¶Water of Cowslop Cap .c.xxiiii.
HErba paralisis in latyn. The best parte & tyme of his distil∣lacyon is / the leues / the floures / with all hys substaunce in the begynnyng of the pryme tyme A The same water is good agaynste the payne in the hede comyng of colde / a cloth wet in the same and wrapped aboute the hede / cawsethe to slake the betynge & payne in the hede comyng of colde. B Two tymes dronke in a daye of the same water / at eche tyme an ounce▪ is good for the colde stomake / and warmeth the colde lyuer.
C The same water dronk in the forsayde maner / is good for women that bereth chylde.
D In the mornynge and at nyght dronke of the same water / at eche ty∣me an oūce. puryfyeth the women in the sekenes of theyr floures E In the mornynge and at nyght wasshe the venemous bytes of bestes or other wormes / and clothes wette in the same and layde there vpon / he¦leth them F The same water vsed in the forsayd maner / heleth the bytyng of a mad dogge G The same water dronke thre or four dayes contynuynge / at eche tyme an ounce, wythdryueth the payne in the hede. H The face often wasshed therwith with dryueth the spottys & pymples ī the face / & causeth the skyn̄ to be fayre I Of the same water dronke in the mornynge & at nyghte at eche tyme an ounce. or an ounce & a halfe .viii. or .x dayes contynuyng / is good for the grauell in the limmes.