron in grewe / And therfor apis was named Seronapis and afterward by withdrawyng of lettres as me vseth he was called Serapis That whyte spekeld oxe that men of Egypte for it was worsh∣ped a lyue it was cleped apis / And whan that oxe was deede they ordeyned hem another oxe that was also whyte specled & tenderly nourysshed and worshipped ¶ Hugo capitulo Apes That bole hete Apis that was wonte to come out of the Ryuer Nylus and warne by his pleyng and startlyng what was to co¦myng ¶Petrus Somme telle that euery yere in Serapis fes¦te / come vp a boole oute of the Ryuer Nylus and had a whyte marke in the right shulder shapen as a newe mone / And whan the Egipciens came to hym with al maner musick and myrthe y^t bole was lyfte vp in to the eyer as it were with Iolyte & with the meouyng and styntyng of that boole· the Egipcians moeued & stynt vpō the erth / but that boole vanysshed out of theyr sight that same daye Therfor the Egypcians worshipped that boole for than man Apis and a cowe in stede of Isis that woman & a boole also for Iupiter Therfor it was a grete abhominacion among the egypcians to slee neet or ete ther flesshe ¶Argus the fourth kynge of Argyues began to regne and regned six and fourty yere In this tyme grees hadde sede brought oute of o∣ther landes and gan to ere and sowe and haue corne tylled the rinne Iacob an honderd yere old and seuen and fourty blessid his childer & yaf to euery of them his blessynge & dyed & was enoynted and kept thrytty dayes and atte last born in to ebron and buryed there in the double graue ¶Petrus. It was the maner of mysbyleued men for to kepe a dede bodye nyne dayes withoute oynement and make sorow for hem nyne dayes and wasshe the bodyes nyne dayes for to wytte whether the soule we¦re apassed or noo ¶Afterward they kepte the bodyes fourty

dayes enoynted But it was the maner of Iewes for to kepe dede / bodyes seuen dayes without oynement / and afterward thryt¦ty dayes enoynted Augustinus libro octodecimo ¶ Me seyth that Promotheus· Rapetus sonne and athlas the Astronomer his broder made men so seyth ouidius in magno / ¶Netheles that is seyde / for of men that were vnconnyng & boystous as beestes they made connyng men and wyse Ysidorus tercio decimo Also for me redeth that they made ymages of men goo and wal¦ke on the grounde by a certeyn crafte ¶Also thes fonde firste a ring of yren and closed therinne a precious stone and cleped it a nayle. ffor as the nayle is closed in the flessh so is such a stone closed in the / metal Hugo capitulo Annulus Annulus is a ring seid of anus an ers. ¶For somtyme theues and mansleers whan they were taken shold bere an ape on her neck and holde her mouth atte apes ers. but this foule vsage ceesed and theues man¦slers whan they were taken shold bere ringes of yron in her fyn∣gers And therfor gentilmen for to haue dyuersite and distinc¦tion from suche brybours made hem rynges of gold or of syluer ¶Ysidorus libro 19 in fine / Gentilmen vsed her rynges of siluer and of gold on the fourth finger that is cleped the leche by cause of more heyghting and fayrenesse / for in that fynger is a veyne that stretcheth to the herte But Romaynes had rynges of the comune tresory gentilmen had rynges and other had solidi that were hool and sound ¶Free men of bloode vsed rynges of gold Fre men that came of bonde men vsed rynges of syluer / but bond men vsed rynges of yron ¶Somtyme it was a greet diffamaci∣on for a man to vse moo rynges than one· ¶Augustinus de ci. This promotheus had a brother that heete Athlas and was an Astronomer. therfor men feyned that he bare heuen ¶ Also a greete hille in Affryca heete Athlas / by this man Athlas name. and the lewde peple wene that that hille bere vp heuen Petrus

¶ Me seyth that Trycolomus went that tyme in his ship that was peynted with a dragon in to Grece and made there more craft of tyllyng of feldes / Also that tyme Ceres that woman that the grees calle demetra without Instrumentes that she fond vp of eeryng craft She founde also vp mesures of whete for bi∣fore they deled whete / by huples smal or grete R After that tyme grees began to haue tylth of corne so seyth ysidorus libro 5 / ¶Ioseph an honderd yere old and ten deyed in egypt and was enoynted with swete oynementis and kepte vnto the goynge of

the children of ysrael out of Egypte an honderd yere and foure and fourty in the whiche tyme the hebreus serued the egipcians ¶Also as Iosephes bretheren dyed eueryche after other they were buryed in ebron ¶Netheles afterward her bones were born in to Sychem with Iosephes bones that place heete nowe neapolis the cyte of Samarytanes And so from that tyme that Iacob come in to egypte vnto that tyme that the hebrewes the childer of Israel wente out of Egypt were two honterd yere and fyften

¶ Moyses ¶ Capitulum 13

AMram was caath sonne Caath was leuy sonne. this Am∣ram sixty yere old begate moyses on his wyf Iocabeth / Petrus ¶ Pharao vnder whom Ioseph was heete nephres by his owne propre name / the eyghte pharao after hym heete a∣monophis / in his tyme moyses was born ¶Iohannes libro se¦cundo ¶ This Pharao hated the childer of Israel / for vertu of wytte for connyng of trauayle for plente of Rychesse and for fai¦renesse of childer / Therfor he bethought him felliche and gyleful¦ly to bere a downe the childer of Israel and hold hem lowe / lest they wold multyplye to fast and aryse ayenst hym ¶ Also he put vpon theym charges of many maner werkes for to make brent tyle for to digge ••••ches about the rennyng stremes of the Ryuer of Salus and for to bere fen and cley / And yaf hem nought to mete but smal chaffe ¶For he wold so ouercome hem with trauaylle and with honger that they sholde haue no wille f••r to ligge by theyr wyues and so it sholde folowe that childer shold faylle ¶Also one that was a wryter of holy lettres / and w••st what was to come· warned pharao kyng of egypte that one shold be borne of the hebrewes that shold bere doun the pryncipa¦te of Egypte and areyse the kynde of Israel and make hem ful grete· ¶Therfor it was commaunded that the men childer of I∣srael shold be slayne whan they were born / Petrus / But yet for this the peple multiplyed fast & pharao cōmāded the midwyues of egipt that they shuld sl••e alle the men childer of hebrewes and kepe the mayde childer ¶For he helde women kynde wel fe¦bel to be rebel / And netheles wele likyng of lechery to the egipci¦ans and whan Pharao myght not so haue his wyl he comāded

to throw the men childer in to a Ryuer anone as they were borne Me troweth that for that synne the Egypcians felle in to that errour for to worshipe an oxe that they cleped▪ Apis in stede of god / Genesis Therfor moyses was hidde thre monethes whan he was born but atte last he was don in a scaf of asshes shapen as a lytel boot glued wele aboute and throwen in to the Ryuer / Than thermuth pharoos doughter fonde hym and toke hym vp of the water and made hym as it were her owne sonne and cle∣ped hym moyses ¶ Iosephus libro secundo / Moyses is a name made of twey names of grewe of moy that is water / and esis that is saued / and so moyses is sayde as he that is saued by wa¦ter / Also this child moyses hated al the wymens brestes of the Egypcians and wold suke no womans breste of the egypcians but he was slyly brought to his owne moder and she fedde him And whan he was thre yere old god almyghty made hym so fayr of shap and of stature· that whan he was born by stretes· al that were aboute hym lefte of her werke and occupacions for to loke and bihold on that child were they neuer so sterne ne an∣gry Than on a day thermuth Pharoes doughter brought the child to Pharao· for he shold see the child and make hym as it were his owne sonne ¶ Than the kyng had wonder of the fayrenesse of the child and toke his owne crowne in the whiche the ymage of Iupiter was grauen· and sette it on the childes heede. but the child anone threwe downe the crowne / and trade theron spytously with his feet. and there stode one that was god Eleopoles preeste and cryed and saide / this is that childe that oure god bade vs slee / that we drede no more and wold anone haue slayne the child / But there was a wyseman and sayde / that the childe hadde so do by vnconnyng of childhode and soo ••e saued the child ¶Petrus libro secundo ¶ In euydence of this excusacion of the child were brennyng coles brought bifo¦re the child moyses / & anone he put hem in his mouth & skal∣ded the poynt of his tonge. the Hebrewes trowed that by cause therof he hadde afterward a lette in his tong· This child Moy∣ses was so fayre that men that bihelde hym toke so grete hede to the fayrenes of him that they put of al angre & teene & toke hede to the fayrenesse of the childe ¶Me seyth that aboute this tyme hercules ouercome Antheus in wrastlyng Iosephus libro secūdo The ethyopes blue men warred vpon egypte & the dyuynours had answer that they sholde take a beder of hebrewes & vnnethe

they gate moyses and made hym her leder and capitayne / Moy∣ses was cunnyng in dedes of bataylle and forsoke the waye by the water Nylus and ladde his hoost by a wyldernesse that was ful of serpentes / Netheles he put ciconias by nyght ayenst the ser¦pentes / Cicome be birdes of the lande of Egypt that haten and destroyen serpentes and be myld, ynow to mankynde ¶ And so came vnwar vpon the Ethyopes and closed theym in a Ryal ci∣te Saba afterward Cambyses the kyng cleped that Cyte meroen after his sister name ¶ That cyte is ful stronge by cause of wallys of dyches and watres that renne aboute that Cyte / And is sette bytwene the Ethyopes and the Egypcians vpon the Ryuer Nylus· ¶ Tharbys the kynges doughter of E∣thyopes sawe the fayrenesse of moyses and delyuerd him the cy¦te vpon a couenaunt that he sholde wedde her to wyf Petrus libro secundo ¶ This is that woman of Ethyopia for the whiche marye and aaron stroof with moyse•• in desert / whan moyses wold torne agayn in to Egypt his wyf wolde not as∣sente / ¶ Therfore moyses as a man that was connyng in the Cours and worchynge of the sterres and planettes made twey Rynges / one of mynde and another of foryetyngnesse / And kepte the Rynge of mynde with hym self. and toke his wyfe the Ryng of oblyuyon / And soo he tourned home agayne Genesis / That tyme whan Moyses vysyted his bretheren in the lande of Iessen / he slough a man of the Egypcians and hidde hym in the sand for he hadde smyten a man of the Hebrewes

¶ On the morne a man of the Hebrewes putte that ayenste moyses berde and Moyses dradde soore. and auoyded for drede in to the lond of Madyan / And wedded Zephora a Preestes doughter of that londe and gate on hir Gersan and Elieser /

¶ Petrus libro secundo· ¶ This Preeste was Prymat•• in the lande of Madian aboute the reede See / his propre name was Raguel And hadde twey surnames Iethero and Cyneus and hadde seuen doughters that were herdes and kept beestes / for thof¦fice of kepyng of beestes was that tyme ordeyned for women & specially in the lond of Trogodytes The kyngdom of Athenes began vnder cicropis fables telle that on his wyf latona. apolyn lord of wytte & of wysedome was geten by Iupiter. deucalyon began. to regne in thessalia in his .xij· yere was the thyrd perticu∣ler flood & the brennyng vnder pheton ¶ Aug{us} li / 18. This flode destroied a gret partye of grees· ther many mē fledde in to shippis

to deucalyon kynge of thessalia and were saued ¶ Deucalyon occupyed that tyme the mount pernasus / for this happe Poetes feyned that deucalyon and his wyf Pirra threw downe stones and arered men •• Ysidorus libro terciodecimo capitulo 61 ¶ Whan Ryuers waxen ouer mesure they doo not only harme in the arysynge but they bode and bitoken harme that shal come afterward / ¶ Oro{us} libro secundo ¶ Also the sonne that tyme brent not only Ethyopia blew mennes lande but it brente also the lande of Scicia so greuously that men myght not endure. and bycause herof mysbyleued men feyned the fable of Feton.

¶ Moyses / Aaron ¶ Capitulum 14

MOyses four score yere old with his broder Aaron four score yere olde and thre spak to Pharao kynge of Egypt for he shold delyuer god almyghtyes peple and lete hem doo sacrefice to god / But pharao was fast and hard in his malyce. and wold not suffre the people goo / Wherfore Egypt was smyten with ten grete wreeches and punysshmentes Augustinus libro octo¦decimo / ¶ That tyme that god toke wreeche in egypte somme of the Egypcians dradde lest Egypt shold haue fynally be destro¦yed & went in to other landes / and soo one Cycrops saylled in to Grece and buyld the cyte Atthen that was called afterward a∣thenes ¶R Loke more of Atthen in the first book / capitulo gre¦cia scilicet Alladia Netheles Coryntheus that firste was na∣med Epyra was buyld fyue yere bifore Atthen ¶ Petrus li∣bro secundo / Ther were many wreeches in egypt withoute the ten grete wreeches. therf••r sōme dayes in the kalendre / be called dayes of Egypt by cause that in thoo dayes felle wreeches in egypte Of the which dayes we sette in the kalendr•• but in euery moneth tweyne in mynde of the wreeches that god toke in egypte· Neu{er}∣theles ther were many moo wreeches taken in egypt· It is not to be demed ne trowed thaugh the egipcians were connyng in knou¦leche of the sterres & planetes that they founde that these dayes were peryoll{us} & forbode in beginning of werkes & of weyes & in bloode lettyng. than whan moyses was lxxx yere old he ledde the folk of Israel out of egypt in the same day of the yere that Iacob & his childer entred in to egypte whan Isrl̄ went out of egypte the mone was .xv· dayes old. and was four honderd yere and

thrytty after that Abraham went oute of Carram that was in mesopotania in the lande of bibeste whan Israel wente oute of Egypte about vj C M men & bare with hem Iosephes boones And the boones of his enleuen bretheren that be callyd patriar∣ches and buryed hem in Sychem so seyth Ierome Israel to∣ke with them m••le and floure / sprong with oyle / and vsed that thrytty dayes A pyler of a clowde went bifore Israel and lad∣de hem by day and a pyler by nyght / whan Israel went out of Egypte the reede see opened and lete hem passe / and drenched alle the egypcians that toke the same way in the openyng of the See for to pursu•• / ¶ Iosephus The openyng of this See shal not be vntrowed / for me redeth that the See Pamphilicum opened bifore kyng Allexander Macedo and also bifore his hoost whan he pursewed darius / ¶ Petrus libro secundo / ¶ The water of this see is not reede of kynde· but it is dyed of reede clyues and erthe that lyeth there aboute· ¶ Therfor also there be founden reed precious stones and there is founden sharp ver∣mylon· This see is departed in tweyne / that one parte is called the see Persicus and that other the see Arabycus / ¶Iohannes libro tercio ¶ Thrytty dayes after that Israel wente oute of egypt they faylled corne and our lord yaue hym curlews man¦na and water of the stone in Oreb / yet that place is watred with rayne as god yaue water that tyme by moyses hande ¶ Thre monethes after that Israel went oute of Egypt· Moyses wente vp in to the hille / and fasted fourty dayes and fourty nyghtes / and receyued the lawe / and seuen monethes he made the taber∣nacle by ensample that was shewed hym on the hille and soo the tabernacle was arrered the firste daye of Aprille in the second yere of her outgoynge of Egypte. ¶ From this tyme to the buyldyyg of the temple in Iherusalem is compted foure honderd yere and foure score ¶ Also this tyme as somme men telle / Yo that woman wente frō Argyues in to egypte and there she was callyd Isis and was wedded to Thelegon / And hadde a childe that was callyd Epaphus ¶ Petrus libro quarto capitulo decimo sexto ¶ After the seconde yere of the outgoyng of Egypte twelue espyes were sente to the londe of biheste / and come agayn for grudchyng of the people and despeyr and wanho¦pe the childer of Israel were forb••den to goo forther / ¶ Therfor they torned ayene in to wyldernesse and were there punysshed fourty yere and none of them entred in to the lande

of biheste oute take Caleph and Iosue ¶ The sixth yere after the outgoynge of Egypt Eriston buylded the temple of App••∣lyn Delphycus. ¶ Also that yere Cranaus the second of a∣thenes began to regne and regned nyne yere. His doughter was called Athys of hir Atthica that lande hath the name ¶ R Loke bifore in the first book capitulo. Grecia silicet Eladia That tyme the Hebrewes receyued lettres and grecia vynes ¶Also lacedemon Semelis sonne buylded lacedomonia that Cyte and the ferth Erutonius of Sciciones· Archas kyng of the Argy¦ues yaue his name to that lond Archadia and callyd after his owne name· ¶But that lond Archadia hette rather Cici••ma Egypte he eete rather Aerea· And hath that name Egypte of one Egyptus that regned therinne / ¶ Danaus the tenth of Argyues regned fyfty yere. ¶ Oro{us} libro primo· ¶ Da∣naus and Egystus were twey bretheren ¶ And Danaus by his fyfty doughters slowe Egystus fyfty sonnes in one nyghte oute take one that sholde regne after hym ¶Danaus doer of many euyl dedes went vp to the Argyues / and by gyle put ou•• sceuelus that had ofte saued hym whyle he was nedy and on••la¦we and regned hym self ¶ Me troweth that in that tempeste went out that man that was called Liber pater and heete dyony¦sius Bachus Also he made vp Argiues and yaue the grekes vse of vynes· Augustinus de ciuitate dei ¶Me sayth that the grete mercurius was in that tyme / this Mercurius was Maya Athlas doughter sonne / ¶This mercurius wās connyng in ma¦ny craftes· And there he was made amonge hem as he were a god. but the grete hercules was somdele latter than he ¶R This grete hercules had a surname de••aneus so seyth marianus libro primo capitulo Fyue honderd fourty and fyue Also this is that Hercules that slough busirus the tyraunt so seyth Ouyde Iosephus / This hercules wedded ethea Affers doughter affer was Madyans sonne / therfor hercules went with affer to wyn∣ne Libia· and that land was than cleped Affryca by Affer the conquerours name· The fourty yere after the outgoyng of egypt Aaron an honderd yere old and thre and twenty dyed in Oreb / Also the same yere moyses whan he had lyued fourty yere in E∣gipt fourty yere in madyan and fourty yere sauf thrytty dayes in desert six score yere old almost he dyed in the hille mount a∣barim ayenst Ierico that towne and was buryrd of our lord in the valey of Moab

¶ Sequitur Capitulum 15.

IOsue moyses seruaunt ruled the peple six and twenty yere so seyth Iosephus / Netheles the scripture rekened not the yeres Iosue the first yere of his leedynge ladde the peple in to the lande of biheste / And the Ryuer Flum Iordan opened and lette them passe and Iosue offred the estre offryng and renewed the circumsicion that was forborn̄ fourty yere in wyldernesse And whan they ete of the fruyt of that lond than manna failled that hadde dured fourty wynter ¶ Petrus ¶ Eusebius in his Cronyke sayth that that yere was Iubileus the yere of gra∣ce and was the one and fifteth yere of grace as though ther were a passed from the begynnyng of the world two thousand yere fy∣ue honderd and fyfty that is one and fyfty sithes fyfty yere than for to take of euery fyfty yere one yere of grace •• It cometh to one and fyfty yeres of grace / But by the seuenty ther were pas∣sed many moo yeres / And Beda foloweth the Hebrewes / and proued that there lacked seuen yere of two thousand fyue hon∣derd and fyfty The firste yere of Iosue Eruthonius the fourth kynge of Athene was the first that brought charyote in to grece as me sayth Netheles bifore were Charyottes in other landes ¶ Augustinus libro octodecimo ¶ This ordeyned firste pleyes to / Apolyn and to minerua ¶ Also that tyme busirus the ty∣rant kynge of Egypte vsed his tyrannye on his ghestys. For he slough men and offred hem to goddes / Me sayth that he was Nep∣tunus sonne begeten on Libia Epaphus doughter ¶ Iosue de∣parted the lond of palestynes· to the Iewes / ¶ Also that ty∣me Fenyx and Cadmus twey brethern of thebe that is in E∣gypte wente in to Siria / And regned at Tyrus and at Sydon twey Cytees that so were callyd Iupiter kynge of Creta ra∣uesshyd europa the doughter of Agenor kynge of Libia After¦ward Astrius kyng of Creta wedded Europa to wyf ¶ Au¦gustinus libro octodecimo ¶ Iupiter on Europa that he raues∣shyd he gate Radamantus Sarpedon and mynoys that regned after hym in Creta / R / Netheles marian{us} / li / 1· c· 61 / seyth that as¦tri{us} on europa begate these thre sones / Ysid / li / 14 / Agenore kyng of libia begate thre sones / silex / fenyx cadmus and one dough∣ter that was callid Europa / whan Iupiter had rauesshyd her he put hir in his ship that was y peynted with a bole / & therfor po∣etes feyne that Iupiter was torned in to a boole / agenore bad his iij / sones that they shold go seche their sister that was so rauesshid & ladde away & forbade hem to come agayn but yf they brought

theyr sister with hem· And by cause they coude not fynde her· they d••ad the wrath of her fader / Silex abode in a countre and cleped it Scilicia after his owne name / And fenyx abode in Fenycia But Cadinus chose his exilyng in grecia. there he folowed the steppe of an ox and come to a countrey and abode there and cleped it Boecia Oxlande / Afterward he buylde there the cyte of thebe ¶ R Loke more herof in the first beok capitulo Grecia ¶Au∣gustinus libro octodecimo Iupiter regned in the Ilond Cre∣ta and his fader saturnus was put out and went to Italy ¶Henricus ¶This was a wyckedman and a grete werryour and conquerd gree•• ¶ There after his deth the grekes that were full of lesynges / helde hym god of heuen· and named hym god of goddes / for his grete power and myght ¶The men of Cre••a for he was buryed amonge hem / wolde speke of his byryels Therfor the grekes· cleped hem lyers Allexandre in mith· Veray story sayth that Saturnus the fader and Iupiter the son¦ne had twey kyngdoms ioynyng to geder in Creta and for en∣des and boundes of feldes was a batayll bitwene hem and Iu∣piter hadde the maystry and Saturnus was chased oute and went in to Italye and there Ianus the kyng receyued hym to a part of the Empyre by cause he couthe skylle in vynes in ree∣pyng and in tyllyng of feldes And he was called Saturnus of satu••itas that is plentee for he made grete plente in that londe ¶Eutropius ¶ This Saturnus flemed his sonne Iupiter out of Grece to the endes of Tuscia not fer from the place of Ro¦me he hidde him there in a place and cleped the place Saturnia after his owne name / & after he cleped it lacium that is his hy∣dyng place / there he taught boystous men to bylde ere and sowe. and sette vynes / For byfore they lyued by Ackornes and dwel¦led vnder bowes and twygges wouen to geder ¶ Also this or∣deyned pannes of brasse / therfor the vplondysshe men hyeld hym a god ¶R ¶And though poetes mene that Iupiter gelded Saturnus for he shold not gete childer to supplante hym / Nethe¦les the history of Rome sayth that Saturnus gate pycus in I∣talie· ¶ Allexander in mith ¶ Other myghty geantes foū¦ded to put out this Iupyter / this Iupiter was ful cruel and destroubled the pees after that his fader was put out and ouer come the geantes with gynnes of werre / me feyned that be light¦ned out geantes ¶ Petrus / ¶ Iosue er he dyed hyeld water on the erth bifore the peple in token of the couenaūt that

was made bytwene god & the peple that was that the peple had chosen the sothfaste god ¶ Petrus: ¶ Mysbyleued men vsed to helde out and shede. the bloode of a sowe in token of coue∣naunt made Hugo capitulo Fedus ¶ Fedus that is a coue∣naunt is sayd of Feda a sowe that is slayne as it were to mene that is blood that breketh the couenaunt shuld in that maner be shadde / Petrus / But the hebrewes helde out water in token that as the water is all shadde and nought y lefte / soo he that bre∣keth the couenaunt shuld be deed and al his kyn· Also men in old tyme vsed to arere and enhaunce signes and tokens that myght longe dure in mynde of couenaunt of hem that come after ward / And so somme men arered and enhaunced stones and hu∣ples of stones in mynde of couenauntes

¶ Othonyel ¶ Capitulum 16

AFter Iosues deth Israel serued chusan kyng of Mesopota¦nia eyght yere / Netheles this eyght yere be acompted with Othonyels tyme Calephs broder / by the hebrewes / ¶ But the yeres of reste and of thraldome were acompted to geder vnder Iugges of Israel / the sothnesse of the acomptes wold not stan∣de in the historye ¶ Augustinus libro octodecimo ¶ About this tyme that woman Lathona bare Appolyn in to the Ilond Del••s· R / But not that other appolyn delphicus that had longe bifore be / but that Appolyn that serued the kynge admetus with the latter hercules. ¶ Me seyth that this Latona was the same woman that he••••r Isis ¶ Than othonyel was leder of Israel fourty yere for to r••ken the forseyd eyght yere of thraldome Neptunus regned and was the fyfth kyng of Athene Cady∣nus regned in th•• cyte th••bes of his doughter semela was born Denys bachus that was callyd also Liber pater· that is the fre fader· In his tyme was lynus of thebe in Egypt the grete chaū¦toure in his floures / ¶ Fenyx bylde bythynya that heete som∣tyme Mariandyna. Ysidorus libro secundo capitulo quinto ¶ And as Fenyx yaue the Fenyces. somme rede lettres R Therof boke more in the first book. capitulo quinto decimo Fe¦nicia / Ysidorus libro secundo ¶ The lettres of grece that cadin{us}

yaf hym speleth wordes and stondeth for nombres ¶R The lettres of grece from the first to the tenth as· A / standeth in ordre of A b c so they stande for nombre amōg the grekes / for the first standeth for one / and the seconde for tweyne and the thyrdde for thre / and soo the fourth vnto the tenth. But the .xj. letter stan∣deth for twenty / the twellyfth for thrytty the xiij for fourty· & so vnto an C for an C / standeth the / xix than the twenty lettre standeth for the one and twenteth for thre honderd / the ·xxij for four honderd & so forth Petrus Crafte & vse of yren was foūden in egypt. the dedes that me telleth of demetra / and of dan Per••••us moder befell that tyme. and the cyte corinthy was buyld••d tha•• tyme·

¶ Aioth ¶ Capitulum ••••

AIoth was leder of Israel foure score yere for to acc••m•••••• eyghtene yere / in the whiche Israel serued Eglon the 〈◊〉〈◊〉 ••yng of Moab· ¶ Also for to rekene one yere of Sangar· the duc and leder that slouwgh six honderd men with a plowe sha∣re. ¶ This Aioth vsed eyther hande for his right hand and was Ier••es sonne Ihera was gemynus sonne ¶ Petrus ¶Somme tellen that Gemynus was a vyle persone of the lyng∣nage of Benyamyn: ¶ And was ofte named in reprooue to alle his ofprynge / for he was so vyle and vnworthy. Netheles these hebrewes meene that these Gemynus was benyamyn. as though he were so named by chaungynge owther withdrawyng of somwhat of the begynnynge of the name / For where we set••e Gemynum / the Hebrewes sette Iamyn that is a Rynge· that longeth to the righte side· And maye be sayd Gemynus in latyn / ¶ Rytholomus came in a longe shippe to Elensio / and deled there wheete· And Ortus kynge of Molos and of Tracia rauesshyd Proserpyna hir hounde that was callyd Cer∣be••us swolowed vp a man that was named Piriton that come with theseus to rauessh Proserpyna / And the same hound cer∣berus wold haue eten theseus also But hercules came the mea∣ne tyme and saued hym· And therfore he was ••••••yned in to helle ¶Athens bylde Achaia ¶Denys liber pater duc of athene

was born of Semela as somme men saye and toke myscerya of Perseus that slowe that hoor gorgon that was so fayre that she astonyed men that bihelde her fayrenesse Also that tyme Frixus & his sister Elles fled the malyce & the pursuyte of theyr step∣dame and were drowned in the see that is called Elespontus And for a wethir was paynted in the signe of her ship. therfore me feyned that the wether with the golden flese bare hem forth / by the ayer / Laomadon the eyght kynge of Scicions regned. L yere / Amphion and Zebus regned in Thebe the Cyte of Gre••e· & put out Cadinus Tros regned in Dardania. that is Frisia and warred afterward ayenst Tantal{us} kyng of Athene for the rauesshyng of Gammedes / Of this Tros the Troyans haue her name and ar called Troyans R ¶Than the fable of Iupiter is feyned and soo the rauesshyng of an e gle is feyned in ydel Perseus Erutheus brother faught ayenst the Perses. he smote of the heed of Gorgon ¶ Pegasus was a ful swyft hors of a wo∣man that was callyd bellerefrontis ship ¶Ion the stronge man cleped the men of Athenes Iones by his owne name Denys that hete liber pater also werred wyth the Indes and buyld the Cyte Nisan ¶ This denys ordeyned first / women in his hooste with men ¶ Pelops first kyng of Poloponens was heed of the Olimpies· netheles afterward he was ayenst Troye and ouerco¦me of dardanus / In Aiothes tyme duc of Israel the latter her∣cules / another than we spak of bifore was in his floures ¶Tro¦gus This hercules was stronge and tamed the world & ouer come the Amasones and passed in to Inde and warred there and ouercome the troyans and warred in libia and was lord of spay¦ne ¶R This hercules ouercome Antheus the geant of Libia So seyth Ouyde in magno libro octauo / And slowe Gereon the geant kynge of Spayne and ladde his catall and hys beestes thurgh ytalye in token of the maystrye / And he bigate the kyng Latyn on the doughter of Fanus and he slowe a lyon / he slowe the serpent ydra in the water lerna / and he ran a furlong at one breth and he restored the tournamentes and Ioustes of Mount Olimp / he ouercome the Centaures and pight his pilers in the see atte Ilandes gades and he dyd twelue grete dedes. Treuisa The centaures were men of Thessalia they were the first that chas¦tised horses and ledde hym with bridels and rode on horsbakkes ¶Augustinus libro octodecimo / And after his greete dedes he felle in a greet sekenesse / that was so payneful and soore that he

myght not endure / Therfore he threwe hym self in to a fyre and brent hym self R ¶Claudyanus libro sexto de raptu proserpi¦ne· et virgylius eneydis viij eciam Ouidius meth libro nono ¶ Reken the grete dedes that hercules did of the whiche dedes / the first was the vyctory that he had of the Centaures The second the sleyng & the huyldyng of lyons in a wood that hight nenia the thyrd the chasing of the foules that highte Arpyes The fourth the takyng of the golden apples out of the Orchard of the seuen doughters of Athlas the geant and the sleyng of the dragon that kept the palce / the fyfth the cheynyng and the tyeng of the grete hounde Cerberus that deuoured perytheus in the ra∣uesshyng of proserpina ¶ The sixth the beryng doun of dyomede kyng of Tracia that fedde his hors with mennes flessh The se∣uenth the destroyeng of ydra the serpent in the water lerna The echt the ouercomyng of Achelous that chaunged oftyme in to dyuerse lykenesse and shappes. The / ix. the throwyng doun of Antheus the geant of Libia that toke ayen myght & strength as ofte as he touched the erth / The / x / the sleyng of the catte that cast out fyre of his mouth as me sayde ¶ The .xj. the sleyng of the boor in Archadia. The ·xij· the beryng and holdyng vp of he¦uen whyle Athlas the geant reste hym whan he was wery

But in the thyrten dede he did on a corsette of dianier and dy∣ed ¶ Here take hede that these twelue dedes that be acompted to hercules sowneth the story as it is told soo doth the second of the lyon and the elleuenth of the boor / owther it perteneth only to coueryng of thewes / and than the tale is a fable· but the menyn¦ge is full of truth and of sothnesse / So the thyrdde of the Arpy∣es and the fourth of takyng and the rauesshynge of the gol∣den apples / Owther it tokeneth and sowneth the storye y me∣dled with a fable / so doth all his other dedes of thes twelue. Al¦so here take hede / It semeth that it is not all one hercules that the∣se twelue dedes be ascrybed to For seynt Augustyne de ciuitate dei li. octodecimo capitulo quarto decimo Seyth that it was another hercules that these dedes be aretted vnto· & another hercules that ouercome antheus the geant in wrastlynge / And also Boecius in fine quarti libri de consolacione telleth that same of Antheus among the twelue dedes of hercules / Also seynt Augustyne vbi supra eciam capitulo 19 / Seyth that there were many hercules And also sampson for his wonder strengthe / was acounted her∣cules. And Frigius dares in his book of the batayll of Troye

seyth that Iason that wan the golden flees at Colchos had a surname and was callid Hercules ¶ Therfor ouidius meth terciodecimo sayth Menia vnder fur•• and the Troyans vnder hercules / And Ouidius octauo meth arretteth the sleyng of the boor of Archadia to meleandrus· And also septimo meth he ascri∣beth the chasyng of the Arpyes to Boreas sonnes that highten Zoas and Calaius· therfor many wise men tellen that hercules is the surname of noble men and stalworth that passeth other men greetely in boldenesse and in strengthe. and soo it semeth alle by kyndly menynge of that name for hercules is seyd of heros / that is a man and of cleos that is blis as though hercules were to menyng a blysful man and gloryous

¶Eusebius in Cronyca ¶ Aioth ¶ Capitulum / 18

IN Aioths tyme namely in grece fables were founden and me seyth that Isopus founde firste fables for highte and enhaunce kyndly sothnesse· for the pryuyte of kynde shold not be despysed / therfor kynde of thynges and by dyuers maner of do∣yng he feyned names and worchyng of goddes ¶Alcyn in mith And soo he feyned that after the flood men come of stones and of trees / but that was feyned for the manere of dwellynge of men in the old tyme / for somme went about as they were beestes Augustinus libro octodecimo capitulo decimo tercio After Io∣sues deth vnto the batayll of Troye fables were feyned in grecia As that vlcanus in gret hete and brennyng of lechery with mi¦nerua gate Eruconius foted as a dragon that is a fable and a poetes feynyng and sawe / But the soth meanynge is that in the Cyte Athene was a temple of vlcanus and of minerua in that temple was a child founde byclypped aboute with a dragon / that bitokened that the child shelde be grete· and for the child was founde in her bothe temple / therfore the child was cleped her bothe sonne / ¶Also Tritholomus that was born of Fleyng addres in to nedy landes atte heste of Cerreres / & brought theym whete it is a fable· Also of mynotaurus that a beest•• closed in la¦borintus ded••lus hows / And whan men wente in to that howse they were so begyled that they couth not come oute / Also of cen¦taures that were medled of mankynde and of hors kynde / Also of Cerberus the hound of helle that had thre heedes / Also of

Frix••s and his sister Elle that were borne of a wether by the eyre and flewen as fowle▪ Also of gorgon the strompet that she was heered with addres and turned in to stones men that bihelde hir Also of Bellerefront that he was born of a fleyng hors with fethres and wynges / his hors was callyd pegasus / Also of Amphion that he plesed stones and drowe hem to hym with swetnesse of his harpyng / Also of dedalus the carpenter and his sonne ycarius that made hem wynges of fethers and fley as fowles· Also of Antheus hym slowe hercules· Antheus was the sonne of the erth / therfor whan he felle down he roos agayne with more strengthe Ysidorus libro vndecimo / ¶Also gereon the geant kyng of spayn that was slayne of hercules and was descryued in thre lykenesses and shappes / It is a fable / ffor there were thre bretheren so wel acordyng to gedres that it semed that they hadde one soule / one wytt and one wylle Also the strōpettes Gorgons heered as serpentes had one eye and torned in to stones men that bihelde them it is a fable / But ther were thre sistres al of one fayrenesse. men that bihelde theym they made hem as styll and as stydfaste as stones / ¶ Also the thre syrenes / that were half maydens half fowles and hadden wynges and talentes as hawkes. and one of hem sang that other pyped and t••e third harped / and drowe to hem ward Shipman that saylled in the see in to ship wrake it is a fable / But ther were thre hoores that brought men that vsed hem in to meschyef and therfor me sayth that they brought hem in to shipbruche· ¶ Also that me feyneth that Scilla was a woman byclypped about with heedes of hoū∣des and with grete berkyng of houndes that is sayd / for the wa∣wes of that see / Siculus that flasshith and wasshith vpon that rok that is called Scilla maketh suche maner noyse men that sail∣leth therby be so aferd that they wene that the wawes berk that wasshen on that rokke / So they fenne that the serpent ydra with nyne heedes· and yf one heed were smyten of / than grewe vp thre for one / ¶ The sooth tale is that ydra was somtyme a place that wonderly and perilously cast vp water. and yf oo water were stopped the water brake-vp in many places and weyes Hercules sawe that and destroyed the swolowe and closed alle the weyes / therfor me feyneth that he destroyed ydra the serpent. ¶{per}sid libro primo capitulo trisesimo tercio / Fables be sayde of fando that is spekyng / not for they be sothe in dede but feyned in spekyng Poetes brought in fables for thre skylles· for liking

〈1 page〉〈1 page〉

〈1 page〉〈1 page〉

of talkyng and of fayr spekyng. suche be the fables of plantus and of Terencius / and fables that be comonly told. Also for hel∣the and enhauncyng of kynde so me seyth that vlcanus halteth for the fyre is neuer euen vlcanus is feyned god of fyre ¶ So Chymera is feyned a beeste of thre maner shappe•• and kyndes & bitokeneth the ages of mankynde The first youth of a man is cruel as a lyon The second age of manhode is sharp of sight as a goot / owther stynketh by lechery as a goot▪ The thyrdde age is ••lde and boweth as a dragon & wasteth alway and so the fable of ypocentaurus that was feyned medled af hors kynde and of mankynde bitokeneth the swyft passyng of mannes lyf / Also fa∣bles be feyned for derke fayr and mystyal spekyng of thewes. As whan me speketh. and feyneth that thynges that can no rea∣son speke to hem self that by the tale that is feyned the soth beto∣kenynge be remeoued to that that is sothly don in dede· So Orace speketh of the mouse and of the wessylle / And ysopus and aue∣net of the Fox and of the wolf and in libro Iudicum of the tre¦es of lybanus and so speketh demostenes of wolues and houn∣des feyned for the delyueraunce of the aduocates and lawers ¶R And that is that seynt Austyn seyth in his book de men¦dacio ¶ Fables he sayth though they haue no sothnesse in hem¦self· Netheles they represente and enduce to mannes mynde soth∣nesse that they bitokene and signefye. ¶ Augustinus libro ter∣cio capitulo tercio ¶ By auctoryte of the Romaynes it was affermed that the goddesse venus was Eneas moder· and that god mars was Romulus fader / But I and so varro byliue it not / the wryter of the storyes of Rome that sayth pryuely it we¦re prouffitable to Cyteseyns that stronge men and orped trowed that they were bigeten of goddes though it were fals / That in that maner the mennis hertes shold be the bolder and haue trust in the lignage of goddes and auenture them •• to the gretter dedes and doo myghtly with the moore boldenesse in trust of gracio{us} en¦de by cause they hold them self of the kynde of goddes ¶Al∣lexander in mith· Macrobius super sompnium / Scip••onis Seyth that somme fables be feyned by cause of lykyng· suche be of me∣nandre and Terencius / and suche long••th not to philosophres And somme fables be feyned by cause / of prouffyt in excitinge & comfort / in the whiche fables the matier that me speketh of ow∣ther the ordre of tellynge of the thynge that is feyned is fey∣nyngly told that is to vnderstande / do fals is told by another

fals / So it fareth in esopus fabbes & in anians fables also / and thes fables be not pertynent ne long not to philosophres Also somtyme a soth sawe is told by a feyned tale and suche were the feynynges of Esiodus and of Orpheus whan they spak of dy∣uerse dedes of kynde of goddes and suche a tale is no fable but a tale like a fable And yf suche a tale is told by lykenesse of fowle thynge and harlottry than it lengeth not to philosophres neyther to dyuynes / but suche as be told by lykenesse of fayrenesse & of honeste perteyneth to philosophres / So plato feyned that a knyght that was callyd Er / aroos from deth to lyue and told many thyn¦ges of the euerlastyng lyf of mannes soule ¶R And Boece feyned that philosophye appered to hym in the lykenesse of amay¦de / In this maner maye a dyuyne vse ensamples manerly in his talkyng and spekyng ¶Pet••us ¶In Aiothis tyme the lat¦ter Appollo that was laton••es sonne as the Grekes telle founde vp the A••te of Phisic and made harpes ¶R / Netheles ysido∣rus libro tercio eth Sayth that ••••rcurius afterward in Ge∣deons tyme put seuen strenges to the ha••p that was bifore foun∣den and he put to the strenges and streyned hem in this manere / The Ryuer Nylus had be vp and biflowed the lande / and was ebbed in to the chanel agayn. Than lay many beestes deed on the fe••des· and amonge other laye a dede snayle / whan this snayle was rooted the senewes were streyn••d within the skynne of the snayles hows and sowned as the wy••de blewe theron esyly / theron and softly. than mercurius toke hede therto / and made an harp to the lykenesse therof and gaf it to Orpheus the harper ¶Treuisa ¶I rede amonge the wondres of Inde that snayles be there so greete and so huge that a man may be herbeured in a snayls hows ¶ Petrus ¶Also that tyme the forseyd mercurius fo••nde vp an Instrument of musick· and called it Siringa and is made of reed and of pipes / and ••eete Siringa by the name of that woman Syrynga that was cadmus wyf· she wente away from her husbond for loue of musik and of melodye / It is vncer¦tayn whiche Mercurius this was· whether Mercurius hermes or mercurius Trimegystus the ph••losopher or the greet Mercurius /

For Iosephus speketh of thre of the whiche euery was called Mercurius Ysidorus libro quinto ¶ Also that tyme in grees was founde vp an Instrument of musi{que} that heete ••horus Pe∣trus Strabus sayth that that Instrument with twey pipes by one pipe the eyer goth in / & by that other the sowne goth oute

¶ Augustinus de ciuitate dei libro / 18. c. 13 / ¶ Delbora ¶ Capitulum / 19

DElbora that woman was a Prophetisse of the lignage of Effraym / This Delbora with barache of the lignage of Neptalim ruled the peple of Israel fourty yere for to reken xx / yere in the whiche Iabyn kyng of canaan pursued Israel. In her tyme the kynges of Argyues faylede that had regned v / C. yere & fourty / that was from the first Inachus to the first pelops tyme kyng of peloponensis / and than the kyngdom torned to the Mecenes. That tyme began the kyngdom of Laurentines in Ita¦lye / After the deth of Ianus and of Saturnus / that had longe regned there / there regned pycus Saturnus sonne / Augustinus de ciuitate dei vbi supra / About that tyme dyed Denyse that heete also liber pater. that warred in ynde. and hadde in his hoost men & women medled to geders. Netheles atte laste perseus slough hym His golden buryels is yet seen in thessalia besides Appolyn del∣phicus in mount pernasus. Myda the ryche kynge regned that tyme in frigia· Of hym poetes feined many thynges. as it is wri¦ten in mitholog fulgencij et Alexandri. And Ilius Appolyns sonne bylde Ilium in Troye

¶Gedyon ¶ Capitulum 20

GEdion that heet Iheroboal was leder of Israel fourty ye∣re for to reken / viij / yere that Israel serued madyanytes & Amalechites ¶Iosephus sayth that the cyte Tirus was buyld in Gedyons tyme about two honderd yere and fourty before Sa¦lamons temple ¶Petrus Minos kyng of Creta Iupiters sone occupyed the see that tyme. and gafe lawe to the men of Creta That tyme the stronge man theseus Egeus the kynges sonne of Athene slough mynotaurus in the tournamente. therfore men of Athene that were trybutarye byfore were quyttte and free of all trybute Mynotaurus was a grete man of stature. and ther with all right myghty and strong and ful delyure in wrastlyng and was kyng of mynos Bocher / Therfor he was cleped as it were mynoys taurus that is a bocher. Aboute that tyme Theseu•• rauesshyd Eleyn and hir twey brethere castor and pollux fett hir and brought hir agayne· And toke theseus moder and chased

theseus out of contray Also me sayth that dedalus was that ty∣me in his floures This dedalus made byrdes of metal by craft and spyryte closed for to flee about· Me sayth also that he made ymages that mo••ued hem self / he was the first that departed feet of ymages a twynne / for other men ioyned hem to gyders Ysidorus libro nono This dedalus had a nenew callyd perdix and toke hym to his loer ¶ This perdyx was subtyll and con∣nyng of craft and bythought hym in his ymagynacion to haue somme spedeful maner of clyuynge of tymbre and toke a plate of yren and fyled it and made it tothed as the rigge boone of a fysshe and than it was a sawe / Also this child bythought hym & made the first compas and wrought therwith Therfor his mais¦ter dedalus toke greet enuye to the child and threwe hym doun of an highe tour and brake his neck / therfore Dedalus with his sonne ycarus at Creta fleygh and come in to Scicilia and there he made first laborintus otherwyse callyd a mase Petru••· ffor dedalus flewe away so swiftly after he had slayn his neuew me feyneth that he flewe with wynges as a bird by the ayer ¶Ysidorus libro quincodecimo ¶Laborintus is a maner buyl∣dynge wonderly buyld / with daungerous walles· therin mino∣taurus was closed yf ony man went theder in withoute a clewe of threde it were ful hard to finde away oute they that opene the yat••s shold here drede ful thondryng Hugo capitulo labor

Me gooth a downe as it were by a honderd grees or steppes ther be also in derknes wonder many dyuerse wyndynges and tournyngys / and suche foure be in this worlde of suche howses One in egypte another in Creta the thyrd in the ylande lempno and the fourth in ytalye and be soo made that vnn••the they maye be destroyed while the world dureth ¶ Hugo capitulo Cilleo

¶Whan there felle a pestylence amonges men of Athene for the ••eth of ycarus and of his doughter Erigen and maydens of Athene were compellyd as it were to snarles and greues Than they had answer of Appolyn delphycus that the pestilen∣ce myghte ceese yf they sought besyly the bodyes of ycarus and of his doughter Erigen / Than they soughte besyly / And whan they hadde longe sought and myghte nowher fynde. for to shewe the deuocion and wylle / that they hadde for to seche for to be sene seche besyly in another Elemente that they myghte not fynde in erthe men of Athene henge vp roopes in the Eyer and men tottred theron and moeueth hyder and thyder. for they wolde

be seen seche the bodyes in the eyer aboue the erthe / & whan men felle of the tottres and were hurt soore it was ordeyned amonge hem that ymages like to the bodyes shold be sette in the tottres & meeue & tottre in stede of hem that were fallen that game is cle¦ped ocillum in latyn and is componed and made of tweyne of cilleo cilles that is to meue and os oris that is a mouth for they that tottred soo meneth ayenst mennes mouthes

¶ Abymalech Thola / ¶ Capitulum 21

ABymalech gedeons sonne born of his concubine was leder in sichem after his fader thre yere. And slough his owne bretheren thre score & ten oute take one that were born of diuerse wyues / That tyme was the batayll of athene bytwene the lape∣hites & centaurus / Palefatus libro de Incredibilibus sayth that Centaures were noble hors men of thessalia that faught ayenste Thebees men of thebe in Egypte· Thola of the lygnage of Isa∣char was Iugge in Israel thre and twenty yere / In his fourth yere medea went from her husbonde egeus kyng of Athene in to the yland colchos there she was born Trogus 43 ¶Aboute that tyme Faunus pycus sonne regned. in ytalya in his tyme euandr•• came oute of Archadia and receyued and toke feldes / & the hill mount palatyn / This Faunus had a wyf called Fatua and had ofte a spyryte of prophecye / therfore yet ofte they that haue a spyryt of prophecye be cleped fatui. Tho hercules. hadde slayne Gereon the geant kynge of spayne and ladde his beestes thurgh ytalye in token of the vyctorye he laye by this Faunus doughter vnlawfully & begate Latinus that regned afterward in ytalye / Oro{us} li / p. About this yere vesores kyng of egypt war∣red first ayēst scites yet first he sente messagers / & willed his ene¦myes to be subget to his lawe / & the scites answerd / a dull kyng & moost ryche moeueth batayll ayenst pore men & nedy namely while it is in doute what ende the batayll shal haue / prouffyt co¦meth therof none but gret open harme & damage & not long after the dede acord with thanswer for they compellyd the kyng of e∣gipt for to flee & chaced & spoylled his hoost & wolde haue spoy¦led al egipt had they not be lette by watres of the riuer nylus / than in the tornyng ayen they warred xv yere in asia & made a∣sia tributarij. & her wiues sente theym worde / that but they wold

come hoome / they wolde haue children by men of the contreyes about. The meane tyme amonge the scytes twey ryall yonglyn∣ges by fraude and by deceyte of the greet werre were putte from home and toke with hem greet multitude of peple and strengthe and werred in the countrees of pontus & capadocie & whan they hadden doo greete destruction· than they were kyld of men of the contrees about / than her wyues ••xyled and wydewes armed hem and toke wreche of her husbandis deth / and whan they had made pees by strength and by dedes· of armes they toke men of other landes to lye by hem for to haue childeren and slough her owne men childer and kepte her mayde childer and brent of her ryght brest. atte laste tweyne ef thes wymen were quenes Mersepia & lampeto and departed her hoost and kept and mayntened hem in batel eyther by her cours. Than whan they had ouercome a gret dele of europa and many cytees of Asia they sente home the bet¦ter part of her hoost with proyes that they had taken / than ene∣myes slough marsepia the quene and the other women that were lefte there for to kepe Asia / And hir doughter synope regned af∣ter her moder deth and gadred a singuler ioye of vertue by euer∣lastyng chastyte. Men wondred so gretely of this woman that whan hercules had hest of his lord for to warre ayenst the quene he gadred al the grete strengthe of the yong men of grees and or∣deyned nyne longe shippes and felle vpon the women that were vnwarned for him was leuer to stele vpon hem than come vp on hem with a batayll openly / than whan the twey quenes that were sistres were sodenly ouercome hercules yaue menalippa to his sister Anthiopa and wedded hir sister ypolyta to his knyght theseus and receyued the armure of the quene in price of redemp∣cion / ¶ Atte last after Orthia the quene pentasilia the quene was in the batayll of troye and did many greet dedes ayenst the grekes·

¶ Iair ¶ Capitulum 22

IAir of Galaad of the lignage of manasse was Iugge of Israel two & twenty yere & hadde thyrty sones & made hem princes vpon .xxx cytees & cleped the cytees by his owne name anoc Iayr that is to saye Iayres townes ¶R Somme tellith that cartage was byld the third yere of Iayr. but loke in the first boke / c^o. Affrica scilicet munidia. the xvj yere of Iair mynoys of

Egypt amended armure ayenste dedalus in Scicilia and was kyld of Cotalus sonnes· ¶Ysidorus libro primo. ¶Carmentis nympha otherwyse callyd Nichostrata kyng latyns moder fonde and brought latyn lettres / ¶ Ysidorus libro nono The lan∣gage of latyn was departed in four The firste was vnder Ia∣nus and Saturnus and was cleped Priske· / and latyn vnder kyng latyn And other kynges of tuskan / In that langage were twelue tables of lawe wreton / Also Romayn that began af∣ter kynges were made subget and that langage vsed plantus & Tullius virgylius and caton / but myxt langage encreaced af∣ter that thempyre encreased and was huge ¶ After the deth of Iare Israel serued the philystyns and ammonytes / xviij yere that be acompted to the yeres of Iepte that was duc afterward of. Israel

Iepte ¶ Capitulum 23

IEpte of galaad of the lygnage of gaad a comyn womans sonne was Iugge of Israel six yere / kyng latyn ffamy∣us sonne began to regne in ytaly and regned there two and thyr¦ty yere. Of hym the kynges of ytaly hadden that name and we∣re called kynges of latyns Ysidorus libro octauo. In this kyng latyns tyme was Sibille Eretrea in her floures and was callid Erofila and was borne at Babilon▪ she warned the grekes that wente to Troye that Troye sholde be destroyed and that Omerus sholde wryte lesynges afterwarde ¶ Ther were ten Sybyls / and this is the fyfth in nombre and is put bifore other The firste Sibylla was of Perse the second of Libia / the thirde was Delphica in Appolyns temple bifore the batayll of Troye omer{us} wrote many of her versis in his bookes / the .iiij was cime¦ria of Italye / the / v / was critria of hir is nowe oure speche the vj / was samia born in the ylād samos. the vij / was cumana born in campania. she brought .ix bookes of torquyn{us} priscus kyng of romayns in the whiche were writen the domes of rome / the / viij was elesponsia born in a felde of troy / me redeth that she was in kyng Sirus and in Salons tyme the / ix / was Frigia / me redeth that she prophecied in anchisa. the tenth was tiburtina otherwise called albunea / the bookes of hem all be worthy preysyng for they wrote moche of Crist & also of paynes / ¶R Netheles it semeth that seynt Augustyne· li 18 / capitulo 16 / Will meene that Sibilla

Eritrea was in Romulus tyme and she wrote moche of Criste & that openly as it foloweth in thes versis of hirs / Token of dome the erthe shal of swete become wete / Out of heuen the kyng end¦les shal come to syghte and that in flesshe present for to deme the world. And so forth Sibilla hath many moo versis· The heede lettres of these versis and of other as they be wryten in latyn speketh thus Ihesus Cristus goddes sonne sauioure. Ysidorus libro quarto ¶ Sibilla is a name of offyce and not of persone and is seyd of Syos that is god and of beele that is thought / And so Sibille is sayd as it were a woman that hath goddes thought ¶ Therfor as a man that prophecyeth is cleped a prophete / Soo a woman that prophecyeth is called a Sybylle / vnder these dayes in kynge latyns tyme / was the sayllyng made that is called the sayllynge of Argonantes / that saylynge was cause and occasion of the batayll of troye and began in this ma∣nere Trogus libro secundo ¶ After Neptunus the successour of Erutonius the kyngdome of Athene felle to Egeus that had geten his sonne theseus on his firste wyf· And atte laste whan that wyf was deed / he wedded Medea the kynges doughter of Colchos and gate on hir medus· ¶ Atte laste medea dradde her stepsone these{us} whan he come to age. & toke with hir hir sonne medus and wēte home to hir fader in to colchos▪ after egeus his sonne theseus regned in Athene / he wente somtyme with her¦cules & warred & ouercome the amasones· After these{us} his sonne demephon regned & halp & assisted the grekes ayenst the troyans Trog{us} li / 42 / Than pelias kyng of poloponens that is of thessali¦a dradde leste Iason the noble wold warre in his lond. & put hym out· Iason was esons sonne Eson was pelias owne broder pelias brought Iason in wytte for to fetche the golden fle••s at colchos & hoped therby that the yong man shold be deed owther f••r long sayllyng in the see. owther in batayll ayenst straunge nacions ¶ Frigius dares· ¶ Therfore Pelias made Argus ordeyne a wel fayr ship couenable to his sayllyng and passage Petrus Of this name Argon cometh this name argonante / Argonante were stalworth yong mē gadred al about for Iasons viage / than Iason saylled forth with thes men & landed firste in frigia / tho laomedon regned there. Trogus / But Iason was put out of frigi¦a & come in to colchos and ouercome the kyng & slough his sone egealms & toke the golden flees & lad with hym medea the kin∣ges dought & made hir his wyf· netheles aftward he forsoke hir

and put hir away But afterwarde whan kynge Pelyas sonne was putte out of thessalia Iason recounseylled and toke ayene his wyf media with his stepsonne medus and gadred a stronge multitude of yonge men and went in to Colchos and restored or∣pedly his wyues fader that was put oute of his kyngdome and yaue hym many cytees to his kyngdome / in recompensacion and amendement of the olde wronge Frigius dares / Than Iason whan he had subduyed Colchos he had with hym at his prayeng Hercules castor pollux peleus of Scicia thelamon of Salymina and come in with fiue shippes by nyght in to Frigia and slough laomadon the kyng and destroyed Ilium in troye He rauesshed hesiona the kynges doughter and yaue hir to his knyght thela¦mon to wyue for he was the firste that entred in to Troye / there was taken a grete proy and Iason torned ayene with his men Whan pricim{us} laomadons oldest sone herde & wyst of al this / he strengthed Ilium that is troy with yates and with walles and began for to Regne

¶Abessa / ¶ Capitulum 24

ABessa of Bethlem was Iugge in Israel seuen yere in his second yere priamus kyng of Frigia that is kyng of Troy sente Anthenor to the grekes and sayd that he wold gladly for yeue all trespasses that they had doo bifore· yf they wold sende ayen his sister hesiona that they had rauesshyd / The grekes wold not priamus arayed for the bataylle and made his oldest sonne hector leder of other men / Alysaunder that heet paris also hectors brother assenteth herto and sayth / that whan he hunted somty∣me in the woode called Ida / he slept and dremed that mercurius brought bifore hym Iuno venus and mynerua for he shold deme whiche of hem were fairest & minerua biheete hym wysedome / Iu∣no worship and venus behete hym the fareyst wyf of the worlde yf he wold deme that she were the fayrest / helen{us} the other broder prophecyed the contrary & sayd that yf that alisander that heet pa¦ris toke a wif of grece / the grekes wold come & destroye yliū that is troy· that woman cassandra prophecied the same netheles ship¦pes were arayed and paris with Anthenor were sente in to grece and when th•• men came in to the Ilande Citheria to the feste of Iuno helena kynge menelaus wyf came for to see the fayrenes

of Paris and paris rauesshyd hir and toke hir with hym in to Troy Than was Priamus glad ynow wenyng therby reco∣uer his sister hesiona / Than menelaus kyng of lacedomonia ma¦de greet and greuous playnte to his brother agamenon kynge of mescenes of the rauesshynge of his wyf / and gadred passynge strong men Achylle Patroclus vlyxes Aiax Nestor with other stalworth men seuen and fourty and hadde shippes redy in the ha¦uen in nombre a thousand and two honderd and hadde answer of Appolyn Delphicus / that Ilium that is troye shold be destro¦yed in the tenth yere ¶ The grekes toke vp theyr ankres and saylled on the see and toke grete proyes and torned home ayene

¶In the mene tyme Agamenon sent messagers vlixes and Dyomedes to kynge pryam to wytt yf he wolde yelde vp heleyn. and sende hir home agayne Pryam bythought hym and hadde anone in mynde the wronge of the Argonantes. the deth of his fader the rauesshynge of his sister / the despysyng of his messager Anthenor· therfore he forsoke pees / and ordeyned for the warre

¶ Than whan the hooste was gadred on eyther side / Hector slough Protheselaus / and slough and felled to the ground ma¦ny men til that this Cosyn Esiona sonne Aiax The lamomus knowleched kynrede bytwene hem / and soo lett hym of his rees The mene tyme trewes was taken for two yere· that they might burye her men that were slayn but after two yere they receyued a strōg batail in the which batail· hector slough .x / stalworth dukis & achilles on the other side slough / iiij. stalworth men & noble / & the batayll dured four score dayes continuelly in hard fyghtyng & strong. & after that was trewes taken for thre yere & aft{er} that trewes they receyued and appoynted to fyghte. & slough many men on eyther syde. And andromach hectors wyf warned hector by hir dreame that he shold not that day wende in to the batayll ¶ Netheles Hector wente to bataylle and was slayne of achil¦les / And whan Hector was buryed were trewes taken for an yere And whan Hectors mynd day was holden. Achilles was there at & loued right hertely policena kyng priamus doughter & axed to haue hir to wyf & withdrewe hym from the bataylle· & said that it was euyll done to destrouble al Europa for the ra∣uesshynge of Eleyne. But atte. laste he wente forth atte prayer of the Grekes and was wounded of Troylus that hadde slayn many Grekes. therfore he was angrye and wroth and slough Troylus and menon also ¶Than was Hecuba wonder wroth

Priamus wyf and bythought hir of gyle and sette Achylles a daye whan he sholde come and fetche home his wyf polixena that was hir own doughter. and whan the day was comen alysandre otherwyse callyd paris slough Achilles gylefully. therfore they hadde answer of goddes that the grekes shold haue the vyctorye by achilles lignage ¶Neoptholonius Achilles sone wente forth in to batayll· in the whiche batayll Paris and Aiax were woū∣ded to deth eyther of other Thenne the seuenth yere of the siege came pantasilea quene of Amosons in helpe and socour of the tro¦yans and brake the siege of the Grekes and brent many of their shippes / Netheles she was slayne of Neoptholomus that she had wounded· ¶ After that Antenor and eneas counseilled for to delyuer heleyne / and for to desire peas. Priamus toke grete indignacion of theyr counseylle and sayd they shold dye. yf euer they were so wood to counseylle that eftsones / Therfor they toke grete indygnacion and sente Polidamas to the grekes and pro¦ferd to bitray the cyte for her owne sauacion / The grekes graun∣ted peas to these thre to Anthenor eneas and polidamas / and to alle theyr retinue. and the cyte was opened by nyght to the gre∣kes / Than pryamus fledde to thautres of their goddes and neop¦tholomus pursued hym and slough hym ¶ Eneas hidde polixe∣na at his owne fader Anchises atte prayer of helene. andramach had fredom graunted to seke polixena and was long sought and atte last founde and slayne of neoptholomus at hir fader tombe Eneas for he had hidde polixena was y hote to be a goo. The lond was left to Anthenor / heleyn went home ayene with menelaus This siege of troye dured ten yere and six monethes and were slayne of the Troyans er the Cyte was bytrayd six honderd thousand thre score and sixtene / And whan the cyte was bytraid thre score and echten thousand / were slayne / Than Eneas wente oute of countrey with foure and twenty shippes and with hym thre thousand men and thre honderd· and with Anthenor thre thousand with Andromach & elenus two thousand

¶ Aylon ¶ Abdon ¶ Capitulum 25

AYlon of the lygnage of Zabulon was Iugge of Israel ten yere· Netheles the seuenty acounten hym not / and ther¦fore Eusebius acounteth his yeres with the yeres of Iosue of

samuel and of saul for the scrypture spekyth not of theyr ye∣res / Netheles they sette moo yeres than be founden by Iosephus So that from the goyng oute of egypte vnto Salamons temple were four honderd yere and four score Abdon that heet labdon also was Iugge of Israel echt yere in his thyrd yere Troye was takē echt honderd yere and four and fourty after abrahams birth thre honderd yere and fourty after the goyng out of egypt the yere of kyng latyn in ytaly / xxv· byfore the byldyng of Ro¦me four honderd yere and two and twenty ¶ Augustinus ·18 / capitulo ·16 ¶ After that Troye was destroyed· yet while kyng latyn regned in ytalye / the grekes that torned agayne & hadden in the way many myshappes / For varro libro tercio de his¦toria sayth that diomedes were torned in to foules and dyomedes was no more seen· ¶So that he was holden a god / his temple is solempne in the Iland dyomedia not fer fro mount Gargan in Apulia / Me saith that fowles be / and flee about this temple and serue wonderly and sprynge water· Yf the grekes or ony of the kynde of the Grekes come thyder / the birddes make hem good semblaunt and yf ony other come / they wounde hem with theyr greet billes / and for to conferme the same / varro tellyth not a fa∣ble lesyng but sothnesse of story of that famous dyuyneresse sor∣ceresse and wytche / Cirte that transfourmed vlyxes felaws in ro beestes / And of the Archades that by lo••t swam ouer a p••ole & than were tourned in to wolues and lyued with wylde beestes· and yf they ete ther no mannes flesshe they shuld after nyne ye∣re swymme home ouer the poole. and tourne ayene in to shap of mankynde / He sayth also that demenetus whan he had tasted of the sacrifice of Archad was torned in to a wolf / and after ny∣ne yere he was restored ayene to his owne shappe of mankynde and vsed afterward geantes dedes / and had the maystrye in a tornyng of Olimpe ¶ Plenius libro sextodecimo capitulo vy∣sesimo secundo That men be transformed in to wolues / and oft in to her owne shappe we trowe it be fals / Netheles Auctours of Grece tellen that Archades were ledde to a pool in the same lan∣de & henge her clothes on an ooke and swam ouer the poole & in wildernesse torned in to wolues and dwellyd nyne yere among wolues / And yf they kepte hem all that tyme and ete no man∣nes flessh· they shold swymme home ageyne and take her owne clothes and her owne shappe. and be nyne yere older than they were whan they wēt out / but ther is no lesing so greet but it may

be confermed Augustinus libro / 18 / capitulo .16 Than what shall we saye to alle this sayngys / Certeynly whan we were in ytalye we herd ynowe of women hostelers of that lande that vsed to yeue chese that was bywytched to men that trauaylled by the way and anone the men torned in to beestes and bare heuy char∣ges and hadden kyndly wytte and reason / and whan they had done her seruyce they torned ayene in to theyr owne shappe / Also epuleus in his book seyth that so it happed hym self that he toke suche venym and had his wytte and reason and was made an asse R Willelmus de regib{us} libro secundo Tellith such doing of tweyn wytches or enchāteresses / that dwellid in the high wey to Romeward And yf ony gest come allone they torned him in to a beest and soo come by them aminstrele that couth moch mirth and they transformed hym to an asse and sold hym to a ryche man for a greet som of money. netheles with such warnyng that he shold neu{er} passe water & his warden kept hem besily long tyme Netheles in passynge of tyme he toke lasse hede to his Asse and escaped to water and torned ayene to shap of mankynde / the war¦den of the Asse folowed after and axed after his asse of euery man that he mette / And he that had bene an Asse. and was tour∣ned to a man ayene sayde that he had ben an asse and was bycomē aman / & his warden ledde hym to his lorde & the lord ledd them both to leon the pope & the old wytches were cōuyct bifore the po¦pe & knowleched the dede the pope douted of this thyng & petr{us} da¦mian{us} a cōnyng man of letture confermed the maner doyng by ensample of Symon magus that tourned Faustinus in to his owne shappe and made his owne childer drede hym ful soore ¶ Augustinus vbi supra / ¶ It is to be bileuyd that fendes may nought doo but at goddes suffrance and soo they may make noo man kynde neyther transforme ne chaungebodyes / ¶ Ne¦theles it semeth semtyme that they chaunge lykenesse and shap of thynges that God made and wrought· So that the fantasye of a man that chaungeth in thought & in metyng of dreames by dyuerse maner thynges and taketh the likenes of bodyes with a wonder swyftnesse though no body be presente· whan the wyt∣tes of the bodye be absente and lete of theyr worchynge and the ymage and lykenes that is in thought & in fantasie is as it we¦re emprynted in the lykenesse of sōme beest and semyth to other mēnes wyttes in the same lykenesse / And soo a man maye seme to hym self such as he semeth in metyng of sweuenes and so him

maye seme that he bereth berthens and charges But and they be veray berthens and charges fendes bere hem that men maye be so begyled For one prestācius told that suche an happe befelle his owne fader that he toke suche venym by these in his owne hows and lay in a bedde as he were slepyng and no man myght hym wake but after many dayes he awoke and told as it were a sweuen how hym was bifalle for hym thought that he was ma¦de an hors and bare corne among other beestes to knyghtes that were at Rethica and it was founde right as he told it was done in dede / ¶ He sayde also that he sawe a philosopher at home in his hows. whiche philosopher expowned to him many secretes of platoes bookes whiche thynges he had boden hym expoune bifore and he wold not and whan me axed of the philosophre. why he wold expowne in an other mannys hows. that he hadde denyed in his owne: nay quod he / I dyd not so but I mette that I did

¶ And in that maner by the ymage and lykenesse of fanta∣sye it was shewed to that one wakynge what that other mette in his sleepe Therfor that the Orchades torned in to wolues by wytchecraft of Cirta. me semeth it myght be in this maner / Nethe¦les yf it were soth but for dyomedes felawes vanysshed sodenly away & were neuer after foūde me troweth that wycked angels toke wreeche on hem and torned hem in to other fowles that we∣re made and brought theder by crafte of men As it is knowen that an hynde was brought in stede of ephigenia Agamenons doughter and she was ladde away The fowles that at dyomedis temple that spryngen water and flateren the grekes is by exci∣ting of the deuyl to bryng men in wytte to bileue diomede be ma¦de a god and soo begyled in worshipyng of fals goddes ¶R Loke moore of this mater in the first book capitulo hibernia / ¶ Girald{us} in top ¶Fendes and wycked men may not chaunge kynde but by suffraunce of god / they maye chaunge lykenesse & shappe and lette mennes wyttes and begyle men so that thyng••s seme not as they be but by strengthe of fantasye and of wytche crafte men haue semyng by feyned shappes / But it is not vn∣sytting that we trowe that god as he maketh thynges of nought so he chaungeth one in to an other for to take rightfull wreche / owther for to shewe his myghte or mercy. So he tourned Lo¦thes wyf in to an ymage of salt and water in to wyne / owther chaunge the lykenesse without and leue the kynde vnchaunged within·

¶ Abdon ¶ Capitulum 26

AFter the destruction of Troye eneas with his fader anchi∣ses and his soune ascam{us} with twelue shippes come in to Scicile and there Anchises deyed / than eneas wold haue sailled in to Italye but tempeste. droof hym in to Affryca / there he was right wel byloued of dydo / the quene / But soone after he forso∣ke and lefte dido and came in to Italye R ¶Yf it be soth that Trogus & papie and other wyse men wryten this quene dido buylde Cartage thre score yere and twelue bifore the buyldyng of the cyte of Rome· that was buyld the fourth yere of Achaz kynge of Iuda / Than is it truth that Eneas sawe neuer dydo the quene of cartage / For eneas was bifore and dyed thre hon∣derd yere and more er cartage was buyld· And so meaneth & wryteth seynt Austyne primo libro confessionum in fine / And seyth that wysemen denye that Eneas sawe cartage Hugo Capi¦tulo Elissa / This Dido was callyd elyssa that is vyrago a man∣ly woman for hap that felle afterward for she slowe her self mā∣ly Trogus libro octodecimo Atte laste this Elyssa Pigma∣lyons doughter whan she shold haue be compelled of the peple to take an husbond / she went in to a greet fyre that she had / made & so she slough her self manly & was long after worshipped for a goddesse Mar Than eneas cam in to Italye and was confedred and sworn to kyng euander that tho regned in seuen hilles / these two faught and warred ayenst latyn kyng of Latins and t••r∣nus kyng of Tuscan kyng latyns doughter husbonde / ¶ In that batayll pallas euandres sonne and turnus were slayn ¶R Netheles Trogus libro .43 wryteth that eneas in his first comynge fonde so grete grace with kynge Latyn that he entred in to a partye of the kyngdome and wedded lauyn kyng laty∣nes doughter. that was turnus spouse And so bothe Latyn and eneas confedered to geder· toke katayll ayenst turn{us} for the gyle∣ful maryage of ••••uyn / and latyn and turnus were bothe deede in that bataylle. And eneas afterward was kynge of eyther kyngdome of latyns and of Tuscans. And buyld a cyte and cal¦led it the cyte lauinium by the name of his wyf. and warred afterward ayenst the kyng of mescene in Tuscan & in that bata∣ylle Eneas was slayne and lefte after hym his sonne Ascanius that he had goten on creusaat troy Ysidorus eth Iulus was Ene¦as sonne & heete first ascanius by the name of a ryuer in ••••rigia

that so heet and was afterward called Ilus by the name of I∣lus kyng of troye Hugo capitulo Iulus Afterward whan the kynge of mesenes was slayn in a singler bataylle of stal∣worth men than ascanyus was cleped Iulus for his ferst sprin¦gyng of berde that tho was first seen for the first spryngynge of berde is proprely called Iulus and is a name of twey sillables by cause of metre R ¶ Here take hede that but the yeres of Eneas regnyng be acounted within the yere of kyng latyn the acomptyng of this story shal faile for the story sayth that kyng latyn regned two & thyrtty yere & specially whyle eneas whan Troye was taken come in to ytalye the xxv yere of kyng latin as all historyes tellen· ¶ Trogus / 43 li· ¶Ascanius ene∣as sonne began to regne amonge the latyns & regued .xxxviij / yere. and lefte the cyte lauinium that his fader eneas had som∣tyme y buyld and buyld the cyte alban a long vpon the riuer Tiber That cyte was heede of that kyngdome thre honderd yere by the name of that Cyte kynges latyns were cleped kynges Albanes Reges Albani ¶ Eutrop / This Ascanius nonrys∣shed vp ful myldly his broder siluius posthumius· For he was born of his stepdame lauina after his faders deth and was cal∣led posthumus for he was born after that his fader was bury∣ed and was callyd Syluius for he was nowrysshed in a wode A wode is Silua in latyn. By his name the kynges of latyns were afterward callyd Syluyes ¶Ascanius whan he had reg¦ned / xxxviij yere he lefte the kingdome to siluius posthumus for his owne sonne Ilus was yet of tendre age so seyth marianus libro primo. ¶ Of this Ilus the meyne that be cleped familia Iliorum had that name· Sampson was Iugge in Israel / xx / yere. in his tyme befelle that that fables tellith of vlyxes of gre¦cia· how he fledde scilla & syrenes therof speketh palefatus. libro primo Incredibilium and sayth that Scilla was a woman that vsed to robbe her gestes & sayd that Syrenes be comyn wymen that begyled men that saylled on the See Also that tyme ores¦tes slough Pirrus of Egypt in Appolyn delphicus temple / ¶Also somme saye that Omerus was that tyme but to speke of his tyme old men discorden for somme saye that he was an hon∣derd yere somme an honderd yere & fourty Somme an honderd yere & four score· somme two honderd yere & fourty after that Troye was destroyed & somme trowe he was bifore Troyes des∣truction Hiderto the book of Iuges liber Iudicum accompteth

thre honderd yere vnder twelue Iugges

¶ Hely ¶ Samuel ¶ Capitulum 27

HEly the preest after Sampson was Iugge in Israel / xl yere so seyth ysidorus libro quinto and Iosephus libro sex∣to But the seuenty sey that hely was ouer the peple twenty yere In his tyme felle a greet honger in the lande of Israel / And the storye of Ruth that was of moab felle· Hectors childer toke Ili∣um that is troye and put out Anthenores ofsprynge by helpe of helen{us}priam{us} sone silui{us} posthum{us} eneas & Ascani{us} his broder geten on his stepdame lauina was the thyrd kynge of latyns & began to regne and regned nyne and thyrtty yere in the whiche yere Brutus Siluius sonne that was ascanius sonne occupyed bretayne as storyes rehersen. It semeth that historyes discorden that telle of this brutus fader for thystorye of brytons sayth that this brute was siluius sonne the whiche siluius was Ascanius sonne But thystory of Rome sayth that Ascanius gate Iulius of which cam th•• meyny familia iuliorū & maketh no menciō of Silui{us} then if this Iuli{us} had twey names & was cleped silui∣us also that one of historyes fayllyth / for me sayth that this bru¦te whan he was fyften yere old slough his fader at huntyng and alle historyes acorden that Siluius posthumus was eneas sonne and not ascanius sonne and lyued long after vnslayne and reg¦ned also than it is soth that this siluius posthum{us} was not bru∣tes fader but vpon case for thystory of Rome seyth that ascanius after eneas deth norysshed vp tendrely Silui{us} posthum{us} / therfore he is acompted his fader· Herto I wold assente withonten doub¦te / ner that me redeth that siluius was slayne of his sonne Bai¦te T ¶ Ganfr This brute slough his moder in his birth and his fader afterward at huntyng whan he was fyften yere old Therfor he was put out of ytaly•• and went in to grece and there by helpe of the troyans he ouercome pandrasue the kyng of grece & wedded his doughter Innoges· he delyuerd the Troyans and saylled thens and had answer of the goddes and landed in af∣frica / then he passed the auētur•• of philenes the lake callyd lacus salinarum the salt lake / the riuer malue and hercules pilers. and cam in to the see Tiren and founde there corneus and went in to Gyan and ouercome there Gopharyus Duc of Peytowe and Turnus Brutus nenewe was slayne at a Cyte callyd turon

owther Turon by his owne name· And than brute had good wynde and saylled in to brytayn and helde britayn atte clyf of Totenes in Cornewayle and was first kyng of brytayn all hole and destroyed the geauntes that dwellyd there in and cleped the Ilonde Brytayne by his owne name and called his felawes Britons and bitoke cornewayl to corneus and buyld a Cyte & called it Trinouantuin as it were new troy that cyte now is cal¦led london and is vpon Temse Brute bigate thre sonnes Lo∣trinus camber and albanactus and dyed whan he hadde regned four and twenty yere in the yland / The kynges of Scicions fail¦led whan they had regned an honderd yere thre score and twey∣ne. ¶ Samuel after hely was Iugge in ysrael twelue yere soo seyth Iosephus libro octauo / Netheles the scripture speketh not therof from his tyme began the tymes of prophetees tempo∣ra prophetarum· And in his thyrdde yere dauyd was born Pe¦trus This Samuel ordeyned first company of clerkes in que∣res for to singe and than me sayd that they prophecyed that is to meene they worshipt god besyly Afterward Samuel was Iugge in ysrael vnder Saule echten yere / Lotrinus brutus el∣dest sonne began to regne as it were vpon the south see to the Ry¦uer of humbre and named that partye of the ylonde loegria that is englond as it is sayde in the first book in the chapytre of Bri∣tayne / But Albanactus was slayne and camber dyed And lo¦crinus after that he had regned twenty yere was slayne also in batayll that his wyf Gwendolena made ayenst him by cause of a strompete called estrilda And Gwendolena regned after her hus¦band fyften yere

¶ Saul ¶ Capitulum 28

SAul of the lignage of Beniamyn was the firste kyng of Ebrewes and regned tw••nty yere / so seyth Iosephus of the whiche yeres the scripture speketh not / Petrus / For Saul regned xviij yere whyle that samuel lyued & two yere after his deth The .iiij. kyng of latyns Eneas siluius was posthum{us} sone and began to regne and regned xxxj yere R In somme histo¦ryes posthumus brother latynns siluius is sette the fourth and this eneas is sette the fyfth but in this place eneas is sette the fourth / The xvij duc of Ath••ne Codrus melautus sonne began to regne & regned one and twenty yere after his deth kynges

of athene faylled ¶ Augustinus libro octodecimo capitulo 14 The peloponens men of thessalia rebelled ayenst them of Athene. Than was answer yeuen of goddes / that on whether side the duc were slayne that side shold haue the maystrye ¶ Therfore the knyghtes were charged ouer all thynge to take good kepe of kyng Codrus· Netheles Codrus toke a pore mannes clothyng & a byrthen of Fagottes on his neck and entred in to the strength of his enemyes. and ther was stryf arered amonge the peple and a knyght slough hym· that he had rather wounded with an hook whan it was knowen that coreus went awaye without bataylle and the Athenes were delyuerd / Codrus hadde leuer dye and his men haue the maystrye than lyue and his men be oue••come After his deth the comonte was gouernyd by maystrys for there was no lawe but lykyng of lordship vnto the tyme that Salon the noble maker of lawes was chosen Iugge Maddan Locti¦nus sonne by Gwendolena geten regned fourty yere amonge the britons and bigate mempricius and maulus / the Amasons maken warre in Asia saule & his childeren ben slayn in the hill mount Gelboe and soo endeth the thyrd age of the world from the byrth of Abraham to the kyngdome of dauyd ¶ Ysidorus libro quinto Seyth that the third age of the world conteyneth nyne honderd and eyght & f••urty yere by fourtene generacions But eyther translacion sayth that the thyrdde age of the world conteyneth nyne honderd yere and two and fourty R¶ This dyuersyte befalleth for ysidorus sayth that Samuel and Saul ruled the peple fourty yere ¶ Netheles Iosephus libro octa∣uo and the maister of the storyes acorden that Samuel reuled the peple allone twelue yere and after hym Saul regned ·xx· yere

¶ Dauyd ¶ Salamon ¶ Capitulum 29

DAuyd of the lignage of Iuda was the second kynge of Hebrewes & regned fourty yere first seuen yere in ebron vpon Iuda al one & after thre and thyrtty yere vpon all israel ¶Latynus Siluius the fyfth kyng of latyns regned fyfty ye¦re The second Ixyon kyng of cormth̄ regned xxxviij yeres Andonycus buylde the cyte ephesus / And Salamon is borne ¶Psidorus libro quinto Cartage is buyld ¶ Petrus

Somme wol meene that carthedon Tirius bylde cartage / And other wryte that his doughter dido buylded it ¶R And yf ther were but thre score yere and ten bytwene the byldynge of cartage and of Rome as Trogus and papias acorden· than it se¦meth that cartage was buyld about the first yere of Ozias king of Iuda as it is sayd in the first book of the prouynce of Affri∣ca capitulo numidia. Galf•• and Alf•• Menpricius the fifth kyng kynge of brytons regned twenty xere This cleped his broder for acorde and slough hym and toke the kyngdome with strength and vsede tyrannye in the peple and bigate on his wyf a noble yong man called Ebrancus & forsoke his wyf atte laste & vsed zodomye as a shrew shold but atte last at huntyng he was eten of wolues ¶ Dauid the kynge. dyed the xxix day of december at the tour of Syon in Iherusalem and was buryed therwith grete rychesse of the whiche rychesse afterward hircanus the bis∣shop yaf antioch{us} demetri{us} sone thre thousand talentes for to goo from Ierl̄m / Treuisa / A talent is a grete weyght & ther be thre man talentis the lest is of / l. poūde / the middel of ·lx / score pond & twelue / the moost of an / C. poūde and twenty / Sequitur in histo∣ria / This dauyd while he had peas made songes & ympnes som of thre metres & som̄e of v & made also organs of dyuerse man & other instrumētes of music in which the dekenes shold say ymp¦nes and songes & four men maystres ouer other / Ema•• in the myddel Asaph in the right syde. ethan in the lyft syde & edythim to ouer see the symbals Also ther were xxiiij bisshopps & had vnder hem four and twenty preestes four and twentydekens & four and twenty porters· the thyrdde part of hem serued in the temple and the m••ene tyme the other two partes ordeyned for her own hows / Salamon regned in ysrl̄ somwhat of yeres while his fader dauid was a lyue / the whiche yeres ben acompted to da¦uid & not to· salamon / & after that his fader was deed he regned xl yere· Also Ierom in epl̄a ad vitalē presbiterū· sayth that sala¦mon whan ••e was xj yere old gate a sone on pharoes doughter Also me redeth of achaz the kyng y^t gate a child whan he was xj yer old / also this salamō whan y^t he had slayne Ioab semey & ado¦nyas & whan he had receyued wytte & wysedom of god in the hill & yeuen dome of the two strompettes / he cast in his hert to doo thre thynges· fyrst bylde a temple to almyghty god / a kynges pala∣is to him self / and to walle Iherusalem with thre wallys / within the first walle dwellyd preestes & clerkes that serued in the tēple

and the kyng & his houshold within the second wall woned stal¦worth men and prophetes and within the thyrdde wall were in∣habyte with comyn peple and craftes men / Salamons mete was euerx day / xxx / chorus of ter floure & lxxx chor{us} of mele / x / fatte oxen & an honderd weders / withoute veneson pultrye and wylde foule. Chorus conteyneth the mesure of .30 / busshels Salamon wrote also thre bookes that one is called Parabole salamonis & prouerbia also / the second heete ecclesiastes· the thyrd cantica can ticorum / He disputed also of kynde of trees & of herbes. from the cedar that groweth in the woode Lybanus / vnto the ysope that groweth oute of the walles· Also he told moche philosophye of the kynde of beestes / He foūde vp also halsyng & coniurisons for to slake sekenesse and other for to caste fendes oute of men· that they combred / Also he founde vp figu••es and pryntes to be gra∣uen in precious stones that shuld with the rotes of somme herbes be holden to the nose thrylles of men that hadden fendes within hem and put out the fendes / This craft was moche vsed among the hebrewes bifore the comyng of crist Therfor Iosephus libro octauo sayth that he sawe Elyazarus the coniurour in presence of Vaspas••an the Prynce helede men that hadden fendes with in hem / in this maner he put a vessel with water to the mannes no∣se and heet the fende / that he sholde ouertorne the vessel whan he wente oute· and so it was done / ¶ Also Salamon. to fynde a spedeful craft for to clense and cleue stones / he enclosed a struc¦tion bird in a glas & the struction brought a worme that heete Thamyr oute of wyldernesse and touched the glas aboute wyth the blood of that worme / and so brak the glas and delyuerd his bird ¶Than the first yere of salamon was the outgoing of that nacion Ionica of Lacedemonea Omerus was in that pas¦singe· Ionica is a nacion of grekes ¶ The fourth yere of Sa∣lamon the second moneth that was four honderd and four score yere after the goyng out of Egypte salamon began to buylde the temple & was seuen yere in buyldyng and signefyed holy chirch & the viij yere the temple was halowed & had in length an C cu¦bites & xx / in brede thre score & in heyght xxx / ¶ In this temple was so moch gold that whan the romaynes sette it on fyre ther ran a streme of gold of nayles molten in to the brooc called tor¦rens Cedron. Also that yere the quene of Saba come for to here the wysedome of Salamon ¶ Petrus ¶ Me sayth this que¦ue sawe a tree in the temple on the whiche tree / one shulde

be an hanged / and by cause of his deth the kyngdome of Iewes shold be destroyed· the quene warned salamon. and anon the tre was throwen in to a depe pyt vnder erth & how it fleet aftward aboute Cristes tyme in a pond called probatica piscina / it is vn∣certayne. Me troweth that this tree· was the rood tree Gaufr / Ebranc Nempricius sonne was the sixth kyng of brytons and regned sixty yere / this man was both fayre and stronge and on one and twenty wyues he bigate twenty sonnes and thyrttye doughters. The fayrest doughter of alle was gwalaes / Hebranc sende thes doughters to Albia siluius kynge / for he wolde haue hem maryed to the bloode of troye bycause that the wymmen Sa¦bynes fledde the beddes of the latyns Also Ebranc by leding of Assaracus occupyed a party of germania Ebranc beyonde humbre bylde that cyte of york in the marche of northumberlond and of scotland / he ordeyned the cyte alcluyt ¶ And he buylde within Scotland the castel of maydens that now is called eden borgh / ¶Afterward he sayled in to Fraunce with a greet nauye and come ayene wonderly ryche / Alba siluius the sixth kyng of l••tyns regned nyne and thyrtty yere

¶ Roboas ¶Abdyas ¶ Asa Capitulum 30

ROboas Salamons sonne regned only vpon twey lygna∣ges Iuda and Benyamyn echten yere so seyth Iosephus libro octauo Capitulo quinto / and seuenten yere as other wryten Roboas forsoke the counseyl of old men / and was ruled by the counseyl of yonglynges· that tyme Ieroboam Nabathes sonne regned in Samarya vpon ten lygnages of. Israel xvij yere / But Iosephus libro octauo capitulo septimo Seyth that he reg∣ned two and twenty yere ¶ This nabath for the peple shold not tourne her hert to her lord Roboam / whan they wente to doo sacrifice in· Ierl̄m he made twey calues of gold to be worshiped of the peple in dan & in bethel & so this nabath was cause of mau∣metrye in Israel· ¶The varyaunce in the countynge of yeres of the kynge of Iuda and of Israel may be determyned by that· that a part of the yere is taken for the hoole yere owther for somme kynges regned with her faders / er that they regned all one or for the kingdoms were otherwhiles without kynges

For the bookes of kynges were gadred of dyuerse wrytynges of prophetes / Therfore the begynnynges bothe of the kynges of Iuda and of the kynges of israel be dyuersly sette and therfor such discorde may not lightly be determyned. we trowe it happeth by defawte of the wryters that be oft begyled in nombres and in propre names ¶Treuisa ¶For we speke of the kynges of Iuda and of the kynges of Israel Here take hede that the ly¦ne or ofspryng of Iacobs childer were called the lignages of I∣srael / And soo the lyne or ofspryng of Iudas Iacobs sonne-was called the lygnage of Iuda & the of spryng of Benyamyn was called the lygnage of benyamyn and so of other ¶Dauid and Salamon were kynges of alle the lygnages of Israel but for Roboas Salamons sonne was hard and sterne the ten lyg∣nages forsoke hym and made hem a kynge by hym self / and cle∣ped hym the kyng of Israel for he was kyng of the more parte of israel Twey lygnages abode with Roboas the lygnage of Iuda and of benyamyn And for the lygnage of Iud•• was the worthyer lygnage / the kynge of thes twey lygnages was called the kyng of Iuda and criste come of the kynges of Iu∣da / Ioseph{us} li·8. ca / 5. Susac kyng of egypt spoiled & toke away the sheldes of golde that Salamon had sette in Iherusalem. Ro∣boas sette sheldes of brasse in her stede / Susac went and subdued Syria ¶Abyas Roboas sonne was the fourth kyng of Iuda and regned thre yere that is to say two ful yere and the thyrd dele of the thrid yere ¶And for he trusted in god he shold ouer come Ieroboam that faught ayenst hym and slough sixty thou∣sand ¶ Asa· the rightful Abyas sonne regned xlj yere and destroyed mawmetrye and clensed the temple and slough the kyng of egypt And atte last he had a greuous sekenesse on his feet and dyed. he had put a prophetes feet in the stokkis that had charged hym to doo right / Nadab Ieroboas sone regned in Isrl̄ two yere that is one yere & som what of that other. hym slough ba••a & regned aft hym xxiiij / yere / this slough Iehen the {pro}phete that time Ieheia ananias & asarias {pro}phecied in isrl̄ / egipp{us} silui{us} the vij kyng of latyns regned xxiiij yere / asa the kyng hyred be nadab the kynge of siria to lette basa the kyng that had bylded ••ama xl furlonges out of Ierl̄m / so that noman myght goo oute Brute grenessheld ebrāc{us} eldest son̄e was kyng of brytons xij· yer. capis silui{us} the viij king of latins regned xxviij yer & made capna / hela bases sone regned in isrl̄ / ij yere that is one hole yer &

somwhat of that other that yere zamry slough ela & regned for hym seuen dayes and whan he was deed the peple was departed and one part folowed zamry & the other folowed tebui Petr{us}

This steyf of this kyngdome endured thre yere and more for zamry began to regne the xxj yere of asa kyng of Iuda. and reg¦ned with tebui four yere And after tebui. he regned al one in I∣srael echt yere and soo he regned in al twelue yere Leyl brute gre¦nesheldes sonne regned in brytayn xxv yere / Achab zamryes son¦ne regned in israel xxij yere his wyf heet Iesabel· Iosaphath asas sone was rightful bifore god & regned in Iuda xxv yere / in his time {pro}phecied helias michias & abdias Ruthud••bras leiles sone regned in britayn xxxix yere & build thre noble cytees / caūterbu¦ry winchestre & shaftesbury / carpent{us} silui{us} the ix kyng of latins regned amōg the latins xiij yer. Ochosias achabs sone regned in isrl̄. ij / yere & had no sone but his brother Ioram regned viij yere after him vnto the second yere of Ioram the kyng & regned after that al one four yere / Ioram Iosephath kyng of Iudas sonne reg∣ned viij yere / in his viij yere edom went his way for they wold ot be vnder Iuda & ordeyned hem a kyng of her oune & helyas was rauesshid in to paradyse / the / x· kyng of latyns tiberius sil∣ui{us} carpentus sone regned among the la••yns viij yere of him the riuer tiber had that name / tiber that heet rather albula / achasias otherwyse called asarias Ioranis sonne regned in Iuda one yere Mathew rekeneth not this achasias ne his sonne Ioas neyther his sone amasias in the genealogye of crist by cause of her v••cio{us} & wicked lyuyng Iehu enoynted of helize{us} his child vpon isrl̄ slough achasias kyng of Iuda & Ioram kyng of isrl̄ & his moder Iesabel and achabs lxx sones & asarias king of iuda xlij brethe∣ren & all baals preestes & regned xxviij yere Atha••ia kyng asari¦as moder was achabs doughter & regned in iuda six yere & slough alle the kynges childeren of Iorams hows except Ioas Asari∣as sone for Achasias suster that was Ioyade the preestes wyf toke away that child and hidde him and norysshed hem priuely six yere in the dekens chambres with in the temple The xj king of Latyns Agryppa siluius regned among the latyns Ioas Achasias sonne regned in Iuda fourty yere and renewed the temple / bladud Ruthydibras sonne regned in brytayne ·xx. yere

Ganfr & alfrid writen that he by craft of•• Nygromancy made the cite caerbadō that is bath & made the hote bathes / R· Netheles wiliā malmesburi se••th y^t iuli{us} cezar brought vp thilk baths but

I trow it not as it is said rather in the first book capitulo de vr¦bibus Ioathas Iehues sonne regned in Israel xvij yere in his tyme helyzeus the prophete dyed & was buryed in sebasten that is Samaria· whan this helyzens was born in galgalis / One of the goldē calues that Ierobas had made lowed· & whan that was herde in sharp wyse a preest of Ierl̄m sayd. Now is a prophete born that shal destroye all the mawmetrye of Israel & Zachary as Ioiade the bisshops sonne was stoned to deth of kynge Ioas bytwene the aulter & the temple ¶ Oure lord in the gospel clepeth him barachias his sonne bycause of his myldenesse and goodnesse / barachias is as moche to saye as goddes oune blessyd sonne / Leyth bladudis sonne regned in britayne sixty yere and buylded leycestre vpon the ryuer soray & gate thre doughters so sayth the brytissh booke / Ioas Ioathas the kyng of israels sonne regned in israel seuenten yere / the xij kyng of latyns aremulus siluius regned amonge the latyns xix yere

¶ Amasias ¶ Capitulum 31

AMasias Ioas sone regned in iuda xxix yer aft him the king¦dome of Iuda was without king xiij yere. Petr{us}. vpō caas me sayth y^t the kyngdom was voyde so long For amasias departed the kyngdome while he was a lyue / & his sonne a child of / iij / ye¦re old yet myght not regne & so it semeth for whan his fader ama¦sias was deed his sonne Ozias was but xvj yere olde whan he began to regne / ¶ R. Thes xiij yere in the whiche me sayth that the kyngdome of Iuda was without kyng somme storyes acompteth hem not other acompte hem amonge the xxix yere of amasias the kyng / els shal not so many yeres be founden ther as Eutropius acompteth from the xxv yere of kynge latyn in the whiche yere Troye was destroyed vnto the buyldynge of rome that was in all four honderd xxxij yere Ieroboam Ioas sone reg¦ned in israel xlj yere / the xiij kyng of latyns euentin{us} silui{us} reg¦ned among the latins .xxxiiij yere. Ozias that heet asarias ama¦zias sone regned in Iuda lij yere / this kyng loued wele erth til∣lyng also this kyng wold haue taken vpon hym & entremeted of thoffyce of preest & was smyten with lepre or meselrye & half a greet hille claf and fell vpon his gardins Arbaces otherwise called arbactus the first kynge of medes slough Sardanapallus

the last kyng of Assyries and regned amonge the medes xxix / yere· And tho faylled the hool kyngdome of assyries that hadde continued from belus and ninus to the last sardanapallus a thou¦sand yere & .iiij·C / Nethehes after sardanapallus were myghty kynges in assiria vnto the destroyēg of nynyue though they were not ful & hool kynges / Trogus / li· p / This Sardanapallus was a man more wretche than ony woman. his stuard arbaces fonde hym spynnyng reed silk on a distaff in womās clothyng among company of comyn wymmen / for to to receyue sōme of the huyr Therfor arbaces toke greet indignacion & exited his knyghtes a∣yenst the kyng in conspyracye & atte last the kyng was ou{er}come& went in to his ryal place & brēt hym self with moch rychesse / R / Comētator / p / eth̄ / c / 14 ¶Sayde that one wrote on sardanapallus tombe in this man / so moch I had as I ete & drāk· And seint au∣styn de. ci· de / li / 2 // ca / 17. Vnderstādeth that sardanapallus hym self whiles he liued ordeyned that to be writen on his tōbe whan he was deed. for it was the man that tyme that kinges ordeined the wrytyng that shuld be writon on her tombe after her deth / the / xiiij· kyng of latyns procas siluius regned among the latyns xxij / yere / that tyme fidon foūde vp & yaf the argyues mesure & w••yghtes Trogus libro tercio Ligurgus kynge of Lacedo∣monies yaue lawe to his peple· the tenor of his lawes is thus The peple is enformed to be buxome to the prynces and the prin¦ces to doo the people right and reason· he techeth al men to be skyl∣fully scars or mesurable that the trauaylle of knygthode be not destroyed by greet wastyng and spendyng / ¶Al that shal be bought and sold shal be bought and sold not for moneye / but for chaungyng of marchandyse / he dyde away vse of moneye as it were matier of vyce or synne / He departed the gouernaunce of the comonte by degrees. and yaue kynges knyghtes power of batayls and to Iugges power of domes and to the Sena∣tours kepyng· and mayntenyng of the lawes and yaue the pe∣ple power for to chefe Iugges whom they wold· the land and grounde he dealed euen amonge alle men that egalyte of enhery¦taunce of londes sholde make hem al lyke myghty and stronge Her yonglynges sholde holde hem apayed alle the yere with one clothe· he suffred no man to be gayer than other / ne noo man to fare better than other of mete ne of drynk· He bade that childer of fourtene yere he sholde not vse hem in chepynge ne in feyres / but in feldes vnto they come to mannes age. Nothynge shulde

be sprad vnder theym when they shold slepe they shuld lyuewith out delicio{us} mete / maidēs shuld be wedded without endowing or yeftes for to constrayne wedlok the faster whan noo wedlock were bound with bridels of endowyng He ordeyned that oldmen shold be more worshiped than ryche / he ordeyned no thyng to be hol¦den ef other men but as they wold hold it hem self / ¶ And for his cyte that was out of good reule & out of good lyuyng shold the rather come to rule and receyue the lawe· he feyned that ap∣polyn was fynder of this lawe / And for he wold that this la∣we sholde last euermore / he bonde the peple by oth and made hem hem swere not to chaunge this lawe til he came ayene / And fey∣ned hym that he wold goo to Appolyn delphicus and axe coun∣sel of hym yf ought sholde be withdrawe of this lawe or made moore Netheles he went in to Creta that ylonde and was there till be dyed and whan he shold dye he bade throwe his body in to the see / leste he were born to lacedomonia and the men that were sworn to his lawe wold wene that they were discharged of their oth Cranius the first kyng of lacedomonia regned there echte and twenty yere Ganfr ¶ Cordeylla kyng leyers dough∣ter after hir fader regned in brytayn fyue yere but atte laste her sisters sonnes morgan and cunedagius put hir in prison and cu∣nedagius regned in brytayn after cordeylla thre and thyrtty ye¦re he slough morgan that was rebelle ayenst hym in Glammorgā in wales and by cause of that happe that countrey is called mor¦gans lande / ¶ After cunedagius regned Ryuallo after hym Gurgustius siluius after hym Iago After hym kymnarchus after gorbodio he had twey sonnes fferrex and porrex· this porrex for couetyse of lordship slough his broder ¶ Therfor her moder was ful wroth and fylle with her maydens vpon the mansleer / whyle he slept and hakked hem all in gobbettes ¶ Afterward was discorde in the lond that greued the peple ful soore vnder / v kynges vnto molyuncius donwallons tyme / ¶The fyftenth of Latyns Amilius procas yonger sonne regned thre and fourty yere but his yeres be acompted with his broders munitors yeres Munitor procas sone was put out of his kyngdom by his owne broder amulius and lyued in his owne felde afterward and his doughter rea otherwyse callyd Etilia for she shold haue noo child was chosen to be a mayde in the temple of the goddesse ves∣ca And the seuent yere of hir eme amulius she bare tway childer at oo childyng Remus and Romulus. and she sayd that god

mars gate hir with child and therfor she was buryed quycke & the childeren were leyd in a woode & a woluesse that had loste hir welpis fedde ofte the childer & made hem souke of her owne tetes But faustulus the heord espyed this doyng & toke away the childer from the wylde beest and norysshed hem vp amonge his beestes with mete of wode and of feldes ¶ Than whan the the childer come to age and hadden wytt and strength they saued ofte the beestes from strong theuys but atte laste the theues toke Remus & brought hym to munitor for he shold punyssh hym as a thef that had stolen his beestes And whan munitor toke hede of the shap of the child he aduysed him long and bythought him how his doughter childer were layde somtyme in the wode Than in the mene tyme come fastulus the herd and brought with hym Romulus Thenne after whan munitor knewe that the childe∣ren were his doughter sonnes he and the childeren entended to slee his broder Amulius Eutr ¶Faustulus the heorde that kept the kynges beestes fonde twey lytil bretheren leyde by the brynke of the ryuer tyber & brought hem to his wif y^t was callid acta laurencia & for hir fayrenes & concupyscēce of her disordina¦te lust she was called lupa in latyn that is a woluesse in englissh And therfor the hows of comyn women is called yet lupanaria in latyn Thes childer Remus and Romulus waxed strong and gadred to hem many heerdes and theues and slough amu∣lus vpon the Ryuer Alba and restored her grauntsir munitor to his kyngdome ayene ¶Martinus· ¶ Netheles whether that woman was called lupa or noo the old wrytyng in marble & in other stones at Rome sheweth yet / that a woluesse fedde the twey bretheren with hir mylk / a woluesse is lupa in latyn Zacharias Ieroboams sonne regnede in israel sex monethes hym smote Sellum Iabes sonne and regned oo moneth Petrus by veray acomptes owther the kyngdome of Israel. after the deth of Ierobam was thre and twenty yere without kynge owther this Zacharyas began to regne the xv yere of Ozias and so reg¦ned all thylk thre and twenty yere that be not acompted to him for al that tyme he lyued a wycked lyf and for he amended him and lyued s••x monethes good lif therfor sex monethes be acomp¦ted to hym in the xxxviij / yere of Ozias Manaen gaddyes son∣ne regned in israel ten yere ¶O••ors yaue the egypcians lawe in his tyme a lamb spak and told redy tales The lacedomo∣nies arayed bataylle ayenste the mecenes and atte laste were

agreued by playntes of her wyues for they were so longe from home & ordeyned that the womē that were lefte at home euerych sholde take many men for they hoped in that maner to haue the strenger childern ¶R Loke more herof in the firste book capitulo grecia scilicet lacedomonia ¶In corinthy were euery yere ordey¦ned Iugges in stede of kynges ¶ The first Olimpias began that tyme so feyth Eusebius in his Cronyke This yere phace∣as manaens sonne began to regne in israel and regned two yere

¶ Ioathan ¶ Capitulum 32.

IOathan Iosias sonne regned in Iuda sexten yere· In his firste yere Phacea Romelyas sonne began to regne in Israel and regned twenty yere ¶This firste yere of Ioathan as Iosephus and the history of Affryca and beda tellen after four honderd yere and six after the destruction of Troye the first Olimpias was ordeyned by the Iliensis vnder Escilis Iugge of Athene in the whiche Olimpias corebus of athene was the first vyctour / Hugo ¶ Olimpus is the name of an hill in grecia atte clyf named acten that hille is called olimpus for myrth & clerenesse of weder that is ther as it were the myrth of god Ther the Ileens haue theyr tornamētes frō iiij yere to iiij yere so that four yere was bytwene the tornoyes in the whiche four ye¦re princes be ordeyned and chosen & that space of four yere is cle¦ped Olimpias Isichus praxomdys sonne ordeyned first Olimpi∣as / R / The Olimpias begynneth atte styntyig of the sonne in the wynter that is whan the day is shertest for the grekis begynneth her yere than Hugo ca / Olimpus ¶ Olimpiades be playes or∣deyned vnder the hylle Olimpus in worship of Iupiter· In the whiche playes who that hath the maystrye shal haue what he wold axe and was holden ones in fyue yere lest it shold be for∣yete and it were lenger forborn and for it shold greue men with grete cost yf it were ofter vsed ¶ Theglathphalazar kyng of as¦siria wente vp in to Israel and destroyed the countrey beyonde Iordane and toke prisonners twey lygnages of Israel and an half. and ladde with hym to Assiria / And that was the begyn∣nyng of the thraldome of the ten lignages of Israel ¶Pol. li / octauo ¶ Ierom sayth that this kynge of Assyria hadde fyue

names salmanasar Senacherib phulle Theglathphalazar. Sar∣gon. therfor it is no wōder though this king be named in dyuse storyes by dyuerse names. R· Now somme wol meane that these names be names of dyuerse kynges that regned in Assiria after Sardanapallus euery after other as arbaces phul theglathpha¦sar Salmanasar senacherib Assaradon Sargon / After hym the greet kynges Merodac and other vnto Balthazar regned in ba∣bilonia vnto darius· Cirus torned hir kyngdom to the perses the•• for after Sardanapallus that was the last hole kyng of assiria come kynges euerych after other and warred with nacions that dwellyd aboute hem for to rekeuer worship and dignyte and brought the ten lygnages of israel in seruage and regned vnto Ezechias tyme kyng of Iuda / whan senacherib fledde oute of Iuda and was slayn of his owne sonnes in the temple

¶ Achas ¶ Capitulum 33

AChaz Ioathās sonne regned in israel xvj yere in his .iiij· yere Rome was ful buyld in the hille Palatynus of the twey bretheren twynnes Remus and Romulus the .xxj. day of Apryll in the begynnynge of the vij Olimpias from that yere is the kyngdom of Romulus acompted xxxix yere Mar¦tinus ¶Me redeth that this kynges regned longe bifore aboute that place in ytaly & specially Ianus Saturnus Picus Faun∣us and latynus regned vnto eneas aboute two honderd yere

R. ¶Than from eneas to this Romulus / Italye was vnder fyften rectours four honderd yere and two and thyrty· And after that from that the cyte was buyld to the last yere of tarrquini{us} the proud me regned at rome vnder vij kinges abou•• two honderd & four & fourty yere And afterward vnder Con••suls vnto Iulius cesar four honderd and foure and fourty yere ¶Entr Than while romulus regned his leder fabius slough remus Romulus broder with an heordes raak Marc ¶I not yf that was done by his broder wylle / the cause of his deth was thus Remus sayd that a sengle wall was not strength ynowe for the new cyte and for to make that good / he lept ouer the wal¦le at oo lepe F ¶Titus ¶ For thise bretheren twynnes were of one age they put vpon dyuynyng whether of hem shold rule the cyte that was buyld as the older and gretter mayster /

Than whan they were in the hille Auentinus seuen fowles she¦wed hem to remus that he callyd vulters and afterward suche two that were fourten vulters shewed hem to Romulus / than they stryued and eyther sayd that he had the better diuinacion of foules Remus for he had firste and Romulus for he hadde the more nombre and so Remus was slayn in that strif Marc But the more comyn sawe is that remus was slayn f••r he lept ouer the new walles of Rome Entr ¶Than Romulus the first of the Romaynes for by his name the latyns were cleped Romaynes and he named the cyte after his owne name and ga∣dred peple al aboute and chasse an honderd of the eldest and wy∣sest and did all thyng by her counseyll and cleped hem senatours by cause of her elde or age for senex in latyn is old in englysshe and he named hem faders by cause of the charge and kepynge that they had And he made her names be wryten with lettres of gold And therfor they were cleped faders wryten / He chees a thousand werriours and called them milites by that nombre mille that is a thousand / Milites be knyghtes in englysshe ¶ Titus And whan Romulus had gadred to his cyte a gret multitude of flemed men of mysdoers and heordes and of vnwor∣thy personnes than men that dwellyd aboute hem helde hem but harlottis and wold not yeue hem her doughters to wyues / for they were so vnworthy. Than Romulus satte vp games and prayd all the nacions aboute to come and to see· And whan they were comen the Romaynes rauesshed her maydens the fairest mai¦de of alle was yeuen to duc thalassus Therfore in weddynge of Romaynes me cryed thalassus R ¶ Austyn de ciuitate dei libro tercio capitulo vndecimo ¶ Seyth that Titus lyuius treateth how by cause herof was werre long duryng bitwene the sabines and the Romaynes ¶Atte last whan the Sabynes fyll one tarpenis doughter made couenaunt with tacius kyng of Sa¦bines that she wold delyuer to hym and to his men the· tour tor¦peya wher her fader was lord / So that the Sabynes wolde yeue her the broches that they bare on her lyft armes / of the whiche ouide maketh mynde libro primo de fastie The Sabyns entred in atte yates of Rome and brused and ouerlay that mayde wyl¦fully with sheldes that they bare on theyr lyfte sydes ¶Whan the romaynes herde that they arayd hem for to fight and faught till they were nygh destroyed· But the Romaynes wyues that were the Sabynes doughters went with her herr spradde and

childer on her armes wepyng bytwene the shiltrons and cryed peas and made peas so that her kynges shulde regne to geders an•• the peple shold putte her owne names bifore the names of her felawes but the name of the kyngdome sholde leue to the ro¦maynes Eutr Therof it come that euery romayne hadd af∣terward twey names ¶But sone after tacius kyng of sabins was slayne by assent of Romulus that semeth wel For he ma∣de no sorowe for hym neyther toke wreche but he graunted hem fedome that did that dede R ¶Titus lynius and other wry∣ten that whyle Romulus tolde his peple atte water of capne he was couerd and heled with a thykke c••••wde ¶ But Austyn de ciuitate dei libro tercio capitulo 13 ¶ Vnderstondeth with other as it semeth that Romulus was smyteij with lyghtynge and al to dasshed so that nothyng of his body myghte be founde Or as sōme Romaynes wryte he was al••o haled and drawen of his owne Senatours for his cruelta ¶Than one Iulius proculus that was at greete worship amonge the Romaynes sayd that Romulus appered to hym in his sleep and hight hym and the Romaynes that they shuld worshipe Romulus in stede of god and clepe him quirinus for he vsed a spere and a spere 〈◊〉〈◊〉 called quyris in the langage of Sabyns and therfor knyghtes of ro∣me be cleped quyrytes as it were ••pere men ¶ In this manere the peple of rome were lette that they slough not the Senatours for the deth of Romulus. And namely for that tyme fylle the eclypps of the sonne Therfor the Romaynes wende that the son¦ne had be sory for Romulus deth ¶Augustinus de ciuitate dei li. decimo octauo capitulo quartodecimo· In Romulus time was Tales millesius in his floures the first of the seuen wyse men Ysidorus libro secundo ¶ This tales was the firste that serched naturel philosphye causes and worchyng of heuen kynd of thin¦ges and afterward plato departed his doyng in four in Arse¦metrik geometrye music and astronomye ¶Pol̄ / ¶ This na∣turel philosopher and dyuynour serched kynde and vertues of thynges and warned and told bifore the eclypses of the sonne and of the mone and he trowed that moisture is the begynnyng of all thynges and me sayth that he lyued vnto the lxviij Olim¦piad Augustinus libro octauo ¶Tales disciple was Anaxi¦mander he chaunged the forseyd oppynyon and trowyng of his mayster a••d sayde that euery thyng hath his owne propre be∣gynnyng and causes wherof it is gendred Anaximenes herd

it by his owne name nummus. Ysidorus libro sextodecimo ca∣pitulo 17 ¶Pecunia cometh a p••cus that is a beste. For pecunia that is mony was first made of lether and of beestes skynne•• Afterward Saturnus made money of brasse with wrytynge ••¦boute ¶Atte last this numa made money of siluer and wro••e his owne name aboute / Therfore nummus that is a peny hath that name nummus of numa

¶ Manasses ¶ Capitulum ••••

MAnasses ezechias sonne began to regne· & regned lv / yere In his tyme sibill Erophila was in hir flowres in the yland 〈◊〉〈◊〉 ¶And· nychomedia in bythymia was buyld that was called somtyme Archacus Mida the ryche kyng of Fugi¦a dranck bloode of a boole and dyed Manasses an euyl kyng before god after that he had made the stretes of Ierl̄m reed with bloode of ppephetes. and made ysayas the Prophete to be sawed with a sawe of tree and ladde to pryson in to Babylon. yet at¦te last this manasses repented hym and wept and did penaunce and so by grace amended his lyf The hebrewes seyen that ysa∣ias while he was sawed without Iherusalem beside the welle siloe axed water / men yaue him none. than god from heuen sent water in to his mouth and so he yelde vp his soul•• ¶ Siloe is as moche to saye as sent Isaye hadde prayd and it was graunted of god in the sege of Iherusalem that men of the cyte that wente theder shuld fynde the water. and enemyes myght ther no wa¦ter fynde. In mynde of that dede the peple buryed hym vnder an ook called quercus Rogel faste by the water of Siloe / Kynges seaccen at Athene and Iugges be ordeyned to rule the people ¶Tullius hostilius the thyrd kyng of Romaynes regned two and thyrtty yere Eutr ¶This was the first kyng of Romay¦nes that ware p̄pure a maner reed clothyng of kynges and brou¦derd and Ryueld and after long pees he arayd batayls and ou{er}¦come the Albans & the fidenates / and atte laste he was smyten with lighntyng in his owne hows and soo he dyed / Augusti∣nus libro tercio capitulo vndecimo From Ascamus tyme to r••¦mulus the heede of the kyngdome lefte with Albans / whan the Cyte was byld was greet s••ryf and long bitwene the romaines

& the albans· the ende of the stryfe was put vpon thre knightes on that one side & iij knightis on y^e otherside / so y^t of whether side the knyghtes ou{er}come other that side shold be hede of the kyngdom Tha•• on the romaynes side came to geder thre knyghtes euery of them wa•• callyd Oracius & were borne at one byrthen / And on the Albans syde cam also to geder thre knyghtes euery of them was called curiacius and were also born at one byrthen These thre curyacies of the Sabyns side first slough tweyne of the ora¦cies of the Romaines side than the thyrd Oracies sawe that he was left allone in right grete perill he feyned for to flee that he myght sodenly fall vpon the thre whan they were departed & vn¦ware purposyng to take his auantage and so it was done· For they ran after hym vnwysely euery after other and he slough euery by hym self as they cam to his hande eche after other Therfore the heede and the name tourned to the Romaynes of the kyngdome ¶ But Oracius sister that was spoused to one of the Curyaces sawe that hir broder had slayne and spoylled hir spouse she myssa yde her brother angrely for the sleenge of hir spouse therfor her brother was wroth and slough hir also ¶R This tullius hostilius had bataylle agaynst fydenates / And prayd metius kyng of Albans to come with him and as∣siste hym bothe for olde kynrede and alyance and for new coue∣naunt and frendship made after the deth of the thre curiacies ¶ But whan Tullius hostilius felle on his enemyes Metius withdrewe hym / netheles tullius had vyctory and toke metius kynge and drowe hym with horses and threwe downe the Cyte Alba and toke the men and Rychesse and sente hem in to Rome ¶Archilotus and Simonides the enchaunters were that tyme in her floures and the Cyte Bysans was byld in Tracia. that now is called constantynople Amon Manasses sonne regned two yere so wryte the hebrewes but the seuenty sayen that he reg∣ned twelue yere· ¶This Amon lyued an euyl lyf and was slayne of his owne seruauntes ¶R It may happe that bycause therof that the yeres of this age ben dyuersly acompted amonge dyuerse men and that the yeres from the buyldynge of the cyte passen by ten yeres the whiche ten yeres the seuenty put ten to Iosias Amons sonne a child of echte yere old beganne to regne and regned in Inda one and thyrtty yere This iosias the iiij yere of his regne corrected euyl doers as he had ben an old•• man and gladly herde the wordes of Deutronomij that is

this anaximander and sayd the eyer is cause of al thynges His disciple was Anaxagoras he sayd that the In wytte of god is maker of all thynges He taught Archelaus and democritus· And Archelaus taught Socrates and Socrates was Platoes mayster ¶Augustinus de ciuitate dei libro decimo octauo capi∣tulo visesimo quinto· The other s••x wysemen were in the tyme of the transmigracion of the Iewes Netheles they left no bookes after hem writ••n but they taught men by honeste of lyuyng· thes be the names of these wisem••n / Pitacus milytenus. Salon Athe¦niensis / chilon lacedemonius / Piriadrus Corinthius Cleobolus lidius byas Pien••us ¶Val̄ libro quarto capitulo primo In this tales tyme Somme ffisshers sold a draught of fysshes with the nett tho was drawen the golden meteborde that was in Ap∣polyn delphicus temple And bycause of that bord ther fylle strif among hem and the Fysshers sayd that they had sold the fissh that was taken And the myghtier seyd that fortune had bought the bargayne Than for wonder and nouelte of this doing me axed counseyl and reede of Appolyn delphicus and he demed that the borde shold be yeuen to the wyseste man Than the bord was yeuen to Salon and he sente it to bias and Bias yaf it to phitacus and so fro one to other til it was yeuen to Salon ayen Tho salon halowed the bord to appolyn / Os••e elaes sonne slough Phasee the kyng of Israel and regned for hym nyne yere And whan the nyne yere were doon the folke of israel were broughte in to seruage. that tyme myda the ryche kyng regned in Frigia

¶ Ezechias ¶ Capitulum 34

EZechias was the fourtenth kynge of Iuda. in his seconde yere the Cyte Siracusana and in his thridde yere the cyte Catina in Scicilia were buylde ¶ The kyng of Babilon wor∣shipped this Ezechias with yeftes· For he hadde herd telle that the sonne that they worshiped in stede of god· had torned ayene atte prayer of Ezechias / And so he vnderstode that the sonne had don the kyng grete worship / therfor he sente messagers with ryche yeftes / and desired to knowe the reason and cause of that wonder· Than Ezechias shewed all his tresorye ¶ Sena¦cherib otherwyse callyd Salmanasar was kyng of Caldees and

ouercome osee kynge of israel and beseged Samarya thre yere and gate it / ¶Also he toke ten lygnages that is to say the se∣uen other lygnages prisons in to the hilles of medes besides the Riuer gothan / Girald that is beyonde the hilles of caspy wher Alysaunder encluded and closed twey foule maner peple gog & magog / Antecrist whan he cometh shal delyuer thes people and bringe hem out / Also the Iewes abyden this antecrist and bile∣ue that he is Messias that is crist / Petrus in the first takyng in to seruage of the thre lygnages ¶ Me troweth that Tobye was taken and lefte with kyng Osee prysonner in Nynyue his story was fulfylled vnder manasses Ezechias sonne· owther atte moost the xx yere of Iosias the kyng / Than the kynge of Assy¦ryes brought men of dyuerse londes in to Samaria to kepe the lande of Israel / And they for drede of lyons that were cruel & styerne weren made holders of the lawe of Iewes and cleped Samarite and samaritani that be kepers. they be cleped also chu¦tei and Iacobites that be supplanters but they left not her mau¦metrye· Romulus dyed whan he had regned xxxix yere / as it is sayd bifore / and the Senatours ruled the comyns of Rome the space of an yere and half and space of tyme was callyd Int¦tempus as it were a tyme bytwene Numa pompilus began to regne· amonge the Romaynes and regned four and fourty yere· This numa had no batayll with men that dwellyd aboute hym he ordeyned to the romaynes lawes and good lyuyng For they semed rather by custome of batayls theues and tyrauntes law∣les This deseryued or departed the yere without redy. acomptes in ten monethes / Hugo capitulo Ianus ¶For the Romaynes as the hebrewes bigan her yere fro the moneth of marche vnto the tyme▪ of this pompilus but he putte Ianuar and februare to the begynnyng of the yere· and so the yere lefte amonge the Ro¦maynes incorrecte vnto Iulius cezars tyme / Eutr· Numa ordeyned ornamentes and serymonyes and all worshippes of god¦des bisshoppes dyuynes and mars preestes and other mynystres of presthode euery by due ordre and forboden dayes and other He yaf a temple to god Ianus and another with fire to the god¦desse vesta & her maydens to be worshipped that the lyght shold be warden of Emperye and wake and shyne to the lykenesse of ster¦res of heuen And numa sayd that he had all thes to the keping of the noble goddesse / Also he buyld the capitoyl and rered it from the firste fundement he ordeyned peny to his peple & cleped

〈1 page duplicate〉〈1 page duplicate〉

〈1 page duplicate〉〈1 page duplicate〉

moyses book of the lawe & destroyed mawmetrye with the high places Treuisa High places be templis that were in groues vpon hye totes or hilles to worship mawmettis in Than folo∣weth in the story This Iosias brent the bones of fals prophete•• and of fals preestes that worshipped and serued fals goddes / And helde the esterday in mynde of passage thurgh the reed see. And atte last he faught with pharao nechao kyng of Egypte & was slayn and lefte after hym thre sones Elyachym otherwyse called Ieconias Ioathas otherwyse called sellum and mathani as otherwyse called Sedechias ¶ Ancus marcius the fourth kyng of Romaynes Numaes neuew borne of his doughter by∣gan to regne and regned xxiij yere ¶This Ancus for the grace that he sawe in tarquini{us} prisc{us} / made hym warden of his he yres but he quyte it ful euyl / Ieremyas was Elchias the bisshops sonne & began to prophecye and prophecied xlj yere vnto the des¦troyeng of the cyte withoute that tyme that be prophecied in E∣gypte This Ieremyas sawe thre tokenynges a yerde waking a crocke brennynge and his owne bregyrdel y roted besides the riuer of eufrates. he made the lamentacions for the deth of Iosi∣as kyng of Iuda / Also that woman olda and sophonias the pro¦phete prophecied of them & is made mynde in the book of kynges Tarquinius priscus the fyfthe king of Romaynes regned seuen and thyrtty yere This priscus doubled the nombre of Sena∣tours / he ordeyned games and playes and made walles and vi∣ses and other strong places and pryuy and atte last Ancus son¦ne that was his precessour slough hym ¶ Titus •• Whan an¦cus was deede he sente traytously ancus sonnes an huntyng for he wold hym self be ordeyned kyng in the meene tyme Also he chees Seruius Tullius to wedde his doughter and to be his heyr after hym. therfor Ancus sonnes conspyred ayenst hym & hiered heerdes to slee hym / therfor the heerdes feyned a plee. & as it were to haue a rightful dome they appeled to the kyng In the whiche cause and plee whyle the kyng toke hede to that one / that other heerde slough hym / Ioathas Iosias myddel sone whā his fader was deed & his elder broder forsakē was ordeined by the peple kynge of Iuda & regned thre monethes / as it were from the first day of Ianuar to the first day of auerel ¶Pharao Nechao kyng of Egypt lad hym bounden in to Egypt and ma∣de his elder brother Elyachym kynge and Trybutarij to the kyng of egypte and cleped hym Ioachym in token of subiection

Than this elyachym that was so cleped Ioachym regned en∣leuen yere and lyued atte worst for he slough vrias the prophete and prisoned Ieremye and brent baruchis book

¶ Nabugodonosor ¶ Capitulum 36

THe grete nabugodonosor began to regne in Babyloyne / & regned xxxiij yere and ouercome the kyng of Egypt and occupyed the londe from the riuer of egypt to the riuer eufrates & was lord of all Siria withoute Iudea / Iosephus li / 10 ca / •• Sayth that this nabugodonosor in the fourth yere of his regne wēt in to iudea that is the Iewrye & wan Ierl̄m & toke Ioach••m prisonner & made him trybutary & left hym in the way netheles he toke with him prysoners noble childer that were descended of kynges. Anania / Azarias misael and danyel and ladde them with hym in to babilon with the vessel of the temple / ¶Fro that tyme forward this kynge Nabugodonosor was Emperour of caldea of siria of egypt and of Iudea that is the Iewry Pe¦trus Vnder that tempest and teone. the rachabites Ionadab / Rachabs sonnes childer that folowed her fader bestes and com∣maundementes and dranc no wyn ne sette vynes ne sewe sedes they went tho in to Ierl̄m to saue hem self / Ioachym the kynge herd tr••le that the kyng of egypt wolde efte fyght ayenst nabu∣godonosor and denyed hym trybute that he had promysed hym Therfor nabugodonosor was wroth and went and toke Ieru∣salem and kylled alle the strong men and Ioachim the kyng also and threw hem without the walles vnburyed and crow∣ned. ther his sonne Ieconias kyng ¶R Here we shal yeue cre¦dence to Ierom that sayth ther w••re twey Ieconias One in the ende of the forne fourtene generacions and another in the be∣gynnyng of the other fourtene generacions and so it may seme that the comune lettre of mathew is ful scars for vnlerned men to vnderstonde There he sayth Iosias gate Ioconias and his bretheren in the transmygracion of babyloyne for it shold be con¦tinued in this maner that meane and vnlerned men myght vn∣derstande ¶ Iosias begate Iechonias and Iechonias And Iochonias gate salatiel· & eyther Iechonias was called Ioachym so seyth Iosephus and the text must be vnderstande in this maner. in to the transmygracion that is aboute the tyme of

the tyme of the transmygracion Treuisa The transmigracion of Babyloyne was the takyng of the folke of Israel in to bonda∣ge in to babyloyne / Petrus / On the bodye of the elder Ioachim that was soo throwen withoute the walles / were founde lettres and fygures ayenst the lawe of god and the name of the maw¦mett codonasia that he worshipped Iosephus li· 10 ca / 8 Ie∣chonias otherwyse callyd Ioachym / Ioachis sonne was made kyng by Nabugodonosor & regned but thre monethes that was vnto the moneth of Iuyl For nabugodonosor drad hym· leste he wold haue mynde of his fader deth and holde with the egypciās ayenst hym / therfor he nabugodonosor / torned ayene & besieged Ie¦rusalem / And the kyng Iechonias by counseyll of Ieremye yel¦de hym wylfully with his moder and al his houshold to nabugo¦donosor / and so this Iechonias was taken prysonner and two ·M / prynces with seuen thousand craftes men among the which were mardoche{us} & ezechiel that was yet a child of the blode of preestes and soo this Iechonias otherwyse called Ioachym left in prison in caldea xxxvij yere til nabugodonosor was deed and his sonne nabugodonosor also & enylmerodach nabugodonosors other sone toke hym out of pryson Petrus 144 ¶From this transmygracion that was made the echt yere of the regnynge of Nabugodonosor some rekeneth thre score and ten of the bonda∣ge of Iewes. but proprely to speke thes that yelde hem wylful∣ly be cleped the transmigracion and other that weren y taken af∣terward ayenst her wyll be called prysonners and bondage Ma¦thanias Iosias thyrd sonne was ordeyned kynge of nabugodo∣nosor. but he was sworn that he shold serue him tributary & was also callyd sedechias and regned xj yere· Ioseph{us} li. 10 ca. 9 / Eze¦chiel began to prophecie & prophecied in babylon to hem that we∣re in bondage aft that they had takē the ••pl̄e of Ieremye the pro¦phete out of the lāde of Iuda & this ezechiel sēte his {pro}phecie in to Ierl̄m / but the king sedechias trowed not his {pro}phecies for him semed that the {pro}phecies of Ieremie & of ezechiel were not acor∣dynge / For al the Prophecies acorded that Ierusalem shold be taken and that the kyng shold be ledde away prisonner in to ba¦byloyne· But it semeth that they discorded in that that Eze∣chiel sayd that Sedechias sholde not see Babyloyne ¶ Nethe∣les ther sayng were true of both· For whan nabugodonosor toke Zedechias he put out his eyen in reblatha and ladde hym so in to babylon stark· blynde ¶ Salon one of the seuen wyse men did

away the old dragons lawes and gaf his own lawes to men of athene / R. Of this salon speketh seint austin de ci / d / li. 2 / ca 16· Agellus spekith more openly li / 11. & trog{us} pomp li· •• / in this ma¦ner In salons tyme men of Athene had no lawe for euery of them had lykyng of rengnyng in stede of lawe Atte laste sa••on a man of grete rightwysenesse was elect and chosen that wente so rightfully bytwene the peple & the senatours that he had thāk on either side· Val / li / 8 / ca· 7 / This at his last ende day whan his frendes came / aboute him & talked / he arered & lyfte vp his heed & bihelde hem / one axed hem why he did soo / he answerd & sayde / what euer it be that ye talke of whan I haue vnderstanden it / than I shal dye Danyel the prophete expouned Nabugodono∣sor the kyngis sweuen ¶ Here take hede that Danyel see ten sightes / thre vnder Nabugodonosor thre vnder balthasar the vij & the viij vnder darius / the ix & the tenth vnder cirus· Netheles other prophetes longe bifore the takyng of Iherusalem & of the peple prophecied of the takyng. and soo did ysaias osee michias and other whan the takyng was toward and while it was in doyng and soo did sophonias Ieremyas· & Ezechiel and somme durynge the takynge and the bondage as Danyel abacu•• and somme afterward as Aggeus and Zacharyas Yet somme vn¦derstand that danyel sawe that sight the fyf and thyrtty yere of Nabugodonosors regne Nabugodonosor beseged Iherusalem for trybute. was werned him ¶ The kyng of Egypt arayed hym and wente oute as though he wold haue broken the siege ¶Therfor Nabugodonosor went from the siege and chasede the kyng of Egypt out of Siria ¶ And therfor prophetes sones and fals prophetes scorned Ieremyas and sayd / the babilon shal not torne agayn as thou seydest & prophecidest / but Ieremyas seid the contrary and therfor he was first putte in prison and than in a lake in slyme vnto the throte / ¶ Than the same yere the tenth moneth Nabusardan prynce of cheualrye of Babyloyne· beseged Ierl̄m & the cite was closed thre monethes & for gret hon¦ger womē ete her own childer to the mesure of a span / That yere the iiij moneth the king was takē in y^e dawing in y^e way of wil¦dernes & brought to nabugodonosor in reblatha ther his eyē we¦re put out & he was boūdē & lad in to babilō & ther was yeuē to him a laxatif drink in presence of the kyng & of al the fest & for shame he died sone aft / Also that yere that was the xix yer of na¦bugodonosor nabusardā brēt y^e tēple & hous of Ierl̄m & destroied

the walles and toke away the vessel with the pilers & toke the men prisonners and toke Ieremyas oute of pryson. Netheles na∣bugodonosor lett Ieremias dwel with godolia and he let the ra¦chabytes goo fre and soo the temple was brente foure honderd and four and thyrtty yere after that it was buyld so wryten he brues / But more veryly ysidorus and the seuenty wryten iiij· / C / and four and fourty yere After the byldynge of Rome an honderd yere thre score and one ¶ The fourth age of the world endeth from the begynnyng of the kyngdome of dauid to this ta∣kynge of Iherūsalem and of the Iewes that is cleped the trans∣mygracion This transmygracion and taking was done the xj yere of Sedechias in the moneth of august and dured four hon¦derd yere thre score and thryt••ene sex monthes and ten dayes. by sextene generacions / Netheles mathew by cause of somme priue meanyng setteth fourten generacions but ysidorus and the seuē∣ty tellen that this age conteyned four honderd yere four score & thre And in case this discordyng of yeres happeth for the comyn translacion sayth that Amon regned two yere and somme seyne that he regned xij yere Therfor yf the xiij yere that the kyngdō of Iuda was without kyng after the deth of amasias be put to thes yeres. than the yeres of this fourth age shul be iiij C / lxxx and xvj

¶Explicit liber secundus /