Prolicionycion [sic]

¶ Incipit Liber vltimus (Book 8)

THenne folowyng this fore wreton booke of Prolicronycon I haue emprysed to ordeyne this newe booke by the suf∣fraunce of Almyghty god to contynue the sayd werk bryefly / And to sette in hystoriall thynges / suche as I haue conne gete / from the tyme that he lefte / that was in the yere of oure lord a thousand thre honderde and seuen and ••yfty vnto the yere of our sayd lord thousand four honderd and syxty and to the fyrst yereof the regne of kynge Edward the fourth /

¶ Capitulum Primum

IN the yere of oure lord a Thousand thre honderd eyght and fyfty in October Robert knolles a Capytayne of a greete companye of Englysshe men and other helde and had wonne many forttesses in Fraunce by Orleaunce in B••y∣tayne and in Normandye / And in the same monethe he lefte his garnysons / and cam to fore Parys / and there by toke a stronge place named Amblanullers / And they of Parys sente out men of warre ageynste them / but they were anone ouerthrowen and beten in to the toune ageyn / And dayly they assaylled the Frens¦shmen vn to the yates of parys / And helde them of Parys soo strayte that atte laste they were constreyned to bye that place of hym & to yeue to hym large moneye to departe / And after they destroyed many places in Champayne / And in Marche aft••r they toke the Cyte of Anserre and the Castel / At whiche pryse were made thre knyghtes / that is to saye Robert knolles / Tome∣lyn Fouque and another / whiche thre were Capytaynes of gre∣te Foyson of Englysshmen / And they pylled that toune / which̄ was Ryche as was sayd / They hadde as moche good and Ie∣wellys / as was valewyd to fyue honderde thousand motons of Golde / And the Raunsonne of prysonners of synguler per∣sonnes was an ouer grete somme / ¶ And whan the Englysshmen had seen the lordes of the toune and had pylled it viij dayes during / they said they wold brenne the toun so that they that were left dwelling in the toun agreeed to gyue them to

saue it fourty thousand motons of golde / and syxty perles va∣lewyd at ten thousande motons of golde / And that Englysshe¦men sholde bere aweye with them aboue that / as moche goode as they wold / excepte the Iewellys of the chirche of saynt Germa¦yn / the whiche they shold haue in pledge for theyr payemente vnto mydsomer / and as to the wallys / they sholde breke them doune / and brenne the gates / and soo they dyde /

In this yere of oure lorde a thousande thre honderd syxty / And fyue and thyrtty yere of the Regne of kynge Edward the thir¦de the pees was fynysshed and acorded bytwene bothe kynges af Fraunce and of Englonde / as it is afore sayd / And at al halowen tyde after bothe two kynges metten to geder at Caleys with bothe theyr counseyls / And there were shewyd the Arty∣cles and condicions of the pees and acorde / to whiche both party∣es agreed and promysed to obserue and kepe / where forthwith was songe a solempne masse / And after the thyrdde Agnus dei vppon goddes bodye / and also on the myssal•• bothe kynges her sonnes / and the grettest lordes of both Royames beyng tho there presente swore to holde obserue and kepe the sayd pees and acor∣de / and alle other couenauntes that were ordeyned bytwene hem

¶Aboute this tyme saynt Brygytte an hooly wydowe of the Royamme of Swethen had many reuelacions to bee enfor∣med vnto alle thastate of the chirche / And Instytued and foū¦ded an ordre newe of women and of men / wherof she is Patro∣nes / her feste is kepte the two and twentyest day of Iuyll / In the same yere were grete and sodayne tempestes / and strong lyghtnynge and thondrynge / by whiche howsynge b••••stes and trees were perysshed / And the deuyl appered in maunys lyke∣nesse to moche peple in dyuerse places and spak to hem / Also in dyuerse places of the worlde were erthe quaues / in soo moche that Basyle the Cyte fylle doune with many Castels a∣boute hit / / ¶ That tyme men dwellyd in woodes as beestes and durste not entre in to Cytees / ¶ That tyme were many bataylles / Pestylence and honger in many places / Also in dyuerse places the Erthe caste oute whyte water / and stynkynge. whiche ouerthrewe and made to falle Castels and stronge places on many places of the worlde / ¶ In this yere in the feste of Conuersion of saynt Poule kynge Edward helde a parlamente at Westmynstre / In whiche was shewyd

the pees / and acorde made bytwene the two kynges / Item In the same yere in the Ascencion euen was seen Eclyp∣se of the Sonne / Wherupon fyll a grete droughte / and that for defaute of Rayn fyll grete derth of Corne and heye / ¶ Also this same yere the same monethe fylle Rayne in Burgoyne almoost lyke to blood / And a Crosse almoost reede was seen in the ayer there / Also in the same tyme was seen in Fraunce / in Englond / and in many other places appyere two Castels / oute of whiche yssued oute two hoostes of Armed men / that one was clothed in whyte / that other in black / And whanne the bataylle was bygonne bytwene them / the white ouercome the black / And soone after the black ouercome the whyte / And thenne they retourned in to theyr castels and soo vanysshed aweye / In this yere was an huge pestylence / and this yere deyde Syre Harry duck of lancastre / ¶ In the same yere Edward prynce of wales maryed the Coūtesse of kente. that was Syr Thomas holandes wyf / whiche was somtyme dyuorsed fro the Erle of Salysbury / for cause of the same knyght / ¶ Aboute this ty¦me a grete company of dyuerse nacions assemblyd theym to gy∣der / of whome the gouernours and leders were Englysshmen / whiche dyde moche harme in Fraunce / Anone after aroos ano∣ther companye of dyuerse nacions / that were callyd the whyte companye whiche in the countrayes of lombardy dyde moche har¦me / ¶ This same yere Syre Iohan of Gaunt sone to kynge ed∣ward the thyrdde was made duk of lancastre by hys wyf dough¦ter and heyr of henry duk of lancastre that deyde /

¶Also this yere was a grete wynde / which ouerthrewe houses Trees / and many a steple in Englond / ¶ Item in this yere kynge Edward made Syre leonel his sonne duc of Clarence / And Edmond his other sonne Erle of Cambrydge / In this yere was ordeyned by a parlament that men of lāwe shold ple¦te in theyr moder tongue / ¶In that yere cam in to Englond the kynges of Fraunce / Cypres / and scotland / Whiche were wor¦shipfully receyued / And after they had ben here long tyme / two of hem wente in to theyr Countrayes ageyne ¶But the kynge of Fraunce for grete sekenesse that he had abode stylle in En∣glond /

¶Sequitur Capitulum Secundum

¶ Capitulum secundum /

THis yere was an huge froste lastyng fro saynt Andrews tyde vnto the fourtenthe kalendas of apryll / In this yere ther was a scoler whiche slepte contynuelly by the terme of se∣uen yere in lubyke / And after he awoke and lyued long tyme / ¶Also this yere was a grete batayll kytwene Syre Iohan of Mountford duc of Brytayne and Syre Charles de bloys / but the vyctorye fylle to syre Iohan thurgh helpe and socoure of en∣glysshmen / This same yere deyde at the maner of sauoye kynge Iohan of Fraunce ¶ and after was caryed to saynt denys in Fraūce / & there bury••d / After Innocent the fyfth vrban was pope eyght yere / This was abbot of massylyen̄ of saynt benettes ordre doctour of decrees and reputed an hooly man / he made to be preched grete pardon to warre ageynst the turkes / vnto him seint brygytta was sente from Cryst for confermacion of her Rule & ordre / Atte last / he was poysoned and deyde / In this yere seynt katheryn of Senys was in her floures an hooly vyrgyn of the ordre of the frere prechours she had the stygmates in her handes and feete and side whiche deyde the yere of our lord / M / CCC & four score ¶ This yere was ordeyned that Peter pens from thē•• forth sholde not be payd / whiche of old tyme was graunted for contynuynge of scole in Rome / In this yere was borne at bour∣deux Rychard prynce Edwardys sonne / whiche after the deth of his fader and of kyng edward also was crowned kyng in the enleuenthe yere of his age by ryght lygne and assent of al the comunes of the royame / This yere fyl a grete variaūce in spayn & grete warre bytwene peter ryghtful kyng of spayne / & Henry his bastarde broder / in soo moche that kynge peter cam to prynce Edward to bourdeux to axe socour and helpe of hym / on whome he had grete compassion & pyte / And by lycence of kyng edward his fader / he pourueyed for his ayde and helpe / ¶ In this tyme was seen thre dayes duryng in the scottyssh see two Egles / One comyng out of the south / & that other out of the north / which fo∣ught fyersly to geder / & the south fyrst scomfyted the north egle / & he than fled home ageyne to his own costys / & anon after were seen many sterrys gadred to geder on one hepe / which fyl doun to therth leming with fire lemes in man of lightnynges / whos fla¦mes brente mens clothes / & heris walkyng on the groūd / In this yere prince edward / & the duk of lācastre his broder with a gre••e

Armee wente in to spayn. and had a batayll at nazers ageynst Syre harry the Bastard whiche had putte doune kynge Peter & wan the bataylle / and had the vyctorye / and put the bastard and his men to flyght and there were slayne a syx thousand of the bastardes partye and a two thousande prysonners taken / of whome the Erle of dene Syre bertram claykyn and many other lordes were prysoners / & the noble Prynce Edward restored the sayd kyng peter to his Royamme ageyne / In the same yere was seen a blasyng sterre named Cometa bytwene the north & south with bemes toward fraunce / In this yere sir leonel kynge Edwardes sone duc of clarence wente to melane / and maryed the doughter of galoys / And in the natyuyte of oure lady he dey¦de / In this yere the bastard of spayne reentryd ageyne / and sle∣we the kyng Peter the two and twentyest day of august / ¶ In this same yere the Frensshmen brake the pees / rydyng in Guyan and Pontiew takynge castels and tounes / surmysynge on the englysshe men subtylly and vntruly that they were cause of the brekynge of the pees. ¶ In this same yere deyde the Duchesse of lancastre and is buryed at Powlys in london

¶ Capitulum Tercium

IN this yere / xliiij / of the kynge was a greete pestylence / and a greete moreyn of Beestes / And there fylle soo gre∣te waters that it caused greete destruction of Corne / in soo moche that the nexte yere folowyng a busshel of whete was worth thre schyllyngys & foure pens / In the laste day of may was holden a parlemente at Westmynstre for the brekynge of the pees of the Frensshmen / and how the wronges myght be redressyd and auē¦gyd / In this sayd yere in thassumpcion of oure lady deyde que∣ne phil̄yp / and is buryed at westmynstre / ¶ At mydsomer this same yere the duc of lancastre and the Erle of Herford with a grete companye of men of warre wente ouer see toward Fraū¦ce / & on Chalkhylle bytwene saynt Omers & guynes was an hu∣ge hooste of frensshmen / & the hoost of englysshe men fast by the same / whiche hadde long leyn there / & dyuerse Englysshe men yaf counseyll for to fyght with the frensshmen / but the lordes & capi¦tayns wold not / Anone after it happed that therle of warwyck

come thyderward / And whanne the Frensshemen h••••de of his co∣mynge er he cam fully to londe th••y lefte theyr tentes and pauy∣lons with all theyr vytayl / and fledde theyr weye / And whan therle was londed he hasted toward normandy / And in his co∣myng ageyne toward Caleys he deyde on the Pestyl••nce / In this yere at mydsomer was made an hooste / and Syre Ro∣bert knollys was made gouernour / And whanne they cam in to Fraunce / as longe as they helde hem to geder / the Frensshmen durst not come neygh them / But atte last for enuye and couety¦se that was among them they discorded and sundryd them in to dyuerse companyes / whiche couraged the Frensshmen / in soo moche that they cam frely on our Englysshmen / and for the most parte toke and slewe hem / ¶ In the same yere Pope vrban cam fro Rome to Auynyon / purposynge to haue made a fynal pees bytwene Englond and Fraunce / But er he beganne his traytye he deyde / Somme saye he was poysoned / ¶ After vrban / the enleuenthe Gregory was pope eyght yere / This pope was callyd to fore Petrus de bello forte / he was deken Cardynol and deyde in Rome in goddes pees / ¶ After hym folowed grete trybulacion in the chirche whiche god sh••wyd by ••eu••la∣cion to saynt Brygytte for the synnes of men of the chirche / In the same yere Prynce Edward beynge at Burdeux by tha∣uys of his counseyl byganne to sette Inp••sicions and taxes vp on the duchye of Guyan / wherfore the Cyte of lymoge reb••llyd & fought ageynst hym / & other moo also and t••rned from hym to the Frensshe kynge / wherfore he toke and destroyed that Cyte And slough al that was therynne / ¶Sone after Prynce Ed∣ward cam in to Englonde leuynge behynde hym in Gascoyne the duck of lancastre / and Syre Edmond Erle of Cambrydge with other worthy men of armes / ¶ In the parlement at Westmynstre was graunted to the kynge a subsydye of fyfty thousand pound to be payd of the laye fee / And thenne in hate∣red of men of the chirche / the lordes putte oute of offyce the chaū¦celer / the Tresorer / and the pryue Seal / and in theyr stede were putte seculer men / ¶ In the eyght and fourtyest yere of the Regne of kynge Edward the duk of lancastre / and the Erle of Cambrydge the kynges sones cam oute of guyan in to englond and were maryed to two susters / doughters & heyres of kynge peter of spayne / ¶That same yere Frensshe men be ye∣ged Rochel ¶Wherfore ••••e Erle of Penbroke was sente in to

Gascoyn with a greete company of men of armes / And er they couthe entre in the hauen of Rochel ther cam vppon hem a stron∣ge nauye of spayne / whiche scomfyted the Englysshe men / and toke the Erle with grete tresour and many other noble men / Thenne the kynge with a grete hoost entryd the see to haue reuē∣ged the siege of Rochel / but the wynde wold not serue hym / wherfore he taryed longe at the see Cost / abydynge after a good wynde / but it cam not / and soo he retourned home ageyne / Thenne the duc of lancastre with a grete hoost wente in to Flaū¦dees / and passyd thurgh pycardye to parys / and soo thurgh alle Fraunce / till he cam to burdeux withoute ony resystence / Aboute this tyme wenzelaus sone of charles kyng of Boheme his fader yet lyuyng was electe and chosen to be Emperour / he beyng a childe / of whiche empyre he toke none heede / ne rought not / Wherfore after he had regned four and twenty yere / and af¦ter many warnynges he was deposed / his lecherous lyf defoul••d hys noble wytte / and his ende was withoute worshippe / For he was neuer crowned with a dyademe /

In this yere were sent fro the pore two bisshops / one of rauēne & one of carpentras for to treate bytwene two kynges of fraūce & of englond / & day was holden at Brugys in flaūdres / & ther we¦re for the kyng of englond the duc of lancastre / the bisshop of lon¦don / and many other / And for the Frensshe kynge the Duc of Burgoyne / his broder the bisshop of Amyens / and many other but they concluded no thyng /

¶ Capitulum quartum

IN the fyftyest yere of kynge edwardes regne on Trynyte sondaye that yere the eyghte daye of Iuyn deyde the noble Prynce edward at kenyngton / and brought to westmestre wher he had his obsequye / and fro thens caryed to caunterburye / and there worshipfully beryed besyde saynt thomas shryne / Aboute this tyme bartholus & baldus greete doctours of lawe were in her floures / After the deth of pope gregory the / xj began the worst scysme that euer was in the chirche whiche dured xl / yere / For at rome was vrban the syxthe chosen by force & strength of the

Romaynes / And this dyde the Cardynals for drede / ageynste theyr entente and wyll / therfore they fledde to the cyte fundorum saynge hym not to be pope / And chose in his place Robertum de gebennis / the same yere whiche was named the seuenth clement And thus beganne the scysme / In the fyfthe yere the mayre of london Adam stable was dyscharged the / xxj day of marche / And nicholas brembre chosen by vertu of a lettre that cam from the kyng / The same yere was a grete parlemente at westmynstre / in whiche the kynge axyd a grete subsydye / but the Commynes answerd that they myght no lenger bere suche charges / and sa∣yde they knewe wel that the kynge had good ynowgh for hym self and for sauyng of his Royame / yf the Royamme were well gouerned / but it hadde be longe euyl ruled by euyl offycers that the londe myght not be plentiuous of chaffare marchaūdyse ne Ryches / & shewyd many complayntes of dyusers officers of the Royamme / And namely on the lord latemer the kynges chā¦berlayn / and on dame Alyce pyers / for grete wronges that mysgouernaunce that were done by theyr counseylle / desyrynge that they sholde be remeuyd and other putte in theyr stede / suche as were wyse true / wel proued and of good gouernaunce / And soo amonge all other they chees Syre Pyers delamare a wyse knyght and eloquent for to be speker for the commynes / And by cause the same Syre Pyers tolde and publysshed the trouthe / rehersynge the wronges don by dyuerse personnes of the kynges hous / Anone after the deth of the good prynce Edward he was putte in to p••rpetuel prysonne / ¶ The same yere anone after Candelmasse durynge the sayd parlement a subsy∣dye was graunted to the kynge bothe of the Clergye / and of the temporalyt•• / that is to saye of the temporalyte of euery per∣sone passynge fourten yere of age / he shold haue four pens / except p••ure beggers / And of euery man of hooly Chirche benefyced or promoted twelue pens / and vnpromoted foure pens / excepte the four ordres of Freres / ¶ The same Rychard Prynce Edwardys sonne was made prynce of wales / And to hym the kynge gafe the Ducherye of Cornewayle / and the Erldome of chestre / ¶In the / lij / yere of kynge Edwardes regne the / xj / kalendys of Iuyn the sayd kynge Edward deyde in his maner at Shene / and from thens brought to westmynstre / and there buryed worshipfully atte southe syde of saynt edwardes Shryne On whoos soule god haue mercy / Amen /

¶ Capitulum 5

AFter kyng Edward the thyrd Regned rychard the second that was the noble prynce edwardes sone of wales / which kyng Rychard was borne at bourdeux / he was crouned at west¦mestre / the enleuenth yere of his age / ¶ In the second yere of his regne the lord latemer and Syre / Rauf Ferys stryuyng and beyng at debate with Syre Robert hawle and one shakley•• for the Erle of dene theyr prysoner cam in to westmynstre chirch and there slough atte hye masse tyme the sayd hawle / And Sha¦kle was arestyd and putte in the toure of london / It is sayd that this was done by commaundemente of the duc of Gloucetre Wherfore he cam / and was assoylled at westmynstre. and made greete amendes and gafe grete gyftes and Iewellys therfore to the sayd chirche / ¶ Aboute this tyme the fest of the vy∣sytacion of our lady was bygonne by pope vrban the enleuenth after the forme and also the same pardon that is yeuen to the fes∣te of the Sacramente / whiche feste is holden the second daye of Iuyll / ¶In this tyme the grete maystre of Rhodes entryd in to Turquye with a grete companye / And there by the Grekes / that were with the Turkes he was discomfyted and taken / and the remenaunt of his peple deed and taken to fore a Castel callid Sayette / In the thyrdde yere of his regne cam certayne galeyes of warre oute of Fraunce in to dyuerse portis of Englond and robbed / brente / and slue moche peple / in so moche that they cam to grauysende and brente a grete part of the toune /

In the same yere was ordeyned at a parlement at westmynstre / that euery man and woman past fourtene yere of age / shold pa∣ye to the talage four pens / wherfor fyl afterward moch meschyef For in the fourth yere of his regne the Comons aroos in dyuer¦se partyes in Englond / and dyde moche harme / and it was callyd the hurlyng tyme / And they of kente and of Estsex made hem two Capytayns callyd Iac strawe / and watte Tyler / And they assembled on blacheth / and on corpus Cristi day they cam in to Southwerk / and lete oute all the prysoners of the kynges benche and marchal see / And cam in to london and robbed alle the alyens and straungers and sl••ughe and made hauoke / On the morne after they cam to the toure of london where the kyn¦ge was presente the same tyme / and toke oute the Archebisshop

of Caunterbury / and the pryour of saynt Iohans / and a why∣te Frere confessour to the kyng and smote of theyr hedes atte tour hyll / thenne come they ageyne to london and slewe men of lawe / and other worthy men in dyuerse partyes of the t••une / Thenne wente they to the duc of lancastres place callyd Sauoye / and destroyed it doune / and bare 〈◊〉〈◊〉 the goodes that they might fyn¦de and brente the place / thenne wente they to westmestre and sa∣ynt martyns the graunt. and delyuerd them all oute of sayntua¦rye that were therynne for ony maner grythe / Thenne cam they to the Temples / and to alle other Innes of men of lawe. and de¦spoylled and brente theyr bookes / Thenne came they to london a∣geyne / and toke oute al the prysonners felons and other oute of newgate / and both countours and destroyed theyr bookes / Thēne on the monday kyng Rychard sent for the mayr of london Will∣iam walworth / and his aldermen / and they wente to speke and knowe thentencion of thyse rebellous peple / ¶ Thenne this Iac strawe lete make an oye in the felde that all his peple shold come nere and bere his crye and wyll / Thenne the lo••des the ma¦yer & aldermen hauyng indignacion of his presumpcion and co∣uetyse / and the mayer seenge that he dyd noo reuerence to the kynge starte to hym and slewe the sayd Iac straw Capytayne of the Rebellys / and anone his hede was smyten of / And the he¦de reysed vp that all myght see hit / And forthwith Incontynēt alle tho Rysers and mysgouerned peple sledde awey / Thenne the kyng forthwith dubbyd the mayer knyght / and fy∣ue of his bretheren Aldermen / that is to saye Syr william wal¦worth Mayer / Syre Nychol Brambre / Syr Iohan Phylpet / Syre Nychus Twyford / Syre Robert laundre / and Syre Ro∣bert gayton / And after this as they myght take and gete thyse rebellys and mysgouerned people / they henge hem vp by ten / by twelue twenty &c / ¶ In the fyfth yere was a grete erth qua¦ue thurgh oute al the world / the one and twentyest day of maye Of whiche al maner peple was sore aferd / ¶ This yere que¦ne Anne cam in to englond and was maryed vnto kyng richard at westmynstre / ¶ In the syxth yere Syre Henry spencer bisshop of norwiche wente ouer see with a Croysye in to Flaun∣dres and gate the townes of grauenyng / burburgh / and Dun∣kyrke / And ther he dyde do lade one and fyfty shippes with p••l¦lage and goodes whiche sholde haue comen in to Englond. But the Bisshop lete brenne the shippes with alle the pyllage in the

same hauen / And he had a grete batayl with the Flemynges at dunkyrke / and there were slayn an huge multitude of Flemyn¦ges / The Bisshop with his retenue wente and besyeged Ipre longe tyme / but he couthe not gete it / And by cause many of his men deyde there of the flux / he cam ageyne in to englond / ¶The same yere was a bataylle done within the kynges pala••s at westmynstre for certayne poyntes of treasonne bytwene Syre Iohan Ansley knyght defendaunt / and garton Squyer app••l¦launt / And the defendaunt discomfyted thappellaunt / Alle this tyme dured the Scysme / For vrban at Rome was chosen Pe∣trus de thomacellys / and was named Bonefacius Nonu•• / 13 ye∣re / And after Clemens was chosen in Auynyon Petrus de lu∣na / whiche was named / benedictus / xiij / and he abode p••pe there two and twenty yere / And after Boneface was Innocencius septimus two yere / And after hym Gregorius 129 .xij / yere / and after hym Alexander grecus one yere / And thēne after hym Io¦hannes visesimus tercius / and thenne at Counseyll of Constan∣ce was chosen martinus quintus / and soo of alle thyse forsayd popes from gregorius vndecimus vnto Martinus Quintus en∣dured the scysme by the space of fourty yere that it was not kno¦wen who was the very and vndoubted pope

¶ Capitulum sextum /

IN the eyght yere of kyng Rychardes regne / Syr edmond of langely Erle of Cambrydge the kynges vncle wente in to Portyngale with a grete companye of men of Armes and Archers in strengthyng and helpyng the kynge of Portyngale ageynst the kynge of Spayne / And there the kynge of Portyn∣gale had the vyctorye / That done the Erle of Cambrydge cam home ageyne with his Armye in to englond / The same yere kyng Rychard helde his Crystemasse at El••ham / The kyng of E••monye the same tyme fledde oute of his owne londe / ••nd cam vnto kynge Rychard for socour and ayde / For the Turkys had deuoured & destroyed moche of his londe / The kyng hauyn•• grete pyte & compassion of his grete meschyef toke coūseyl 〈◊〉〈◊〉 on / And it was concluded that the kynge shold yeue hym some good / for tauenture his peple so ferre it were a grete Ieopardye

And so the kyng gaf hym gold and syluer and many ryche yef¦tes / and betaught hym to god and soo he departed oute of En∣glond This same yere kynge Rychard with a grete and puis¦saunt Armee wente toward Scotland / And the Scottys sente to the kynge and desyred and made grete laboure for to haue a tryeus / soo a tryeus was taken and made / and thenne the kyng retorned to york / and there Syre Iohan holand therle of kentis broder slewe therlys sone of stafford / wherfore the kyng was so∣re meued / and retorned to london / ¶ In the nynthe yere of his regne was a parlement at westmynstre / In whiche the kynge made and created two Dukes / Fyue Erlys / and a mar∣quys / Syr Edmond of langely the kynges vncle Erle of cam¦brydge was made duc of york ¶Syre thomas of wodestok his other vncle that was Erle of bokyngham was made duc of Gloucetre / Syre leonel vere Erle of Oxenford was made Mar∣quys of deuelyn / Harry bolyngbroke the dukes sonne of lan¦castre was made erle of derby / ¶ Syre Edward the dukes so¦ne of york was made erle of Ruthlond. Syre Iohan holond the Erle of kentys broder was made erle of huntyngdon / Syr Thomas monbray erle of notyngham was made Erle mar¦chal of Englond / ¶ Syre mychel de la pole knyght was made Erle of Suffolk / and Chaunceler of Englond / ¶ Atte this sa∣me parlement therle of marche was proclamed heyre apparaūte to the crowne of Englond after kynge Rychard / The sayd Er¦le of marche wente ouer see in to Irlond vnto his lordship therl¦dome of vlster whiche was hys by enherytaunce / And there as he lay on a tyme in a castel of his / there cam vppon hym greete multitude of wylde Irysshe men / and he cam oute of his Castell fyers••y with his peple / and fought with hem manly / and there he was slayne / ¶ In the tenth yere the erle of Arondel went to the See with a greete nauye / and there he mette an hoole flete comynge fro the Rochel laden with wyn / whiche were enemyes goodes whiche flote he toke and brought in to dyuerse hauens in Englond / and somme vnto london / where men myght bye a tonne of Rochel wyn for twenty schyllynges / ¶ In the enleuenth yere of his regne was tharysyng of certayn lordes in englond in destruction of rebellys / &c / that is to saye Syre Thomas wodestok duk of gloucetre / Syre Rychard erle of arundele / Syre Richard erle of warwyk / Syre harry of Bolyngbroke Erle of Derby / And Syre thomas monbray erle marchal These fyue lordes of

vnderstode the myschyef & gouernaūce of the kynges counceylle wherfor they that were that tyme of the kynges coūseyll fled out of the londe / that is to saye mayster Alysaunder neuel Archebis¦shop of york / Syre mychel de la pole Erle of Suffolk & chaun¦celer of englond / and the marquys of deuelyn / Syr Robert le ve∣re / these thre lordes cam neuer ageyne in to englond / for they dey¦de beyonde the see / These fyue lordes aboue sayd made a parlemēt at westmestre / and there they toke Syre Robert Tresylyon Ius¦tyce / Syre nychol brembre knyght and Cyteseyne of london / Syr Iohan Salesbury knyght and vske sergeaunt with other moo whiche were Iuged to deth and were drawe to Tyburn / and there hanged / Also in the same parlemente / Syre Symon beuer∣ley knyght of the garter / Syre Iohan beauchamp knyght sty∣ward of the kynges hous / and syr Iohan berneis were byhedid atte toure hylle ¶ Also Robert bealknap Iohan holte / Iohan Cary / William burgh / Robert fulthorp and Iohan lokton Ius¦tyses were exyled in to Irlond ther for to dwelle all her lyf ty∣me / ¶In the twellifth yere duryng the sayd parleme••t was holden a general Iustys in smythfelde of lordes knyghtes and squyers for all maner straungers that wolde come / holdyng 〈◊〉〈◊〉 housholde to hem and alle other. And alle they of the kyngys hous were of one sute / thryr Cotys / theyr armys / theyr sheld••s / and theyr trappours were browdrid all with whyte hertis with Crownes of gold about theyr neckes and cheynes of gold han¦gyng theron whiche hertys was the kynges leuerey that he yaf to lordes ladyes knyghtes and squyers to knowe his houshold pe¦ple from other / Thenne four and twenty ladres comynge to the Iustys ladde four and twenty lordes with cheynes of gold and a••le in the same sute of hertes as is a fore sayd from the tour on horsbak thurgh the Cyte of london in to smythfeld / To this feste cam many grete lordes straungers oute of Fraunce / henaud / Ho¦lond and of other countreyes / whiche feste and Iustes endured four and twenty dayes vppon the kynges cost / whanne the feste was ended and Iustys the king thankyng the straungers ••aue to them grete yeftes / And thenne they toke their loue / and so de∣parted / In the thirtenth yere was a bataille dene in the pala¦ys at westmestre bitwene a Squyer of nauerne that was with the kinge / and a squyer callid Iohan walssh for pointes of trea¦sonne / that he of nauerne put vppon this walssh / but in the ende he of nauerne was ouercome and disconfyted in the felde /

& yelded hym / And anon he was despoylled of his armure and drawen oute of the palays vnto Tyburne / and there hanged /

¶ Capitulum Septimum /

IN the fourtenthe yere Sir Iohan of Gaunt duk of lancas¦tre with a grete hooste wente in to spayne to Clayme and chalenge his ryght by his wyues tytle vnto the Crowne of spa∣yne / and he had with hym the Duchesse his wyf and his thre doughters. And therafter grete commynycacion herupon had they were acorded and concluded that the kynge of Spayne shold marye the duck of lancastres doughter / And he shold yeue to the duck of lancastre gold and syluer / whiche was casten in to grete wedgys and soo many other Iewellys / as moche as eyght cha∣ryottis myghte carye / And euery yere after durynge the lyf of the duc / and his wyf / ten thousand marc of gold / Of whiche golde they of spayne sholde aduenture and here the Ieopardye therof / and brynge yerly vnto bayon to the dukes assygnees / by surete made / ¶ Also the duc of lancastre dyde doo marye ano∣ther of his doughters to the kyng of Portyngale the same tyme / And thenne he retourned / and cam ageyne in to Englond with his wyf / ¶ In this yere the Turkes made grete warre ageynste Crystendome vnto the Cyte of Iene / wherfore the Ie∣ne wayes sente to the kynge of Fraunce for ayde / and also to the kynge of Englond / And soo ther were wente oute of Fraunce fyften honderd knyghtes with the duc of Borbon / and the Erle of ewe / and other / ¶ And oute of Englond wente the Erle of Alby a valyaunt man with certayne Archers / And they ship∣ped at marcellis / and wente and besyeged thunes in Barba∣rye and made there many skarmuches / and putte oute ofte the Sarasyns / but in thende the turke fered / and made trewes for a seasonne / and delyuerd alle the Crysten prysonners / and payd ten thousand du••atis / and soo the Crysten men retorned hoome ageyne / ¶ In the fyftenth yere of kynge Rychardes reg∣ne / he h••lde his Crystemas at wodestok / where therle of Penbro∣ke a yonge lorde and tendre of age wolde lerne Iuste with a knyght called Syre Iohan saynt Iohan / And rode to geder in the parke / And there the Erle was slayn with the knyghtes spe¦re as he cast it from hym / whanne they hadde coped /

¶This yere Iohan hynde beynge that tyme mayer of london & Iohan Shadeworth and henry vanner shereues were dysharged of theyr offyces byfore saynt Iohans day baptyst / and the kyng seased the fraunchyse and lybertees of the Cyte of london / And ordeyned and constitued Syr Edward dalyngredge wardeyn of the Cyte / and endured in his offyce vnto the fyrst day of Iuyll the yere / xvj / ¶And thenne Syr Bowdwyn Radyngton was made wardeyue to saynt Symons daye and Iude / The cause ther of was for a bakers man beryng a basket with hors brede in to Fletestrete / there come a man of the bisshop of Salesburyes that toke oute an hors loof oute of the baskette / wherfore the bakers man stroue with the yoman / soo that the Bisshops man brake the bakers mans heede / Thenne neyghbours come aboute to haue rescowed hym and to haue arestyd the Bisshops man / But he scope fro hem in to his lordes place / The Constable cam and wold haue bad hym out / but they withynne the place kept it that they myght not come in / And thēne come the mayer with moche peple and sayde / they wold haue hym oute or brenne the place / and all that were therin / The Bisshop beynge tresorer of Englonde and the archebisshop of Caunterbu••y wente to geder to wyndesore to the kynge / and made a grete complaynte to the kyng and his coū¦seylle of the Cyte of london / And the kynge sen••e for the mayer and shereues / and yaf hem grete rebukes for thoffence that they hadde done ageynst hym and his offycers in his Chambre of lon¦don / And deposed the mayer and shereues / and māde a wa••deyne of the Cyte as afore is sayd / In the syxtenth yere the kyng with drewe his courtes from westmynstre to yorke / whiche were there holden and kepte fro the feste of saynt Iohan baptyst vnto Cry¦stemasse after / Thenne atte requeste of the goode Quene Anne & of the bisshop of london thēne callyd grauesende / the kyng graū¦ted the Fraunchyse and lybertees to the Cyte of london and they of london gaf to seynt edwards shryne a table of syluer and ena¦meled stondyng on the Awter / And after this the mayer Alder men and shereuys mette with the kyng submyttynge them hum¦bly to hym as they ought do / And resseyuyng the kyng thurgh the Cyte with grete tryumphe / and brought hym to westmynstre And on the morne after the mayer aldermen and shreues presen∣tyng the sayd table & other yeftes prayd the kynge of his good and speciall grace to haue theyr lybertees and Fraunchyses / as they hadde to fore tyme / And soo the kyng graunted to them alle

theyr askynge and wente home ageyne / ¶ In this same yere the duc of lancastre was sente in to Fraunce to demaunde a myl¦lion of scutes whiche was due for the raunson of kyng Iohan / And dyuerse places as peytowe Rochell / and a parte of Guy¦an / And he was answerd by the counseylle of Fraunce that the men of warre of Englond hadde done harme in Fraunce aboue the trewes to the somme of thre mylions / whiche oughte to be repayred fyrst / and so departed ageyne / ¶ In the seuententhe yere come oute of Scotlande certayne lorde•• in to Englonde to ge∣te worship by fete of armes / Therle of morryf chalengid the Erle marchal of Englonde to Iuste with hym on hors back with shar∣pe speres / And soo they roode to geder certayne courses / but not the full chalenge / For the Scottyssh Erle was caste bothe hors & man / & two of his rybbes broken with the same falle / and soo bor¦ne home in to his Inne / & anone after was caryed homewarde in a littyer / and at York he deide ¶ Syre william darel banerer of Scotlande· and Syre pyers Courtney the kynges banerer of of englond ryden to gyder certain courses of warre hitte & assayed The Scottysshe knyght seyng he myght not haue the beter / yafe it ouer / and wold noo more of the chalenge / ¶ Thenne one Cok∣burn Squyer of Scotland and Syre nychol hauberk rode fyue coursys / and at euery cours the Scot was caste bothe hors and man / This same yere the seuententh day of Iuyn deyde the good qu••ne Anne kynge Rychardes wyf / And lyeth buryed at west¦mynstre by saynt Edwardes shryne /

¶ Capitulum Octauum

IN the yere 1494 were trewes taken bytwene the kyng of Fraunce / and the kynge of Englonde for foure yere / Also this same yere aboute Crystemasse kynge Rychard wente fyrst in to Irlond / After wenzelaus / Rupertus alias Robertus was Emperour nyne yere / ¶ This Robertus duk of bayer and Counte Palatyn on the Ryn a Iuste and trewe man and a ca∣tholyke / he was crowned of the nynthe Boneface the Pope / He entryd in to ytalye with a grete armye ageynst duk galyace / but he retorned with grete losse / ¶ About this tyme was that cur¦syd heresye of Iohan wyclyf in Englond / and Iohan hus in bohemye / and Ierome of praghe / which heresye enfected moch peple

And vnder the habyte of a lambe hydynge woluysshe cruelte hadde purposed to subuerte alle the state of the chirche. And the sklaunderous scysme whiche was in this euyll tyme was a gre¦te helpe to them / ¶ Also this tyme the heresyee Ada∣mitarum beganne to growe in Boheme / but it was putt doune by the bussytys / That was ouer grosse. and vnshamefast / For they wente naked / and Indyffrently dyde theyr lecherye with wommen / ¶ Petrus de Elyaco / and Iohan Ger∣son his disciple both doctours of dyuynyte of Parys were in her floures this tyme· / ¶ In this yere were merueyllous grete wyndes thre monethes contynuelly / and specially in sep¦tember that ouerthrewe greete trees with fruyte howses chyme∣neyes and steples / And ther was seen in langedok in Fraunce / a grete sterre and fyue lytell sterres assayllynge the grete / and poursyewed it by the space of an houre / and a voys cryeng fro heuene· And after was seen a man semyng of Copper holdyng a spere in his bandes by the greete sterre / and smote hit / And after that it was no more seen / ¶ In other places we∣re herde the noyse of harneysed men fyghtynge /

¶In the nynetenthe yere of kyng Rychard / he wente to Calays / and maryed there quene Isabel the kynges doughter of Fraunce· At whiche tyme the Frensshe lordes were sworen on a booke that alle couenauntes. Forwardys and composicions ordeyned and made on both sydes shold be truly holden and kept withoute contradiction or dylaye in ony maner wyse / And whanne this Ryal maryage was done and fynysshed / kynge Rychard with dame Isabel his quene cam in to Englond And the mayer of london with all his bretheren with grete mul¦titude of the Comons of the Cyte & the Craftys resseyued hem worshipfully atte Blacheth and brought hem to saynt Georges barre / And there takynge theyr l••ue· the kynge and the Quene roode to kenyngton / ¶And after that withynne a whyle the quene cam to the Toure of london / at whoos comyng was moche harme done / For on london brydge were nyne personnes crow¦ded to deth / Of whome the pryour of Typtre was one / And from the tour she wente thurgh the Cyte of london to west¦mynstre / and there she was crowned / ¶ And after this kyng rychard by appoyntemente delyuerd the toun of brest to the duc of brytayne / wherof bygon moche trouble and sorowe

whiche dured vnto his deth· ¶In the twentyest yere kyng Rychard dyde holde a grete feste at westmynstre / At whiche feste arryued the Sowdyours that hadde kepte breste / And sate atte dyner in the hall / and after dyner the Duc of Gloucetre sayd to the kynge / Syre haue ye not seen tho felawes that sate at dyner in your halle / And the kynge demaunded who they were / And he sayd these ben youre folk that haue seruyd yow and ben come from breste / and now wote not what to doo / and haue ben euyl payd / Thenne the kynge sayd that they shal be payed / Thenne answerd the duc of Gloucetre in a grete furye / Syre ye ought fyrste to putte youre bodye in deuoyre to gete a toune or a Castel by fayt of warre vpon your enemyes / er ye sholde selle or delyuer ony townes that your predecessours kynges of Englond haue goten and conquerd To the whiche the kynge answerd ryght angrely / how saye ye that / Thenne the duk his vncle sayd it ageyn / Thenne the kynge byganne to wexe wrothe and sayde Wene ye that I be a marchaunt or a foole to selle my londe / by saynt Iohan baptist nay / but trouthe it is that our Cosyn of bri¦tayne hath rendryd and payd to vs the somme that my predecesso¦urs hadde lente vppon the sayd toune of Brest / and syth he hath payed it is reasonne / that this toune be delyuerd to hym ageyne / Thus beganne the wrath bytwene the kynge and his vncle / And afterward at Arondele was a Counseylle of certayne lor¦des / as the duck of Gloucetre the Archebisshop of Caunterbury / The Erles of arondele / warwyk and marcha•• / and other / For to refourme the rewle aboute the kynge / whiche lordes promysed ech•• ta byde by other and soo departed / and anone after the Er∣le marchal whiche was Capytayne of Calays bewrayed and lete the kynge haue knowleche of all theyr counseylle / Wherup∣on the fyue and twentyest daye of august / the duke of Gloucetre was arrestyd at plasshey in Estsex / and brought to the tour of london and from thenn••s sente to Calays / and there murthred and slayne withoute processe of lawe or Iustyce / / and therle of arondel / the Erle of warwyk Syr Iohan Cobham / Syre Iohn cheyne knyghtes were arestyd and putte in holde / Saue therle of arondel fonde seurte tanswere and wente at large tyl the parle∣ment tyme / In the one & twentyest yere of kyng rycharde at the parlement holden at westmynstre / therle of arondel was brought to fore alle the lordes / and there was Iuged to deth / that he sholde goo on fote fro westmynstre thurgh the Cyte of london

to the tour hylle / And there to haue his heede smyten of And syxe lordes roode with hym to see that Execucion sholde be doo wi••h grete multitude of peple of men of Armes and Ar∣chers / For they dredde leste he shold be rescowed by men of lon∣don / ¶ And on the morne tharchebisshop of Caunterbu¦ry his broder was banysshed for euermore / And Syre Thomas Mortemer was banysshed also / And Syre Rychard Erle of warwyck cam to fore the parlemente / And was Iuged to the same deth / but by cause of his age he was releced to perpetuel prysonne / ¶ The Mondaye after Syre Iohan Cobham / and Syre Iohan Cheyne were Iuged to be drawen & hanged / but at the Instaunce of the lordes that Iugement was releced vnto perpetuel prysonne / And this done kyng Rychard made a ryal feste and helde open Courte / In whiche feste he made fyue Dukes / A marqueys / and fyue Erles / that is to saye the Erle of Derby was made duc of Herford / The Erle of Ruth∣lond was made Duc of Anmarle / The Crle of Kente / Duck of Surrey / The Erle Huntyngdon Duck of Excetre / The Erle Marchal Duck of Norfolke / The Erle of Somersete Marqueys of Doesete / The lorde spencer / Erle of Gloucetre / The lord Ne∣uyll Erle of westmerlonde / Syre Thomas Percy / Erle of wor∣cetre / Syre william Scrope Erle of wylshyre / Syre Iohan Mon¦tague Erle of Salysbury / And thus there was a greete feste to al these lordes / and to all other that wold come /

In the same yere fylle a greete debate and dyssencyon bytwene the Duck of herford Erle of Derby on that one partye / And the Duke of Norfolke Erle marchal on that other partye / In so moche that they waged bataylle and caste doune theyr gloues whiche were taken vp byfore the kynge and ensealed / And the daye and place assygned at Couentre / To whiche place the kynge cam· the Duk of lancastre and other lordes / And whanne bothe partyes were in the felde redy for to fyghte the kynge toke the matere in his owne honde / And forthwyth he exyled and banysshed the Duke of Herford for ten yere / And the duke of norfolke for euer / ¶ The Duc of Norfolcke deyde at venyse In the two and twentyest yere of kyng Ry∣chard there were made blank Charters / to whiche all the Ryche men of the Royamme were compellyd to sette to theyr seales / And it was noysed thurgh the Royamme / that he hadde sette Englond to ferme to Syre william Scrope Erle of wylshyre / sir

Iohan busshe / Syre Iohan grene / and sir Iohan bagot / and he ordeyned his vncle Syr edmond of langley duk of yorcke to be his lyeutenaunt / whiles he shold be in Irlond in his absence / In this yere deyde the duc of lancastre / and is buryed at pow¦lus in london / ¶ Thenne kynge Rychard wente in to Irlonde with many lordes and grete ordenaunce / And there he was wel resseyued / And the wild•• Irysshmen cam downe to hym with theyr Capytaynes and yelded them to hym / and swo¦re to be his true lyege men / and dyde hym hommage and feawte Thus he conquerd Irlond the moost part in a lytel whyle /

Whyles kynge Rychard was in Irlond thus occupyed Syre Harry of Bolyngbrooke Erle of Derby the duc of lancastres sonne / whome kynge Rychard hadde made Duk of Herford / And had exyled hym for certayn causes / & with hym tharchebis¦shop of Caūterbury also londed at rauenspore in the north contre And by the Coloure of his tytle to the Duchye of Lancastre he reysed and assembled the people euer as he wente in soo moche as he hadde greete multitude of peple / For the peple were soo op∣pressyd with the offycers of kyng Rychard / that almoost all the Commyns of the londe were redy to awayte on the Erle of Der¦by / hopynge to be releuyd by hym / ¶ Incontynent tydynges cam to kynge Rychard beyng in Irlond how he was landed and that the Comons drewe faste to hym / Anone he made hym redy and cam ouer see in to Englond with alle his hooste / and arry∣ued in Mylford hauen / And there taryed a two dayes for to refresshe hym and his hooste / And in the mene whyle the lordes and mooste parte of the peple vnderstode that the Erle of Derby bycam strenger and strenger / began to murmure and to grutche / ¶ That seynge / Syr thomas Percy called them to geder brake the Rdode of his offyce / For he was styward / and badde euery man goo his wey vnwetyng the kynge / And so in the nyght euery man wente his weye leuynge the kynge allone saue two or thre lordes with a fewe men / whiche lordes for sewerte and by counseyll of the styward brought the kynge to the Castel of Flynt / where he was taken and delyuerd to therle of Derby / whiche brought hym to london / ¶ And thenne were taken at Brystowe Syre william scrope / Syr Iohan bussh / Sir harry grene / & Syr Iohan bagot / But Syre Iohan bagot esca¦ped / And the other that were take were byheded / And thus as

he was comyng to london warde / tydynges cam to the Cyte / that kynge Rycharde was comen to westmynstre / And anon the peple of london in their furye and wodenesse as peple maliciously sette ageinst king Richard their soueraine lorde Roose and pur∣posed yf they myght haue founden to haue destroyed hym / But the mayer and aldermen with the sadde men of the toune with moche werke tourned hem hoome ageyne to london / yet they toke Syre Iohan slake dene of the kynges chapel / and putte hym in ludgate / and Syre Iohan Bagot that escaped from bri¦stowe was take in Irlond and brought to london and sette in newegate / ¶Sone after this kynge Rychard was broughte to the tour of london / and thenne was ther a parlement / In whiche kynge Rychard was deposed of his Crowne / And kynge Hen∣ry chosen and taken for the kynge / to whome kynge Rychard re¦sygned the Crowne and the Royamme of Englond / And thē∣ne from the tour he was had to the Castel of ledes in kente / And from thennes he was had to the Castel of Pountfret /

¶ Capitulum 9

THenne the duc of lancastre Erle of derby named Henry bolyngbroke was crowned kyng of englond at westmyns¦tre on saynt Edwardes day Confessour· Thenne made the kynge his oldest sonne henry prynce of wales / Duke of Cornewayle / and Erle of Chestre / he made Syre thomas of Arondel Arche∣chebisshop of Caunterbury / as he was byfore / And he that was made Archebisshop by kynge Rychard / he made hym Bisshop of london / and he made the Erlis sonne of Arondel to be put in p••s¦session of all his londes / In the fyrst yere of his regne be hel¦de his Crystemas at wyndesore / And on the tweluthe euen the duk of Anmarle tolde the kyng how the duc of surrey / the Duc of excetre / the erle of Salesbury & therle of gloucetre with other of theyr affynyte were acorded to make a mommynge / to the kyng and soo for to slee hym in the reuelynge / ¶ wherfore the kyng the same nyght cam priuely to london / and anon these lordes that had purposed to haue made this mommery vnderstode that theyr counseylle was bewrayed / anone with theyr people wente westward / And at Sysseter the Duke of Surrey and

the erle of Salesbury were taken and biheded & their heedes sette on london brydge / and at Oxenforde were taken two knyghtes bloūt / and sir benette Sely and wyntercele a squyer / whiche were byheded and quartred and their heedes sette on london bridge / and the quartres sente to other good townes / And at prithwell in Estsex Sire Iohan holonde Duck of excetre was taken with the Comons of the Countreye / and his heede smyten of / and sente to london and sette on london bridge / ¶ Also at Bristowe was take the lorde spencer that was made by kinge Richard er¦le of Gloucetre and biheded and his heede sent to london and sette on londonbridge / In the same yere Sire Bernarde brokeis. Sir Iohan Selley / Syr Iohan mawdelyn / and Syr william Fer¦by were taken and sette in the tour / And after by Iugemente were hanged and byheded / and theyr heedes sette on london brid∣ge / whanne kyng henry sawe that these lordes thus hadde rysen / and assemblyd greete peple to haue putte hym to deth / and for to restore kynge Rychard ageyne to his Crowne / and to his Ro∣yamme thoughte ••eschue suche peryls / Anone commaunded Sir Pyers of Exton that he shold goo strayte to pountfreyte / and delyuer the worlde of kynge Rychard / And soo he departed fro the kynge / and wente to the Castel of Pountfret / where as kynge Rychard was in prysonne / the whiche was sette at table for to dyne / And anone after Syre Pyers cam in to the cham∣bre where the kynge was / and eyghte men with hym / and eche man an axe in his hond / Trouth it is whan the kyng sawe Sir Pyers with his Felaushippe entre in to the chambre defensably arayed / he shoof the table from hym / and sprange in the myddes of hem / & caughte an axe oute of one of theyr hondes / and sette hym self valyauntly at defence / And hym self defendynge he slowe foure of the eyghte / And whanne the sayde Syre Pyers sawe the kynge soo defende hym / he was soore abasshed and gre∣tely aferde / And forthwith sterte vpon the place / where as kyng Rychard was wonte to sytte / And as kynge Rychard foughte and defended hym self goynge bacwarde / the sayd Syre Pyers smote hym on the heede with his axe that he fyll to grounde / Thenne cryed kynge Rychard god mercy / And thenne he gafe hym yet another stroke on the heede / and soo he deyde / And thus was thys noble kynge slayne and murthred / And whanne the kynge was deede / the knyght that hadde thus slayne hym / sette hym doune by the deede bodye of Kynge Rychard / And

byganne to wepe / saynge Alas / what thynge haue we doone / We haue putte to deth hym that hath ben oure kynge and soue∣rayne lord two and twenty yere / Now haue I lost myn honour / Ne I shal neuer come in place / but I shal be reproched / For I haue done ageynste myn honour / ¶ After this the tweluest daye of marche was the bodye of the Noble kyng Ry∣chard broughte thurgh London to Powlus / whiche Corps was leyd on a Charyotte coueryd with black / and foure ba∣ners / wherof tweyne were of the armes of saynt George / and tweyne of the Armes of Saynt Edward / And there were an honderd men clothed in black eche berynge a Torche / And the Cyte of londo n badde thyrtty men in whyte / Eche be∣rynge also a torche / And the Corps was leyd open the vysa∣ge that euery man myght see and knowe that it was hys body and that he was soo deede / For many men byleuyd it not / And from thennes he was caryed to the Frerys at Langley and there he was buryed / On whoos sowle God haue mercy Amen / ¶The Comyn oppynyon of Englysshmen is that kynge Rychard deyde not after the maner a foresayd / But that he deyde oth••r wyse / That is to wete that whanne ••e herde saye / that his brother the Duc of Ex••••••te / The Duc of Su¦rey / The Erle of Salysbury. and the other lordes were deede / He was soo angry and soo sorowfull / that ••e swore that ••e wol¦de neuer eete meete And soo abode foure dayes withoute erynge as they saye / And whanne that kynge Henry vnderstode that he wolde not ete / he sent to hym two prelates for to comforte h••m And whan they were come he confessyd hym to one of them / the whiche gaf hym in penaunce that he sholde ete his mete / And whanne be supposed to haue eten / the meete myght not goo doune / ne auale in to his stomake ¶For the conduytes of his bodye w••re shronken to geder / ¶ And thenne sayde the noble kynge Rychard that it was d••n•• / and that he muste nedes deye / and soo he deyde / But certes whether be deyde this waye / or that other / Certaynly he deyde / and was buryed at langley / God haue mercy on his sowle / Amen / ¶ And thenne was kynge Harry peasyly kyng / ¶ Thenne he fonde in kynge Ry∣chardes tresorye nyne honderde thousande nobl••s withoute Iewel¦lys and vessels. whiche was as moche worth or more / And ther was founden in the tresorers kepynge of Englonde an honderde

and fyfty thousand nobles / and Iewels and vessell as moche or more / And thus kynge henry hadde alle his goodes / Item This same yere kynge harry sente hoome ageyne kynge Rychardys wyf Quene Isabel vnto the kynge of Fraunce her fader / and putte her from her dowayre

¶ Capitulum decimum

IN the seconde yere of kynge Harry the fourth Sire Rogy∣er of Claryngton knyght and two of his men / and the pri¦our of launde with eyght Frere mynours were drawen and han¦ged for treasonne / In this yere beganne a grete debate in walys bytwene the lorde gray Rethyn and ewayn of Glyndor Squyer of wales / This Ewayn reysed grete nombre of walssh∣men and kepte the Countrey with strength and dyde moche har∣me. and destroyed the kynges townes and lordshippes in walys Robbyng and sleyng the kynges peple whiche contynued longe tyme / And toke the lord Gray prysoner and made hym to marye his doughter / And helde hym stylle there with his wyf / And so∣n•• after the lord Gray deyde / Thenne kynge Harry with a grete power wente in to wales / for to take and destroye the sayd E∣wayn / but he and all his company fledde to the montayns wher•• the kyng myght not hurte hem for the montaynes / And soo the kynge retourned and cam ageyne in to Englonde for losynge of his men / ¶ In the same yere was a grete scarcete of whete in englond / a quarter was 〈◊〉〈◊〉 sixten shyllynges / wherfor mar¦chandise was sente in to normandy for whete / and from thennes cam grete plente / Also Syre william Sawtry preest was de∣graded of his presthode / Aboute this tyme the Duc of Orleaunce sente an herowde of Armes with lettres vnto kynge Harry / by whiche he chalengyd for to fyght with hym withynne lystes at Bourdeux / or in somme other metely place with an honderd Gentylmen withoute reproche ageynste as many Gentyll men withoute reproche / Wherto the kynge answerd ageyne by lettres worshipfully / rehersynge that at suche tyme as it shold plese hym / he wolde come with suche nombre as it apperteyneth to a kynge / and conquere his ryght / At whiche tyme he shold be an∣swerd atte full / And soo the mater fynysshed ¶ In the thyrd•• yere was kynge henry wedded to dame Iane Duchesse of britain

And they were maryed at wynchestre / And fro thens she cam to london / And so forth to westmynstre / And there she was crow¦ned Quene / In the same yere was dame blaunche oldest dough∣ter to kynge harry wedded in Coleyn to the dukes sonne of bayer with grete solempnyte / In the seuenth yere was seen a sterre that is called stella Comata / and anone after was the batayl of shre¦rewesbury on mary magdalens euen in whiche bataylle was sla¦yne Syre Harry Percy / and Syr thomas percy taken and kept two dayes / and after he was hanged byheded and quartred and hys heede sette on london brydge / And in thys batayl was the Prynce shotte in to the heede with an arowe / And the Erle of Stafford was slayne vnder the kynges baner / And many other lordes knyghtes squyers and Gentyls were put to deth in the sa¦yd bataylle / In the fourth yere cam the Emperour of Constan∣tynople with many grete lordes and knyghtes in to Englond to see the kynge / the peple / and the Royamme / and the Commody∣tees therof / The same yere the lord Castel with a grete multitu∣de of Brytons & of normans landed a myle out of Plymouthe on saynt Laurence day at after None and cam in to the toune on the bakhalf / and there they abode al that day and al that nyght till it was on the morne ten of the Clock and Robbed and despo¦ylled al that was in the toune / and bare hit awey at her owne wylle / ¶ In the fyfthe yere was a grete bataylle on the see atte blackpole two myle oute of dertmouth bytwene Englysshmen & Brytons / where thanked be God Englysshemen had the vycto∣rye / & there were take slayne & drowned moo than fyue honderd gentyls of Frensshe men and Brytons / On whome the lord cas¦tel was pryncipal leder and Capitayne whiche there was taken and slayne / ¶ Also this same yere william Serle / the whiche was one of hem that murtherd the gooed duke of Gloucetre at Caleys was taken in the marche of Scotlande / and broughte to london and there he was drawen / hanged and byheded / and his heede sette on london brydge / and his quarters sette vp in foure good townes / In the syxthe yere was a Iustys in Smythfeld bytwene the Erle of morryf in Scotland and Syre Edmond Erle of kente vpon a chalenge made by therle of morryf to Ius¦te certayne courses of warre with sharp sperys on horsbak / And the Erle of kente had the felde / and gate hym there grete wor∣ship / This same yere Syre Rychard Scrope Archebisshop of york and the lorde Monbraye that was Erle marchal of Englond

assemblyd grete power ageynst kyng harry / And th••kyng met with hem and toke hem / and smote of bothe theyr heedes / And soone after god shewyd and wrought many myracles for this worthy Clerke Arclebisshop of yorke / that was soo putte to deth / In the seuenth yere the mayer of london Iohan wodecok and the comynalte dyde do breke vp al the weerys that were by¦twene medewey and kyngeston / by cause they were sette ageynst the fraunchyse of the Cyte of london / In the eyght yere of kyng henry dame lucye the dukes suster of Melayn come in to En∣glonde / and soo forth to london / and there was she ryally maryed to Syr Edmond holond Erle of kent in the pryory of saynt ma¦rye ouerayes in southwerk / ¶ The same yere syr Robert knollys knyght a grete warryour in his tyme / dyde doo make the bryd∣ge at Rochestre and a chapel atte brydges fote / the whiche Syre Robert deyde and lyeth buryed in the whyte Freres in Lond••n / by his wyf dame Constaunce / ¶ In the same yere Syr Thomas rampston knyght constable of the tour of london was drowned at london brydge as he come fro westmynstre toward the tour in a barge / ¶ The same yere dame Phelyp the yon∣ger doughter of kyng henry was maryed to the kynge of Den∣mark / In the same yere a man that was callyd the walssh clerk appelled a knyght callyd Syre Percyual of treasonne / And they fought with in lystes in Smythfeld / where the knyght scom¦fy••ed the Clerk / and there the Clerk was despoylled of his ar∣mure / and drawen oute of the feld to Tyburn and there hanged In the same yere Syr henry Percy erle of northumberlond and the lord bardolf comyng oute of Scotland to geder with a grete company were taken by them of the north that fought with them and smote of theyr heedes and brought hem to london / and sette hem on london brydge / ¶ In the / ix / yere was Syre Edmond Erle of kente made Ameral of the see / whiche kepte the see wor∣thyly with many Ryall shippes / And atte laste he londed at the Costes of Brytayne in the Ile of Bryak / and besyeged the cas¦tel / and sawted hit / and with a quarel he was slayne / but neuer theles the Castel was goten / And thenne his meyne come home ageyne with therles body whiche was buryed with hys Annces¦tryes worshipfully / ¶ Also this same yere was a grete Frost that dured fyftene wekys / whiche frost destroyed for the moost parte alle the smal byrdes /

¶ Capitulum xi

This yere lowys Duc of Orleauns was slayn mescheuous∣ly at Parys atte Commaundement of the duc of Burgo∣yne / For it was soo that the duc of Orleaunce hadde ben to vy¦syte the Quene / And as he retorned to his Inneward / certayne personnes ordeyned by the sayd duc of Burgoyne laye in a way∣te / and fyll on hym and slewe hym cruelly smytynge the brayn oute of his heede / And one of his gentylmen was slayne with hym / wherfor on the morn was a grete counseyll / And the ya••es of Parys were closed / And alle the grete lordes thenne beyng at Parys were assemblyd / Among whome was the sayd duc that commysed this murdre / and there was gyuen strayte commaun∣demente to the Prouost of Parys that he shold make strayte ser∣che to knowe who hadde cōmised this grete murdre / For as soone as the murdres hadde slayne the duk / they sette an hous a fyre / And whyle the people cam for to staūche the fyer / they had their horses redy / and soo escaped and roode in to flaundrys / And on the nexte daye whanne al the lordes were reassembled there was moche axynge and serchyng. who myghte doo this murdre / Thenne the sayde Duc of Burgoyne stode vp and sayde that he hym self hadde doo putte hym to deth for certayne causes whiche he wold Iustyfye / and forthwith he departed oute of the counse••l and wente to his lodgyng / and toke his hors with a pryuy mey¦ney / and rode strayt to l̄yle / and after cam al his other meyny / and so departed he from parys / Wherupon after cam the duchesse of Orleaunce his wyf the Dukes doughter of Melan with her sonnes / and her oldest sones wyf suster to the kyng / whiche had ben to fore quene of Englonde kynge Rychardys wyf / and re∣quyred humbly Iustyce of the kynge / whiche thenne was in go∣de heele / and sate in the chayer of Iustyce / To whome the kynge sayde that he wold doo Iustyce on them that commysed that hor∣ryble crysme on his seul and only broder / And that they sholde veryly knowe it in al hast possible / Thenne after this the duc of Bargoyn made requestys that he myght come to fore the king and his counseyll for to Iustyfye the deth of the duc of Orleaū∣ce / whiche was graunted / and soo cam with a grete Armye in to Parys / And there to fore the Dolphyn and al the counseylle of the kynges in playn parlemente by a doctour of dyuynyte callyd mayster Iohan Petyte / he made his Iustificacion / And after at another daye assygned the duchesse of Orleaunce dide by ano¦ther doctoure of diuinite make a replicacion / And so that mater

••enge longe / whiche mater was occasion of Infynyte sorowe in the Royamme of Fraunce / ¶Aboute this tyme the counseylle of Pyse was / in whiche was bygonne the maner to make vny∣on in the chirche / but •• it preuayled not / ¶ In the tenthe yere cam the Seneschal of henawd wtth many other gentil men in to Englond for to doo armes and to g••ete honoure and wor∣ship / The Seneschal chalengyd therle of Somersete And therle delyuerd hym manly of his chalengys and wanne thonoure o•• the felde. / The next day after cam in to the felde another man of the Seneschallys partye / & ageynst hym cam Syre Rychard of a rondele knyght / And the Henewer had the better of hym for he brought hym on his knees ¶ The thyrdde day cam in another And ageyne hym cam Syre Iohan Cornewayle knyght and manly quytte hym in the felde and hadde the beter of his aduersa¦rye ¶ On the fourth day cam in to the feld another Henewer And ageynste hym cam Syre Iohan Cheynco sonne / and he cast ••oune hors & man / And therfor the kyng dubbyd hym knyght ¶The Fyfthe daye cam in another Henewer / And to hym cam Syre Iohan Styward knyght / whiche quytte hym manly and hadde the better / ¶ The Syxthe daye cam another Henewer / And to hym cam william Porter Squyer / And he hadde the better of the Henewer / and the kynge dubbyd hym knyght ¶The seuenthe day cam in another Henewer / And to hym cam Iohn standysshe Squyer / and he hadde the better / and the kyng dubbyd hym knyght / ¶ The same day cam another Henewer And to hym cam a squyer of Gascoyne / whiche hadde the better / and was dubbed knyght / ¶ The eyght daye cam in two He∣newers / And to hem cam two Sowdyours of Calays / that we∣re bretheren whiche had the better in the felde / And thus ended this Chalenge with moche worship / The kynge thenne fested the straungers ryally / And at theyr departynge yafe hym Ryche yef¦tes / and soo they departed and wente home / ¶ In the enle∣uenth yere was a batayll done in smythfelde bytwene two squy∣ers / One callyd Gloucetre / And that other Arthure / whiche well and manly foughte to geder longe tyme / ¶And the kynge for theyr manlynes toke theyr quarel in to hys honde / and made hem goo oute of the felde to gyder attones / ¶And soo they were dyuyded of theyr bataylle / And the kynge yaf hem grace / This same yere the Comon•• putte vp a bylle in the parlement to the kynge as for the temporalytres beynge in the handes of the

spirituelte. but ther was none answer gyuen at that tyme / For the kyng wold be aduysed / ¶ After Rupertus Sygismundus was electe and chosen emperour this same yere / and was Empe¦rour seuen and twenty yere / ¶This Sygysmundus was kynge of hongary whiche was a veray Crysten and meke man / also de∣uoute and hooly / and after thoppynyon of somme persones wor∣thy to be canonysed / This was a special socour to hooly chirche whiche he fonde soore afflycte and desolate by the scysme / but he by his merueyllous wysedome and industrye socoured it gretely / For he spared not hym self / ne his vnto the tyme that ther was a very and full vnyon in the chirche / ¶ He hadde nyne bata¦taylles ageynst the turkes / whiche he al gate tryumphyng / what shal I saye more / but alle the lawde that hath be gyuen to Con∣stantyn / Theodosio / To Charles / To Ottone / and all other Em∣perours worthy to be preysed / maye surely be applyed to this Sy∣gysmunde / he was crowned of Eugenye / ¶ After this the Royamme of Boheme was a grete pa••te destroyed by Sygis¦munde / and the prynces of Almayne for the heresye of the hussy¦tes / And the pope gaf oute a Croysye ageynst them / A Croy∣sye gyuen by the pope is whanne he giueth playne Indulgence to them that make warre ageynste Hethen men / Turkes or herety∣kes / or them that be not obedyente to the chirche of Rome / In the same yere Iohan of badby a fals lollar and heretyke was brente in Smythfeld / whiche byleuyd that the Sacrament was was not goddes bodye /

¶ Capitulum Duodecimum

IN the twellyfth yere of kyng Harry was taken a Squ••er of wales that hadde ben a rebelle and supporter of owen of glyndor and he was Iuged to deth at london / where he was dra∣wen hangyd & quartred. & his four quartres sette vp in four go∣de townes / and his hede on london brydge In the thyrtenth ye¦re of his regne deyde Sire Iohan Beauford Erle of Somersete Capytayne of Calays / And lyeth buryed in the Abbaye of the Tour hylle / The same yere cam the ambassatours of Fraunce from the duc of Burgoyne to the prynce kynge henryes sonne for helpe and socour ageynst the duc of Orleaunce / Thenne wen¦te ouer / The Erle of Arondele / the Erle of kyme / and the lord

Cobham with many other knyghtes / and squyers / and had a gre¦te retenew ageynst the duc of Orleaunce / And at sayntelo besyde Parys in Fraunce they mette and had vyctory of the Frenssh∣men / and of the Armynaks / And the duc rewarded Rychely our Englyssh men and they come ageyne / ¶ Not longe after the duc of Orleaunce sente Ambassatours to kynge Harry to ha¦ue helpe and socour ageynst the duc of Burgoyne. At whiche ty¦me the kynge made thomas his sonne duc of Clarence / And Io¦han his sone duc of Bedford / And his sonne vmfrey Duke of Gloucetre / Syre thomas beauford Erle of Dorsete / And the duc of Anmarle he made Duck of york / ¶ Thenne he ordeyned the Duc of Clarence / and the Erle of Dorsete / and Syre Iohan cor¦newayle with a grete retenue to passe ouer in to Fraunce to helpe and strengthe the duck of Orleaunce / and thenne the lordes with theyr retenue sayled in to normandye / And at theyr londynge met••e ageynste hem the lorde ham••o with seuen thousand men of Armes of Frensshemen / whiche were putte to flyght / and taken of hem seuen honderd men of Armes of Frensshmen / and toke many prysonners / And soo they rode forth thurgh Fraunce ta¦kyng Castels and townes / and slewe moche peple of frensshmē and toke many prysonners / and soo passed forthe tyll they come to Bourdeux / there restyng them a whyle / And sette the coun∣ray in peas and reste / and thenne come hoome ageyne / In this yere the Coyne was lyghted both of Golde and of sil¦uer / and weyed lasse syn than it dyde byfore / ¶ In the / xiiij yere of the regne of kynge harry ther were made galeys of warre for the kynge purposed to haue passed the see / and soo forth vnto Ierusalem / but god vysyted hym with grete and feruent Infyr∣mytees / and on a day he was brought to saynt Edward Shr••n to make his offryng and to take his leue / And there beynge he be¦cam soo seeke that they were about hym supposed he shold haue deyd there / & thenne they toke & bare hym in to the abbots place in to a fayre large chambre / and leyde hym vppon a Paylet to fore the fyre· And whanne he was comen to hym self ageyne / and wyst not where he was / he axyd of his Chamberlayn where he was / and how the Chambre was callyd that he was Inne / And he told hym that he was in thabbots place / and that the chā¦bre was named Ierusalem / ¶ Thenne he sayde that his ty¦me was come. and that it was prophecyed of hym / that he sholde dye in Ierusalem / and there disposed hym to godwarde and made

hym redy / & sone after deyde in the same chambre / On whoos sou¦le god haue mercy Amen / ¶ Thenne was the bodye caryed from thennes in a barge by water to Feuersham / And from thennes to Caunterbury by londe / & there by saynt thomas shry∣ne in Cristys chirche he is buryed / Thus ended kyng harry the fourth aboute mydlente sondaye in the yere of oure lorde / a thou∣sand four honderd and twelue

Capitulum xiij

AFter kynge Harry the fourth regned harry his sonne bor¦ne at monmouthe in walys / This Harry whiche was the fyfth harry after the Conquest was a noble and wyse man / For after his faders deth whanne he hadde take vpon hym to be kynge / he chaunged al his Condicions and was sodeynly chaū∣ged and lefte al his old wyld maners and charged alle them / that had ben conuersaunt in his wylde lyuynge that they shold auoyde his presence and come no more therynne /

This man dyde many greete thynges in his dayes / and regned not fully ten yere / For in the tenth yere of his regne and syx & thyrtty yere of his age he deyde / and is buryed worshipfully at westmynstre / In his fyrst yere anone after he was crowned / whiche was the nynthe day of Apryll / He sente to the Frerys at langley where the body of kyng Rychard the second was buried and lete the body take oute of therth ageyne and dyde do bryng it to westmynstre in a Ryal chare couerd with black veluet and baners of dyuerse armes about / And alle the horses in the chare were couerd with blac / and beten with dyuerse Armes / and ma¦ny a torche brennyng by the chaar till they cam to westmynstre / And there he lete make a ryall terment and buryed hym by que¦ne Anne his wyf as his desyre was / Aboute whoos sepulcre ther stande foure grete tapers contynuelly brennynge / And one day in the weke perpetuelly he hath a Dirige with nyne lessons And on the morne a masse / bothe by note solempnly on whiche day is gyuen also wekely in pens to poure peple enleuen schyl∣lynges / & viij d / all ordeyned by this kyng vpon grete payne / And on the day of his annyuersary is yerly gyuen twenty pond in pens to pour peple / ¶ Also this kynge ordeyned by his lyf and founded the chartrous at Shene / And the hous of

Syon of saynt Brygyttes ordre / And dyde moche good to the newerke at westmynstre where he lyeth buryed / and ordeyned thre masses perpetuelly to be songen ouer hym dayly / & also cer¦tayne lyghtes dayly to brenne atte hye masse and at euensong / & twenty pound to be deled in pens yerly at his annyuersarye / Al this ordeyned he by his lyue besyde all his warre in Fraūce and other greete actes / On whoos sowle Ihesus haue mercy Amen / ¶Also in this fyrste yere Syre Iohan olde Castell lord Cob∣h••m was take and dampned for an heretyk by al hooly chirche and commyted to the tour· and from thennes he brake prysonne / and escaped / And anone after he and his Complyses conspyre∣den the kynges deth and his bretheren / and also the destruction of hooly chirche· For they hadde purposed to haue assemblyd by nyght in saynt gyles felde for tachyeuyd theyr euyll purpose / But blessyd be God the kynge and lordes had knowleche of theyr entente / and toke the felde to fore them / and awayted on theyr comyng and toke many preestes / clerkys / and other lewd men that were of theyr secte fro alle the partyes of Englond / wenyng to haue founden theyr Capitayne there Syre Iohan ol∣de castel / but they were deceyued ¶ For there were take many of them / and nyne and thyrtty were hanged on one daye vppon a newe payr galowes new made fast by the same felde by the hye waye / And seuen of the gretteste heretykes were brente hangyng on the galowes / And anone Syre Rgoyer Acton knyght was taken drawe and hanged vppon the same galowes for the same cause / ¶ In the seconde yere of his regne byganne the generall counseylle at Counstaunce for the vnyon of hooly Chirche / and for to depose them that were Scysmatykes / and to chose one ve∣ray heede and vndubytate pope / Also the same yere Iohan Clay¦don skynnar and Rychard baker of lombardstrete were brent in Smythfelde for heresye / Also this same yere by thadnys of hys counseyle the kynge sente lettres vnto the kyng of Fraunce that he shold rendre & delyuer to hym his enherytaunce / whiche his pre¦decessours had holden and had to fore hym. or ellys he wolde doo his deuoyre to grete it by the helpe of god and of his subgettys with the swerde / To whome it was answerd that the kyng was ouer yong and tendre of age to vse the warre ageynste hem and in derysyon sente to hym a tonne full of Tenyse balles to playe with •• And whanne the kynge vnderstode his answer / anone he lete doo ca lle a counseylle / and there shewed them thismater /

mater / ¶ And there it was concluded by the sayd counseylle and in especiall by the spiritu••••te that h•• sholde goo and grete normandye / and they wold helpe hym to theyr power / It is sayde that the spyritualte f••red soore / that yf he hadde not hadde to doo withoute the londe / that he wolde haue laboured for to haue taken fro the chirche the temporel possessions / And therfor they concluded amonge hem self that they shold sti¦re hym for to goo and make warre ouer see in Fraunce / for to conquere his ryghtful enherytaunce / And soo it was concluded and acorded that the kynge and lordes with al theyr power shol∣de mete at Southhampton at lammasse next after / And soo the eyghtenth day of Iuyn the kyng roode thurgh lon¦don with all his hooste ryally toward Southhampton / And there beynge redy for to passe and alle his lordes assembled There was taken and arestyd for hye treasonne Syre Rychard Erle of Cambrydge brother to the duc of york / the lord Sccope Tresorer of englond / and Syre thomas gray knyght / whiche shol¦de ymagyne the kynges deth / For whiche cause they were Iuged and dampned to deth / And there the nyne and twentyest day of Iuyll they were byheded / And thenne the kynge and alle the lor∣des with theyr armee toke the see with fyften honderd say••••ys / and arryued at kydkaws in normandy / And fro thennes went and leyd syege to harflete by lande and by water / And leyd his ordenaunce to the toune / And the twoo and twentyest daye of September the toune· was gyuen ouer to hym / Thenne ordeyned he there capytayne his vncl•• the Erle of Dor∣sete / and putte oute the Frensshmen / and stuffyd it with englissh¦men / ¶ Thenne the kynge sente in to Englond / and lete crye in euery good towne that what crafty man wolde come the¦der for to dwelle and enhabyte the toune there sholde haue hows and houshold to hym and his heyres for euermore / Thenne come theder many craftes men / and enhabyte them the∣re / ¶The kynge seynge the toune wel stuffyd with vytaylle and men / he passyd forthe by lande towarde Calays / Thenne the Frensshmen heerynge of his comyng brake the bryd¦ges that he sholde not come ouer the Ryuer of Somme / . ¶Thenne the kynge wente soo fer vpward / that he gate ouer and cam in to Pycardye / ¶ And thenne were the Frensshmen at Agyncourt Rolandcourt and blangy wyth alle the Ryal power of Fraunce / excepte the duc of Burgoyne

whiche wolde not come theder / ne suffre his sonne the lord cha∣royles to come theder / ¶ And whanne the kynge sawe that h•• myght not passe / he toke hi•• felde with suche peple as he hadde / whiche were not passynge seuen thousand fyghtynge men And the mooste parte of hem were seeke of the flyxe / and the yemanry hadde theyr hosen teruen or bounden bynethe the knee ha¦uynge longe Iackys· But euery man had a good bowe a sheef arowys. and a swerd ¶ Thenne he sette his felde / and sette the duc of york in the vauntward / And ordeyned in the nyght to fore the bataylle that eche man sholde make a stake sharp on both̄ thendes and pytche it a slope in the grounde to fore hym / And soo on the morne he hadde his confessour that made hem to saye a general confession / and gaf them general absolucion / And thenne the kynge roode thurgh̄ the felde and comforted hem promysynge to them that he wol̄d rather deye that day than yelde hym / And thenne euery man toke good herte and courage And soo abode the comynge of Frensshmen. whome they ressey∣ued on her stakys stomblynge and fallynge donne hors and man / In suche wyse that our men shotte on hem / and soo fought that thurgh the grace of god the vyctorye abode with the kyng / and the Frensshmen ouerthrowen / and were slayne of them en∣leuen thousande and moo / And many grete lordes and gentyls take prysonners / And whanne the kynge hadde thus goten the Felde / tydynges cam that ther was comynge a newe batayll of Frensshmen towards hym / And thenne he dyde doo crye and co∣maunded that euery man shold slee his prysonners And whanne the duc of Orleaunce herde that / and other greete lordes / they sente worde to the Frensshmen / that yf they cam on they shold be slayne / And thenne the Frensshmen for sauacion of the prysonners lyues withdrewe them / And soo the kynge hadde and kepte the felde / and wanne the worshippe of the bata∣ylle / ¶ And there were slayne in the felde thre Dukes / Nyne Erlys / And Barons nyghe an honderde / and Gentyl∣men in Cote armoure / xlv / C / ¶ And of the Englyss••e partye the Duc of yorke / and therle of Suffolke and not twen∣ty personnes moo blessyd be god / the duc of Braban was taken a lyue / but whan the kynge commaunded that euery man shold slee his prysoner· he was slayne / on whos sowle and alle other god haue mercy Amen / Thus by the helpe of Almyghty God the kynge of Englond with vij / M / Englysshmen wan the feld

vpon the Frensshmen whiche were nombred moo than foure sco∣re thousand men with all the ryall lordes of Fraunce except the kynge and Dolphyn / And whanne al was done the kynge de∣maunded the herowdes the name of the next place to the felde / And they answerde Agyncourt / Thenne sayd he we wille that the bataylle be callyd and named the bataylle of Agyncourt / ¶ Thenne the kynge kepynge the felde with his hoost al nyghte after on the morne departed toward caleys with his prysonners. That is to wete the Duck of Orleaunce / The Duck of Borbon / the erles of Ewe and of vendon / Burcicaught the marchal of Fraunce with many other lordes and Gentill men / whome he brought alle in to Englonde with hym where he was receyued in euery place worshipfully with alle the honoure Ioye and So∣lempnyte that myght be / And the foure and twentyeste daye of nouembre the kyng cam to london / and it is to wete that euery Englisshman that had ben in that bataylle gate good prysoners or good Iewellis For the Frensshmen were Richely and costlew arrayed / wherof oure peuple had good pyllage /

¶ Capitulum 14

IN the thyrdde yere of his regne the emperour of Almayne Sygysmund cam in to Englonde / and was receyued wor¦worshipfully at douer ky the duc of gloucetre / And the Cyte of london / as the mayer Aldermen and alle the craftes in the moost best wise resseyued hym at blackheth / the seuenthe daye of maye / And at saynt thomas wateryng the kyng him self with his lor¦dys mette him and welcomed him in the moost goodlyes•• wyse / And toke him by the honde / and· roode forthe with him thurgh the Cite and offrid at powlis / and thenne rode forth vnto west¦mestre / where the king lodged him in his owne palays / And there abode a grete whyle at the kinges coste /

Thenne come the Duc of Holonde in to Englonde / whome the king resseiued worshipfully / and lodged him in the Bisshop of Elyes place in holburne / whanne the Emperour hadde seen the manere of this londe and the commodytees therof / he was electe and chosen to be a broder of the garter / whiche he toke and receyued gladly / and ware it euer after / ¶ And thenne the

kynge brought hym to Calays / And theder cam to hym the duk of Burgoyne for to doo hommage to themperour for the coū¦te of alst in Flaundres / whome the kynge receyued worshipful∣ly / And thenne after themperour toke leue of the kynge / and de¦parted / and soo eche toke leue of other and the kyng retourned ageyne in to Englond / And the Emperoure wente to Zierixsee in Zeland / and thenne vnto Dordrecht in holonde· ¶ In the fourthe yere the duc of Bedford / therle of marche and other certayne lordes with theyr retenue foughten on the see ageynst seuen Carryks of gene / and fyfty other vessels as hul∣kes barges / galeys and galyetis / Of whome were taken thre gre¦te carryks with the patrons. and drowned a grete hulke callyd the black hulk of flaundres. And the remenaunt fledde aweye and this was done on our lady day Assumpcion / Also this yere at a parlement holden at westmynstre was graū∣ted to the kynge an hoole fyftenthe / and a dyme to mayntene with his warrys / And this yere the kynge sayled with al his retenewe ouer see in to normandye ageyne / And londed on lam¦mas daye at Toke / And there at landynge the kynge made eyght and fourty knyghtes / And anone the kynge wanne the Toune of Toke and the Castel withoute strooke / and he made Syre Iohan kygley Capytayne therof / And thenne the kynge sent therle marchal vnto louers whiche they sawted / And anon it was yolden / And therle brought the keyes to the kynge. and the kyng delyuerd hym the keyes ageyne / and made hym Capy¦tayn of louers / Thenne the kyng wente to Cane / and besyeged it / and with a sawte entryd the toune and gate it / but the Cas∣tel helde / and the Capytayne desyred respyte of fourten dayes for tabyde rescows / and yf none cam than to delyuere it / The kynge graunted it hym and vnder the same apooyntement was the Cyte of bayows with other townes and fortresses vnto the nombre of fourtene / vppon the hyll to fore the Castel of Cane the kynge pyght alle his tentes and pauyllons whiche semed a toune as moche as Cane ¶ And whanne tydynges cam that noo rescowes wolde come / at fourten dayes ende the Capytayne delyuerd the keyes and Castel vnto the kynge /

And in lyke wyse was bayons with other fourtene townes de¦lyuerd also / Of whiche townes and castels the kynge made the duk of Clarence Capytayne and gouernour / In cane the kyng heelde his feste of saynt George / where he made fyftene knyghtes

of the bathe. ¶ And thenne er he departed he gate valeys and sente the duc of gloucetre to Chyrburgh for to geete it / whiche he besyeged and lay long there / And thus the kyng sente to dyuerse townes / and gate dayly many townes / in soo moche that he gate alle the tounes Castels / Pyles / strengthes and ab¦beyes vnto pount Alarche and fro thens to Roan / Aboute this tyme yet contynued the counseylle of Constaunce In whiche was ended the scysme of fourty yere / and ther was dampned the heresyes / and two heretyks that is to wete Iohan¦hus and Iherome were brente / And many good thynges Insti∣tued and ordeyned / there was determyned decreed by the hooly synode that the counseyll lanfully gadred and assembled repre¦sentyng the chirche hath vnyuersal power inmedyatly of Cryst To whome euery astate as wel the papal astate as other is boū¦den and holde to obeye in tho thynges that toucheth the general reformacion of the chirche that is to wete in feyth and maners al wel in the heede as in the membrys / Item that from thenne forth on sholde alwey the general counseyl be holden fro ten yere to ten yere. ¶ In this counseyll was chosen for to be pope Martyn / whiche was martinu s quintu s / and was pope fourten yere / And there was the vnyon whiche was desyred long y had for the defence of the feyth / This was a myghty Pope aboue alle other / Ryche· and a man of grete Iustyce / he helde the stretes and hye weyes sewrly and in pees / He destroyed heretyks / he dyde many goode thynges by helpe of the noble Emperour Sygys∣munde / ¶ And for to recouer the holy lond / he gadryd moche tresoure / but by deth that cam vpon hym / it was lette / And a lytel to fore his deth ordeyned a general counseyll to be assemblid in Basyle / In the fyfth yere of the Regne of kynge harry the fyfthe Syre Iohan old castel lord Cobham was taken and con∣uycte by the clergye for heresye / and dampned to fore the tempo∣ral Iuges for tresonne / And soo he was drawen and hanged in saynt gyles felde vpon a newe payr of galows with a cheyne of yron / and vnder the galewes was made a grete fyre which bren¦te galowes and alle / ¶ In the syxthe yere the kyng besyeged the Cyte of Roan / whiche endured half yere and more And atte laste the Cyte beyng in grete famyne putte oute moche peple as women and children whiche deyde for honger. moo than thyrtty thousand / & also seyng that noo rescowse cam appoynted with the kyng & gaf ouer the toun vnto hym which he receyued

And anone after that Roan was goten deepe and many other tounes in baas normandye gaf them ouer withoute strook or sye¦ge whanne they vnderstode that the kynge had goten Roan /

¶ Capitulum xv

AAlso this same yere hadde ben a pees made and sworne by∣twene the duc of burgoyne and the dolphyn / whiche were sworn vpon our lordes body that they shold loue and assyste eche other ageynst theyr enemyes / And after this contrary to this othe / the Duc Iohan of Burgoyne was slayne and pytously murthred in the presence of the dolphyn / wherfore the Frensshe¦men were gretely deuyded and of veray necessyte labouryd to ha¦ue a traytye with the kynge of Englond / For the kynge of en∣glond wanne dayly on them townes Castels and fortresses / Al¦so this same yere was Quene Iane arestyd and brought to the castel of ledys in kente / And one Frere Randolf a doctour of di∣uynyte her confessour whiche afterward was slayne by the per∣son of the tour fallynge at wordes and debate / And afterward Quene Iane was delyuerd ¶ In the seuenth ye¦re both kynges of Fraunce and of englond were acorded / and kyng harry was made heyr and regente of Fraunce / And wed∣ded dame kateryne the kynges doughter of Fraunce atte Troyes in Champayne on Trynyte sondaye / And this was made by the meene of phelyp newely made duke of Burgoyne / whiche was sworne to kynge harry / And for tanenge his faders deth he was become englysshe / And thenne the kyng with his newe wyf wē∣te to parys. where he was ryally receyuyd / And from thens he with his lordes and the duc of Burgoyne and many other lor∣des of fraūce leyd syege to dyuerse townes and Castels that hol¦de of the dolphyns partye / & wan them / but the toune of melun helde long / for therin were good defendours / In the viij yere the kyng and the quene cam ouer see & londed on candelmasse by the morow at douer / & the xiiij day of feuerer the kyng cam to lon∣don / & the xxj day of the same moneth the quene cam / & the xxiiij day of the same she was crowned at westmestre / Also the same yere anon after eester the kyng helde a parlement at westmestre / at whiche parlement it was ordeyned that the gold in Englysshe

coyne shold be weyed and none resseyued but by weyght / And anone after whitsontyde the kynge sayled to Caleys. and passyd soo forth in to Fraunce / And in marche the two and twē¦tyest daye byfore the kynge cam ouer / the duc of Clarence was slayne in Fraunce / and dyuerse other lordes taken prysoners as the erle of hūtyngdon the erle of Somersete with dyuerse other And al was by cause they wold not take with hem Archers / But thought to haue doo with the Frensshmen them self with∣oute them / And yet whanne he was slayn tharchers cam and re¦scowed the body of the duc whiche they wold haue caryed with them. God haue mercy on his soule / he was a valyaunt man. And the same yere bytwene Crystemasse and Candelmas••e the toune of melun was yolden to the kynge / ¶ In the nynth yere on saynt nycholas day in december was born harry the kyn¦ges first begoten sonne at wyndesore / whoos god faders at fou••∣stone was harry. bisshop of wynchestre. and Iohan duke of bed∣forde / And the duchesse of holond was godmoder / and harry chy¦chely archebisshop of Caūterbury was godfader atte confermyng And in the tenth yere the Cyte of mews in brye was goten / whiche had ben l̄onge besyeged / And this same yere the Quene shipped at hampton / And sayled ouer to the kynge in Fraunce / where she was worshipfully receyued of the kyng / and also of the kyng of Fraunce her fader and of her moder / and thus kyng Harry wan faste in Fraunce and helde grete astate / and sate ar¦dyner at a grete fest in parys crowned & the quene also / whiche hadde not ben seen to fore / and alle peple resorted vnto his courte / But as to the kynge of Fraunce he helde none astate ne rule / but was lefte al moost allone / / ¶ Also this yere the whether cock was sette vpon powlus steple at london / ¶And this yere in the moneth of August kynge Harry w••xe seke at Boys de vyncent / And whanne he sawe he sholde deye / he made his testament. and ordeygned many thynges nobly for his sowle / and deuoutly resseyued alle the ryghtes of hooly chir¦che / in soo ferforth that whanne he was enoynted he sayd the ser∣uyse with the preeste / and whanne the vers of the Psalme / Mi¦serere mei deus / &c / that was Benigne fac domine in bona vo∣luntate tua syon vt edificentur muri Ierl̄m was sayd / he bade tarye there and sayd thus O good lord thou knowest that myn¦entent hath ben and yet is yf I myght lyue to reedefye the wal¦lys of Ierl̄m / and thenne the preest proceded forth and made

an ende / And anone after this mooste noble prynce and vycto∣ryous kynge flour in his tyme of Crysten chyualrye / whome alle the world doubted gaf his soule in to the handes of God / & deyde & made an ende of his naturel lyf atte sayd Boys de vyncent besyde parys / the syx and thyrttyest yere of his age / on whoos soule god haue mercy Amen / Thenne was the bodye enbamed and cered and leyde in a ryall chare / and an ymage ly¦ke vnto hym was leyde vpon the Corps open with dyuers ba∣ners and horse coueryd rychely with tharmes of Englonde and Fraunce / And also the olde armes / as saynt Edwardys / seynt edmonds and other with grete multitude of torchys / with who∣me wente the kyng of Scotlande and many other lordes whiche accompanyed the body till it cam vnto westmynstre by london in Englonde / And in euery toune by the waye he hadde solempnly his dirige / atte euen and masse on the morn / and moche Almesse was gyuen to poure people / And the seuenthe daye of Nouembre after / the Corps was brought thurgh london with grete reueren∣ce and solempnyte vnto the monasterye of westmynstre / where as he nowe resteth / On whoos Tombe is a Ryche ymage lyke hym self of Syluer and gylt / where he is dayly remembrid and praid fore / On whoos sowle and all Crysten god haue mercy Amen /

¶ Capitulum xvj

HEre is to be noted / that this kynge Harry the fyfthe was a moche noble prynce after he was kynge and crowned / How be it to fore in his yongthe he hadde ben wylde / Recheles / and spared no thyng of his lustes ne desyres / but accomplisshid them after his lykynge / But as soone as he was crowned / eno¦ynted and sacred / anone sodaynly he was chaunged in to a new man / and set al his entente to lyue vertuously in mayntenyng of hooly chirche destroyng of heretykes / kepynge Iustyce / and de¦fendynge his Royamme and subgettis / And for as moche as his fader hadd deposyd by his labour the good kynge Rychard And pytously made hym to deye / And for thoffence doo to hym ageynst his lyegeaunce / he hadde sente to Rome to be assoylled therof / For whiche offence the pope oure hooly fader enioyned hym to make hym be prayd fore perpetuelly / and lyke as he had

done to be taken from hym his naturell lyf / therfore he sholde doo founde four tapers to brenne perpetuelly aboute his body / that for the extynction of his bodyly lyf / his sowle maye euer be remem∣bryd and lyue in heuen in spyrytuel lyf / And also that he shol∣de euery weke on the daye as it cometh aboute of his dethe haue a solempne masse of Requiem / and on the euen to fore a dirige with nyne lessons / and a dole to pour people alwaye on that daye of enleuen schyllynges eyght pens to be delyd peny mele. And ones in the yere at his annyuersarye his terment to be hol∣den in the moost honest wyse and to be deled that day twenty 〈◊〉〈◊〉 / in pens to pour peple / and to euery monke to haue twenty schil∣lynges whiche alle these thynges performed this noble kyng for his fader / For kynge harry the fourth his fader performed hit not duryng his lyf / whome as it is sayde god touchyd and was a lepre er he deyde / ¶ Also thenne this noble Prynce l••••te doo calle alle thabbottes and pryours of saynt Benets ordre in Englond / & hadd them in the Chapytre hous of westmynstre for the reformacion of thordre / wherynne he had comynycacian / and also with Bisshoppes & men of the spyritualte / In soo ferforth / that they doubted soore that he wold haue had the temporaltees oute of their handes / wherfor by thaduis labour and procuryng of the spyrytualte encouraged the kynge to chalenge normandy and his ryght that he hadde in Fraunce / to thende to sette hym a werke there that he sholde not seeke occasions to entre in to suche maters / And soo alle his lyf after he labouryd in the warrys in conquerynge grete parte of the Royamme of Fraunce / that by thagrement of the kynge charlys hadde alle the gouernaunce of the Royamme of Fraunce / And was proclamed Regent and he∣yr of Fraunce / And soo not withstandyng alle this grete warre that he had yet he remembryd his soule / and also that he was mor¦tal and muste deye / For whiche he ordeyned by his lyf the place of his sepulcre / where he is now buryed and euery day thre mas¦ses perpetuelly to be songen in a fayr chapel ouer his sepulcre / Of whiche the myddel masse and the fyrst and the laste masse shal be as it is assygned by hym as it appereth by thyse verses folo∣wynge /

¶ Henrici misse quinti sunt hic tabulate Que successiue sunt per monachos celebrate / Die dm̄ca ¶ Prima sit assumpte de festo virginis alme / Poscit postremam. Cristus de morte resurgens /

Prima salutate / de festo virginis extat / Feria ij Nunciat angelicis / laudem postrema choreis / Esse deum natum / de virgine prima fatetur / Feria 3 Comemorat natam / sic vltima missa mariam / Prima celebretur / ad honorem neupmatis almi Feria 4 Vltima conceptam / denunciat esse mariam Semper prima coli / debet de corpore cristi Feria 5 Vltima sit fata / de virgine purificata / Condecet vt prima / celebretur de cruce sancta Feria 6 At{que} salutate / fiet postrema marie / Omnes ad sanctos est prima col••nda supernos / Sabbato Vltima de requie pro defunctis petit esse Semper erit media de proprietate dei /

And yet this noble kyng harry the fyfthe founded two howses of Relygion / One callyd Syon besyde braynford of the ordre of saynt Brygytte both of men and wymmen / And on that other sy¦de of the Ryuer of Tamyse an hows of monkes of the chartre∣hous in whiche two places / he is contynnelly prayd fore nyghte and day / For euer whanne they of Syon rest / they of the char∣trehous done theyr seruyce / And in lyke wyse whanne they of the chartrous rest the other goon to / and by the ryngyng of the bel∣lys of eyther place / eche knoweth whanne they ende theyr seruy∣se whiche ben nobly endowed. and done dayely there grete almesse dedes / as in the chartrehous certayne children ben founde to scole and at Syon certayne almesse gyuen dayly / And yet besyde all this he hath founded a recluse whiche shal be alwey a preeste to praye for hym by the sayde chartrehous / whiche preest is wel & sufficiently endowed for hym and a seruaunt / Loo / Here maye all prynces take ensample by this noble prynce that regnynge so lytel tyme not fully x yere / dyd so many noble actes / as wel for his sowle to be perpetuelly remembryd & prayde fore. as in his wordly conquestys / and he beynge in his moost lusty age despy∣sed and eschewyd synne / and was vertuous and a grete Iustyser In soo moche that alle the prynces of Crystendom dradde hym / & also of hethenes / And had determyned in hym self yf god wol¦de haue sparyd hym that he wold haue warryd agayne the sara∣syns / and for to knowe the ayde of other prynces & all the passa¦ges in that iourney he sent a knyght of henawd named syr hugh̄ de lanoye vnto Ierl̄m / but er he retorned he deyd at boys du vin¦cēt in the / xxxvj / yere of his age / on whos soule god haue mercy

How kyng harry the syxth regned beynge a childe not one ye∣re of age / and of the bataylle of vernoyl in perche /

¶ Capitulum 17

AFter kyng harry the fyfthe regned harry his sonne a chil / de and not fully a yere old / whoos regne began the fyrst da∣ye of september / the yere of our lord a thousand four honderd and two and twenty / This kynge beyng in his Cradel was moche doubted and dradde by cause of the grete Conquest of his fader and also the wysedome and guydynge of his vncles the duck of bedford and the duc of gloucetre / This yere the xxj day of Octo∣bre deyde charles kyng of Fraunce / and lyeth buryed at saynt de¦nys / and thenne was the duc of Bedford made regent of fraūce And the duc of gloucetre was made protectour and defendour of Englond / And the fyrst day of marche after was Syr wylliam Tayllour preest degraded of his preesthode / and on the morne af¦ter he was brente in Smythfeld for heresye / ¶ This yere Syre Iames styward kynge of scottes maryed dame Iane the duchesse doughter of Clarence of her fyrst husbond therle of So∣mersete at saynt mary ouerays ¶ Also this yere the seuententh day of august was the bataylle of vernayl in Perche bytwene the duc of Bedford regent of Fraunce and the Duc of alaun∣son whiche was a greete bataylle / The duc of Bedford hadde on his syde with hym therle of Salesbury Mountagu the lord tal¦botte and alle the power that they coude make in normandy the garnysons kepte / And also many Capytayns with moche peple of the duc of Burgoyns / And on that other syde was the Duc of Alaunson / the duc of Turon that was therle douglas / therle of Bougham with many lordes of fraunce / and greete companye of Scottes and armynakes / And thenne therle douglas callyd the duc of Bedford Iohan with the leden swerde / and he sente hym worde ageyne that he shold fynde that daye that his swerde was of stele / And soo the bataylle ioyned on bothe sydes and fought longe that ther wyst no man who shold haue the bet••r a grete whyle / but at last as god wold the vyctory fyll on then¦glysshe partye / For ther were slayne therle douglas whiche a ly¦tel byfore was made duc of Turone / therle of Bowhayn. therle of Almarre / the erle of Tonnar / therle of vauntedore· and the

vysecounte of nerbonne whiche was one of them that slewe duk Iohan of burgoyne knelyng to fore the dolphyn and many mo vnto the nombre of ten thousande and moo / And ther was taken prysonner the duc of alaunson and many other lordes and gen∣tyls of Fraunce / but scottys that day were slayne doune ryght the substaunce of them alle / In the thyrde yere of kyng harry the syxth / the duke of gloucetre maryed the duchesse of Holond and wente ouer see with her in to henawde for to take possession of his wyues enherytaunce / where he was honorably receyuyd and taken for lord of the lond / But soone after he was fayne to retorne hoome ageyne / and lefte his wyf and his tresour that he brought with hym in a toune callyd mounse in henawd / whiche promysed for to be trewe to hym / Not withstandyng they deliuer∣de the lady to the duc of Burgoyne / whiche sente her to gaunt / And from thens she escaped in a mannes arraye / and cam in to Zeland to a toune of her owne callyd Zierixee / And from thens she wente to a Toune in holond called the Ghowde. and ther she was stronge ynough and wythstode the sayd Duc of burgoyne / and sone after this the duc of gloucetre sente ouer in to Zeland the lord fytzwater with certayne men of warre and Archers for to helpe and socour the sayd duchesse of holond / whiche londed at a place in Zeland callid Brewers hauen / where the lordes of the coūtre cam doune and fought with hym / and in conclusion was fayne to withdrawe hym and his meyne to the see ageyne / but yet he slewe and hurte diuers lordes and moche peple of the coū¦treye / And soo retorned home ageyne and preuayled noo thyng

Also this same yere therle of Salysbury / therle of Suffolke the lord wylby / and the lord scalys with theyr retenue / leyd sye¦ge to the Cyte of mauns / the whiche Cyte was yolden to them in shorte tyme with many other stronge townes and Castels to the nombre of syx and thyrtty / ¶ This tyme all normandye and a grete parte of Fraunce vnto Orleaūce was vnder thobey¦saunce of the kynge of Englond / And alle the remenaunt of Fraunce was in grete trybulacion and meschyef /

¶Capitulum xviij

IN the fourth yere the same nyght that the mayer of london iohan Couentre had taken his charge was a grete watche

in london for affraye that was bytwene the bisshop of wynches∣tre / and the duc of gloucestre protectour / For the mayer with the peple of the Cyte wold abyde by the duc of gloucetre as protec∣toure of the Royamme / but by labour of lordes that wente by∣twene / And in especial by the labour of the prynce of Portyn∣gale ther was appoyntement taken that ther was no harme don And after the bataylle of vernoyll in Perche the Duc of Bed∣forde cam ouer in to Englond / And on whitson••aye this yere at leyceter he dubbed kynge harry knyght / And forthwith the sayd harry dubbed alle these knyghtes / whoos names folowe / that is to wete Rychard duc of york / Also the sone and heyr of the duc of norfolk / therle af Oxenford / therle of westmerlond / the sone and heyr of therle of northumberlond / the sonne and heyr of ther∣le of vrmond / The lord Roes / Syr Iames buteler / the lord ma¦trauas / Syr harry gray of Tankeruyle / Syr william neuyl lor∣de Fauconbrydge / Syr george neuyl lord latymer / the lord wel¦lys the lord barkley / the sonne and heyr of the lord Talbot / Sir Rauf gray of werk / Syr Robert veer / Syr Rychard gray / Sir Edmond hongerford / Syr Robert Wynkefeld / Syre Iohan boteller / Syr Raynold Cobham / Syr Iohan passhely / Syre tho¦mas tunstal / Syr Iohan Chydyock / Syre Rauf Langford / Syre william drury / Syre william apthomas / Syre Rychard Carbonel / Syre Rychard wydeuyle / Sire Iohan shyrdelowe / Syr nychol blonket / Syre Rauf ratteclyf / Syre Edmond traf∣ford / Syre william cheyne / Syre william Babyngton· Syre Io∣han Iune / Syr gilbert beauchamp / ¶ Item / In the fyfthe yere the duc of Bedford with the duchesse his wyf wente ouer see to Calays / And a lytel tofore wente ouer harry Bisshop of wynchestre / And on our lady day Annunciacion in our lady chir¦che at Calays the Bisshop of wynchestre whanne he had songe masse was made Cardynal / And he knelyng to fore the hye au¦ter the duc of Bedford sette the hatte on his heede. and ther we∣re his bulles redde as wel of his charge as the reioysyng of his benefyces spirituel and temporel / Also this yere was greete habundaunce of Rayn / that the substance of heye and Corne was destroyed / For it rayned almoost euery other day / ¶This yere the goode erle of Salesbury Syre thomas montagu leyd syege vnto Orleaunce / At whiche syege he was slayne with a gonne / whiche cam oute of the toune / on whoos sowle god haue mercy Amen / For syth that he was slayne Englisshmen neuer gate ne

preuayled in Fraunce / but euer after beganne to lese lytel and lytel tyl all was loste / ¶ Also this same yere a breton murthred a good wydowe in her bedde withoute Algate / which wedowe fonde hym for almesse / And he bare awey al that she hadde / And after this he toke the gryth of hooly chirche at seynt Georges in southwerke / and there toke the Crosse and forswore this lond / And as he wente it happened that he cam by the place where he dyde this cursyd dede in the subarbys of london / And the women of the same paryssh cam oute with stones & ca∣nel dunge and slewe and made an ende of hym / Notwithstan∣dynge the Conestable s and many other men beyng there present to kepe hym / For ther were many women· and had noo pyte / Also this yere the duck of norfolke with many gentilmen and yomen toke his barge the eyght day of nouembre at saynt mary ouerayes for to haue goon thurgh london brydge / and thurgh mysguydyng of the barge / it ouerthrewe on the pyles / and many men drowned / but the duc hym self with twoo or thre leepe vpon the pyles / and soo were saued with helpe of men that were aboue the brydge / whiche cast doune Ropes / by whiche they saued hem self / ¶ This yere on saynt leonards daye kynge harry beynge seuen yere of age was crowned at westmynstre / at whos Coronacion were made syx and thyrtty knyghtes /

This yere on saynt georges day he passyd ouer see to Calays to∣ward Fraunce / Aboute this tyme and afore the Royamme be∣ynge in grete myserye and trybulacion· the dolphyn with his par¦tye beganne to make warre and gete certayne places / and make destrusses vpon Englysshmen / by the mene of his Capytaynes / that is to wete la heer and poton de sentraylles / And in especial a mayde / whiche they named la pucelle de dieu / this mayd roode lyke a man / and was a valyaunt Capytayne among them and toke vpon her many and grete enterpryses in soo moche that they had a byleue to haue recouerd al theyr losses by her / Notwithstā¦dyng at last after many grete feates by helpe and prowesse of sir Iohan luxemburgh whiche was a noble Capytayne of the du / kes of Burgoyne / and many Englysshmen pycardys and bour¦goygnons whiche were of oure partye / byfore the toune of Com¦pyne the thre and twentyest daye of maye the sayd pucelle was taken in the felde armed lyke a man and many other capytayns with her / And all broughte to Roan / and there she was putte in prysonne / and there she was Iuged by the lawe to be brente /

And thenne she sayd that she was with childe / wherby she was respyted a whyle / but in Conclusion it was founde that she was not with childe / And thenne she was brente in Roan / And the other Capytaynes were putte to raunsonne / and entreated as men of warre ben acustommed / ¶ This same yere aboute Candelmasse Rychard hounden a wolle packer was dampned for an heretyke / and brente atte tourhylle / And aboute midlente Syr thomas baggely preeste and vycary of mauenden in Estsex besydes walden was disgrated and▪ dampned for an heretyke / and brente in Smythfeld. ¶ Also in this yere while the kynge was in Fraunce / ther were many heretykes and lollars / that hadde purposed to haue made a rysyng / and caste bylles in many places· but blessyd be god the Capytayne of hem was ta¦ken· whoos name was william mandeuyle a weuar of Aben∣don and bayly of the same toune / whiche named hym self Iak sharp of wygmoryslonde in wales / And afterwarde he was byhe¦ded at Abendon in the whitsonweke / on the tewisdaye /

¶ This yere the seuenth day of december kynge harry the syxthe was crowned kyng of Fraunce at parys in the chirche of oure lady with grete solempnyte / There beyng presēt the Cardynal of englonde / the Duc of Bedforde / and many other lordes of fraū¦ce and of englonde / And after this Coronacion and grete feste holden at parys / the kyng retourned from thens to Roan and soo towārde Calays / And the nynthe daye of Feuerer londed at douer / whome alle the Comyns of kente mette at beramdoun / bytwene caunterbury and douer alle in reede hoodes / And soo cam forth till he cam to blackheth where he was mette with the mayer Iohan wellys with alle the craftys of london cladde alle in whyte / And soo they brought hym to london the one and twē¦tyest daye of the same moneth / This yere was a restraynt of the wollys at Calays made by the sowdyours / by cause they were not payed of their wages / wherfor the duc of Bedford regente of fraūce being thēne Capitayn cam to Cal̄eis the tewsday in the esterweke / & on the morne after many sowdiours of the toun we¦re arested / and putte in warde / And in the same weke he roode to terewyn / And by the mene of the bisshop of Terewyn he wed∣ded therles doughter of saint poul / and cam ageine to Caleis /

¶ And the enleuenst daye of Iuin on saint bernabes daye there were four•• soudyours of Calays that were chyef causers of the restraynt byheded / that is to wete Iohan maddeley / Iohan

lu••daye / thomas palmer / and thomas Talbot / And an Cx / banysshed the toune that same tyme / And byfore were banysshed ••ixe score soudyours / And on mydsomer euen after cam the lord Regent and his wyf to london /

¶ Capitulum 19

ABoute this tyme Pope martyn deyde / And after hym Eu∣genye the fourth was pope / This was pesybly chosen in Ro¦me by the Cardynals and was very and Indubytate pope / But shortly after he was putte and expulsed oute of Rome / in suche wyse that he was fayne to flee naked / ¶ In this tyme was the counseylle of basyle / to whiche counseylle he was cyted to come / and bycause he cam not they deposed hym / but he rought not ne sette not therby / but gate the Cyte of Rome. and abode stil pope seuentene yere / ¶ This yere aboute whitsontyde the He∣retyks of praghe were destroyed / For at two iourneyes were des¦troyed of them moo than twoo and twenty thousande with her Capytayns / that is to wete Procapius / Saplico / and lupus pres¦biter / ¶ Also ther was taken a lyue mayster Pyers clerk an Englysshman and heretyke / Also this same yere was a grete froste and a stronge duryng enleuen wekes / For it beganne on saynt katheryns euen / and lasted vnto saynt Scolasticais day in Feuerer in which tyme the vyntage that cam from bordeux cam ouer shoters hylle / This yere was the counseyl of Aras and a greete traytye bytwene the kyng of Englonde and the Frensshe kynge / where was assemblyd grete many of lordes of bothe par¦tyes / At whiche counseylle was offryd to the kyng of Englond many grete thynges by the moyen of a legate that cam from ro∣me / whiche was Cardynal of saynt Crosse / whiche offres were refused by the Cardynal of Englond and other lordes that we∣re there for the kyng / wherfor the duke of burgoyne whiche had ben longe Englysshe sworne forsoke oure partye / and retourned Frensshe by the meene of the same legate / and made a pees with the Frenssh kyng receyuynge of the kynge for recompensynge of his faders deth the counte of pontieu / the lordship of macon with moche other as is specyfyed in the sayd trayttye / And soo oure ambassadours cam hoome ageyne in wers•• caas than they wente / For they lost there the duc of Burgoyne / whiche hadde

ben with his bourgonyons and pycardes a synguler helpe in all the conquest of normandy and of Fraunce / This same yere was a grete batayll on the see bytwene the Ieneweys and the kyng of Aragon / of whiche bataylle the Ieneweys had the vyctorye / For they toke the kynge of Aragon / the kyng of nauern / and the greete mayster of saynt Iames in galyse with thre honderd knyghtes and squyers and moche other peple / And this was on saynt domynyks day· This yere were seen thre sonnes attones And anone folowyd the threfolde rule and gouernaunce in the chirche / that is to wete / of Eugenye / of the counseyle / and of the neutralyte / Also this same yere 1434 was a passyng grete wyn¦de by whiche steples howses and trees were ouerthrowen / Aboute this tyme was an hooly mayde in holond callyd lydwith whiche lyued longe only by myracle not etyng ony mete / This yere the duc of burgoyne byganne his ordre at lyle of the golden flyes· and ordeygned certayne knyghtes of thordre / and made statutes and ordenaunces· moche acordynge vnto thordre of the garter. Also this yere the Frensshmen hadde enterprysed to haue stolen Calays in the fysshyng tyme / For many bootys of Fraunce had sauf conduytes to come to Calays for to take bee∣ryng / And the soudyours of the toune hadde a customme to come to the chirche and leue theyr stauys stondynge at the chirche dore whiche stauys the Frensshmen which̄ were arayd lyke Fysshers hadde purposed to haue taken soo theyr wepen / and wynne the toune / but one of them laye with a comyn woman the nyght by¦fore / and tolde to her theyr counseylle / And she on the morne told the lyeutenaunt / whiche forthwith commanded that euery man shold kepe his wepen in his hond sacryng tyme and other / And whanne they apperceyued this that they were myspoyn∣ted / they sayled strayte to depe and stale and toke that Toune / And on newyers euen after they toke harflete /

And thus Englysshmen byganne to lose a lytel and a lytel in Normandye /

¶ Capitulum visesimum /

THis yere was a grete noyse thurgh al Englond / how the duck of Bourgoyne wolde come and besyege Calays / wherfore the Erle of mortayn with his Armye that he hadde

for to haue goone with in to fraunce was countremaunded and charged that he shold go to calais. whiche was at that tyme wel vitailled and manned / For sire Iohan Ratclif was lyeutenāt of the kinge in that toune / and the baron of dudeley lyeutenaūt of the castel / and the nynthe daye of Iuill the duke of Burgo∣yne with al the power of Flaundres and moch other peple cam before calais and sette his syege aboute the toune / and euery tou∣ne of Flaundres had their tentes by them self / And this syege en¦dured thre wekes / In the mene while the duc of gloucetre beyng protectour of englond toke the moost parte of the lordes of En∣glond and wente ouer the see to Calays for to rescowe the toun or to fyghte with the duke and his hoost yf they wolde haue by∣den / This tyme london and euery good toune of Englond sente ouer see to this rescowe certayne peple well arayd of the best and chosen men for the warre / And the second day of August the sa∣yd duke of gloucetre arryued at Calays with alle his armye / and fyue honderd shippes and moo / And the duke and alle his hoost that laye in the syege as sone es they espyed the sayllys in the see / byfore they approched calays hauen / sodaynly in a mor∣nynge departed fro the syege / leuyng behynde them moche stuffe & vytaylle / and fledde in to flaūdres and pycardye / and in lyke wyse dyde the syege that laye to fore guynes / where as they of guynes toke the grete gonne of brasse whiche was callyd dyge∣on / and many other grete gonnes and serpentyns / And thenne whanne the duke of gloucetre was arryued with all his hoost / he wente in to flaundres and was therynne enleuen dayes / and dy∣de but lytel harme / excepte he brente two fayr vyllages poperyng and belle / and other howses whiche were of no strengthe / and soo retourned home ageyne / Also this same yere the kyng of scottys besyeged Rokesburgh with moche pepl̄e / but sir Rauf gray depar¦ted fro the castel / and ordeyned for rescows / but as sone as the kynge vnderstode his departyng / he sodaynly brake his syege / and wente hys weye leuynge moche ordenaunce behynde hym / where he gate noo worship / ¶ This yere the second daye of Ianyuer quene katheryn whiche was the kynges moder and wyf to kynge harry the fyfthe deyde and departed oute of thys worlde / and was brought ryally thurgh london / and soo to westmynstre / and there lyeth buryed worshipfully in oure la∣dy chapel / Also this same yere the fourtenthe daye of Ianyuer

fyl doune the gate with a toure on hit on london brydge toward southwerk with twoo arches / and all that stode theron / This yere was a grete trayttye holden bytwene grauenyng and ca∣lays bytwene the kyng and ducke of burgoyne / where for the kyng was the Cardynall of Englond the duck of Norfolke & many other lordes / and for the ducke was the Duchesse hauyng full power of her lord / as regent and ladye of his londes / where was taken by thaduys of bothe partyes an abstynence of warre for a certeyne tyme in the name of the Duchesse / and not of the duke / by cause he hadde goon from his oth and lygeaunce that he had made to kyng harry / therfor the kynge neuer wolde wryte¦ne appoynte ne haue to do with hym after / but all in the duches∣se name ¶ Also this yere quene Iane deyde / the second daye of Inyll / whiche had ben kynge harry the fourthys wyf / and was caryed fro bermondesey vnto Caunterbury where she lyeth bury∣ed by kynge harry the fourth her husbond / This yere deyde alle the lyons in the toure of london / the whiche hadde not be seen in many yeres byfore / oute of mynde

¶ Capitulum 21

IN the xvj yere of kyng harry deyde Sygysmūd Emperour of almayne and knyght of the garter / whos terment the kynge kepte at pawlys in london ryally / where was made a ry∣al herse / and the kynge in his astate cladd in blewe was at euen at dirige / and on the morne at masse / And after hym was elect & chosen Albert duke of ostryche whiche had wedded Sygys∣mundus doughter for to be Emperour / This was taken and res∣seyued to be kyng of boheme & vngary by cause of hys wyf that was sigismundus doughter whiche lefte after hym none other he yer This albert was emperour but one yere / for he was poysond and soo he deyde / somme saye he deyde of a flyxe / but he was a ver¦tuouse man and pytefulle / soo moche that alle the peple that knewe hym sayde that the worlde was not worthy to haue hys presence / In this yere was the kynge of scottys murthred in his chambre by nyght pytously whiche kynge had be prysoner xv ye¦re in englonde / And they that slewe hym were taken afterward & had cruel iustyce / this yere one owayn a squyer of wales a mā of lowe byrthe / whiche had many a day to fore secretely weddyd quene katheryn & had by her thre sones / & a doughter was taken

and commaunded to newgate to prysonne by my lord of glouce∣tre protectour of the Royame / And this yere he brake pryson by the mene of a preest that was his chappelayn / and after he was taken ageyne by my lord bemond / and brought ageyne to newe gate / whiche afterward was delyuerd at large / and one of his sones afterward was made Erle of rychemōd / & another erle of penbroke / and the thyrde a monk of westmynstre / whiche monke deyde sone after / This yere also on newyersday at baynardyscas∣tel fyl̄ doune a stak of wode sodeynly at after none / and slewe thre men mesch yuously and foule hurte other / Also at bedford on a shyreday were eyghten men murthred / withoute stroke by fallynge doune of a steyr / as they cam oute of theyr comyn halle and many foul̄e hurte / In the eyghtenth yere sir rychard beau∣champ the good erle of warwyck deyde at Roan / he beynge that tyme lyeutenaunt of the kynge in normandye / and from thennes his bodye was brought to warwyk / where he lyeth worshipfully in a newe chapel on the south syde of the quyre / ¶ Also this yere was a greete derthe of Corne in al englond / For a busshel of whete was worth fourty pens in many places of Englond / & yet men myght not haue ynowgh / wherfor steuen broun that ty∣me mayer of london sente in to pruse / and brought to london cer∣tayne shippes laden with rye / which easyd and dyd moche good to the peple / For corne was soo skarce in Englond that in some places of englond poure peple made hem brede of fern rotes / This yere the general counseyle of basyle deposed pope eugenye And they chese felyx whiche was duc of sauoye / And thenne byganne the scysme / whiche endured vnto the yere of our lord a MCCCC & xlviij / This felyx was a deuoute prynce / and sa∣we the sones of his sones / and after lyued a deuoute and hooly lyf / And was chosen pope by the counseyllr of basyle / eugenye de¦posed / and soo the scysme was long tyme / and this felyx had not moche obedyence bycause of the neutralyte / for the moost parte and wel nygh al cristendom obeyed & reputed eugenye for veray pope / god knoweth who was the veray pope of them both / for both occupyed durynge the lyf of eugenye / This yere Syr Rychard wiche vycary of hermettesworth was degrated of his prysthode / at powlys / and brente at toure hylle as for an heretyk on saynt Botulphus day / how well at his deth / he deyde a good cristen man wherfore after his dethe moche people cam to the place / where he hadde be brente / and offryd and made a heep••

of stones / and sette vp a crosse of tree and helde hym for a saynt till the mayer and shreues by commaundement of the kynge and bisshops destroyed it / and made there a donghyll. Also this same yere the shreues of london fette oute of saynt martyns the graūte the sayntuarye fyue personnes / whiche afterward were restored ageyne to the sayntuarye by the kynges Iustyces / After Alberte the thyrde Frederyk was chosen Emperour / This Frederyk duke of ostryche was longe Emperour / and differyd for to be crowned at Rome by cause of the scysme / but after that vnyon was had he was crowned with Imperyal dyademe with grete glorye and tryumphe of pope nycholas the fourth / This was a man pesyble quyete and of synguler pacyence / not hatyng the chirche· he wed∣ded the kyng of portyngales doughter /

¶ Capitulum 22

IN this yere dame Elyanore Cobham duchesse of gloucetre / was arestyd for certayne poyntes of treasonne leyd ageyn her / wherupon she was examyned in saynt steuens chapel at west mynstre byfore tharchebisshop of Caunterbury / and ther she was enioyned to open penaunce for to goo thurgh chepe berynge a ••a∣per in her honde / and after to perpetuel prison in to the Ile of man vnder the kepynge of sir thomas stanley / ¶ Also that sa∣me tyme was arestyd mayster thomas southwel a chanō of W••st¦mynstre mayster Iohn hum a chappellayn of the sayd ladyes / mayster Rogyer bolyngbroke a Clerk vsynge nygromancye /

¶And one margery Iurdemayn callyd the wytche of eye ••••syde westmynstre / These were arestyd as for beyng of counseyll with the sayd duchesse of gloucetre. And as for mayster thomas south wel he deyde in the toure the nyght before he shold haue be reyned on the morne / For soo he sayd hym self that he shold dye in his bedde and not by Iustyce / ¶ And in the yere twenty mayster Iohan hum and mayster Rogyer Bolyngbrooke were brought to the guydhalle in london / and ther byfore the mayer / the lordes and chyef Iustyce of Englond were rayned and dampned to be drawen hanged and quartred. but mayster Iohn hum had his chartre and was pardoned by the kynge. but mays¦ter Rogyer was drawen to Tyburne / where he confessyd that he yde gyltles and neuer had trespaced in that he deyd fore /

Notwithstandyng he was hanged heded and quartred / on whos soule god haue mercy / And margery Iurdemayne was brente in Smythfeld / ¶ Also this yere the lord Talbotte had leyde syege to dyepe / but the Dolphyn rescowed it / and wan the bastyle that Englysshmen had made ¶Also this yere was a greete effraye in fletestrete by nyghtes tyme bytwene men of Courte and men of london / and dyuerse men slayne and somme hurte / and one herbotel was chyef cause of the mysgouernaunce and effraye / ¶ Also this yere at the chesyng of the mayer of london the Comons named Robert Clopton and Rawlyn ho∣lond Taylour / And the Aldermen toke Robert clopton & brought hym at the ryght honde of the mayer / as the customme is / And thenne certeyne tayllours and hande crafty men cryed nay naye not this man / but rawlyn holonde / wherfor the mayer that was padysley sente tho that soo cryed to newgate / where they a∣bode a grete while and were punysshed / ¶ In this yere were dyuerse ambassadours sente in to Guyan for a maryage for the kynge for the erles doughter of Armynak· whiche was concluded / but by the mene of therle of Suffolk it was lette & put a part / And after this the sayd erle of Suffolk wente ouer the see in to Fraunce / / And there treated the maryage bytwene the kynge of Englond and margarete the kynges doughter of Secyle and of Ierusalem ¶ And the next yere it was conclu¦ded fully that maryage / by whiche maryage the kynge shold de∣lyuer to her fader the Duchye of Anges. and the Erldome of mayne whiche was the keye of normandye /

¶Thenne departed the Erle of Suffolke with his wyf and dy¦uerse lordes and knyghtes in the moost ryal astate that myghte be oute of Englonde with newe chares and palfrayes / whiche wente thurgh chepe / and soo wente ouer the see / and resseyued her / and syth brought her in the lente after to hampton / where she landed and was ryally resseyued / And on Candelmasse euen byfore by a greete tempeste of thonder and lyghtnyng at after None / Paulus Steple was sette a fyre on the myddes of the shafte in the tymbre / whiche was quenchyd by force of la¦boure / and specially by the laboure of the morowe masse preeste of the bowe in chepe / whiche was thought Inpossyble / sauf only the grace of god / ¶This yere was the erle of stafford made and create Duke of Bokyngham / the Erle of warwyck / Duk

of warwyck / therle of dorsete / marquys of dorsete / and the erle of suffolk was made marquys of suffolk /

¶ Capitulum 23 /

IN this yere kyng harry maryed at southweke quene mar∣grete / And she cam to london the eyghtenth day of maye / And by the waye alle the lordes of englonde resseyued her wor∣shipfully in dyuerse places / and in especial the duc of gloucetre And on blackheth the mayer Aldermen / and alle the craftes in blewe gownes browdred with the deuyse of his crafte that they myghte be byknowen / mette wyth her with reede hoodes / And brought her to london / where were dyuerse pagentis and counte∣naunces of dyuerse historyes she wyd in dyuerse places of the cy¦te ryally and costlewe. And the thyrttyest daye of maye the sayd quene was crowned at westmynstre / ¶ And there was Iustys thre dayes duryng within the sayntuarye to fore thabbay / / This yere the pryour of kylmayn appeled therle of vrmond of treasonne / whiche hadde a day assygned to them for to fyghte in Smythfeld / and the lystys were made and feelde dressyd / But whanne it cam to poynt the kynge commaunded that they shold not fyghte / but toke the quarels in to his owne honde / and this was doone. at the Instaunce and labour of certayne prechours & doctours of london as mayster gylbert worthyngton parson of sa∣ynt Andrews in holborne and other / ¶ Also this yere cam a grete ambassate in to englonde onte of Fraunce for to haue con∣cluded a perpetuel pees / but in conclusion it torned vnto a tr••ews of a yere ¶Aboute this tyme deyde saynt bernardyn a gray frere whiche beganne the newe reformacion of that ordre in many places / in so moche that they that were reformed ben callyd ob∣seruauntes / whiche obseruauntes ben encreaced gretely in Ita¦lye and in almayne / ¶ This Bernadyn was ca∣nonysed by pope nycholas the fyfthe in the yere thousand foure C and fyfty / Iohannes de capestrano was his disciple / whiche pro¦uffyted moche to the reformacion of that ordre / for whome God shewyd many myracles also / Here is to be noted that from this tyme forward kyng harry neuer prouffyted ne wente forward / but fortune beganne to tourne from hym on all sydes / as well in Fraunce / normandye / guyan / as in Englonde / Somme men

holde oppynyon that kyng harry gaf commyssion plenerly to sire Edward hulle Syre Robert roos / the dene of saynt seneryns & other to conclude a maryage for hym with therle of Armynaks suster / whiche was promysed as it was sayd and concluded / But afterward it was broken / for by the mene of the marquys of Suffolke it was broken / And he wedded Quene margrete as a fore is said / whiche was a dere maryage / for the Royamme of Englonde / For it is knowen veryly that for to haue her was delyuerd the duchye of angeo / and the erldom of mayne / which was the keye of normandy for the Frensshmen tentre / And a∣boue this the· sayd marquys of Suffolke axyd in playne parle¦ment a fyftenth and an half for to fetche her oute of Fraunce / Lo what a maryage was this / as to the comparysone of that o∣ther maryage of Armynak / For ther sholde haue ben delyuerd so many castels and townes in Guyan / and so moche good shol∣de haue ben youē with her / that all englond shold haue ben therby enryched / but contrarye wyse fylle / wherfore euery greete prynce ought to kepe his promyse / For bycause of brekyng of this pro¦myse / and for maryage of quene margrete what losse hath hadde the Royamme of Englond / by losyng of normandye and guy∣an by dyuysion in the Royame / the rebellyng of Comons ayenst theyr prynce and lordes / what dyuysyon among the lordes / what murdre & sleyng of them / what feldes foughten & made / ¶In conclusionthat man y a man hath lost his lyf / the kyng deposed the quene with her sone fayne to flee in to scotland / and from thens in to Fraunce / and so to lorayn the place that she cam first fro / Many men deme that the brekyng of the kynges promyse to the suster of therles of Armynack was cause of this grete losse and aduersyte

¶ Capitulum 24

IN the yere xxv. of kynge harry was a parlement at bury callyd saynt edmondes burye / aboute whiche was comman∣ded alle the comyns of the countre to bee there in theyr moost defen¦sable araye for to awayte vppon the kyng / To whiche parlement cam the duc of gloucetre hunfreye the kynges vncle / whiche hadd ben protectour of englonde alle the non age of the kyng / And anone after he was in his lodgyng he was arestyd by the vyse∣counte

bemonde the conestable of Englonde / whome accompanyed the duc of Bokyngham and many other lordes / And forthwith alle his seruauntes were comaunded for to departe fro hym / and two & thyrtty of the chyeef of hem were also arestyd and sente to dyuerse prysons· And v or vj dayes after this sayd arest / the sayd duke was deede / on whoos sowle god haue mercy / But how he deyde and in what manere the Certaynte is not to me knowen / Somme sayde he deyde for sorowe / somme sayde he was murthred bytwene two fetherbeddes / other sayd that an ho∣te spyt was putte in his fundament / but how he deyde god kno∣weth / to whome is noo thynge hydde / And thenne whanne he was soo deed / he was leyd open that al man myght see hym / And so both lordes and knyghtes of the shyres with bourgeyses cam & sawe hym lye deede / but wounde ne token coude they not perseyue how he deyde / Here maye men marke what this world is This duk was a noble man and a grete clerke / and hadde wor¦shipfully ruled this Royamme to the kynges behoef / and neuer coude be founde fawte with hym / but enuye of them that were go¦uernours / and hadde promysed to delyuer the Duchye of An∣geo & the Erldome of mayn caused the destruction of this noble man / For they drad hym that he wolde haue enpesshyd that dely¦uerance / And after they sente his body to saynt Albons with cer¦tayne lyghtes for to be buryed. And soo Syre geruays of clyf¦ton hadde than the charge to conueye the corps / And soo it was buryed at saynt albons in thabbay / And fyue persones of his houshold were sent to london / and ther were rayned and Iuged to be drawen hanged and quartred / of whome the names were Syre Rogyer chamberlayne knyght and myddelton Squyer / her¦bard a squyer arthur a Squyer / and Rychard Nedham / whiche fyue personnes were drawen from the tour of london thurgh c••e∣pe vnto Tiburne / and there hanged and lete doune quyck / and thenne strypt for to hau e ben heded and quartred / And thenne the marquys of Suffolk shewyd ther for them the kynges par¦don vnder his grete seal / and soo they were pardonned of the re∣menaunt of the execucion and had theyr lyues / And soo they were brought ageyne to london / and after frely delyuerd / Thus beganne the trouble in englond for the deth of this noble duke / Alle the comons of the Royamme beganne for to murmu∣re and were not content / After that pope Eugenye was deed ny¦cholas the fyfth was electe pope / ¶This nycholas was chosen

for Eugenye yet hauyng the scisme / Notwithstondyng he gate the obedyence of all cristen Royammes / For after he was electe and ••••••red pope / Certayne lordes of Fraunce and of Englond weere ••••nte in to sauoye to pope Felyx for to entreate hym to cesse of the papacye. And by the specyall labour of the bisshop of norwyche / and the lord of saynt Iohans he cessyd the second yere after that Nycholas was sacred / and the sayd Felyx was made legate of Fraunce and cardynal of sauoye / And resygned the hoole papa∣cye to nycholas / and after lyued an hooly lyf and deyd an holy man / And as it is sayd god shewed myracles for hym / This was the thre and twentyeste Scysme / bytwene eugenye & Felyx / and dured sixtene yere / the cause was this / the generalle counseylle of basylle deposed eugenye whiche was only pope and Indubytate for as moche as he obserued not and kept the decrees and statutes of the counseylle of Counstance as it is sayd / nether he rought not to gyue obedyence to that general counseyll / wherof roo••e a grete alteracion amonge wrytars of this mater pro and contra whiche can not acorde vnto this day / One partye seyth that the counseylle is aboue the pope / that other party sayth nay. But the pope is aboue the counseyll / God blessyd aboue alle thynges gyue and sende his pees in hooly chirche spouse of Cryst Amen / This nycholas was of Iene comen of lowe byrth a doctour of dyuynyte an ac•• yf man / he reedefyed many places that were bro¦ken and ruynous / and dyde do make a grete walle aboute the pa∣lays▪ and made the walle newe aboute Rome for drede of the tur¦kes / And the peple wondred of the ceesynge and resygnynge of Felyx to hym / consyderyd that he was a man of so lowe byrthe And that other was of affynyte to alle the moost part of Crystē prynces / wherof there was a verse publysshed in Rome in this maner / Lux fulsit mundo cessyd Felyx nycholao.

¶ Capitulum 24

IN the yere of kyng harry xxvij beynge trewes bytwene Fraunce and englond a knyght of the englysshe partye na¦med Sir Fraunceys Aragonoys toke a towne of normandy na¦med Fogyers. ageynste the trewes / of whiche takynge byganne moche sorowe and losse / For this was the occasion by whiche the

Frensshe men gate all normandy / This yere a Squyer of englōd named chalons dyde armes with a knyght of Fraunce named Syre lowys de buyel to fore the Frensshe kynge / and ranne the Frensshe knyght thurgh with a spere and slewe hym in the felde ¶ In the yere xxviij was a parlement holden at westmynstre And from thennes adiourned to the black Frerys at london / And after Crystemasse to westmynstre ageyne / And this same yere Robert of Cane a man of the west contre with a fewe ships toke an hole flote of shippes comynge oute of the baye laden with salt / whiche shippes were of pruys / Flaundrys / Holand and Zeland / and brought hem to hampton / wherfor the marchaunt••s of englond beynge in flaundres were arestyd in Brugys / Ipre and other places / and myght not be delyuerd ner theyr dettys dyscharged till they had made a poyntement for to paye for the a∣mendes and hurtes of tho shippes / which was payd by the mar¦chauntes of the staple euery peny / And in lyke wyse the mar∣chauntes and godes beyng in danske were also arestyd and ma∣de grete amendes. This same yere the Frensshmen in a mornynge toke by a trayne thea toune of poūt al arche and therynne the lord Fawconbrydge was taken prysonner / And after that in decem∣bre Roan was taken and lost / beyng therynne the duc of s••mer∣sete edmund / therle of shrewsbury / whiche by appoyntement left pledgys and lost all normandye / and came home / And duryng the sayd parlement the duck of Suffolk was arestyd and sen••e in to the tour / and ther was a monethe / and after the kynge dyd doo fetche hym oute / For whiche cause alle the comyns of En∣glond were in a grete rumour what for the delyueraunce of An∣geo and mayn and after for losynge of al normandye / and in e∣special for the deth of the good duke of gloucetre / in soo moche that in somme places men gadred to geders and made ••em Ca∣pytaynes as blewe berd and other / whiche were resysted and ta¦ken and had Iustyce and deyd / And thenne the sayd parlement was adiourned to leycetre / And theder the kynge brought with hym the duke of Suffolke / And whanne the comon hows vn∣derstode that he was oute of the tour and comen theder / they desy∣red to haue execucion on them / that were cause of the delyueraunce of normandy / and had ben cause of the deth of the duc of glouce∣tre / and had solde gascoyne and guyan / of whiche they named to be gylty the duc of Suffolk as chyef the lord saye / the Bisshop of Saslebury / Danyel and many moo / ¶ And for to pease the

Comons the duck of Suffolke was exyled oute of englond fy∣ue yere / And soo durynge the parlement he wente in to norfolke and there toke shippyng for to goo oute of the Royame in to fraū¦••e / And this yere as he sayled on the see / a shippe of warre cal∣••yd the nycholas of towr mette with his ship and fonde hym ther in whome they toke oute / and brought hym in to theyr shippe / to fore the mayster and Capytayns / And ther he was examyned and atte last Iuged to the deth / And so they putte hym in a Ca¦bon / and his chappellayne for to shryne hym / And that done they brought hym in to douer roode / and there sette hym in to the boot / and there smote of his heede / and brought the bodye a londe vpon the sondes and sette the heede therby / And this was done the fyrst day of maye / Loo what auayleth hym now this delyue¦ueraunce of normandye / And here ye may see how he was rewar¦ded for the deth of the duck of gloucetre / Thus beganne sorowe vppon sorowe and deth for deth /

¶ Capitulum 26

THis yere of our lord a thousand four honderd & fyfty was the grete grace of the Iubilee at Rome / where was greete pardonne / in soo moche that from alle places of Crystendome gre¦te multitude of peple resorted theder / ¶This yere Syre thomas cryell was ouerthrowen at fermygny and many Englysshemen slayne and taken prysonners / ¶This same yere was a grete assemblyng and gaderyng to geder of the Comons of kente in greete nombre / and made an Insurrection and rebellyd ageynste the kynge and his lawes And ordeyned hem a Capytayne cal∣lyd Iohan Cade an Irysshe man / whiche named hym self mor¦tymer Cosyn to the ducke of yorke / And this Capytayne helde these men to geder and made ordenaunces among them & brought hem to blackheth where he made a bylle of petycions to the kyng and hys counseyll / and shewyd what Inyuryes and oppressions the poure comyns suffryd / and alle vnder coloure for to come to his aboue / And he had a grete multitude of peple / And the seuē∣tenth day of Iuyn the kynge with many lordes Capytayns and men of warre wente towarde hym to the blackheth / And whan the capytayne of kente vnderstode the comyng of the kynge with so grete a puyssaūce / he withdrewe hym with his peple to seuenok

a lytil vyllage / ¶ And xxviij daye of Iuyn beynge with drawen and goon / the kynge cam with his armye sette in ordre and enbataylled to the blackheth / and by aduys of his counseyll sente sir vmfrey stafford knyght. and william stafford Squrer two valyaunt Capytains with certayne peple to fight with the capytayne and to take hym / ¶ and brynge hym and his accessaryes to the kynge. whiche wente to seuenock / and there the Capytayne with his felauship mett with hem / and fought ayēst hem / and in conclusion slewe them bothe and as many as abode / and wolde not yelde hem nor flee / Duryng these scarmuche fyll a grete varyaunce among the lordes men and comyn peple beyng on blackheth ageynst theyr lordes and capytayns sayyng playn¦ly that they wolde goo to the capytayne of kente to assyste and helpe hym / but yf they myghte haue execucion on the traytours / beyng aboute the kyng / wherto the kyng sayd nay /

¶ And they sayd playnly that the lord saye tresorer of eng / lond the Bisshop of Salysbury / / the abbot of gloucetre / danyel andtreuylyan and many moo were traytours / and worthy to be ded / wherfor for to plese the lordes meyne and also somme of the kynges hows the lord saye was arestyd and sente to the Toure / of london / And thenne the kynge herynge tydynges of the dethe and ouerthrowynge of the staffords withdrewe hym to london / and fro thennes to kyllyng worth for the kyng ne the lordes dur¦ste not truste theyr owne houshold meyne / Thenne after that the Capytayne had hadde this vyctory vpon the staffordes / anone be toke sire vmfrayes salade and his brygantyns smyten ful of gylt nayles / and also his gylt spores & arayed hym lyke a lord and a Capytayne / and resorted with al his meyne / and also mo than he had to fore to the blackheth ageyne / to whome cam tharchebis∣shop of Caunterbury / and the duck of Bokyngham to the blac∣heth and spake with hym / And as it was sayde they fonde hym wytty in his talkyng and his requestys / and so they departed And the thyrdde daye of Iuyll he cam and entryd in to london with alle his peple / and there dyde make cryes in the kynges na¦me and his that no man shold robbe ne take noo mannes good / but yf he payd for it / and cam rydynge thurgh the Cyte in grete pryde / and smote his swerde vpon / london stone in Canwyckstre∣te / and he beyng in the Cyte sente to the tour for to haue the lord saye / and soo they fette hym and brought hym to the guyldhalle before the mayer and Aldermen / where he was examyned / and

he sayd he wold and ought to be Iuged by his peres / And the comons of kent toke hym by force from the mayer and offycers that kepte hym / and toke hym to a pryeste to shryue hym / And ••r he myght be half shryuen they brought hym to the standard in Chepe / And there smote of his hede / on whoos soule god haue mercy Amen. And thus deyde the lord saye tresorer of Englond After this they sette his heede on a spere / and bare it aboute in the Cyte / And the same day at myle ende crowmer was byheded And the same day byfore at after none the capytayne with certa∣yne of his mayne wente to phelyp malpas hows / and robbyd hym and toke awaye moche goode. And fro thennes he wente to saynt margrete patyns to one gherstys hows / and robbyd hym also. At whiche robbyng dyuerce men of london of theyr neygh∣bours were at it / and toke part with them / For this robbyng the peples hertes fyll from hym / and euery thryfty man was aferd for to be seruyd in lyke wyse. For ther was many a man in lon∣don that awayted / and wolde feyne haue seen a comyn robberye / whiche god forbede / For it is to suppose yf he hadde not robbed / he myght haue gon f••r er he had bee withstonde / For the kynge and alle the lordes of the Royame were departed excepte the lord sca∣les that kepte the toure / And the fyfthe day of Iuyll he dyde do smyte of a mans heede in Southwerke / And the nyght after the mayre of london the aldermen and the Comons of the Cyte con¦cluded to dryue awey the Capytayne and his hooste / and sente to the lord scales to the tour and to mathew gogh̄ a Capytayne of normandye that they wolde that nyghte assaylle the Capytayne with them of kente / And so they dyde and cam to london brydge in to Southwerke / er the Capytayne had ony knowlege therof And they fought with them that kepte the brydge / And the kē∣tysshmen wente to harnoys and cam to the brydge and shot and fought with hem / and gate the brydge / and made them of london to flee / and slowe many of hem. And this endured all the nyght to & fro tyll nyne of the clock on the morne / And atte laste they brent the drawebrydge· where many of them of london were drou¦ned / In which nyght Sutton an alderman was slayne / Rogyer heysaunt and mathew gogh̄ and many other / ¶ And after this the chaunceler of Englond sente to the Capytayne a pardone ge∣neral for him and another for alle his meyne / And thenne they departed from southwerke euery man home to his hows /

¶ And whanne they were al departed and goone / ther were

proclamaciones made in kente / southsex / and in other places / that what man coude take the capytayne quyck or deede shold ha¦ue a thousande marck / And after this one Alysaunder Iden a squyer of kente toke hym in a gardyn in southsex / and in the ta∣kynge the capytayne Iohan cade was slayne / and after byheded and his heede sette on london brydge / / And anone after thenne the kynge cam in to kente / and dyde his Iustyces sytte at caunter¦bury and enquyre who were accessaryes and chyef cause of this Insurrection / And ther were eyght men Iuged to deth in one day and in other places moo / And fro thennes the kyng wente in to southsex / and in to the weste countre / where a lytell byfore was slayne the bisshop of Salysbury / And this same yere were so ma¦ny Iuged to deth that thre and twenty hedes stode on london brid∣ge attones /

¶ Capitulum 27

IN the yere thyrtty the duck of york cam oute of the march of wales with therle of deuenshyre and the lord Cobham with grete puyssaunce for reformacion of certayne Iniuryes and wronges / and also to haue Iustyce on certayne lordes beynge a∣boute the kyng / And toke a felde at brentheth besyde dertford in kent / whiche was a stronge felde / for whiche cause the kyng with alle the lordes of the lande went vnto the blackheth with a grete multitude of peple armed and ordeyned for the warre in the best wyse / And whanne they had musteryd on the blackheth / certa∣yne lordes were sente to hym for to treate and make appoynte∣ment with hym whiche were the Bisshop of Ely and the Bis∣shop of wynchestre / and therles of Salysbury and of warwyk And they concluded that the duck of Somersete sholde be hadde to ward / and to answere to suche artycles as the duk of york shol¦de putte to hym / And thenne the duc of york shold breke his fel¦de and come to the kyng whiche was all promysed by the kyng And soo the kyng commaunded that the duke of somersete shol¦de be had in warde / And thenne the duck of york brake vp his felde. and cam to the kynge and whanne he was come / contrary to the promyse a fore made. the duke of somersete was presente in the felde awaytyng and chyef aboute the kyng and made the duke of york ryde to fore as a prysoner thurgh london / and after

they wolde haue putte hym in holde / but a noyse aroos that the erle of marche his sonne was comynge with ten thousande men to london warde / wherof the kynge and his counseyl fered / and thenne concluded that the duc of yorke sholde departe at his wyl Aboute this tyme byganne greete dyuysyon in spruse bytwene the grete mayster and the knyghtes of the duche ordre whiche we¦re lordes of that countre / For the Comons and townes rebellyd ageynste the lordes / and made so grete warre that at last they cal¦lyd the kynge of pole to be theyr lord / whiche cam & was recey¦uyd and layde syege to the castel of maryenburgh / whiche was the chyef castel and strength of alle the lond / and wanne it / and droofe oute the mayster of danske and alle other places of that lond / And so they that had ben lordes many yeres / lost all theyr seygnorye and possessions in tho landes /

In the yere of oure lorde a thousand four honderd and thre and fyfty the cyte of Constantynople themperyal Cyte of Grece was taken by the turke / the Emperour slayne / and Innumerable cry∣sten peple destroyed and put in Captyuyte / by whiche pryse Cry¦sten feyth perysshed in grece / and the turke enhaunced gretely in pryde / ¶ And the yere of our lord a thousand four honderd & thre and fyfty on saynt edwardes day the quene margaret was delyuerd of a fayre prynce / whiche was named Edward / That same day Iohan norman was chosen for to be mayer of lon¦don / And the day that he shold take his othe at westmynstre / he wente thyder by water with alle the craftes / where a fore tyme / the mayer aldermen and al the craftes / Rode a horsback / whiche was neuer vsyd after / For syn that tyme they haue euer goone by water in barges / ye haue wel vnderstande to fore how that Contrarye to the promyse of the kyng and also the conclusions taken bytwene the kynge and the duke of york at brentheth / the duke of somersete wente not to ward / but abode about the kyng and hadde grete rewle and was made Capytayne of Calays / and rewlyd the kynge and the Royamme as he wolde / wherfore the grete l̄ordes of the Royamme and also the comons were not ple∣syd / for which cause the duke of york the Erles of warwyck and of Salysbury with many knyghtes and squyers and moch̄ peple cam for to remeue the sayd duke of Somersete and other fro the kynge / And the kynge herynge of theyr comyng thought by his counseylle for to haue gone westward and not for to mete with hem / And hadde with hym the Duke of Somersete / the Ducke

Bokyngham / the erle of stafford / therle of northumberlond / the lord clyfford and many other / And what tyme that the Duk of york and his felawship vnderstode that the kyng was departed with these sayd lordes from london / Anone he chaunged his wey and costed the countrey & cam to saynt albons the thre and twen¦tyest day of maye / and ther mette with the kyng. to whome the kynge sente certayne lordes and desyred hem to kepe the pees and departe / but in conclusion whiles they treated on that one syde / therle of warwik with the marche men and other entrid the tou∣ne on that other / and fought ageynst the kynge and his partye / and soo byganne the bataylle and fyghtyng / whiche endured a good whyle / but in conclusion the duck of york obteyned and had the vyctorye of that Iourneye. In whiche was slayne the duke of Somersete / therle of northumberlond / the lord Clyfford and many knyghtes and squyers / And many mo hurt / And on the morne after they brought the kynge in grete astate to london / whiche was lodged in the bisshops palays of london / And anon after was a grete parlament / In whiche parlement the duke of york was made protectour of Englond / And therle of warwik Capytayne of Calays / And therle of Salysbury chauncel••r of englond / and all suche personnes as had the rewle to fore aboute the kynge were sette a parte and myght not rewle as they dyde to fore / In this yere deyde pope nycholas the fyfthe / and after hym was Calyxte the thyrdde / This calyxte was a cat••lane / & an old man whanne he was chosen and continuelly seke / wherfor he myghte not performe his zele and desyre that he had ageynste the turkes conceyued / and the cause of lettynge therof was his age and sekenesse / ¶This Calyxte Institued and ordeyned the feste of the transfyguracion of our lord to be halowed on saint sixtes day in August by cause of the grete vyctorye that they of hungary had ageynste the turkes that same day / he was chosen pope the yere of our lord thousand four honderd and fyue & fyf¦ty / And deyde the yere thousand four honderd and eyght and fif¦ty / that same day that he ordeyned the feste of the transfyguracion to be halowed / In this yere fyll a grete affraye in london ageynst the lombardes / The cause bygan by cause a yong man toke a dag¦gar from a lombard and brake it / wherfor the yong man on the morn was sente for to come to fore the mayer and aldermen / and there for the offence he was commytted to warde / And then ne the mayer departed from the Guyldhalle for to goo hoome to his

dyner / but in Chepe the yonge men of the mercerye for the most parte prentyses helde the mayer and shreues styll in chepe / and wold not suffre hym to departe vnto the tyme / that theyr Felaw whiche was commytted to warde were delyuerd / and soo by for¦ce they rescowed theyr felawe from prysonne / and that / done the mayer and shreuys departed / And the prysoner delyuerd which yf he had be put to pryson had ben in ieopardy of his lyf / & thus beganne a rumour in the cyte ageynst the lombardes / and the sa∣me euenyng the handcrafty peple of the toune aroos and ranne to the lombardes howses / and despoylled and robbed dyuerse of hem / wherfor the mayer and aldermen cam with the honest people of the toune and droof them thens and sente somme of them that had stolen to newgate / And the yong man that was rescowed by his felaws sawe this grete rumour affraye and Robberye en¦siewed of his fyrst meuyng to the lombard / departed and went to westmynstre to sayntuarye / or ellys it had ••osted hym his lyf / For anone after cam doune one Oyer determyne / for to doo Iustyce on alle them that soo rebellyd in the Cyte / ageynste the lombardes. on which satte with the mayer that tyme William ma¦rowe / the duke of Bokyngham and many other lordes for to see the execucion done / But the Comyns of the Cyte secretely ma¦de them redy / and dyde arme them in theyr howses / and were in purpose for to haue rongen the comyn belle / whiche is named bowe belle / But they were lette by sad men / whiche cam to the knowleche of the ducke of Bokyngham and other lordes / and Incontynent they aroos for they durste noo lenger abyde / For they doubted that the hoole Cyte wolde haue arysen ageynste them / But yet neuertheles two or thre of the Cyte were Iuged to deth for this robbery and were hanged at Tyburne / And anone after the kynge / the Quene and other lordes Rode to Couentre / and withdrewe hem from london for thyse causes / And a lytel to fore the duke of yorke was sente fore to Grene∣wych̄ / and there was dyscharged of the protectourshippe / And my lord of Salysbury of his chauncelership / And after this they were sente fore by preuy seal for to come to Couentre / where they were almoost deceyued and therle of warwyck also / and shold haue ben destroyed yf they had not seen well to / &c /

¶Capitulum 28

THis yere were taken four grete Fysshes bytwene Eerethe and london / that one was callyd mors maryne / the second a swerd Fysshe / the other tweyne were whales / In this yere for certayne effrayes done in the north countre bytwene the lord egre¦mond / and therle of salysburyes sones / the sayd lord egremond whome they had taken was condempned in a grete somme of mo¦ney to the sayd erle of Salysbury / and therfor commysed to pri¦son in newgate in london / where whanne he hadde ben a certayne space brake pryson and thre prysoners with hym and escaped / & wente his way / Also this yere therle of warwyk and his wyf wente to calays with a fayr felawship & toke possession of hys offyce / Aboute this tyme was grete reformacion of many mo∣nasteryes of relygyon in dyuerse partyes of the world / whiche were reformed after the fyrst Institucion and continued in ma¦ny places. Also about this tyme the crafte of Enpryntyng was fyrst founde in magounce in Almayne / whiche crafte is multy∣plyed thurgh the world in many places. & bookes ben had grete chepe and in grete nombre by cause of the same crafte

This yere was a grete batayll in the marches bytwene hongary and turkye at a place callyd Septegrade / where Innumerable turkes were slayn more by myracle than by mannes hond / For only the honde of god smote them / Seint Iohn of capestrane was there presente / & prouoked the cristen peple beyng thenne aferd to poursiewe the turkes where an Infynyte multitude were slayn and destroyed / the turkes sayd that a grete nombre of Armed men folowed them / that they were aferd to tourne ageyne / they were holy angels / ¶This yere the prysonners of newgate in london brake theyr prysonne and wente vpon the leedes and fought ageynst them of the Cyte and kept the gate a long while but atte last the toune gate the prysonne on them / and than they were put in fetherys and yrons and were soore punysshed in en∣sample of other / In this yere also was a grete erth quaue in na¦ples / in soo moche that ther perysshed fourty thousand peple that sanke there in to therth / Item In the yere six and thyrtty saynt Osmond sōtyme bisshop of Salysbury was canonysed at Rome by pope Calyxt / ¶And the sixtenthe daye of Iuyll he was translated at Salysbury by the Archebisshop of Caunterbury and many other bisshops / ¶And in August after Syre pyers

de brese•• seneschal of normandy with the capitayne of depe and many other capytaynes and men of warre wente to the see with a grete nauye and cam in to the downes by nyght· and on the morne erly byfore day they londed and cam to Sandwyche both by lande and water / and toke the toune and ryfled and despoil¦led it / And toke many prysoners / and lefte the toune al bare / whiche was a ryche place and moche good therynne / And ladde with hem many ryche prysoners / ¶ In this yere in many places of Fraunce / Almayne / Flaundres / Holond / and Zelond children gadred them by grete companyes / for to goo on pylgre∣mage to saynt mychels mount in normandye / whiche cam fro fer contreyes / wherof the peple merueylled and many supposyd that somme wycked spyryte meuid them to soo doo / but it endured not longe by cause of the longe way and also for lack of vytayll as they wente. ¶ In this yere Raynold pecok / Bisshop of Chychestre was founden an heretyke / and the thyrdde day of De∣cember was abiured at lambhyth in the presence of the Archebis∣shop of Caunterbury and many Bisshops and doctours / and lordes temporall / and his bookes brente at poulus crosse / Ye haue herde to fore how certayne lordes were slayne at saynt Albons / Wherfore was alwey a grutche and wrath had by the eyres of them that were soo slayne ageynst the Duke of yorke / the Erles of warwyck and of Salysbury / wherfor the kyng by thaduys of his counseylle sente for them to london / To whiche place the Duke of york cam the syx and twentyest day of Ianyuer with four honderd men / and lodgeat Baynardys castel in his owne place / And the fyftenth day of Ianyuer cam therle of Salysbu¦ry with fiue honderd men / and was lodged in therber in his ow∣ne place / And thenne cam the dukes of excetre and of Somerse∣te with eyght honderd men / and lay withoute tempelbarre / And the Erle of northumberlonde the lorde egremond / and the Lord clyfford with fyftene honderd men / and lodged withoute toun And the mayer that tyme gefferey boleyn kept grete watche with the Comons of the Cyte and rode aboute the Cyte by Holburn and Fletestrete with a fyue thousand men wel armed and ara∣yd for to kepe the pees / And the fourtenth day of Feuerer therle of warwyck cam to london from Calays wel beseen and wor∣shipfully with six honderd men in reede Iaquettys browdryd with a ragged staf behynde and afore / ¶ And he was lodged atte gray Freres / And the seuententhe daye of Marche

the kynge cam. to london and the quene / And there was a con∣corde and pees made amonge these lordes / and they were sette in pees / ¶And on oure lady day the xxv day of marche a thou∣sand four honderd and eyght and fyfty / the kyng / quene. and all these lordes wente on. procession at powlus in london / and anone after the kynge and lordes departed / ¶In this yere was a gre¦te affray in fletestrete bytwene men of court and men of the same strete / In whiche affray the quenes attorney was slayne.

Capitulum 29

ALso this same yere as the Erle of warwyck was at a coū∣seyll at westmynstre / Alle the kynges houshold meyny ga¦dred them to geder for to haue slayne the sayd erle / but by helpe of god and his frendes he recoueryd his barge / and escaped theyr euyll enterpryse / how wel the Coques cam rennynge oute with spyttes and pestels ageynst hym / And the same day he roode to∣ward warwyk / And sone after he gate hym a commyssion / and wente ouer see to calays / Sone after this therle of Salysbury comyng to london was encoūtrid at bloreheth with the lord aude¦ley / & moche other peple ordeyned for to haue destressid him / but he hauynge knowleche that he shold be mette with / was accōpanyed with his twoo sonnes sir thomas and sir Iohan neuyll / and a greete felawship of good men / And soo they mette / And fough••e to geders / where therle of salysbury wanne the feld / And the lord audley was slayn and many gentill men of chesshyre and moche peple hurte / And therles twoo sonnes were hurte / and go¦ynge homeward afterward they were taken / and had to Chestre by the quenes meyne / ¶ After Calyxte / pius was pope and was chosen this yere 1458 / And he was callyd to fore Eneas an Eloquent man and a poete laureate / he was Ambassa••our of the Emperours afore tyme / ¶ And he wrote in the counseylle of basylle a noble trayttye for thauctoryte of the same. Also he canonysed saynt katheryne of Senys / ¶ This po∣pe ordeyned grete Indulgencys and pardonne to them that wol∣de go warre ageynst the turke / and wrote an Epystle to the grete turke exortynge hym to become crysten / ¶And in the ende he ordeygned a passage ageynste the Turke at Ankone / To

whiche moche peple drewe oute of all partyes of Crystendome / of whiche peple he sente many hoome. ageyne by cause they suffy∣sed not / And anone after he deyde at the sayd place of Ancone / the yere of oure lord a thousand foure honderd and liiij the xiiij day of August / ¶ In the yere eyght and thyrtty of kyng harry the duke of yorke / the Erles of warwyck and of Salys∣bury sawe the gouernaunce of the Royamme stode moost by the quene and her counseylle / and how the grete prynces of the londe were not callyd to counseylle but sette a parte / & not only soo / but that it was sayd thurgh the Royame that tho sayd lordes shol∣de be destroyed vtterly as it openly was shewed atte bloreheth by them that wold haue slayne the Erle of Salesburye / Thēne they for sauacion of theyr lyues and also for the comyn wele of the Royame thought for to remedye thyse thynges / assemblyd them to gyder with moche peple and toke a felde in the west coun¦tray / to whiche the erle of warwyck cam from calays with ma∣ny of thold soudyours / as andrew Trollop / and other / in whos wysedomes as for the warre he moche trusted / and whanne they were thus assemblyd and made theyr felde / the kynge sente oute his commissyons and preuy sealys vnto alle the lordes of hys ro¦yamme to come and awayte on hym in theyr mooste defensable wyse / and soo euery man cam in suche wyse that the kynge was strenger / and hadde moche more peple than the duc of york / and the Erles of warwyck / and Salysbury / For it is here to be noted that euery lord in englond at this tyme durst not dysobe∣ye the quene / For she rewlyd peasybly all that was done about the kynge / whiche was a good symple and Innocent man / And thenne whanne the kynge was comen to the place where as they were / the duck of yorke and his felawship had made theyr felde in the strengest wyse / and hadde purposed veryly to abyden and haue foughten / But in the nyght Andrew Trollop and all the olde Soudyours of Calays with a greete felawshippe / so∣daynly departed oute of the dukes hooste / and wente strayte vnto the kynges felde / where they were resseyued Ioyously / For they knewe the entente of the other lordes and also the ma∣ner of theyr feld ¶ And thenne the duck of york with the other lordes seynge them so deceyued toke a counseylle shortly in that same nyghte and departed from the Felde leuynge behynde them the mooste parte of theyr people to kepe the Felde till on the morne / ¶ Thenne the Duke of

yorke with his seconde sonne departed thurgh walys toward Ir∣lond leuynge his oldest sone therle of marche with the Erles of warwyck and of Salesbury / whiche to geder with thre or foure personnes roode strayte in to deuenshyre / and there by helpe and ayde of one denbam a squyer / whiche gate for them a shippe / whiche coste enleuen score noblys / & with the same shippe sailed fro thens in to garneseye / And there refresshyd them / and from thennes sayled te Calays / where they were receyued in to the cas¦tel by the postern er they of the toune knewe of hit / And the duk of yorke toke shippynge in wales and sayled ouer in to Irlond where he was well resseyued

¶ Capitulum Trisesimum

THenne kynge harry beynge with his hooste in the felde not knowynge of this sodayne departynge on the morne fonde none in the felde of the sayde lordes. sente oute in all haste men to folowe and poursiewe after to take hem / but they mette not with them as god wold / and thenne the kyng wente to ludlowe and dispoylled the castel and the toune / And sent the duchesse of york with her children to my lady of Bokyngham her suster / where she was kepte longe after / And forthwith the kynge ordeyned the duc of somersete Capytayne of Calays / And these other lordes soo departed as a fore is sayd were proclamed rebellys and gre¦te traytours / ¶ Thenne the duke of Somersete toke to hym alle tho Soudyours that departed fro the felde / and made hym re¦dy in alle haste to goo to Calays and take possession of his of∣fyce / And whanne he cam he fonde the Erle of warwyck therin as capytayne / And therles of marche and salysbury also / And thenne he londed by Scales and wente to guysnes / and there he was resseyued / ¶ And it fortuned that somme of tho shippis that cam ouer with hym / came in to Calays hauen by theyr free wylle / For the shipmen ought more fauoure to the Er¦le of warwyck than to the Duke of Somersete /

In whiche shippes were taken dyuerse men· as Ienyn Fynk∣hyll / Iohan felaw / ka••lles and purser / whiche were byheded so∣ne after in Calays ¶And after this dayly cam men ouer See to thyse lordes to Calays / And byganne to wexe strenger and strenger· And they borowed moche good good of the staple /

And on that other syde the duc of Somersete beyng in guysnes¦gate people to hym / whiche cam oute and scarmusshed with them of Calays / and they of Calays with them whiche endured ma¦ny dayes / duryng thus this dayly scarmuchynge / moche people dayly cam ouer vnto thyse lordes / Thenne on a tyme by thaduys of counseylle the lordes at calays sente ouer Mayster Denham with a grete felawship to Sandwyche / whiche toke the toune / And therynne the lord Ryuers and the lord scales his sonne / and toke many shippes in the hauen / and brought hem alle to ca¦lays / with whiche shippes many maronners of theyr free wylle cam to Calays to serue the Erle of warwyck / ¶ And after this the Erle of warwyk by thaduys of the lordes toke alle his shippis and mannyd them wel / and sayled him self in to Irlond for to speke with the duke of yorke / and to take his aduys how they sholde entre in to Englond ageyne / And whanne he hadde ben there and done his erandes / he retourned ageyne toward Ca∣lays / and brought with hym his moder the Countesse of Salys¦bury / And comyng in the west countraye vpon the see the duk of excetre admyral of englond beyng in the grace a dieu accompa¦nyed with many shippes of warre / met with therle of warwyck and his flote / but they fought not / For the substaunce of the pe∣ple beynge with the duke of excetre ought better wyll and more fauour to therle of warwyck than to hym / And soo they depar∣ted and cam to Calays in saefte / blessyd be god /

Thenne the kynges counseylle seynge that these lordes had goten these shippes from Sandwiche and taken the lord Ryuers and his sonne ordeyned a garnyson at Sandwiche to abyde and kepe the toune / And made one mountford Capytayne of the Toune / And that noo man / ne vytaylle ne marchaunt that sholde goo in to Flaundres shold not goo to Calays / Thenne they of Calays seynge this made oute mayster denham and many other to goo to Sandwiche / And soo they dyde / and assaylled the toune by wa¦ter and by lande / And gate it and brought mountford theyr Capytayne ouer see to rysebank and there smote of his heede / And yet dayly men cam ouer to them oute of all partyes of En∣glond /

¶ Capitulum Trisesimum Primum·

ANd after this the sayd erles of marche warwyk and of sa¦lysbury cam ouer see to douer with moche peple and there landed / to whome al the coūtray drewe and cam to london armed And for to late the lordes of the kynges counseylle knowe theyr trouth / and also theyr entente / assemblyd them and told them / that they entended no harme vnto the kynges personne / sauf that they wold putte fro hym suche persones as were aboute hym / ¶And soo departed fro london with a grete puyssaunce toward norhampton / where the kynge was accompanyed with many lor∣des and had made a stronge felde withoute the toun / And there both partyes mette and was foughten a grete bataylle· In which batayll were slayne the duck of Bokyngham / therle of shrowes¦bury / the vysecounte Beamond / the lorde Egremond and many knyghtes and Squyers and other also / And the kyng hym self taken in the felde / and afterward brought to london / And anone afterward was a parlament at westmynstre / duryng whiche par¦lament the duck of york cam onte of Irlond with therle of Rut¦land rydyng with a grete felawship in to the palays at westmes∣tre and toke the kynges palays ¶ And cam in to the parlement chambre / and there toke the kynges place / and claymed the crou¦ne as his propre enherytaunce and ryght / and cast forth in wry¦tynge his tytle / and also how he was ryghtful Eyer / wherfore was moche to doo / but in conclusion it was appoynted and con∣cluded that kynge harry sholde regne and be kyng durynge his naturel lyf / For as moche as he had ben so long kyng / and was possessyd / And after his deth the duke of yorke shold be kynge and his eyres kynges after hym / And forthwith shold be procla¦med eyr apparaunt / And sholde be also protectour and Regence of englonde durynge the kynges lyf / with many other thynges ordeyned in the same parlament / And if kyng harry duryng his lyf wente from this appoyntement / or ony artycle concluded in the sayd parlement he shold be deposed / & the duke sholde take the crowne and be kyng / all whiche thynges were enacted by thaucto¦rite of the sayd parlament / At whiche parlament the Comons of the Royamme beyng assemblyd in the comon hows comenynge and treatyng vpon the tytle of the sayd duc of yorke / sodaynly fyll downe the crowne whiche henge thenne in the myddes of the sayd hows whiche is the fraytour of thabbay of westmynstre / whiche was taken for a prodyge or token that the regne of kyng harry was ended and also the crowne whiche stode on the byest

tour of the stepel in the Castel of douer fyll doun this same yere /

¶ Capitulum 32

THenne for as moche as the quene with the prynce was in the northe / and absented her from the kyng / And wolde not obeye suche thynges as was concluded in the parlement / hit was ordeyned that the duck of york as protectour shold go norward for to brynge in the quene and subdue suche as wold not obeye / with whome wente the erle of Salysbury / Syre Tho∣mas neuylle his sonne with moche peple / And at wakefelde in Crystemasse weke they were alle ouerthrowen and slayn by the lordes of the quenes partye· that is to wete the duk of york slayn therle of Rutland / Syre thomas neuyll and many moo / Therle of Salysbury was taken a lyue and other as Iohan harow of london Capytayne of the foote men / and hanson of hulle / which were brought to pountfret / and there after byheded and theyr he∣des sente to yorke and sette vpon the yates / And thus was that noble prynce slayne the duke of yorke / on whoos sowle & on alle crysten sowles god haue mercy Amen / And this tyme therle of marche beyng in shrewesbury heeryng the deth of his fader / desyred assistence and ayde of the toune for to auenge his faders d••th / And from thennes wente to walys / where at Candelmasse after he had a batayl at mortemers crosse ageynst therles of pen¦broke and of wylshyre / where the erle of marche had the vycto∣rye / Thenne the quene with the lordes of the north after they had distressyd and slayne the duck of yorke and his felauship / came southward with a grete multitude and puyssance of peple for to come to the kynge / and defete suche conclusions as had ben taken byfore by the parlement / Ageynste whoos comynge the Duke of norfolke / the erle of warwycke with moche peple and ordenaunce wente vnto saynt Albons / And ladde kyng harry with hem / And there encountryd to geder in suche wyse and foughte that the duke of norfolke / and therle of warwyk with other of theyr partye fledde and loste that Iourneye / where kynge harry was taken / and wente with the quene and prynce / and his sonne / whiche tho had goten that felde / ¶ Thenne the quene and her partye beynge at theyr aboue sente anone to london / whiche was on Asshwednesday / the fyrste daye of lente for vytaylle / whiche

the mayer ordeyned by thaduys of the aldermen that certayne car¦tes laden with vytaylle shold be sente to saynt Albons to them / And whanne tho cartes cam to crepylgate / the Comons of the cy¦te that kepte that gate toke the vytaylles from the cartes / and wold not suffre it to passe / ¶ Thenne were ther certayne Alder¦men and comeners appoynted to goo to barnet for to speke with the quenes coūseylle for to entrete that the northern men shold be sente home ageyne in to theyr countraye ageyne / For the Cyte of london dredde soore to be robbed and despoylled / yf they had come And thus duryng thys trayttye tydynges cam that the Erle of warwyk had mett with therle of marche on Cotteswold comyng oute of wales with many wallshmen / And that they bothe were comyng to londonward / Anone as these tydynges were knowen the trayttye was broken / For the kyng / quene prynce / and all the other lordes that were with hem departed from saynt albons north¦ward with alle theyr peple / yet er they departed they byheded the lord Boneyle / and Syr thomas cryel / whiche were taken in the Iourneye done in the shroftewysday. Thenne the duchesse of yorke beyng at london and herynge of the losse of the Felde of saynt al¦bons sente ouer see her twoo yonge sonnes George and Rychard whiche wente to vtrecht / And phelyp malpas a ryche marchaūt of london / thomas vaghan squyer and mayster wylliam hatte∣clyf / and many other feryng the comyng of the quene to london toke a shippe of Andwerp for to haue goone in to Zeland / And on that other coost were taken of one Colompne a Frensshman a shippe of warre and he toke hem prysoners / and brought hem in to Fraunce / where they payd grete good for theyr raunsonne / and ther was moche good and rychesse in that shippe /

¶ Capitulum Trisesimum Tercium /

THenne whanne the Erle of marche and therle of warwyk hadde mette to geder on Cottiswold Incontynent they con∣cluded to go to london / And sente worde anone to the Mayer and to the cyte that they sholde come / Anone the Cyte was gladde of theyr comynge hopynge to be relyeuyd by them / And soo they cam to london / And whanne they were comen and hadde spoken with the lordes and astates / thenne beyng there concluded for as

moche as kynge harry was gone with them northward / that he had forfayted his crowne and ought to be deposed acordyng vn¦to the actes made and passed in the last parlement / /

And soo by thaduys of the lordes spirituel and temporel thenne beynge ot london· the erle of marche Edward by the grace of god oldest sone of Rychard duke of yorke as ryghtful heyr and next enherytour to his fader / the fourth day of marche the yere of oure lorde Lix toke possession of the Royamme of Englond at westmynstre in the grete halle. And after in the chirche of the ab∣bay and offryd as kynge berynge the Septre Royall / to whom alle the lordes bothe spirituel and temporell dyde hommage and obeyssaunce as to theyr souerayne / lyege / and lawfull lord and kynge / And forthwith it was proclamed thurgh the Cyte kyng Edward the fourthe of that name / And anone after the kyng roode in his Ryall astate norward with all his lordes for to sub∣due his subgettis that tyme beyng in the north / and tauenge his faders deth / And on palmsonday after he hadde a grete bataylle in the northe countrey at a place callyd Towton not fer fro yorke / where with the helpe of god he gate the felde and had the vycto∣rye· where were slayne of his aduersaryes xxx thousand men & moo as it was sayd by men that were there / In whiche bataylle was slayne the erle of northumberlond / the lord clyfford / Syr Io¦han N••uyll / the Erle of westmerlandes brother / Andrewe Trol¦lop / and many other knyghtes and squyers / ¶ Thenne kynge harry that had ben kynge beynge with the quene and Prynce at yorke / heerynge the losse of that feld and soo moche peple slayn and ouerthrowen / anone forthwith departed al thre with the duc of Somersete / the lord roos and other toward scotland / And the next daye kynge Edward with all his armye entryd in to yorke / and was there proclamed kyng / and obeyed as he ought to be / And the mayer Aldermen and comyns sworne to be his lyege men / and whanne he hadde taryed a while in the north and that alle the countrey there had tourned to him / he retorned southwarde leuynge the Erle of warwyck in tho partyes for to kepe and gouerne that countrey / And about mydsomer after the yere of oure lord god a thousande four honderd and syxty / And the fyrste yere of his regne he was crowned at westmynstre and enoynted kynge of Englond hauynge the hoole possession of all the hoole Royamme / whome I praye god saue and kepe / and sende hym thaccomplysshement of the remenaunt of his rightfull

enherytaunce by yonde the see / And that he may regne in them to the playsyre of almyghty god / herthe of his sowle / honoure and worshippe in this presente lyf / and wele and prouffyte of alle his subgettis / and that there may be a veray fynal pees in al cry∣sten Royames that the Infydeles and myscreauntes may be with∣standen and destroyed / and our feyth enhaunced / whiche in thyse dayes is sore mynuysshed by the puyssaunce of the Turkes and hethen men / And that after this presente and short lyf we maye come to the euerlastyng lyf in the blysshe of heuen / Amen