To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
ENulacāpana is called ••orshelme, the vertue 〈◊〉〈◊〉 ••his herbe is thys yf a man haue wagginge teth and he eate of thys herbe, they shall fasten agayne, it helpeth a man to make water yf it be dron∣ken
it deliuereth a womā of a dead chylde, it is good for the chough it hardeth a mās wōbe it is hote and moyst.
Thys herbe is called endiue or southystle, hys vertue is yf ye ioyce therof be medled wyth hote water & dronken it helpeth the stoppynge of the mylte and of the lyuer. It is good to heale the ••elowe euyll and y• feuer tercian. It is good for hole postumes and for to swage greate hetes of the lyuer & of the stomake and it is colde and moyste.
¶Thys herbe is named Skyr∣wyte, This herbe hathe leues lyke to Byllerin but they be not so lōge & it hath a greatter more, hys ver∣tue is the leues be good to heale a mannes mouthe, yf it be holden longe therin. Also the ioyce of thys herbe sodden & afterwarde drōken
it destroyeth the blacke colour. Also this herbe oft vsed styrreth a man to lechery and to make water, Also the more stamped and medled with oyle and hony clenseth aman¦••es chynne yf it be anoynted ther∣with. Also the ioyce therof dronkē delyuereth men and women of the coughe, for it is hote and drye.
Thys herbe is called Eufrasy•• it is good for eyes and hath a lyt∣tell ragged lefe.
This herbe is called walwort, it hath leaues lyke to Elder leaues it hath a longe stalke, the vertue of thys herbe is good to destroye the dropsy, scabbes and ••etters and it draweth ••waye wicked humours out of a man, thys herbe is hote and drye.
Thys herbe is called Iuy, thys herb is lyke to brayn, y• vertue ther of is. If it be sodden in wine, tyl it be thycke, & then lay it al hote to a bot••h and it shal breke it. Also if y• haue ōny aking in the head take ye ioyce therof & oyle of roses & white wyne & medle it together & anoynt thyhead therwith and thou shalbe hole therof.
Thys is an earth Iuy, it hathe leues lyke to Catmynt but they be not so muche, and hath a reddy flo¦wer, ye vertue of thys is yf it be so∣den in Swynes grece, it is a good oyntment for al maner aches.
Thys is called ••lary, this her be hath leues like to Sauge but y• leues be broder & ••ounder, his ver¦tue is if he be put in potage it wyll make the fleshe tender.
Thys Pellyter of spayne, or
lunge worte. Thys herbe hathe le∣ues much like to pedelion, but thei be not so much slyt without and it hathe a flower as it were a Pars∣neb, hys vertue is if he be put into the nosethrylles of a man, it wyll make hym to nese. Also it healethe scabbe, the morphewe, and tetters. Also it purgethe a man of wycked coloures of the flewme, and of the Emerodes yf he be layd to ye place that is deseased. Also for the tothe ache it is good yf it be sodden in A sell and kepe it as hote as he maye suffer in hys mouthe and it good to purge a mannes stomake and wombe. Also the powder therof putte in grewell shal slee wormes and the ioyce medled wyth mylke sleeth flyes, it is hote and drye.
¶Thys is called Pedelyon hys leues be muche lyke to lunge wort but they be not so white, & it hathe
a brode flower & a blacke rote, hys vertue is if it be made in pouder it wyl destroye and slee rattes & thys herbe is hote and drye.
¶ This herb is called lyuerwort, hys vertue is to destroye & clense ye hardnes of ye lyuer. Also if it be me¦dled wt fresh grece it wyl hele woū¦des and it is good to hele the feuer quartayne.
Thys herbe is named Foxgloues.
☞This is the lesse Walwort. It is somwhat lyke to Walwort and the leues be a lytell redde.