The noble experyence of the vertuous handy warke of surgeri, practysyd [and] compyled by the moost experte mayster Iherome of Bruynswyke, borne in Straesborowe in Almayne ... Item there after he hath authorysed and done it to vnderstande thrugh the trewe sentences of the olde doctours and maysters very experte in the scyence of surgery, as Galienus, Ipocras, Auicenna, Gwydo, Haly abbas, Lancfrancus of mylen, Iamericus, Rogerius, Albucasis, Place[n]tinus, Brunus, Gwilhelmus de saliceto, [and] by many other maysters whose names be wryten in this same boke. ... Item yf ye fynde ony names of herbes or of other thynges wherof ye haue no knowlege, yt shall ye knowe playnly by the potecarys. Item here shall you fynde also for to make salues, plasters, powders, oyles, and drynkes for woundes. Item who so desyreth of this science ye playne knowlege let hym oftentymes rede this boke, and than he shall gette perfyte vnderstandynge of the noble surgery

¶ Of the brekyng of the shynne. Ca. lxxiij. (Book 73)

IN the shynne be. ii. bones somtyme they be brokē bo¦the / somtyme brekyth the greate pype / somtyme the lytell pype. As the greate pype is broken / then is y^e fracture behynde. If the small pype is broken / thā the fracture is before on the shynne / but the grete is more peryllous thā the small. And as they bothe be broken that is moost peryl Then it is needly to haue al your gere redy by you that therto belongeth or serueth.

Than must ye haue. ii. seruauntes / the one to holde the knee / and the other the fete. & cō¦maunde to pull in al maner / and to be redy as I haue lerned you in the. ixv chaptre. of the brekynge of the armes. felynge w^t your hande yf it stande vpryght / and loke yf the broken legge is a lytel lenger than the hole legge. In lyke wyse loke yf the hole legge is croked or not. And bynde it than will, a clothe depte in oyle of roses / or with y^e pow¦der of waltstone / with y^e baundes and splē¦tes. And the splentes must be longer in the brekynge of the legge than in the brekynge of the arme. and with the small cordes / & pypes. Je shall aske the pacyent as it stan∣dyth in the same chaptre / y^t ye may knowe yf it be ryght bounde or not. And take he de that ye bynde hym not to styfe / wherby the pacyent myght come in grete harme / payne and fere. And sholde hym brynge in parali¦sys / and the pacyent myght also by the har∣de byndyng lyse that membre. And defende the place with the defensyuum. and bewa∣re you of the harde byndynge. And let hym blood on the hande / and holde hym in y^e rule in his drawght goynge. And ye shall dresse hym in. iij. or. iiii. dayes onys. ¶ If that legge be broken with a wounde / than loke yf ther ony bones be beparted / they shall be taken out. And fere you not yf y^e mary goth therout. Sowe the wounde / & than make vpryggt the bone agayne / & sett it to gyder and make splentes / but doo so that ye maye se to the woūde at euery daye. To these bre¦kynge of the legge be sondry maners of splē¦tes. Je shal make a hole forme after y^e grete¦nes and length of the legge / ther as the ieg∣ge shall be layde in with y^e byndynge This woūde is sore deedly / but fere not so moche the fracture as the wounde. It is nedeful to defende the wounde from the impostumcyō with the defensyuum / and mundificatiuū / that no grete moystnes nor swerynge come therto / for the pacyent myght therof dye.

Therfore it is nedely to loke therto at eue∣ry daye onys / and thā yf irnedyth the bone shall be ryghtyd without payne. And vpon the seme strawe the powder of the sowynge Than hele the wounde / lyke the woūde w^t the brekynge of the arme / or in the shulder & rule the pacyent in etynge and drynkynge as I haue often aforesayde.